Hawaii 2023

Kasım 2023 - Aralık 2033

Wir tauschen das regnerische und triste Wetter in der Schweiz gegen Sonnenschein auf dem Inselstaat der USA, und das für den ganzen November! 💦🌺🏝️☀️ Okumaya devam et

Şu anda seyahat ediyor

Artan tarih

Gezgin Hawaii 2023
- Geziyi göster
- Yapılacaklar listesine ekleYapılacaklar listesinden çıkar
- Paylaş
- 25 Kas 2023 18:16
- ⛅ 23 °C
- Yükseklik: 6 m
- Amerika Birleşik Devletleri Hawaii Kauai County Puupehu (historical)Hanalei River 22.212494, -159.49691122°12’45” N 159°29’49” W
Gün 21
Chiller Tag 😌
25 Kasım 2023, Amerika Birleşik Devletleri ⋅ ⛅ 23 °C
Mir si hüt wider sportlech i Tag gstartet u si e Rundi am Golfpark entlang ga jogge. 🏃‍♀️ Fasch wie ds Buchsi aube nume chli heisser. ☺️ De heimer daheime gmüetlech Zmorge gässe u si ner zum Kilauea Lighthouse gfahre. 💡 Dert heimer ame Ussichtspunkt es paar Föteli gmacht u si ner witer zum Hideaway Beach. 🌊 Dä Strand het üs aber irgendwie nid so pässlet, drum simer gad witer u wider a Hanalei Bay gange. 🏖️ Dert heimer ner so ds säge dr ganz Nami verbracht u eifach chli gsünnelet. 🌞 Natürlech heimer o no chli Yatzy gspielt. 🎲 Es steit mittlerwile 6:3 für d Corinne. 💪🏻 Ufem Heiwäg heimer de bime Thai Food Truck üses Znacht gholt u daheime uf üsem schöne Terrässli gässe. 😋Okumaya devam et
Çeviriyi gör
7 beğeni
Gezgin Hawaii 2023
- Geziyi göster
- Yapılacaklar listesine ekleYapılacaklar listesinden çıkar
- Paylaş
- 26 Kas 2023 18:33
- ☁️ 23 °C
- Yükseklik: 41 m
- Amerika Birleşik Devletleri Hawaii Kauai County Kupolo Lihue Airport 21.983307, -159.34236121°58’60” N 159°20’32” W
Gün 22
Heliflug 🚁
26 Kasım 2023, Amerika Birleşik Devletleri ⋅ ☁️ 23 °C
Hüt gäge Mittag simer a Flughafe gfahre. Dert heimer am 13:45 üse doors-off Heliflug gha. 🙌🏻 Mir si es bizeli nervös gsi u hei üs meega gfröit. ☺️ Zersch hets es Safety Briefing gä u si hei üs aues erklärt. 🤓 När isch dr Pilot üs cho abhole u het d Sitzordnig düregä. 💺 Mir hei Glück gha u hei vore näbem Pilot dörfe hocke. 🤩 De isches losgange u mir si abghobe. 🚁 Mir hei einisch die ganzi Insle umrundet u hei so viu schöni Sache gseh. Zum Bispiu dr Waimea Canyon womer am Mänti dinne si ga wandere, d Napali Coast wome ohni Boot oder Heli gar nid häre chunnt u viu Wasserfäu uf dr ganze Insle verteilt. 🤩 O we ds Wätter nid so perfekt isch gsi, simer vo dere spezielle Landschaft fasziniert u das Abentür het sech glohnt. 😇 Womer wider am Bode si gsi, simer wider gäge hei zue gfahre u hei ungerwägs no es paar Stopps fürs Lädele gmacht und mir si o no fein im Panda Express ga ässe. 🐼Okumaya devam et
Çeviriyi gör
Gezgin adventure pure 😅😀
27.11.2023YanıtlaÇevirmek
8 beğeni
Gezgin Hawaii 2023
- Geziyi göster
- Yapılacaklar listesine ekleYapılacaklar listesinden çıkar
- Paylaş
- 27 Kas 2023 18:39
- ☁️ 25 °C
- Yükseklik: 76 m
- Amerika Birleşik Devletleri Hawaii Honolulu County Kapahulu Waikīkī Shell 21.272274, -157.821521°16’20” N 157°49’17” W
1
Gün 23
Reise nach Honolulu ✈️
27 Kasım 2023, Amerika Birleşik Devletleri ⋅ ☁️ 25 °C
