Reise nach Osten | FindPenguins

Data ascendente

Viaggiatore Reise nach Osten
- Mostra viaggio
- Aggiungi alla lista dei desideriRimuovi dalla lista dei desideri
- Condividi
- 9 set 2022, 19:00
- 🌧 17 °C
- Altitudine: 465 m
- Svizzera Kanton Zürich Birmensdorf (ZH)Birmensdorf / Unterdorf 47.353848, 8.43821647°21’14” N 8°26’18” E
Los gehts!
9 settembre 2022, Svizzera ⋅ 🌧 17 °C
Hoi Lionel, Hoi Nico
Ändlich isch es sowiit und die erschti vo zwei Reise gaht los! De Götti Patrick hät hüt no einiges ztue gha und vor allem packt. Ich bin da viel schnäller gsi, han aber au de chliner Koffer. Sind au no schnäll in UL gsi, alles guet dete.

Vom Bahnhof Birmensdorf us gahts an Flughafe Züri Chlote und vo dete uf Singapur. De Götti hät mal dete es paar Mönet gschaffet und gaht go Kollege bsueche. Ich bin mal gspanne was es dete zgseh git. Falls ich öppis spannends gsehne, schick ich oi Fötteli.

Ich hoffe ihr händ en guete Tag gha i de Schuel und im Chindsgi. Mir ghöred ois dänn morn wieder.

Liebe Gruess ...RickLeggi altro
Guarda la traduzione
Viaggiatore Lionel: De Rick isch en luschtige! 😃
10/09/22Risposta
Viaggiatore Nico: Danke viilmal ☺️🇨🇭
10/09/22Risposta
Viaggiatore Tata findet das auch lustig! Danke
10/09/22Risposta
5 mi piace
Viaggiatore Reise nach Osten
- Mostra viaggio
- Aggiungi alla lista dei desideriRimuovi dalla lista dei desideri
- Condividi
- 11 set 2022, 23:30
- ☁️ 26 °C
- Altitudine: 37 m
- Singapore Central Singapore Community Development Council Orchard Institution Hill 1.30082, 103.8394251°18’3” N 103°50’22” E
Giorno 2
Ein Sonntag in Singapore
11 settembre 2022, Singapore ⋅ ☁️ 26 °C
Hoi Lionel, Hoi Nico
Jetzt bini en ganze Tag lang in Singapore unterwägs gsi und han vieli Lüüt känneglernt.
Am Morge simmer uf en Wanderig gange mit de Adeline. Dete hani nn gmerkt, dass de Götti doch nonig alles in Singapore kännt. De isch nämlich nöd parat gsi für en 2.5h Marsch berguf und bergab. Entsprechend isch es ihm dänn nöd so guet gange nachher. Da schwitzt mer aber au sehr schnäll und fescht wäg de höche Luftfüechtigkeit. Hät drum nöd so viel Fötteli geh vo dete. Aber immerhin no d'Affe verwütscht.
Zum Glück hät er sich schnäll wieder erholt und mir händ dänn de Seng Gim und sini Familie troffe. S'grosse highlight isch aber de Znacht gsi. Da häts soviel spannendi Sache geh, z.B. Chilli Chräbs, Tintefisch, Änte und, was ihr sicher au gern hätted: Poulet süess-sauer. Aber au no Riiis, Nudle und em Götti sis Lieblingsdessert: Mango Sago! Das isch chalti Mangosauce mit Mango und Pomello Stückli dinne. Han probiert, mega!
Aber wichtiger isch d'Gsellschaft gsi. De Johnny, d'Yvonne und ihri Chind, de Dylan und d'Jenna.
Au de Markus isch mitcho und hät gmeint es säg eis vo de beschte Ässe gsi wo er jeh gha hät.
Morn mues de Götti go Schueh poschte und gaht no go Haarschniede. Vlt. krieg ich ja au en noii Frisur. Halte oi uf em Laufende.

