Jonas und Tally

Zwei Chaote uf Südost-Asie-Reis ❤️ Read more Winterthur, Switzerland

Traveler Süd-Ost Asien
- Show trip
- Add to bucket listRemove from bucket list
- Share
- Jun 29, 2023
- ⛅ 28 °C
- Altitude: 453 m
- Switzerland Zurich Winterthur 47.499579, 8.72469547°29’58” N 8°43’29” E
Day 75
E Wuche voller Liebi ❤️
June 29, 2023 in Switzerland ⋅ ⛅ 28 °C
( 29. Juni - 5. Juli)

S'Albanifest & e Wuche dihei Ferie mache isch eifach wahnsinnig schön gsi ❤️ all eusi Liebste chönne in Arm neh, Knuddle & endlich wieder id Auge luege, eifach unbeschrieblich.

Und doch au herusfordnernd, vor allem für Tally. So viel Idrück, so viel Emotione, so en plötzliche "Lebenswechsel" - vom Chaos in Asie zude duretaktete Schwiz, vonre Sprach womer nüt verstaht zu de Muettersprach, vo luter Fremde zrugg is bekannte Umfeld 😮‍💨 es isch so intensiv gsi, das Tally am Fritig uf Samschtig meh als 12 Stund gschlafe het; es isch nötig gsi, sich nach all dene Strapaze mal chli erhole.

Und doch hemmer e Wuche voller Liebi & schöne Erlebnis gha, wo eus IMMER in Erinnerig blibe wird. Mir hend tanzt, glacht, brüelt, trunke (ev biz z'viel) und es Fest gha, wiemers eus besser nöd hettet chönne vorstelle. Es isch so wertvoll gsi, en Teil devo döfe si - ganz egal, wie viel Müedigkeit & Jetlag das mit sich bracht het 🥰

Euses Dihei isch Winti mit all sine Lüt - das het eus die Wuche zeigt ❤️Read more
See translation
0 likes
Traveler Süd-Ost Asien
- Show trip
- Add to bucket listRemove from bucket list
- Share
- Jun 28, 2023
- ⛅ 25 °C
- Altitude: 454 m
- Switzerland Zurich Winterthur Stadt Winterthur (Kreis 1) / Altstadt 47.499172, 8.7291547°29’57” N 8°43’45” E
Day 74
Touchdown & surprise!
June 28, 2023 in Switzerland ⋅ ⛅ 25 °C
Wuhuuuuuu mir sind DIHEI ❤️

Es het eus sprachlos gmacht. Mer hends nonig chönne glaube, dasmer das gad echt mached - au nonig, womer am Flughafe ZH glandet sind 😄 s'Mami vode Tally isch eus go abhole, das niemer igendwas merkt. Und denn simmer gad direkt hei, hend eus Kafi gmacht i eusere Bialetti, hend eus i euses Bett gleit - und eifach schnell s'Dihei gnosse!

Am Abig isch denn die gross Überraschig agstande; mir sind eusi Fründe a ihrere letschte Sitzig vorem Albanifest go überrasche 🥰

WHAT THE FUUUCK.
SICHER NÖD?!
HÄ?!

sind so die gängiste Begrüessige gsi 😄 en Teil "het no gmeint ich ha Tally ghört, aber das het gar nöd chönne si". Doch und wie.

Und so isch eini vode spannendste, intensivste & schönste Wuche vo eusere Reis losgange ❤️Read more
See translation
0 likes
Traveler Süd-Ost Asien
- Show trip
- Add to bucket listRemove from bucket list
- Share
- Jun 27, 2023
- ☀️ 30 °C
- Altitude: 50 m
- Turkey Istanbul Fatih Sultanahmet Hagia Sophia 41.008509, 28.9800141°0’31” N 28°58’48” E
Day 73
2nd Stop: ISTANBUL 🛫🔥
June 27, 2023 in Turkey ⋅ ☀️ 30 °C
Vo Bangkok isches in allerfrüeh uf Istanbul gange 😄 mer hend eus glaub no nie so fest uf 10 Stund imene Flugi gfreut wie det - de Plan, all eusi Fründe fürs Albanifest go überrasche, het eus uh mega atribe! Eusi Herzli sind fasch platzt vor Vorfreud 🥰

