Reset search
Gravels, Salty Hair & Ouzo
  • Patrick Kiener
  • Jennifer Herger
  • Patrick Kiener
  • Jennifer Herger

Gravels, Salty Hair & Ouzo

After the winter season of our lifetime we are looking forward to exploring beautiful Southern Europe with our gravel bikes 🚴‍♀️ Read more
FollowInsightsInsightsCalendarCalendarPhotosPhotosShareShareBucket list
InsightsCalendarPhotos
  • Trip start
    April 30, 2023
    Gravels, Salty Hair & Ouzo
    Spring is on! Abwechsligsriche April...
    2mit FründePulverund eme letschde Tüürliau er gspürt de Früehlig, fertig Schnee jetzt!

    Bye bye 🥶 on the road again 🚐💨

    April 30, 2023 in Switzerland ⋅ 🌧 5 °C

    Nach eme abwechsligsriche, chüele, schneeriche und gege s Endi au liecht chränklige April diheime tusched mir ⛷️ gege 🚴🌞🏊 und sind wieder unterwegs!

    De Winter lömmer definitiv hinter eus, d Entscheidig isch klar für Wärmi und ☀️ gfalle. De hohi Norde chan guet warte und wird bestimmt Ziel vonere nächste Reis sii (au wenn de Patrick ganz liecht trurig isch, für de Moment kei witeri Polarliechter meh z gseh).

    S erste Ziel isch d Halbinsle Peloponnes in 🇬🇷    Read more

    See translation
  • Gravels, Salty Hair & Ouzo
    Bari 🇮🇹
    Tour Guide ;)Pit stop im Decathlon

    🇨🇭🚐💨 🇮🇹 ⛴️ 🇬🇷

    May 2, 2023 in Italy ⋅ ☁️ 19 °C

    S Büsli isch ready, Gravel-Bikes glade, de Sunneschirm ipackt und mer sind unterwegs Richtig Süditalie, wo mer in Bari ufd Fähre via Igoumenitsa nach Patras in Griecheland gönd.

    Uf vilsitige Wunsch füehred mir euses chline Reisetagebuech sehr gern witer und freued eus über eui Kommentär, Inputs und vilicht sogar Empfehlige wo ihr für eus händ 😎Read more

    See translation
  • Gravels, Salty Hair & Ouzo
    Superfast II, nach GNV und Grimaldi Lines di 'besti' Fährgsellschaft wo mer bis ez testet händ
    Wild Hogs on tour 🐗Hello PeloponnesPatras vibesmorning views3

    Kalimera Hellas

    May 3, 2023 in Greece ⋅ ☁️ 17 °C

    Nach paar guete Tutto-Rundene (Jenni füehrt aktuell im Ranking, nachdem ich übrigens d Nordamerika-Wertig mit 25:14 souverän für mich entschide han), super Fähre-Znacht (not!) und ere superschnelle (knapp 17h lange) Überfahrt simmer in Patras uf de Halbinsle Peloponnes acho.

    Zum starte gits für di erste zwei Nächt es Airbnb, d Umwetter vo Italie sind au da zgspüre und es isch zimli windig, teils regnerisch und erst ziitewis sunnig. Perfekts Wetter zum einersits na vode Magedarm-Gripp vo letschd Wuche erhole und anderersits di nächste Täg und Wuche detaillierter zplane.

    Was gits bessers als das bi Meeresrusche, me Capucchino und paar feine Erdbeeri (Schale für € 1.50) z'mache 💛    Read more

    See translation
  • Gravels, Salty Hair & Ouzo
    2
    Dur unzähligi Olivebäum1Sightseeing spots1und wunderbare Ussichte ufs tüüfblaue Ionische Meer☕ break1und feins Dirrs zum Apero🌅

    First 100km ✅

    May 7, 2023 in Greece ⋅ ☀️ 20 °C

    Zwei Täg, zwei Gravel-Toure zum ifahre und zwei Ärsch wo mer am Abig guet gspüred 😁S schöne Wetter isch au bi eus acho und mer hend di letschde beide Mörge zum Toure und Namittäg zum Poole gnutzt bi agnähme Temperature. Usserdem simmer wieder zrugg i eusem gliebte VW Bus & schlafet scho wieder guet im "2. Stock".

    D Velos mached fest Spass, d Jenni het Freud am Route plane über Komoot und de Pool ufm Campingplatz Ionian Beach isch (Achtung) gheizt! Was wetsch na meh 😎

    More 🚴‍♀️ about to come!