Liebe Gruess ...RickLeggi altro
Guarda la traduzione
Martin Vifian 👍👍👍
11/09/22Risposta
Viaggiatore Nico: wo isch denn am Rick siin Koffer? 😁
11/09/22Risposta
Viaggiatore Lio: aber de Rick tuet ned chlopfe as Aquarium, gäll, dass dörf er nämli ned! 😄
11/09/22Risposta
2 altri commenti
4 mi piace
Viaggiatore Reise nach Osten
- Mostra viaggio
- Aggiungi alla lista dei desideriRimuovi dalla lista dei desideri
- Condividi
- 12 set 2022, 20:00
- ⛅ 27 °C
- Altitudine: 34 m
- Singapore Central Singapore Community Development Council Orchard Institution Hill 1.301224, 103.8377371°18’4” N 103°50’16” E
2 1 3
Giorno 3
Abschluss Singapore
12 settembre 2022, Singapore ⋅ ⛅ 27 °C
Hoi Zäme
Oise letschti Tag in Singapore, und mir händ namal Gas geh. Am Morge simmer go shoppe, de Götti Patrick hät no Schueh brucht. Und ich han no churz bi mine Kollege im Lade ineglueget.
Sind dänn no bim noie UBS Büro verbigange, und händ es paar Lüüt troffe, wo sit em 2008 immerno dete schaffed. De Götti isch nachher go Haar schniede, und die händ ihn immerno i de Datebank gha. Letschte Bsuech im März 2009 😀.
De Znacht mit de Gspöndli vo dazumals isch super gsi. Vieli feini Sache geh, und luschtigi Fötteli gmacht. Ich bin nachher is Bett. Aber de Götti und de Markus händ schinbar namal Hunger gha, und sind am Morge am 02:30 no go DimSum ässe... 'only in Singapore'.
Morn gahts dänn uf Thailand, gnauer Phuket. Ich zeig oi dänn wies dete usgseht. Hoffe ihr händs All guet, liebe Gruess ...RickLeggi altro
Viaggiatore 🥰! Danke viilmal! Schön, Dich so zgseh! Gnüüsses! (De Jungs zeigi de Post morn, die sind scho im Bett ☺️)
12/09/22Risposta
Viaggiatore Danke. und ja, scho gwüsst dass es zspaht isch. Und jede Tag wirds nöd klappe, aber sicher regelmässig.
12/09/22Risposta
Viaggiatore Mhmmmm…isch das Path thai?? 😋😋😋
12/09/22Risposta
Viaggiatore Nei, das gits dänn vlt. Morn in Thailand Crab Fried Rice, chilli crab buns, fried prawn balls, bbq pork rice noodles, fish cake und prawn dumplings.
12/09/22Risposta
Viaggiatore Ja ich has nacher bim 3.mal aluege 😅 au dänkt, dases wohl doch eher fried rice isch 😄 aber gseht lecker uus!
12/09/22Risposta
6 altri commenti
4 mi piace
Viaggiatore Reise nach Osten
- Mostra viaggio
- Aggiungi alla lista dei desideriRimuovi dalla lista dei desideri
- Condividi
- 14 set 2022
- ⛅ 28 °C
- Altitudine: 13 m
- Tailandia Phuket Province Ban Na Nai Khlong Pa Tong 7.886694, 98.2855697°53’12” N 98°17’8” E
2 1 1 1
Giorno 5
Welcome to Thailääänd
14 settembre 2022, Tailandia ⋅ ⛅ 28 °C
Hoi Lio und Nico!
Geschter hämmer Singapore hinder ois glah und sind uf Thailand gfloge. Gnauer uf Phuket, das isch die gröschti Insle vo Thailand. Entsprechend vieli Stränd gits da, schinbar über 30! Mir sind am Patong beach, eim vo de Grössere. S'Hotel isch mega schön, chli oberhalb vom Meer. Drum au mit toller Ussicht! Zum Zmorge chamer sich aller erdänkliche bstelle und am Abig gits ei Stund lang super feini Häppli und was mer trinke mag.
Em Markus (Kolleg vom Götti) sini Fründin läbt und schaffet da in Phuket. Drum simmer nöd nur vom Flughafe abgholt worde, sondern geschter au no zum Znacht gfahre worde. Isch so en Art Tischgrill gsi, nur mit chli andere Sache wie bi ois.

