Atur ulang pencarian
Panama bis KanadaPanama bis Kanada
SatelitEdit rute

Panama bis Kanada

November 2022 - April 2023
Petualangan 160-sehari oleh Larissa & Erich Baca selengkapnya
  • 81footprint
  • 6negara
  • 160hari
  • 613foto
  • 2video
  • 37,2kkilometer
  • 26,6kkilometer
Ikuti Kalender Bagikan Daftar bucket
Tanggal naik
  • Panama bis Kanada
    1
    Hari 57

    Agua blanca

    17 Januari 2023, Meksiko ⋅ ⛅ 28 °C

    Am morge simmer als erst üses auto go abhole. Denn hämmer üs no e mexikanischi simcharte gholt, damit mer immer mobil sind. Denn hed sich definitiv de hunger gmäldet, well mer eh au no sunnecreme und wasser brucht hend simmer ine grosse lade ond hend üs det brötli posted. I dem Lade heds au no so en kuscheltierli-automat gha, wösseder was ich meine? So eine mit griifarm wommer mues stüüre ond versueche es tierli z fische. Mit em erich chammer a so eim natürlich ned verbi laufe ohni ehn uszprobiere ond so esch üses auto zu sim name "piggy" ond sim maskottchen am "heilige pignotius" cho 😂
    Mer send denn ane strand gfahre zum zmörgele...wobi mittlerwiile eher zmittag 🤔
    Vo det us hemmer de chli googled ond gforscht womer äne wennd. Mer händ üs för agua blanca entschiede, nöch, schöne strand, vill restauräntli ond es schöns, günstigs air bnb. Mer sebd also det hiigfahre, hend icheckt ond sind denn a strand, hend es sunneuntergangsbierli gno ond denn imne strandresti gässe 😊    Baca selengkapnya

    Lihat terjemahan
  • Panama bis Kanada
    1
    Hari 58

    Mazunte

    18 Januari 2023, Meksiko ⋅ ☀️ 29 °C

    Am nächste tag vo üsem roadtrip simmer mal wiitergfahre ond glii is härzige dörfli Mazunte cho. Es esch es touristischs hippiedörfli voll backpacker, lädeli, restauräntli ond bars. Natürlich heds au e wonderschöne strand. Zerst simmer mol öpis go zmorge/zmittag ässe ond denn i üses air bnb icheckt. Det heds dank de klimaalag zerst mal e erfrüschendi siesta gä. Wo die schlimmst mittagshitz verbi gsi esch simmer a strand: bädele, sünnele ond i de strandbar höckle 😊.
    Am obig hemmer de im dörfli sälber no e härzigi bar gfunde womer de obig la usklinge hend...    Baca selengkapnya

    Lihat terjemahan
  • Panama bis Kanada
    26
    Hari 59

    Crucecita

    19 Januari 2023, Meksiko ⋅ ⛅ 28 °C

    Üse nächsti stopp esch s städtli crucecita gsi. Es hed jede menge hotels da, die meiste aber völlig usgstorbe....fast chli unheimlich, wie e geisterstadt. Üses hotel esch aber sehr schön gsi, vorallem d ussicht! Im stadtzentrum heds de doch no vill lüüt gha, huufe lädeli, restaurants ond food ständ. Langsam merkemer aber dass mer mit üsem limitierte spanisch a aschlag chömed, werd ziit för de spanisch kurs nächst wuche 😉
    Mer hend da de strand ond s städtli gnosse ond sind am obig ine cooli bar go znacht ässe....eigentlich hemmer nachos welle als vorspiis teile ond denn no öpis anders ässe, aber mer hend ned mal d vorspiis möge 😅    Baca selengkapnya