Hüt isch d Reis uf die letschti Insle agstande. ✈️ Drum simer am Morge a Flughafe gfahre u hei dert üses Mietouto abgä. 🚗 O dasmau isch d Abgab mega eifach u schneu gange. Am Flughafe isch de o aues ganz schneu gange u mir si zwöi Stund vor Abflug am Gate ghocket. 😅 Es isch sone chline Flughafe gsi, dasmer nimau chli hei chönne lädele. Drum heimer 1 gäge 100 gluegt und ar Ariane d Düme drückt. 🤞🏻 De heimer ändlech i Flüger chönne und si abghobe. Es isch zimmli e unruhige Flug gsi, drum simer froh gsi, dasmer nach 40min scho wider glandet si. 🙈 Miteme Uber simer ner i üses Hostel und hei dert ichegget. De simer gad los wüumer vor Hunger fasch zämeklappet wäre. 🫣 Mir hei nid wit vo üsem Hostel e super Food Truck gfunde u hei üs dert mit feinem Ässe verpflegt. 😋 Ner simer no chli uf Shopping-Tour, si aber erfouglos gsi. Zim Schluss simer no am Waikiki Beach ufene Jogging Rundi. 🏃‍♀️ Da ischme ändlech fasch chli i Wiehnachtsatimmig cho, mit dr ganze Belüchtig am Strand nah. 🎄Okumaya devam et
Çeviriyi gör
Gezgin 👍🏻😍
28.11.2023Yanıtla
7 beğeni
Gezgin Hawaii 2023
- Geziyi göster
- Yapılacaklar listesine ekleYapılacaklar listesinden çıkar
- Paylaş
- 28 Kas 2023 18:23
- ⛅ 25 °C
- Yükseklik: 79 m
- Amerika Birleşik Devletleri Hawaii Honolulu County Ka‘alāwai Diamond Head 21.26349, -157.8050121°15’49” N 157°48’18” W
2
1
Gün 24
nid so üse Tag 🙈
28 Kasım 2023, Amerika Birleşik Devletleri ⋅ ⛅ 25 °C
Hüt Morge i auer herrgottsfrüechi simer erwachet u hei wägem Lärm nümme chönne pfuse. 🫣 Ds Hostel sich dasmau würk nid guet u drum heimer am Morge am 02:30h Plan B gschmidet u es nöis Hotel buechet. 🏨 Mir hei ner de ändlech nomau chönne pfuse u si ner de nachem Zmorge zum Diamond Head gloffe. 🥾 Das isch e Krater, wo quasi ds Wahrzeiche vo Waikiki isch. Zum Ufeloufe isch no aues bestens gsi aber wimer bim richtige Trail si acho, hets afa schiffe wie us Chüble. ☔️ Ds Oberst ufem Krater het me ke Meter wit gseh u so simer gad rächt enttüscht gsi. 😔 Ner simer pflotschnass zrügg is Hostel u hei üs angers agleit. 👕 Ner simer zu Pearl Harbor u hei üs dert chli informiert über de Agriff 1941. Ou d Fahrt uf ds USS Arizona Memorial heimer gmacht. 🚢 Das isch rächt idrücklech gsi. Ner isch de dr Hotelwächsu agstande. Mit Sack und Pack simer dür ganz Waikiki gloffe. 😅 Es het sech glohnt, mir hei ize es super Zimmer! Ou d Sunne het sech wider mau zeigt u de simer no a Strand ga bade u dr Sunneuntergang gniesse. ☀️🌇Okumaya devam et
Çeviriyi gör
Gezgin da isch ömu ds lache scho wider zrugg!👍👍👍
29.11.2023YanıtlaÇevirmek
Gezgin not amused???
29.11.2023YanıtlaÇevirmek
Gezgin nei simer gar nid gsi 😒
29.11.2023YanıtlaÇevirmek
Başka 3 yorum
8 beğeni
Gezgin Hawaii 2023
- Geziyi göster
- Yapılacaklar listesine ekleYapılacaklar listesinden çıkar
- Paylaş
- 29 Kas 2023 20:13
- ☁️ 23 °C
- Yükseklik: 29 m
- Amerika Birleşik Devletleri Hawaii Honolulu County Waikīkī Helumoa (historical)21.280415, -157.83117521°16’49” N 157°49’52” W
2
Gün 25
Dr letscht Tag uf Hawaii 🌺
29 Kasım 2023, Amerika Birleşik Devletleri ⋅ ☁️ 23 °C
Hüt simer richtig erholt erwachet. 😇 Leider hets scho wider grägnet u üsi Chleider vo gester si immer noni troche gsi. ☔️ Drum heimer nomau gwäsche u tumbleret, dasmer nüt nasses müesse mit hei näh. 💦 Nachem Zmorge simer de no die letschte Mitbringsel ga ichoufe. 🎁 Ner heimer üs es Cheescake ir „Cheescake Factory“ gönnt. 🍰 Mir hei no gwärweiset, obmer zwöi Stück söue näh. Zum Glück heimer das nid gmacht wüu mir hei das deftige Stück fasch nid möge. 😅 Vom vile Rahm isches üs ner bau schlecht worde. De simer is Hotel zrügg u hei ufem Heiwäg die Kaloriebombe chli verdout. 😌 Ner heimer ds Check-in gmacht für morn u si de nomau a Strand füre u hei am Meer tschüss gseit. 👋🏻🌊 De simer hei ga fertig packe u ner i Panda Express ga Znacht hole. 😍 Hüt heissts früech is Bett ga, wüu morn am 04:30 geits los richtig Flughafe. ✈️Okumaya devam et