    Campingbewertung Ionian Beach: 5*, super Platz auf Kieselsteinen, mit grossem heiztem Pool, unheimlich sauberen Waschanlagen und super freundlichen Betreibern. Grosses Kompliment und nur zu empfehlen! 26€ pro Nacht.    Read more

    See translation
  • Gravels, Salty Hair & Ouzo
    🎨
    jung & alt ;)🫒🍊🍊☀️ am gniässe

    Costa Navarino

    May 10, 2023 in Greece ⋅ ☁️ 20 °C

    Diä Wuche isch z Wätter ächli durzoge gsi bzw. nit sooo warm, grägnet hets aber zum Glick nur a eim Tag. Drum hemmer die letschte Täg nit immer nume voll Programm gha.

    Ufem Wäg vom erste uf de negscht Campingplatz, hemmer in Gastouni ä Beck/Kaffee Halt gmacht und Liit beobachtet. ;) In Olympia (det sind vor paar tüüsig Jahr die erste Olympische Spiel gsi;)) - hemmer ä churze Stopp gmacht, sind de aber nit i alli Museum (aso i keis) gange, will unteranderem ai grad 10 Reisecar mit Reisegruppene 60+ acho sind. 😁

    In Gialova hemmer ys ufeme härzige, eifache Camping direkt am Meer igrichtet & ys sehr wohlgfühlt. Ca. 500m am Strand entlang hets paar Restaurants gha, wo mier amene Abig ys ai mal Souvlaki & Moussaka gönnt hend.

    Ein Tag hemmer bi wunderbare Temperatüre wieder es guets Gravel Tüürli uf immer meh Feldwäg/fasch scho Traiks is griechische Hinterland gmacht. Sind ufem ganze Wäg fast allei underwegs gsi & dank em Patrick hemmer ys bi all dene viele Abzwigige (fast ;)) nie verfahre.

    Die negschte Täg settis bizli wärmer wärde und sind gspannt was mier wärded gseh 🤩

    Campingbewertung Navarino: 4 vo 5 Stern. Schön grosse Platz, WC sehr nah und freundliche Nachbarn aus dem Schwabenland. 24€ pro Nacht mit Strom.    Read more

    See translation
  • Gravels, Salty Hair & Ouzo
    ☕ stop PylosJenni währenddesse 💅Pylos Aqueduct ohni Google Magic Eraserund mit 🪄 😂the next one?😁

    Pylos, tough gravel ride & Voidokilia 🏖

    May 12, 2023 in Greece ⋅ ⛅ 23 °C

    Hüt hemmer am Morge zwei verschiedeni Programm gmacht, d Jenni isch go Nägeli 💅 mache binere ganz liebe und junge Nägelitante im Dörfli Gialova und ich bin es paar Gravel-Höhemeter go abspuele.

    Nacheme feine Kaffee im Fischerdörfli Pylos isch es immer höcher is Hinterland gange und je höcher obe desto weniger Wind vom Meer und wärmer isches worde. D Abfahrt dur 1000i 🫒bäum zude "Ochsenbauchbucht" Voidokilia isch scho eher Biketrailmässig gsi. Viel losi Stei, steili Stelle und sandigi Abschnitt hend s guete alti Quervelo (und d Unterärm) zimli gforderet 😎

    Am Namittag hemmer paar Stunde i dere wunderschöne, gschützte Bucht verbracht und de Tan uf Vordermann bracht (oder zmindest versuecht). Ich han na en chline (Flipflop-)hike zude Burg oberhalb vode Bucht gmacht 📸 Ez weissi au wie sich s Flipflop-Wandere afühlt 😂

    Am Abig gahts nacheme chline Glacestop in Pylos witer richtig Loutsa, en alti Piratehochburg ufem Peloponnes.    Read more

    See translation
  • Gravels, Salty Hair & Ouzo
    Finnikounda
    Methoni streetsMethoni 🏰🍾1

    Methoni & Bekanntes :)

    May 13, 2023 in Greece ⋅ ☁️ 20 °C

    Im Süde vom "1.Finger" vom Peloponnes hemmer ysers negschte Camp üfgschlage. Es agnehms Velotürli het ys wieder mal is Hinterland bracht & mier hend d Fahrt dur härzigi Dörfli mit fast kei Verchehr gnossä. In Methoni hets ä guätä Kaffee & Verpflegigs Stopp gä & hend ai nu die imposanti Burg agluägt. Mit guätem Gägewind hemmers am Namitag wieder uf de Camping gschafft & hend paar gmietlichi Stunde am Meer gha.