    Lihat terjemahan
  • Panama bis Kanada
    Hari 60

    Nomol Mazunte

    20 Januari 2023, Meksiko ⋅ ☀️ 29 °C

    Wells üs in mazunte so guet gfalle hed ond mer i 2 täg eh weder in puerto escondido müend s auto abgäh ond mer ned a eim tag mega wiit wend fahre, hemmer üs entschlosse nomol uf mazunte z ga. Dasmal hemmer üs es cools hotel gno wo ned so tüür gsi esch 😊 nachdem mer das am morge entschiede ond bueched hend simmer zerst mal go zmörgele. Denn simmer uf mazunte gfahre, go ichecke ond denn a strand. Mer händ gsünneled, bädeled ond spiili gspielt. Nachere duschi im hotel simmer go znacht ässe ond denn no uf en schlummi i üsi lieblingsbar vom letschte mal 😁Baca selengkapnya

    Lihat terjemahan
  • Panama bis Kanada
    124
    Hari 61

    La Punta

    21 Januari 2023, Meksiko ⋅ ☀️ 29 °C

    Die letscht nacht vo üsem roadtrip hemmer in la punta verbracht. D irina esch uf ehrere wältreis 2 wuche det am surfe ond spanischlehre gsi ond hed üs das wärmstens empfohle 😊 i de letschte 5 jahr hed sich de ort aber stark verändered, jetzt eschs en hippe backpacker ort met vill lädeli, restis, bare ond vorallem jede menge lüüt. De gmüetlich ond entspannti vibe esch aber immer no vorhande.
    Ufen wäg det hi hemmer nomol amne strand ghalte zum chli bädele, nachär hemmer det im hostel icheckt ond zerst mal uf de dachterasse es biet trunke. Denn simmer chli durs städtli gschländeret ond spöter de sunneuntergang am strand go luege 😍
    Zum znacht hed üs d irina es chliises örtli empfohle, wos anschiinend de besti burrito ged, ond mer send ned enttüscht worde! Völlig öberässe simmer de zrug is hostel ond grad is bett 😅    Baca selengkapnya

    Lihat terjemahan
  • Panama bis Kanada
    211
    Hari 69

    Puerto Escondido

    29 Januari 2023, Meksiko ⋅ ☀️ 28 °C

    Die ganz letscht wuche hemmer imne spanisch- und surfcamp verbracht. Gschlafe hemmer inme hotel, well d unterkünft vom camp scho usbuecht gsi sind. Es esch ganz ungwohnt gsi weder mal so e greglete tagesablauf z ha, immer s gliiche, wüsse was eim erwarted 😅
    Üsi täg händ wie folgt usgseh:
    Am 5.40h lüüted de wecker. Mer kämpfed üs ohni vill z rede usem bett ond is badzüg ond schliched denn liislig usem hotelzimmer, verbi a de huuseigene bäckerei wo mer gsehnd wie s brot bached wird womer spöter zum zmorge wärded ässe 🤭
    Mit üsem roller, em roberto, fahremer dur die dunkle strasse zu de surfschuel ond am 6.15h hockemer scho im büssli wo üs a strand fahrt. Mit em erste tagesliecht möchemer üs ready ond stürzed no vor sunneufgang id wälle. De grossi vorteil a dere uhrziit: es hed no ned so vill lüüt. D luft esch no rächt früsch aber s wasser deför agnähm warm. Abwächsligswiis paddlemer zu üsem surflehrer wo üs tipps gid, hilft uszsueche weli wälle mer söled näd ond üs wenn nötig no chli id wälle schüpft 😉 währedem warte chammer die wondervolle farbe churz vorem sunneufgang bewundere: rosa, rot, orange, gälblich, alli blautön. Im hintergrund gsehd mer schemehaft die hügelig landschaft vom festland, devor die letschte liechter vo de schlafende stadt. Immer wieder stürzt sich e pelikan zwüsched die wartende surfer ond schnappt sich e fisch. Vill ziit zum all das gnüsse bliibt aber ned, d wälle send eifach z phantastisch! Es esch en pointbreak, alli wälle bräched schön am gliiche ort vo rächts nach links wäg. Sobald die erste sunnestrahle über de nächst hügel chrüücht chömed au scho wiiteri surfschuele ond langsam werds voll ond mer muess ufpasse dass mer niemert umfahrt (oder umgfahre werd 🤭).
    Aschlüssend fahremer zrug id surfschuel ond mitm roller weder is hotel. Det geds zerst mal e warmi duschi ond denn es usgiibigs zmorge. Es esch erst halbi 10ni, mer müend erst am halbi 1 im spanisch si, also gönnemer üs nachem zmorge no en siesta - so früeh ufstah esch sträng 😅
    Churz vorem 12i möchemer üs mit em roller uf id stadt. De erich chauft sich e kaffi, ich e früsch presste fruchtsaft. So möchemer üs ufe wäg id spanischschuel. 2 stund mit me privatlehrer: vill rede, vill läse, vill grammatik. Aschlüssend esch üses "pflichtprogramm" erfüllt ond mer gnüssed de namittag: a strand, i pool, go e märt bsueche, grossi wälle go aluege...jede tag öpis anders. Um die 6i gömmer zrug is hotel go dusche ond aschlüssend z fuess (ja mer send sehr vernünftig - don't drink and drive) id stadt go znacht ässe, mängisch ellei, mängisch met lüüt vo de surfschuel.
    Denn hauemers id fädere well mer am nächste tag weder frürh use müend.
    Es esch e mega tolli wuche gsi! Jetzt höcklemer no es letschts mal am strand bevors de mitm nachtbus (sorry erich!) uf oaxaca gad 😊    Baca selengkapnya