S'Steibi Kollektiv, de Verein wo Tally & de Jonas zude Mitgründer ghöred, isch e mega Herzensaglegeheit. Letscht Jahr simmer all zemme s'ersch Mal as Albanifest, Stadtfest vo Winti, und das Jahr hend eusi beste Fründi ohni eus plant & organisiert; dennoch isch eus während de Zit in Asie klar worde, dasmer gern debi wäred. Aso hemmer allne Gegeargument zum Trotz die Flüg buecht - wüki glaube hemmers aber iwie nie chönne.

Vor allem nöd, womer plötzlich in Istanbul gsi sind. Imene super schöne Hotel ide Altstadt, Ussicht uf de Bosporus. Mir hend Mezze gesse, super feine Wii trunke - und sogar Shisha graucht 😄 und eus immer wieder gseit: "wenn die Dihei wüsstet!"Read more
See translation
1 like
Traveler Süd-Ost Asien
- Show trip
- Add to bucket listRemove from bucket list
- Share
- Jun 26, 2023
- ☁️ 34 °C
- Altitude: 8 m
- Thailand Bangkok Ban Chorakhe Bua Khlong Suea Yai 13.82458, 100.62244613°49’28” N 100°37’21” E
Day 72
Winti-Abentür! 1st: Bangkok 🇹🇭
June 26, 2023 in Thailand ⋅ ☁️ 34 °C
Bangkok Baby!

(25. - 27. Juni)

Eusi Route uf Winti het folgendermasse usgseh: Da Nang - Bangkok - Istanbul - Züri (Winti). In Bangkok glandet, simmer direkt a die bekannti Khao San Road; mampfe, shoppe & wasmer susch no so macht in Bangkok 😄Read more
See translation
0 likes
Traveler Süd-Ost Asien
- Show trip
- Add to bucket listRemove from bucket list
- Share
- Jun 23, 2023
- ⛅ 34 °C
- Altitude: 6 m
- Vietnam Tỉnh Quảng Nam Hà My Tây 15.925317, 108.31960115°55’31” N 108°19’11” E
Day 69
3 Tag trennt & 1 schlechti Nachricht
June 23, 2023 in Vietnam ⋅ ⛅ 34 °C
(22. - 24. Juni)

Also. Mir hend denkt euse Töff wird bald fertig. Naja, nicht. Mir hend erfahre, dass euse Mech sicher no bis am Fritig brucht, zum Flicke. Was det susch niemer gwüsst het: Am Sunntig isch euse Flug in Richtig Albanifest gsi. Aso hemmer denn sicher müsse zrugg si in Hoi An.

Tally het sich ide Stadt Hue so gar ned wohl gfühlt, was au zu Spannige zwüsche eus beidne gfüehrt het. Ursprünglich hemmer mal denkt, de Jonas fahrt mitem Töff allei zrugg & Tally nimmt de Zug. S'Zugticket isch bereits buecht gsi; Tally isch drum au gange.

Statt daser de Töff zrugggfahre het, isch de Jonas aber in Hue blibe & het druf ghofft, daser repariert cha werde. Es isch eusi erst länger "Trennig" gsi während dere Reis & gad für Tally, wo nöd so güebt isch im Allei si, e Herusforderig. Da sie aber zrugg uf Hoi An het chönne zude Vy, anen Ort & zu Mensche wo sie kennt, isches nöd so schwergfalle.