    Am negschte Tag isch z ersti Mal richtig scheen & warm Wätter agseit gsi und mier sind ready gsi fürne Beachday. :) Hend ys gfreit de Tag mitem Hoschi & Tina us Arosa z verbringe, wo ai grad da ide Ferie sind. Am Voidokilia Strand hemmer ä scheene Summertag mit Bade im kristallklare Meer gnossä & am Abig simmer zäme nu fein go Znacht ässe. 🍷

    Campingbewertung Loutsa: 4**** vo üs. Super liebe Bsitzer, free bread zum Zmorge 😁 und es schöns Fischerdörfli mit herzige Restaurants gad nebedra.    Read more

    See translation
  • Gravels, Salty Hair & Ouzo
    Die Mani, der wilde mittlere Finger des Peloponnes
    Kardamyli2Am Patrick sis gsunde Zmorge, extra fürs Mami gfötelet😎Regelwerk vum Camping KalogrisaDinoeierstrand 🦖🥚Tan time amSüdafrika?Limeni☔🇬🇷

    Wilde Mani "Mittelfinger" vom Peloponnes

    May 17, 2023 in Greece ⋅ ☀️ 18 °C

    Witer gahts über es churzes Stöppli in Kalamata (kein Bikeshop het aständigi Bikechleider) i di wildi Mani, de mittleri Finger vom Peloponnes, uf de Camping Kalogrio (nothing special, eher creepy). Am Strand hemmer de Hoschi und Tina namal gseh. Chline Peloponnes 😏

    Am nächste Tag gahts na witer in Süde über de Dinoeierstrand Pygros Dirou, di herzige Dörfli Kardamyli und Aeropolis in Richtig vum zweitsüdlichste Kap vom europäische Festland nach Gibraltar. Als nächsts schlafemer ime süess familiegfüehrte B&B im verschlafene Fischerdörfli Porto Kagio, bevors de Patrick mitere Verchältig en Tag zimli flach is Bett leiht 🤧    Read more

    See translation
  • Gravels, Salty Hair & Ouzo
    1🎏Dörfli Porto KagioBeste ZmorgeSüesse chline Beach am Hadesund Fisch zum Znacht 🐗

    Cape Tenaro 🧭

    May 19, 2023 in Greece ⋅ ☀️ 19 °C

    S tolle Bed & Breakfast in Porto Kagio hemmer nach zwei Täg Verchältig uskuriere wieder verlah und eus am Fritig zum Kap Tenaro ufgmacht. Drohne het au wieder mal us de Täsche dörfe und es windigs Flügli gmacht. Scho lang kei Adrenalinschüb meh gha, gell Nici 😎🚤💨

    Viele Deutsche und Schwizer haben wir gesehen, dröhnelet denn aber fast ganz elei und mit chli Hilf vo KI sind au die paar Lüüt nüm ufde Bilder ersichtlich. Vor em Kap Tenaro isch nöd de tüfsti Punkt vom Mittelmeer (5121m) und Afrika und nur na öpe 400km entfernt.

    Nachem chline Hike zum Kap hi und zrugg simmer zwei Stund anen süesse chline Kiesstrand, wo de griechische Mythologie nach de Igang zude Unterwelt, em Hades, si söll. Nix Unterwelt, nur chüels Wasser und ☀️ pur.

    Next stop: Camping Meltemi, Gythio Bay    Read more

    See translation
  • Gravels, Salty Hair & Ouzo
    Vathia
    Glace daGlace detHockey au da 😎🇨🇭💪Mechanic @ workDimitrios SchiffswrackMonemvasia

    Mani Ostküste & Monemvasia

    May 21, 2023 in Greece ⋅ 🌧 17 °C

    Mir ziehnd witer in Oste vode Mani und s s Wetter fangt langsam a umschlah. So schlimm wie in Italie sölls nöd werde, aber es sind au Rege, Gwitter und Sturm ide Vorhersag.

    Eusi Wahl isch uf de Camping Meltemi gfalle. Di ersti Wahl Gythio Bay simmer go aluege, de Platz isch jedoch so volle gsi dass mer ken eus passende Platz meh gfunde händ. Ufem Meltemi, 500m nebedra, hets für zwei Nächt na e schöns Plätzli unter Wiiräbe-Unterständ gha. Somit au na biz gschützt vo Wind und Wetter.

    Sisch dänn nöd so schlimm cho und bis uf biz Räge und Wind hemmer au sunnigi Abschnitt am Strand chönne gnüsse. Patrick immer na vercheltet und jetzte sind na di tuusige blüehende Olivebäum dezuecho 🤧 Es Glace Usfährtli is Octopus-Dörfli Gythio inkl. Bsuech vom Dimitrios Schiffswrack, es nordwegisches Schiff wo sit 1981 uf Grund liht, hät nöd därfe fehle.