    Lihat terjemahan
  • Panama bis Kanada
    11
    Hari 72

    Oaxaca

    1 Februari 2023, Meksiko ⋅ ☀️ 28 °C

    Die letschte 3 täg hemmer i de schöne stadt Oaxaca verbracht. Mer send am morge am 7ni mitm bus acho, sehr übermüedet und no 2 stund z früeh zum üses gepäck chönne im air bnb deponiere. Es esch rechtig chalt gsi, nor öpe 9 grad. So hämmer zerst mal es kaffi gsuecht zum ziit überbrücke ond promot es starbucks gfunde. Aschlüssend hämmer s gepäck deponiert, üs umzoge und sunnecreme igstriche wells mittlerwiile weder fast 30 grad gsi esch...d sunne esch stark da.
    Mer händ de räst vom morge anere free walking tour teilgno ond so vill interessants öber d stadt erfahre. Nachär simmer no chli durd stadt spaziert ond am 3 hemmer chönne go ichecke ond ändlich e siesta mache 😅
    Am nächste tag hemmer en chochkurs bueched. Das esch es rechtig tolls erläbnis gsi! Zäme mit üsem guide simmer zerst go poste: ane lokale märt ond au vo lüüt wo am strasserand oder vor ehrem huus öpis verchauft hend. Denn simmer ine grossi chuchi ond hend zäme gchoched: en koreander mole, scharfe broccilini, verschiedni saucene, so beleiti taccos, en salat met villne zuetate ond villes meh. Es esch de au reeeechtig fein gsi!
    Nachär simmer no chli durd stadt spaziert ond go es bier trinke, uf znacht hemmer de beid kei lust me gha nach soooo vill zmittag (am 3...) ond so hemmer no e gmüetliche spiiliabig gmacht.
    Am nächste tag simmer am morge ines kaffi ond ich ha ändlich chönne die berüehmti heissi schoggi probiere 🤤
    Aschlüssend simmer nor dur es street art viertel spaziert ond spöter ufem märt go zmittag ässe. Am namittag hemmers üs zur ufgab gmacht uf möglichst villne dachterassene eis go zieh. S highlight vo dere tour esch d heugümper-nüssli-mischig gsi wos uf dinere terasse gäh hed 🥴😅    Baca selengkapnya