Çeviriyi gör
Gezgin de gueti heireis!
30.11.2023YanıtlaÇevirmek
Gezgin mercii 🥰
30.11.2023YanıtlaÇevirmek
Gezgin Wau es mega guets Föteli🥰
30.11.2023YanıtlaÇevirmek
Gezgin Flip flop u wiehnacht!!!!
30.11.2023YanıtlaÇevirmek
5 beğeni
Gezgin Hawaii 2023
- Geziyi göster
- Yapılacaklar listesine ekleYapılacaklar listesinden çıkar
- Paylaş
- 30 Kas 2023 15:42
- ☀️ 17 °C
- Yükseklik: 31 m
- Amerika Birleşik Devletleri California Los Angeles County Westchester Los Angeles International Airport 33.946195, -118.40637733°56’46” N 118°24’23” W
Gün 26
Heireis ✈️
30 Kasım 2023, Amerika Birleşik Devletleri ⋅ ☀️ 17 °C
Hüt am 04:00 isch dr Wecker gange. ⏰ Mir hei üs parat gmacht u si a Flughafe gfahre. Dert heimer ner wöue ichecke aber vor Delta isch wit u breit ke Mönsch ume gsi. 😅 Di hei äue nid so früech uf möge wie mir. 😴 Wo de doch no e Schauter isch ufgange, heimer üses Gepäck chönne abgä u hei d Tickets becho. 🙌🏻 Si hei scho am Gate düregä, dases e unruhige Flug chönnt wärde, wüus um di hawaiianische Insle chli Wätterfronte het. ☔️ So isches de o gsi, aber es isch aues guet gange u mir hei o no chli chönne schlafe. 😇 Mir si de sogar e haub Stund ds früech ds Los Angeles glandet. ☺️ U de heimer gmerkt, dass dr Flug vo LA uf Paris o no 1,5 Stund Verspätig het. Drum heimer ize hie e gmüetlechi Umstigezyt u mir chöi üs no öppis ds ässe gönne. 😋Okumaya devam et
Çeviriyi gör
Gezgin Witerhin gueti Heireis✈️
1.12.2023YanıtlaÇevirmek
5 beğeni
Gezgin Hawaii 2023
- Geziyi göster
- Yapılacaklar listesine ekleYapılacaklar listesinden çıkar
- Paylaş
- 2 Ara 2023 00:14
- 🌧 1 °C
- Yükseklik: 559 m
- İsviçre Canton de Berne Thun Westquartier Thun 46.754456, 7.62977746°45’16” N 7°37’47” E
Gün 28
Home Sweet Home 🥰
2 Aralık 2023, İsviçre ⋅ 🌧 1 °C
In Los Angeles het dr Flug de nomau meh Verspätig gha, wüusi ds System nomau hei müesse nöistarte. 😅 Wo de aber aui nache si gsi, heimer dä 10h-Flug i Agriff gno. 🙌🏻 Mir hei im Flüger sogar e ganzi Reihe für üs gha. Er isch öppe nume haub usglastet gsi. 🤩 Am Afang isch d Zyt chum verbi gange u mir hei o nid chönne schlafe. 🙈 Ir zwöite Heuft simer de langsam müed worde u hei chönne pfuse. So isch de Paris ner schneu nöcher cho. 😌 Dert heimer wider müesse umstige u dasmau isch dr Flüger pünktlech gstartet u ner sogar ds früech ds Züri acho. 🥳 Mir si vor Michelle u vom Grosi u Ätti empfange u uf Thun gchauffiert worde - MERCI viu mau!! 🥰 Dr Schnee het die Fahrt chli lenger u lengsemer gmacht, aber es isch so schön gsi! ☃️ Daheime het ner die nächsti Überraschig gwartet. Ds Mami u dr Jona hei sech id Wohnig gschliche u no paar feini Sache bachet. 😍 Chli später si de o no Mama u Papa Grimm derzue cho. So heimer dr Abe gmüetlech mit üsne Liebste verbrunge u heis gnosse. Daheime isches äbe glich am schönste! 🤩🏡

So geit üses Abentür Hawaii ds Änd. 🌺 Mir hei mega viu schöni Sache erläbt u si miteme Rucksack vouer schöne Erinnerige wider hei cho. 🥰Okumaya devam et
Çeviriyi gör
7 beğeni