    Zwei Täg später simmer witer Richtig Monemvasia, eme ufere Insle versteckte Dörfli chli go Sightseeing mache und witer erhole, bis d Jenni denn au na het afange chränkle... s Wetter die Wuche söll Tag für Tag besser wärde und gseht fest nach paar Morge-🚵‍♀️ und Nami-🏖️ Täg us ☀️

    Campingbewertung Meltemi: 5****, Süsser Campingplatz unter tonnenweisen Olivenbäumen mit sehr guten sanitären Anlagen, einer Gemeinschaftsküche und tollem Strand direkt vor der Türe. Betreiber sprechen einwandfrei Deutsch. WLAN nur in den öffentlichen Bereichen, das gibt aber in meiner Bewertung definitiv keinen Stern Abzug.    Read more

    See translation
  • Gravels, Salty Hair & Ouzo
    1
    2Empty beaches, cyrstal clear water, everywhere 😍☕ breakKüstenlandschaft im Argolischen GolfViel Tüfgang hinne 😏

    ... schiint d Sunnä ☀️

    May 27, 2023 in Greece ⋅ ☀️ 20 °C

    S Rägewetter het sich verzoge und mer hend ade Ostküste vom Peloponnes es paar super sunnigi Täg mit 25 Grad, Velorundi am Morge und Strand am Namittag chönne gnüsse.

    Die Wuche hemmer so richtig abegfahre und s erst Mal au so richtig die erste 3 Mönet vom Jahr afange verarbeite. Erst jetzt so richtig realisiert, dass mer nonstop uf Achse gsi sind vom einte Ort zum nächste und wieder wiiter. Umso schöner, dass mer ez scho fast 1 Wuche ufem gliche Campingplatz höckled und eifach in Tag ineläbet. Glichziitig nutzemer d'Rueh au zum wieder fit wärde. Ez muess nur de Jenni ihre Hueste nu weg...

    Morn gahts witer Richtig Nafplion, Epidauros und Korinth. Kultur und 🚵‍♀️ staht nächst Wuche ufem Programm.    Read more

    See translation
  • Gravels, Salty Hair & Ouzo
    Old Nafplio🍅🍊🍈🍌🍋🚨🥐Leonidio bi schönem Wetter1Fokiano ⛱️

    Nafplio & Lefka Beach Camping

    May 31, 2023 in Greece ⋅ ⛅ 23 °C

    Bye bye Vassili. Nach eme witere feine riese Buttergipfeli und 7 (!) Nächt ufem Camping Zaritsi simmer witer zoge Richtig Nafplio, de alte Hauptstadt vo Griecheland.

    Genau 1000 Stufe später uf de Palamidi Burg hemmer die wunderbari Ussicht mitgno und hend eus aber de Itritt für d Burg gspaart, will mir langsam wüssed, dass mir sowieso eher "kulturbanausig" sind & schneller wieder dusse gsi wäred 😉

    Nach zwei Nächt ufm Lefka Beach Camping, Frücht und Gmües uffülle ufem Nafplio Markt und eme Beach Tag hemmer entschide zum namal in Süde z fahre, gnauer an Fokiano Strand. Nacheme Gyros Stop in Leonidio simmer nach knapp 3 Stund Kurvefahre acho. Knapp 10 anderi Camper sind au am über 500m breite Strand und hend sich fürd Nacht igrichtet 🚐    Read more

    See translation
  • Gravels, Salty Hair & Ouzo
    Traum Küstestrass Fokianos-KyparissiFokianos BayKyparissi1💙

    Fokianos Beach & Kyparissi 🚵‍♀️

    June 1, 2023 in Greece ⋅ ☀️ 23 °C

    De rechti Finger vom Peloponnes het eus sehr zuegseit und drum hemmer eistimmig entschide, namal die kurvige und wunderschöne Küstestrasse nach Lakonie abezfahre.

    150km und ei manipulierti Tanksüüle später simmer da: Fokianos, wunderschöni, 500 Meter breiti Kiesbucht mit minimaler Usstattig. S Strandbeizli isch na ide Summerpause und d Duschene funktioniered au ned/noni. Mir hend gnueg Trink-, Dusch und Chochwasser für 2-3 Täg debi. Dinner am Strand und fast sterneelei bi Sternehimmel. Eifach nur wow!

    Am nächste Tag isch e Velotour uf Kyparissi agstande, sehr hügeligi 50 Kilometer hi und zrugg ufere neue Küstestrass wo de Weg i di gängige Karte-Apps nu nid gfunde hät. Mer hät üs gseit, dass mer wenn mer Glück hät uf dene 25km keim Auto begegne söll. So isch es eus bide Hifahrt dänn ergange - 0 Verkehr.