(de Götti meint ich söll nüt schriebe vo de läbige Chräbs wo druf grüert worde sind)

Hüt hämmer en lange Spaziergang am Strand gmacht und uf em Heiwäg en Thai Isthee welle chaufe. Aber es hät niened eine geh! Mit sind scho chli sauer worde, aber nur bis mir im Hotel au das no becho händ.

Bald gömmer los zum Znacht. Ich hoffe oi gahts guet und ihr händ en tolle Mittwuch.

Liebe Gruess ...RickLeggi altro
Guarda la traduzione
Martin Vifian ….das sieht jetzt wirklich hammermässig aus! 👍
14/09/22Risposta
Viaggiatore Mmmmm, das sieht gut aus!
14/09/22Risposta
Viaggiatore Lio: Rick ufem Esse, das isch luschtig und coool
15/09/22Risposta
3 altri commenti
5 mi piace
Viaggiatore Reise nach Osten
- Mostra viaggio
- Aggiungi alla lista dei desideriRimuovi dalla lista dei desideri
- Condividi
- 17 set 2022, 23:00
- ⛅ 27 °C
- Altitudine: 319 m
- Tailandia Phuket Province Ban Kata Khao Tut 7.831165, 98.3116057°49’52” N 98°18’42” E
1 1 1
Giorno 8
Phuket intensiv
17 settembre 2022, Tailandia ⋅ ⛅ 27 °C
Hoi Lionel, Hoi Nico

Die letschte Täg isch viel gloffe, bin drum nöd zum schriebe cho. Erscht jetzt im Flüger uf Samui. Aber dadevo es anders mal.

In Phuket hämmers de Tag dur chli ruhiger gnoh, mit Massage (super gsi!) und es paar Sache go aluege. Am Abig isch dänn amigs d'Pattty dezue gstosse und hät ois umegfahre. So hämmer viel feini Sache gässe und tolli Drinks gnosse.
A eim Ort chauft mer s'Ässe direkt am Stand und gaht dänn in es Restaurant näbedrah, wos eim das ganz nach Wunsch zuebereited.

De Götti hät am Mittwuch no online Thai gmacht vom morge am eis bis am drüü. Vlt. hät er drum nur die erscht Halbzit vom FCZ Match glueget am Dunschtig. Vlt. hät er aber au gahnt, dass es nöd guet chunt. Ich han natürlich fertig glueget.

Bim BigBuddha (gröschti vo Thailand) simmer chli zspaht dra gsi. Aber jetzt hämmer en Grund zum zrugg zcho.

Sind au no 2x go es Konzert lose vomene Thai Reggae Künschtler wo de Götti bis jetzt erscht i de Schwiiz gseh hät. Dete häts au viel vo dene grüene Pflänzli mit de spezielle Blätter geh.

Götti und ich händ sich chli Bart wachse lah, aber ich tuen glaub bald wieder rasiere.

S'nöchschtmal bricht ich dänn vo Samui.
Wünsch oi no en schöne Sunntig!

Liebe Gruess ...RickLeggi altro
Martin Vifian Super! Die Fotene mit em Rick! 😀👍
18/09/22Risposta
Viaggiatore Du machsch das soo lässig 👏🏻👍🏻
18/09/22Risposta
Viaggiatore Soooo Geil!!!!
18/09/22Risposta
4 altri commenti
5 mi piace
Viaggiatore Reise nach Osten
- Mostra viaggio
- Aggiungi alla lista dei desideriRimuovi dalla lista dei desideri
- Condividi
- 19 set 2022
- ☁️ 31 °C
- Altitudine: 25 m
- Tailandia Changwat Surat Thani Ban Tin Tha Khlong Hin Ngu 9.451606, 100.0325059°27’6” N 100°1’57” E
1
Giorno 10
Koh Samui - sabaii maag (gefällt sehr)
19 settembre 2022, Tailandia ⋅ ☁️ 31 °C
Hoi Lionel, Hoi Nico
Uui, han oi viel zverzelle! Tuet mir leid händer es wiili uf Bricht vo ois müese warte. Schriebe oi us Chiang Dao, das liit oberhalb vo Chiang Mai. Ich zeig oi das dänn snöchscht mal uf de Charte.