Sie het im Johannes & de Caro super liebi Fründe gfunde wo sie sich het chönne aschlüsse, chli go Tanze & Trinke & e luschtigi Zit gha 🤸🏻‍♀️

Leider isch das mitem Töff denn nöd so cho wie denkt. Wo de Jonas het welle losfahre uf Hoi An - am Samschtigmittag - ischer gad mal 10km wit cho, bevor de Töff komplett de Geist ufgeh het 🤯 Tally isch i dere Zit mitm Johannes am Strand glege, het denn aber all Hebel in Bewegig gsetzt, de Jonas endlich auf Hoi An chönne hole; schliesslich isch de Flug uf Winti bevorgstande! Dank de unglaubliche Hilf vode Vy hemmers gschafft, de Jonas abhole z'lah; de Töff isch am Tag druf gholt worde. Erschöpft hemmer eus denn geg de Abig wieder chönne umarme - und eus zemme freue, ez es paar Tag Rueh ha vo dem Gugus mitem Töff!

Am Sunntig, 25. Juni isch nämli die langi Reis uf Winti losgange 🥳Read more
See translation
0 likes
Traveler Süd-Ost Asien
- Show trip
- Add to bucket listRemove from bucket list
- Share
- Jun 19, 2023
- ⛅ 34 °C
- Altitude: 11 m
- Vietnam Tỉnh Thừa Thiên-Huế Thôn Kim Long North Central Coast 16.463932, 107.58633916°27’50” N 107°35’11” E
Day 65
Hue, die schwierig Stadt
June 19, 2023 in Vietnam ⋅ ⛅ 34 °C
(18. - 22. Juli)

Hue hets eus nöd liecht gmacht. Bis ez simmer in Vietnam immer sehr offe willkomme gheisse worde, hend gueti Begegenige gha & schöni Erfahrige gmacht. In Hue isch das leider nöd so gsi.. d'Stadt isch eus chli shady, chli unfründlich & ufdringlich begegegnet. Eifach nöd sone nice Energie wiemer das bisher kennt hend 😮‍💨

Dezue isch cho, das euse Töff doch meh Problem het als denkt. De Mechaniker wo sich in Hue dene agnoh het, het plötzlich doch no ein, zwei oder 3 Tag meh brucht. Damals hemmer scho gwüsst dasmer uf Winti flüged für e Überraschig am Albanifest - en gwüsse Zitdruck isch also doch vorhande gsi 🥴

Mir hend de Leo aber wiedertroffe, was die ganz Sach chli besser gmacht hend ☺️ mer cha sege, dasmer mittlerwile wüki gueti Fründe worde sind! Er & Tally sind denn no zemme zumene verlassene Wasserpark, während de Jonas sich mitem Mech um euse Töff kümmeret het 😮‍💨

Zwüschedine simmer mal no ine Bar wo sie eus uf de Grosslinwand willkomme gheisse hend 😄 die einzig Bar in ganz Vietnam wos NUR Bier geh het - und Tally entsprechend bi ihrem Cola blibe isch 😂Read more
See translation
0 likes
Traveler Süd-Ost Asien
- Show trip
- Add to bucket listRemove from bucket list
- Share
- Jun 18, 2023
- ☁️ 32 °C
- Altitude: 9 m
- Vietnam Tỉnh Thừa Thiên-Huế Thôn Kim Long North Central Coast 16.462561, 107.59091916°27’45” N 107°35’27” E
Day 64
Hoi An > Hue
June 18, 2023 in Vietnam ⋅ ☁️ 32 °C
So. Mir sind ready gsi zum Witercho :) also hemmer eus entschide, via Hai Van Pass uf Hue z'fahre. Die erste 50% vode Strecki sind no guet gange - die zweite denn weniger. Mer sind voll verschiffed worde, wie scho lang nüme. Unterschlupf hemmer binre Geissliherde gfunde 😄 euse Töff het hin & wieder gspunne gha, isch teils nöd agsprunge wiener het sölle & het sich meh und meh zumene Sorgechind entwickled... mir henden denn zum Mech bracht..Read more
See translation
0 likes
Traveler Süd-Ost Asien
- Show trip
- Add to bucket listRemove from bucket list
- Share
- Jun 15, 2023
- ☁️ 34 °C
- Altitude: 9 m
- Vietnam Tỉnh Quảng Nam Hoi An 15.879814, 108.32739415°52’47” N 108°19’39” E
Day 61
Hoi An du wunderbare Ort! ❤️
June 15, 2023 in Vietnam ⋅ ☁️ 34 °C
(14. - 18. Juni)