    In Kyparissi, eme süesse Fischerdörfli inere wunderschön gschützte Bucht, sölls im Hochsummer au Gäscht geh wo mit Heli und Boot chömed. Für eus gad schwer vorstellbar so herzig und authentisch chunts dehär. Nachere usdehnte Kaffipause direkt im chline Hafe radlemer wieder zrugg und zehled 1 Auto und 2 Töff wo eus entgegechömed.

    Will am nächste Tag schlechter Wetter agseit isch (unds tatsächli denn de ganz Tag nur gregnet het) hemmer eus für 40 Fränkli für Zimmer/Frühstück im eine vo drü Hotels bequem gmacht und eus vode Gastgeberin Stella für die wiitere Täg inspiriere lah ☀️    Read more

    See translation
  • Gravels, Salty Hair & Ouzo
    Traumbucht bi Richea
    🤩🐟 in the makingfast so gross wie die vo Deborah und Fabio ;)🧡The next morning: en Traumplatz

    Traumbucht vo Vlychada 🤩

    June 4, 2023 in Greece ⋅ ☀️ 26 °C

    Next stop: Vlychada Beach - will ys die Stränd und Buchtene a dere Küste so gfallet, hemmer ys entschide numal ä Wild-Camping Nacht unterhalb Richea izlegge. Obwohl ich eigentlich meh "Camping Erfahrig" han, het de Patrick irgendwie weniger Miäh mitem friistah - ich bi ame biz mit de vielä Muckene & sustige Viecher am kämpfe. 🙈

    D Afahrt isch wieder sehr idrücklich gsi & mier froh, dass miärs ys gwohnt sind, mitem Aito vili Kurve z fahre. :) D Bucht isch wunderscheen, z Meer klar und grad ä guäti Temperatur zum abchiäle. Ai ä guätä Platz für de Bus hemmer gfunde und sind nitmal die einzige gsi. Es paar Grieche sind de ganz Namitag mit Fischernetz am taichä gsi & am Abig hend denn ai mier derfe frisch frittierti Makrele gniässe (de Patrick meh als d Jenni;).

    Nachere agnähme Nacht, beachen am Morge hemmer denn z erst Mal wieder paar Stunde meh zum fahre gha. Ha mier vilmal überleit, wie mier das in Nordamerika gmacht hend, wo's eifachd "normal" gsi isch, witteri Streckene z fahre. Miteme churze Halt in Sparta 🍔 simmer ufeme chline Camping churz vor Epidauros acho.    Read more

    See translation
  • Gravels, Salty Hair & Ouzo
    Grosses Theater
    Keis Theater 😉Wo isch de Hockey Rink?Stadion

    Epidauros UNESCO Wold Heritage

    June 5, 2023 in Greece ⋅ ☀️ 22 °C

    Ufem Weg Richtig Festland hemmer en Touri-Stop im idrückliche grosse Theater vo Epidauros, wo zum UNESCO Weltkulturerbe ghört, gmacht. Baut im 4. Jahrhundert vor Christus hets bis 14'000 Zueschauer Platz botte und es findet au hüt na im Summer Theateruffüehrige statt.

    Di nächsti Kulturlektion staht scho vor de Tür. Für das wechslemer id Stufe "Weltwunder" 😏

    To be continued.    Read more

    See translation
  • Gravels, Salty Hair & Ouzo
    PsyriMonastirakiAnafiotikaKanal vo Korinth

    24 hours in Athens

    June 7, 2023 in Greece ⋅ ⛅ 26 °C

    Athens, here we go!

    Diä Stadt isch eigentlich scho lang uf minere Bucket list gstande (Jenni) und jetzt ischs sowiit gsi.

    Nacheme Stop bim Kanal vo Korinth ("Wo isch dr Kanal? Ah, luäg, unter derä Brugg wommer grad am duräfahre sind. ") mit über 6km Längi, 25 Meter breit und 80 Meter höch, simmer nach x-Mautstelle bequem bim Tassos ufm Camperstop in Athen acho. Sind froh gsi, dass mier mitem Bus nit id Stadt hend miässe fahre und defir gmiätlich d Metro hend chenne nä.

    Bi warme Temperatüre hemmer ysere Wäg dur die viele härzige Gässli in "Monastiraki" pünktlich uf d Abigstimmig uf d'Akropolis gschafft. Super scheeni Üssicht über d'Stadt und idrücklichs Monument, wo zude Weltwunder zellt.

    De Summerabig hemmer ufere Dachterrasse in "Plaka" gnosse & ai en Brunch het am negschte Morge in "Psyri" nit derfe fähle. 🥐    Read more

    See translation
  • Gravels, Salty Hair & Ouzo
    Dirty 30MTB WC Lenzerheide, zum letschde Mal? 🥲1De neu Vorstand vode Wildschwii

    🐧 mached Kurzferie ide 🇨🇭

    June 18, 2023 in Switzerland ⋅ ☁️ 30 °C

    Ganz wenig speziell, wenn mer mit zwei Rucksäck und einre chline Täsche an Flughafe gaht, ufm Weg id Ferie vode Ferie. Gnau das hemmer vor 10 Täg gmacht und sind für de 30gst Geburtstag vo minere Schwöster, Doktor(Zahni)-Termine, Hockey-GV und es Hochzit (wo insgesamt 2x verschobe worde isch) id Schwiz gfloge.

    Jetzt sitzemer da am gliebte Heim-Flughafe ZRH, wo mer scho mängi Stund mit warte und zittere ("hets ächt Platz für eus ufem Flüger?") händ dörfe verbringe und warted bis de Flüger zrugg uf Athen gaht, wo mer s Büsli hend chöne bime coole Dütsch-Griech sicher istelle.

    Mer hend ide letschde Täg unter anderem
    - eusi Family & Friends wieder gseh 💛
    - de Nadine ihre 30gst gfiiret 🎉
    - am Nino Schurter bi sim Rekordsieg uf de Lenzerheid zuegjublet 🚵‍♀️
    - z Arosa im Untersee d Brüüni frisch bhalte inkl. Grill & Chill ;)
    - am Patrick sini 🦷Spange checkt
    - es Hochziit gfiiret 💒 & Vereinsarbeit abghalte

    Danke allne für di schöne Momänt. Jetzt freued mir eus ufd Fortsetzig in Griecheland.

    Next stop: Kykladen    Read more

    See translation
  • Gravels, Salty Hair & Ouzo
    Portara, Temple of Apollo in Naxos
    Busy morning in Piräus🌅some roadssome views5some dudessome arts 🖌️and some sandy roads

    Hello Naxos 🌅

    June 21, 2023 in Greece ⋅ ☀️ 24 °C

    5.5h Fährfahrt sinds vo Piräus uf euse ersti Kyklade-Stop: Naxos

    De Bus tip top uf em erste Deck bide grosse Lastis versorgt, so eifach gaht das. Da hend mer au scho tüüfer abe müesse i anderne Schiff. Fährfahrte am früene Morge sind super, s Schiff isch ufd Sekunde pünktlich am 07.25 usm grosse Hafe vo Piräus usgloffe. Vom erste Teil bis Paros hend mir nid viel mit übercho, zu bequem sind d Airseats gsi zum Dösele. Kurz nachem Mittag simmer in Naxos acho... und definitiv ned di einzige uf dere Insle.

    Di letschde Täg segs massiv wärmer worde und d'Insle füllt sich langsam aber sicher, het di dütschi Nachbarin ufm Camping Maragas gmeint wo scho sit Afang Mai da isch. D Sunneuntergäng uf de Kykladen sölled bsunders schön si. En erste tolle häts scho mal geh.

    De Plan für de nächsti Morge isch gsi sehr früeh use und 50km Gravel Fun zum in Tag inestarte. Am 7ni isch es los gange is Hinterland und id Hügel vo Naxos, zserscht Richtig Weste und denn Norde. Uf de Kyklade zieht de Nordwind am Morge laufend ah und drum wemmer so wit wie mögli nordwärts cho zum denn mit Ruggewind zrugfahre (und zum nit de volle Sunne usgsetzt z sii :).

    Absits vom Hauptort sind d Strasse superleer und d Sunne brennt abe als gäbts keis Morn. Nachere chline Stärchig ide Chora simmer zum Windsurf-Spot gfahre und uf es bekannts Gsicht gstosse... 🙂👯‍♀️    Read more

    See translation
  • Gravels, Salty Hair & Ouzo
    🥂
    alti Windmühle1💛1Jenni im Zoom1Nächsti Sportart? 🙂

    Gravels, Salty Water & Friends 💛

    June 23, 2023 in Greece ⋅ ☀️ 25 °C

    D Meli und ihri Kollegin Corinne sind die Wuche am Windsurfe in Naxos und mir hend sie am Mittwuchabig im Städtli zum Znacht troffe (nachdem zsersch de überfüllt Bus 40min ned cho isch und mer doch gschider die 20min mitm Velo gange wäred - PK evtl. ganz liecht sauer gsi). De feini Znacht het alles meh als wieder guet gmacht und mer hend en tolle Abig zäme därfe verbringe.

    Es het scho guet Lüüt uf de Insle. Viele Deutsche :D Gnueg für eus und fast scho unheimlich sich z vorstelle wies denn im August da isch. Di Iheimische meined denn segs na viiiel voller und heisser. Nein danke. Ohni eus 🙂

    S Programm die letschde Täg isch relativ eintönig gsi:
    - am Morge 2x 50km go gravele
    - Zmörgele
    - Beache
    - Jenni am Nami go probiere Windsurfe uf z früsche & sehr Spass debii gha/ Pädi witer beache oder go Dessert inestopfe 🥞
    - Znacht koche
    - Sunneuntergang gügsle

    Eat. Sleep. Gravel. Water. Repeat.

    ☀️

    Camping: Maragas Beach. 5***** Ganz liebi Lüüt ufeme mixed Platz mit Campervans, Zält, chline Hüttlis und Bungalows. Süss und mit ere schöne chline Taverne. Suber, Outdoorduschene, Wäschmaschine und Supermarkt plus en kilometerlange Sandstrand direkt über de Strass.    Read more

    See translation
  • Gravels, Salty Hair & Ouzo
    Naoussa am Morge
    NaoussaChurze visit imene Oliveöl - Museum inkl. Verköstigung :)Lefkesfinde Jenni;)für einmal nein camping

    Off to Paros

    June 26, 2023 in Greece ⋅ ☀️ 24 °C

    Nach fast erä Wuchä uf Naxos hets ys langsam witterzoge - und obwohl miär gwisst hend, uf welli Insle dass miär eppe nu wend gah, hemmer gmerkt, dasses doch äs biz Planig brücht für die negschtä Täg. Irgendwie hemmer de Fährplan vode Kylade immernu nit durchschaut - jede Tag fahret d Schiff anderi Routene, zu anderne Zitte & mängisch fahrets gar nit 🧐😀 PK: Schlussendli aber het jedes Schiff sin eigete fixe Fahrplan für jede Tag vode ganze Saison wo überall gross usdruckt isch!

    Uf jedefall hemmers denn aber uf ne Fähri gschafft in richtig Paros. "Insel-Hüpfen" isch da voll das Ding & mier sind froh dass immernu Vorsaison isch, drum hemmer gnuäg Platz uf de Fähri & last minute bookings sind nu möglich. :)

    Uf Paros simmer innere härzige Unterkunft gsi & hend am Morge d Insle biz mitem Velo erchundet, inkl. z'Morge Stopp in Naoussa. Am Namitag isch sehr heiss gsi und z'einzig Motto isch gsi: 🏊‍♂️🧜‍♀️⛱️

    Ai wemmer nur churz uf de Insle gsi sind, hend ys diä chline Dörfli/Städtli wommer gseh, voll vo härzige Gässli wommä mä sich guät mal cha verliirä drininnä, sehr gfallä.    Read more

    See translation
  • Gravels, Salty Hair & Ouzo
    another ferryanother nap :)SarakinikoPlakaO' Hamos Taverne

    Milos - Kykladen Abschluss

    June 29, 2023 in Greece ⋅ ☀️ 25 °C

    Nachem Abstächer in Paros isch z negschte Ziel d'Insle Milos gsi. Am Fährhafe vo Parikia hemmer die ruhigi Morgestimmig gnosse und nachdem de Patrick mitem Capitano über ysere Bus diskutiert het (Kategorie: Aito oder Camper?), hemmers denn erfolgriich inkl. Bus uf d'Fähri gschafft. ;)

    Nach 5h simmer guät in Milos, ä Vulkaninsle acho. Ufem Programm hemmer für die negschte Täg gha: paar Stränd z bsuäche, dur d'Dörfli z laife und d'Insle z erchunde. D'Strasse sind uf dr Insle zum Teil chli sandiger und steiniger gsi - hend drum dopplet guät gluägt wo miär dure fahret. :) Es het vili chlini Buchtene, Wind & Sand (überalll:)).

    Uf de Insle hets sehr vil Amerikaner & drum simmer de ai plötzlich vorem Mini Market wartend is Gspräch mit paarne cho & hend über yseri Skiferie chenne üstüsche. :) Ai suscht gmerkt mä, dass d Summerferie gstartet hend & mä a villnä Orte nimme allei isch 😊    Read more

    See translation
  • Gravels, Salty Hair & Ouzo
    eusi 200+m Fähre im Hafe vo Milos👋back in Athens3post-covid information 😉

    Meh Fährene und Gedankekarussell

    June 30, 2023 in Greece ⋅ ☀️ 26 °C

    Finito Kykladen.

    Es nimmt generell vo Tag zu Tag zue mit de Lüüt. Wos uf de Insle vor allem viel Brite und Amis gha het (für die Deutschen isches glaub ztüür 😂 plus hets fast kei Campingplätz.

    Nachere witere 5h Fährfahrt vo Milos im fast leere grosse Fährschiff "Knossos Palace", wo d Route Kreta-Milos-Piräus" bedient, simmer guet ufem Festland acho und parat für de nächsti Stop uf de ionische Insle Kefalonia. Mer sind froh, dass nani Hochsaison isch und mer superviel Platz uf de grosse Fähre hend. Het sogar zwei Pools drufgha, wos aber leider na am Fülle gsi sind.

    Next stop: 🏝️ Kefalonia

    Vor zwei Jahr uf eusem Italie-Griecheland-Balkan Summertrip hets eu uf de Nachberinsle Lefkada superguet gfalle. S Meer rund um di ionische Insle isch na blauer als susch und d Vegetation total anderst, meh bewaldet und viel grüener. Doch bevor mer mit de Levante Ferries uf de Insle acho sind hemmer ufm Camping Akrata en Night stop igleiht und eus im Mymarket mit Lebensmittel ideckt. Später hät euse Bus e wohlverdienti Wösch inkl. Schuumbehandlig becho (& er glänzt immer no) 🎉

    Es fallt schwer das so zschribe; so langsam gspüremer biz en Art Reisemüedigkeit. Im letschde halbe Jahr hemmer extrem viel Idrück gsammlet, erlebt und mer hend gmerkt dass mer au Ziit bruched zum das alles verarbeite. Drum hemmer ide letschte Täg au nüm so grosses Programm gmacht - zum alles biz sacke lah & eifach biz sii 🙂    Read more

    See translation
  • Gravels, Salty Hair & Ouzo
    1Myrtos Beach
    2euse BeachBlick uf AssosAssos1Chleidli uspackt🐢-Sichtung2

    We 💙 Kefalonia

    July 3, 2023 in Greece ⋅ ☀️ 25 °C

    Kefalonia - di grössti vo de 4 ionische Insle hend mir vor zwei Jahr na lings ligge la, das Jahr isch si fix ufm Programm gsi & het sich voll uszahlt!

    S Meer isch tüüfblau, d Stränd wunderschön, di chline Dörfli na schöner und s gröschte Städtli na agnehm ohni viel Lüüt, die ganz Insle sehr hüglig & alles voll grüen! Alles het eus wieder biz ad Peloponnes Ziit erinneret 😍

    Eusi planti Graveltour schiebemer Tag für Tag use und gnüssed eifach gad de Moment, d Sunne, de chüelendi Wind, de eint oder ander Dörfli Bsuech, s feine Esse (euses und das vode süesse Taverne) und viel Schoggi-Dessert.

    Teaser: Graveltour und en wunderschöni Wanderig uf de höchsti Berg (im Winter mit Schnee ❄️😍) bi Sunneundergang hämmer dänn doch na gmacht & het sich meh als glohnt! Doch dadezue meh bim nächste Mal.

    Kalinichta!    Read more

    See translation
  • Gravels, Salty Hair & Ouzo
    4

    Ionische Sonnenuntergänge 🌅

    July 4, 2023 in Greece ⋅ 🌙 23 °C

    Hüt Nami simmer in Richtig Hauptort vo Kefalonia, em Dorf Agrostoli, gfahre und hend de wunderschön Sunneuntergang ufem 1628m höche Ainos gnosse. D Drohne flügt nach 4 Wuche na iwandfrei und d Jenni sött de iheimische Grieche wo au ufm Gipfel gsi sind na es paar Shots schicke ;)

    Nach 4 Täg Hitz uf Kefalonia und üsem wunderbar schattige Platz ufem Camping Karavomilos in Sami hemmers am Tag 5 am Morge früeh endli ufs Gravel gschafft und e tolli Tour über Stock und Stei, Berge, Küstestrasse und schöni Dörfli gmacht. Langsam hänkt d Hitz zimli ah, was sich nöd nur im weniger gravele widerspieglet.

    Am Abig isch es witergange mit, oh wonder, ere witere Fährfahrt. Vom süesse Fischerdörfli Fiskardo fahrt d Westferry bis 3x am Tag ufd Nachbarinsle Lefkada. In Vasiliki simmer vor zwei Jahr au ufem Camping gsi und hend en tolle Platz inmitte vome Wespinäscht becho. Morn wämmer en neue, abglegne Strand in Lefkada abchecke und de Tan lines e chlises Upgrade geh bevors denn witter in Richtig Albanie gaht.    Read more

    See translation