Wott oi aber vor allem vo Koh Samui verzelle. De Götti hät s'erschtmal vom Sumai und Supapi vo dere Insle erfahre. Die sind nämlich scho vor langer Zit s'erschtmal dete gsi und sind es paar mal gange. Au de Götti isch jetzt zum 4.mal dete gsi. Und ich säge oi, ich weiss jetzt wieso! Sabaii maag!

Mir sind vo Phuket mit em Flüger nur ca. 45min gfloge. Cools Flugi gsi mit Propeller. Die erschte beide Nächt hämmer in Lamai imene chline, herzige Resort verbracht. Hät glaub 23.- koschtet pro Nacht. Aber em Götti passts dete sehr. Händ dänn au de Jamie troffe, en guete Fründ vom Götti. Mit ihm und spöter au sinere Frau werdemer no es wiili unterwägs si. Zerscht sind aber no gmeinsami Kollege us Singapur in Samui gsi. Sind mit dene unterwägs gsi; unter anderem simmer inere Bar gsi, wo mer sälber mit de Band hät chöne singe. Sie händ aber Schwiizergoofe nöd chöne, drum han ichs si lah.

Nach zwei Täg sind die dänn hei uf Singapore und de Göttti, de Jaime und ich sind uf Bo Phut in es sehr edles Resort. De Jaime hät ois dete für 5 Täg iglade. Mega schöni Doppelzimmersuite. Händ dete viel guets gässe und sind chli uf de Insle unterwägs gsi. A eim Abig bini mit em Götti no in Chaweng gsi. Dete hämmer en Fründ vom Götti us Züri troffe, wo au i de Ferie isch. Mit em Wätter hämmer au ziemlich Glück gha und es hät nur sälte mal churz grägnet. Es isch würklich en tolli Ziit gsi uf enere tolle Insle.

Soviel zu Samui. Mir verabschieded ois vom Meer und es folgt bald en Bricht zu 'one night in BKK' und erschti Idrück us em Norde vo Thailand. Vorerscht wünsch ich oi aber alles Gueti und froi mich uf es Fötteli vo oi.

Liebe Gruess ...RickLeggi altro
Guarda la traduzione
Martin Vifian Super! 👍👏
29/09/22Risposta
Viaggiatore Liebe Grüsse zurück!😘
29/09/22Risposta
Viaggiatore finde Rick 😁
29/09/22Risposta
3 mi piace
Viaggiatore Reise nach Osten
- Mostra viaggio
- Aggiungi alla lista dei desideriRimuovi dalla lista dei desideri
- Condividi
- 24 set 2022
- 🌧 30 °C
- Altitudine: 18 m
- Tailandia Bangkok Sukhumvit Khrittachak Phrakhun 13.737432, 100.55937713°44’15” N 100°33’34” E
Giorno 15
One night in BKK
24 settembre 2022, Tailandia ⋅ 🌧 30 °C
Hoi Zäme
Letscht Wuche simmer am Samschtig uf BKK gfloge und händ dete namal de Markus und d'Patty troffe. Au de Schnieder wo am Götti Patrick sini Azüg bsorged isch zum Znacht cho.
Nachher simmer ine Bar höch über de Dächer vo Bangkok. Zum Schluss isch es no in en Disco gange. Ziemlich luut gsi dete, und all händ em Götti sin Huet welle. Händ nöd so lang gmacht, will mir scho am 11 richtig Flughafe händ müesse. De Markus isch dänn uf de Flüger hei und mir händ de Jaime wieder troffe. Sini Frau d'Jean hät ois dänn mit em Auto abgholt.
Vo dem Roadtrip bricht ich dänn s'Nöchschtmal.

Liebe Gruess ...Rick

PS: ich hans nöd uf d'Fötteli gschafft. Bin zu beschäftigt gsi mit dene Idrück.Leggi altro
Guarda la traduzione
4 mi piace