    Lihat terjemahan
  • Panama bis Kanada
    Hari 75

    Cancún

    4 Februari 2023, Meksiko ⋅ 🌧 24 °C

    D Birgit ond de Marco send chooooooo 😍😍😍
    Mer send scho am spötere namittag z cancun glandet ond send de scho mol go s mietauto abhole, go poste ond is air bnb go ichecke. Am 10ni simmer weder abgfahre zum flughafe well d birgit ond de marco am halbi 11i glandet send. S wiedersehe nach 2 mönet esch e wahri freud gsi ond so simmer de no bes am morge am 2 ufem balkon ghocked ond händ üs über üsi erläbnis ustuscht!
    Am nächste morge simmer zerst mal eifach sprachlos gsi ab dere wonderschöne ussicht vo üsem balkon. Mer händ üs e villa diräkt am strand gönnt 😉
    Nach me gmüetliche zmorge simmer zerst mal is meer go bade, rechtig lustig gsi! Spöter semmer bo go poste ond züg erledige ond denn hemmer ufem balkon gaperöled. Am obig simmer no ine tacoria go znacht ässe.
    Am 2. Tag heds leider grägnet 🙈. So hemmers am morge ganz gmüetlich no ond de wiiteri tripp planed, ond send de am namittag cancun downtown go aluege. Det simmer chli über de märt spaziert ond de erich & de marco send no zum coiffeur.
    Am obig simmer is zentrum vo de hotelzone go znacht ässe. Alles esch luut ond blinkig gsi, mer send üs chli vorcho wie z las vegas. 😂    Baca selengkapnya

    Lihat terjemahan
  • Panama bis Kanada
    Hari 76

    Valladolid

    5 Februari 2023, Meksiko ⋅ ⛅ 24 °C

    Höt esch denn üse roadtrip rechtig losgange! Mer send uf Valladolid gfahre, womer für en nacht es hotel buechd hend. Mer händ zmittag gässe ond send denn ine cenote go bade. Womer im wasser gsi send esches no meeeega cho rägne, das heds ergendwie no spezieller gmacht 😍 am obig hämmer no chli spiili gspielt ond send de früeh is bett well mer am nächste tag früeh hend welle ufstah.Baca selengkapnya

    Lihat terjemahan
  • Panama bis Kanada
    Hari 79

    Mérida

    8 Februari 2023, Meksiko ⋅ ☀️ 31 °C

    Am nächste morge simmer ganz früeh ufgstande ond zu de maya ruine chichén itza gfahre. Das esch eis vo de 7 wältwunder ond es hed immer sehr vill lüüt, drum hemmer möglichst früeh welle det si. Es hed sich denn au glohnt ond mer hend mit nonig sll zu villne touriste chönne d pyramide ond alles drum ond dra bestuune. Denn simmer no uf izamal, ganz es gälbs städtli. 🤭Aschlüssend simmer wiitergfahre uf mérida wo d birgit üs es mega schöns air bnb buechd hed. De marco ond de erich händ för üs znacht gchochet: e griechische salat ond spaghetti mit tomatesauce...soooooooo fein gsi 🤤🤤🤤
    Am nächste tag hämmer usgschlafe ond send de am namittag ane free walking tour durs stadtzentrum. Es esch sehr spannend gsi. So hemmer zum biispiil glehrt, dass alli cenote ide umgäbig unterirdisch mitenand verchnüpft sind oder dass yucatan offebar so heisst, well wo d spanier damals da acho sind ond die iheimische gfragt hend, wie das land heissi, sie mit me wort geantwortet hend wo tönt heig wie "yucatan" aber eigentlich so vill gheisse heig wie "haha, los mal wie die reded" 😂 🤷‍♀️
    Am obig simmer de go tacos ässe ond nachär no es glace.
    Höt hämmer en usfluug uf celestún gmacht. Det acho hämmer e 2 stündigi bootstour gmacht. Mer händ flamingos gseh ond send dur en mangrovewald gfahre. Aschlüssend hämmer no chli de strand gnosse bevor mer weder zrug gfahre send go znacht choche 😊    Baca selengkapnya

    Lihat terjemahan
  • 2024© FindPenguins
  • Beranda
  • Tentang kami
  • Blog
  • Penelusuran Kelompok
  • Pers
  • Ketentuan
  • Privasi & Cookies
  • Dukungan
  • Jejak
  • Bahasa Indonesia