Hoi An, du hesch euses ❤️ klaut! Mir hend es chlises Paradies gfunde gha bide Vy & ihrere Familie und e wunderbari Zit inre wunderbare Stadt verbracht. Hoi An merkt mer ah, dass d'Franzose einst in Vietnam gsi sind 😄 super herzigi Gebäude, uh mega schöni Gässli. Zwar touristisch, aber uf e gueti Art und Wis! Mir hend s'erste Mal sit langem wieder feine Kafi trunke & euse Happy-Place gfunde; Cocos Cafe. Det simmer regelmässig ikehrt wemmer nöd gwüsst hend, was susch no mache 😄 susch hemmer Zit vor allem mit Shopping verbracht.

Da die Iträg ez alli viel später als in Echtzit entstönd, isches spannend z'gseh, wie wichtig Hoi An denn für eus no worde isch; rückblickend wohl euse Lieblingsort in ganz Vietnam! ❤️Read more
See translation
1 like
Traveler Süd-Ost Asien
- Show trip
- Add to bucket listRemove from bucket list
- Share
- Jun 14, 2023
- ☁️ 34 °C
- Altitude: 6 m
- Vietnam Tỉnh Quảng Nam Hà My Tây 15.925061, 108.31987315°55’30” N 108°19’12” E
Day 60
Quy Nhon > Hoi An
June 14, 2023 in Vietnam ⋅ ☁️ 34 °C
So, nach de Chillerei am Strand hets eus witerzoge! Zemme mitem Leo us Köln & em Kevin us Holland hemmer eus uf d'Räder gmacht & sind als chlini Gang losgfahre in Richtig Hoi An.

No am Morge hemmer denkt, das schaffemer sicher ned i 1 Tag. Well. 10 Stund & 300 Kilometer spöter simmer vom Gegeteil überzügt gsi 😅 es isch die längst Fahrt am Stuck gsi bis ezze & eusi Popos hend dementsprechend wehtah am Abig.

Zudem isch nochli es Chaos usbroche bezüglich Hotel. Euses erste womer buecht hend, het eusi Buechig missverstande & nöd wie adenkt es Apartment für eus parat gmacht. Guet, det storniert & es passends Air BnB usegsuecht. Det het sich usegstellt, dass sie double-booked gsi sind 🥴 de Tally ihri Geduld isch langsam z'End gange - glücklicherwis het de Leo aber es Hostel usegsuecht, womer denn schlussendlich Unterschlupf in Hoi An gfunde hend! 🌿 en wunderbare Platz mit wunderbare Mensche, Büsis, schöne Zimmer- es chlises Paradies!Read more
See translation
1 like
Traveler Süd-Ost Asien
- Show trip
- Add to bucket listRemove from bucket list
- Share
- Jun 12, 2023
- ☁️ 34 °C
- Altitude: 6 m
- Vietnam Xóm Bãi Xép 13.685537, 109.23100313°41’8” N 109°13’52” E
Day 58
Pleiku > Quy Nhon
June 12, 2023 in Vietnam ⋅ ☁️ 34 °C
Soooo, in Pleiku hemmer eus vor allem um chli Wösch, Ikaufe & Regeschutz kümmered. Susch isch die Stadt ned bsunders interessant gsi 😅 vo det us simmer den witer uf Quy Nhon is Life's a Beach Hotel womer en füecht-fröhliche Abig & en sehr chillige Beachday gha hend! 🌴 euses Bungalow isch direkt mit Blick ufs Meer gsi - für de Sunneufgang hemmer aso ned mal müsse ufstah!

Im Life's a Beach hemmer under anderem au de Leo kenneglernt, en Typ us Köln wo eus uf eusere witere Reis no es ganzes Stück begleite wird - au wemmer das det nonig gwüsst hend 🐆Read more
See translation
1 like

Join us: