Üsi Australiäreis 22/23

Dezember 2022 - März 2023

Üses zwöitä Abentüür z Australiä. Nachdäm mir z'letschtä mau im 2019 vo Perth, dürä Nullarbor richtig Alice Spring, Cairns u när dr Ostküstä uf Sydney gfahrä si, göh mir dasmau Südaustralia u Tasmania gah erkundä. Weiterlesen

46Footprints
3Länder
85Tage
341Fotos
2Videos
26,1kKilometer
16,3kKilometer

Folgen Kalender Teilen Bucket List

Datum aufsteigend

Reisender Üsi Australiäreis 22/23
- Reise anzeigen
- Zur Bucket List hinzufügenVon der Bucket List entfernen
- Teilen
- 08.12.2022, 19:06
- 🌙 1 °C
- Höhe über NN: 797 m
- Schweiz Schwyz Sattel SZ 47.0845, 8.636547°5’4” N 8°38’11” E
Vorbereitig
8. Dezember 2022 in der Schweiz ⋅ 🌙 1 °C
I ca. 28h geit üsi grossi Reis äntlich los u mir freuä üs, dass mir üser iidrück hiä mit euch chö teilä!
Nachem erschtä grossä Schock hüt Morgä, wüu d Fluggsellschaft miner Reisedokument zersch abglehnt het, hei mir de doch nu chönnä packä u üser compression bags usprobiärä. Jetzt chö mirs chum meh erwartä bises de äntlich los geit!!!Weiterlesen
Gefällt 0 mal
Reisender Üsi Australiäreis 22/23
- Reise anzeigen
- Zur Bucket List hinzufügenVon der Bucket List entfernen
- Teilen
- 09.12.2022, 20:50
- ☁️ 0 °C
- Höhe über NN: 424 m
- Schweiz Zürich Kloten Kloten / Holberg Flughafen Zürich 47.452649, 8.56147°27’10” N 8°33’40” E
Tag 1
Jetzt geiz los!
9. Dezember 2022 in der Schweiz ⋅ ☁️ 0 °C
Sicherheitskontrollä hei mir hinger üs, jetzt müessä mir nu wartä bis üsä Flüger parat isch us de äntlich los, zersch mau richtig Singapur u när wiiter uf Melbourne ✈. Hoffentlich gfingä mir i denä 24h chli schlaf 😴Weiterlesen
Gefällt 0 mal
Reisender Üsi Australiäreis 22/23
- Reise anzeigen
- Zur Bucket List hinzufügenVon der Bucket List entfernen
- Teilen
- 10.12.2022, 20:30
- 🌧 26 °C
- Höhe über NN: 11 m
- Singapur Kampong Ayer Gemuruh Flughafen Singapur 1.357338, 103.9885651°21’26” N 103°59’19” E
Tag 2
Kaffeestopp
10. Dezember 2022 in Singapur ⋅ 🌧 26 °C
Trotz 1h Verspätig hei mirs heil nach Singapur gschafft. Di 12h si ziemlich schnäu dürägangä, dass aber vermuetlich oo wüu i chum im Flugzüg ghocket scho gschlafä ha 😅 Einzig ässä hei mir ufgrund vo Turbulänzä nid so guet chönnä 🙃
Jetzt heissts nu Kaffee ustrinkä u scho geiz wiiter 🛩Weiterlesen
Gefällt 2 mal
Reisender Üsi Australiäreis 22/23
- Reise anzeigen
- Zur Bucket List hinzufügenVon der Bucket List entfernen
- Teilen
- 12.12.2022, 06:30
- 🌧 12 °C
- Höhe über NN: 27 m
- Australien State of Victoria Melbourne South Wharf Batman Park -37.820758, 144.95606237°49’15” S 144°57’22” E
Tag 4
1. Nacht überstangä
12. Dezember 2022 in Australien ⋅ 🌧 12 °C
Nach wiiterä 8h Flug si mir geschter guet z Melbourne aacho u si ohni Problem iz Land innä cho. Da d Fluggseuschaft bim zmorgä gspaart het, hei mir üs haut grad diräkt ufd Suechi nach öbbisem gmacht bevor mir id Wohnig si. Aaschliessend hei mir afä chli öbbis vo Melbourne aagluegt, isch sehr ä interessanti Stadt u vorauem für üsi Verhäutnis eifach riesig 🙈 Da d Wohnig im 23. Stock obä isch, hei mir perfektä Überblick ufd Stadt u gseh sogar bis ufz Meer 😃
Hüt göh mir wiiter gah d Stadt erkundä u gah luegä was diä nu wiiters a interessantä Sachä bietet 😎Weiterlesen
Gefällt 3 mal
Reisender Üsi Australiäreis 22/23
- Reise anzeigen
- Zur Bucket List hinzufügenVon der Bucket List entfernen
- Teilen
- 13.12.2022
- 🌧 14 °C
- Höhe über NN: 10 m
- Australien State of Victoria Melbourne South Yarra Fawkner Park -37.8411, 144.979937°50’28” S 144°58’48” E
1
Tag 5
Quer durch Melbourne
13. Dezember 2022 in Australien ⋅ 🌧 14 °C
Geschter si mir d Stadt gah aaluegä u hei üs ufd Suechi nachem anschiinend beschtä Kaffee vor ganzä Stadt gmacht (obwouhs totau unschiinbar u imänä Hingerhof versteckt gsi isch, isches auso würk eis vo dä beschtä Kaffees gsi wo mir gha hei). Ufem Wäg dert härä hei mir viu "Kunst" dörfä bestuunä, obwouh üs bi teilnä nid ganz klar isch gsi inwiefärn das unger Kunst geit 🤔
Am Aabä si mir nu a Christchindlimärit gangä, wo mir "schöni" Musig hei dörfä ghörä, fein Ässä (Jamaikanisch 😋) u weniger fein trinkä.

Hüt si mir a Queen Victoria Market gangä. Die Uswauh a Frücht u Gmües isch ungloublich gsi u mir hei nu säutä so gueti Ärdbeeri gässä 🥰. A däm Markt hets sogar ä riesigä Ladä, nur mit Chochbüecher gha. Drbi si mir tatsächlich ufänäs Rezept für Schwiizer Cervalat gstossä 😂. Am Christian sis nöiä Motto luutet usserdäm "Don't trust a vegan!"
Z Wätter isch hüt rächt wächselhaft gsi, i eirä Sekundä hets üs vou verrägnet u het gwindet u ir nächschtä isches z schönschtä Summerwätter gsi. Da z Wätter für morn onu so aagseit isch, si mir froh gsi, dass mir hüt per Zuäfau bemerkt hei, dass mir ja nu ä Tag lenger hiä dörfä blibä aus mir im Chopf gha hei u de hoffentlich am Donnschtig gliich nu ä schönä, warmä Tag dörfä erläbä 🤦🏼‍♀️🤦🏻‍♂️.Weiterlesen
Gefällt 4 mal
Reisender Üsi Australiäreis 22/23
- Reise anzeigen
- Zur Bucket List hinzufügenVon der Bucket List entfernen
- Teilen
- 14.12.2022
- ⛅ 14 °C
- Höhe über NN: 43 m
- Australien State of Victoria Melbourne Fitzroy Flinders Park -37.805871, 144.97154437°48’21” S 144°58’18” E
Tag 6
Quer durch Melbourne 2.0
14. Dezember 2022 in Australien ⋅ ⛅ 14 °C
Da Melbourne so gross isch, si mir hüt nu angeri Teilä gah aaluegä. Ungerangerem si mir Chinatown u Carlton Garden gsi. Da geschter aber vor Universität Diplomfiir gha hei, hei mir dr Garden nicht so richtig chönnä aaluegä.
Bi üsem miitlerwiilä lieblingsbarista isch üs am morgä empfohlä wordä, id State Library of Victoria z gah, wüu mä dert wunderbari Ussicht ufd Stadt higi. Das wird sicher so sii wüu mä rächt höch obä isch, aber leider het mä nid ufd Terrassä usä chönnä 😅. Di Bibliothek isch aber gliich nu interessant gsi, da si eifach so riiesig gsi isch 🤓.
Zum Zmittag hei mir hüt mau Sushi🍣 probiert, isch auso besser gsi aus erwartet.
Am Aabä si mir a Summer Night Market gangä. Äs het ä riesigi Uswauh a Ässensstäng us auer Wäut gha, das isch ungloublich gsi u mä het sich chum chönnä entscheidä. Drzuä hets Livemusig gäh u diversi interessanti Sachä gha zum aaluegä. U da isch üs ersch richtig ufgfauäh wi In dr Vokuhila bi jungä Männer hiä isch 🤣🤣 u o süsch hets äs paar komischi Lüüt umä gha.Weiterlesen
Gefällt 3 mal
Reisender Üsi Australiäreis 22/23
- Reise anzeigen
- Zur Bucket List hinzufügenVon der Bucket List entfernen
- Teilen
- 15.12.2022
- ⛅ 16 °C
- Höhe über NN: 10 m
- Australien State of Victoria Melbourne Docklands Moonee Ponds Creek -37.817542, 144.93949237°49’3” S 144°56’22” E
Tag 7
Docklands
15. Dezember 2022 in Australien ⋅ ⛅ 16 °C
Hüt hei mir mau chli usgschlafä u si när gägä Mittag ad Docklands gfahrä mitem Tram. Äs gseht nacherä sehr tüürä 💸 Gägend us, isch aber würk schön so mit dä Paumä undem Yachthafä. Usserdäm isch dert nu z Marvel Stadion, wo vo usä scho sehr iidrücklich usgseh het. Leider hei mir aber nid innä chönnä.
Am Aabä hei mir scho müessä packä, wüu morn geiz de mitem Zug 🚈 wiiter richtig Lankeys Creek, wo mir di nächschtä 2 Wuchä wärdä verbringä 😃Weiterlesen
Gefällt 2 mal
Reisender Üsi Australiäreis 22/23
- Reise anzeigen
- Zur Bucket List hinzufügenVon der Bucket List entfernen
- Teilen
- 17.12.2022
- ☀️ 22 °C
- Höhe über NN: 455 m
- Australien State of New South Wales Greater Hume Shire Lankeys Creek -35.84965, 147.63279235°50’59” S 147°37’58” E
2 1
Tag 9
Wildlife Refugee, Lankeys Creek
17. Dezember 2022 in Australien ⋅ ☀️ 22 °C
Nach fasch 4h Zug u 1h Outofahrt si mir geschter guet z Lankeys Creek aacho. Da isches z totalä Gägäteil zu Melbourne. Äs het ca 50 Iiwohner, isch totau ruhig u mä gseht ke einzigä Nachbar vom Huus us. Respektiv äs isch eigech ä haubwäg usboutä Schuppä 😅.
Drfür hets mega viu Tier hiä u üsi Gastgeber si mega nätt. Chum aacho isches de o scho los gangä mit Schöppelä vo dä Joeys u dä Wombats😍 di si so ungloublich süess, verspiut u mega aahänglich 🥰.
Am Aabä si mir ines Lokals Pup, wo mir sogar ä waschächtä Cowboy troffä hei🤠
Hüt morgä hei mir d Gheg usgmischtet, di chliinä Gschöppelet u nu chli mitnä gspiut u knuddlet 😃
Mir fröiä üs scho sehr uf di zwöi Wuchä u si gspannt, was mir süsch nu so wärdä dörfä erläbä hiä 🙂Weiterlesen
🤣🤣🤣🤣🤣🤣🤣🤣🤣🤣🤣🤣🤣🤣nimm du de hei [martina]
17.12.22Antworten
Reisender Si isch chli z gross für mi Koffer 😅
17.12.22Antworten
Reisender 🤣🤣🤣
17.12.22Antworten
2 weitere Kommentare
Gefällt 5 mal
Reisender Üsi Australiäreis 22/23
- Reise anzeigen
- Zur Bucket List hinzufügenVon der Bucket List entfernen
- Teilen
- 25.12.2022
- ☀️ 30 °C
- Höhe über NN: 455 m
- Australien State of New South Wales Greater Hume Shire Lankeys Creek -35.849734, 147.63268235°50’59” S 147°37’58” E
1
Tag 17
Merry Christmas
25. Dezember 2022 in Australien ⋅ ☀️ 30 °C
Zersch mau aunä ganz ä schöni Wiehnachtä🎅☃️!

Di 1. Wuchä aus Volunteer isch jetzt dürä u äs isch einiges gloffä. Strom het nid richtig funktioniert, Wasser isch nüm cho u het müessä früsch i Tank iipumpet wärdä, d Wöschmaschinä isch usgfauä, ä nöii Volunteer isch cho, ds Emu Baby isch gstorbä, 3 Wombats si mir vor Strass gah näh u gah luegä ob äs Baby umä isch (zum Glück si aber aues Männli gsi), ä nöiä Joey, d Penny isch cho, dr Woolsley isch chrank gsi (ihm geiz aber wieder viu besser), u nu ä huufä angers.

Während dr Christian am Pete ghulfä het d Solaraalag i Betrieb z näh, d Stüüd iizschlah fürä nöiä Zuun, dr Stoubsuuger z flickä, d Wöschmaschinä z loufä z bringä u nu viu meh, bi i chli mit dr Carol diversi Sachä gah erledigä u bi z Tumbaramba, Holbrook, Wawla u z Wagga-Wagga gsi.

Wiiter hei mir nu ghulfä aui Tier z entwurmä, d Schaf z impfä, dr Christboum fällä etc., u das aues näbem schöppelä vo 6 Joeys 🦘 u 6 Wombats, putzä u füetterä vo 17 Wombats, 7 Rösser 🐎, 6 Chätzli 🐈, paar Schaf 🐑, Geissä 🐐, Rinder 🐂 usw..
Mir si ämu au Tag vou beschäftigt gsi 😅 u am Aabä ziemlich müed 😴

Bis jetzt hei mir würk ä sehr gueti Zyt hiä, d Lüüt si mega nätt, im Pup in Jincellig hei mir o scho diversi Bekanntschaftä gmacht.
Wiehnachtä wärdä mir mit äs paar Kollegä vom Pete u dr Carol fiirä, das wird sicher o interessant 🙂Weiterlesen
bisch halt äh Süässi 🤩 [Martina]
29.12.22Antworten
Gefällt 2 mal
Reisender Üsi Australiäreis 22/23
- Reise anzeigen
- Zur Bucket List hinzufügenVon der Bucket List entfernen
- Teilen
- 29.12.2022, 18:00
- ⛅ 21 °C
- Höhe über NN: 631 m
- Australien State of New South Wales Jingellic East -35.846367, 147.50169135°50’47” S 147°30’6” E
1
Tag 21
Lost...
29. Dezember 2022 in Australien ⋅ ⛅ 21 °C
Nachdäm mir geschter ä eher ruhigerä Tag gah u mir ufd Suechi nach Platypus gangä si (leider keni gseh 😭), isch drfür dr hütig Tag umso abentürlicher gsi 🤠😅

Am Mittag umä hei mir üs ufä Wäg zunärä Hüttä zmitts im Bush, zmitts im Nirgendwo, gmacht. Di Hüttä isch für Lüüt in Not bout wordä. Zu däm Zytpunkt hätt aber nu niemmer dänkt, dass mir onu froh um diä wärdä si....

Churz vorem Ziel isch z Outo im Schlamm abgsoffä u äs het weder äs Vorwärts nu äs Rückwärts meh gäh. U natürlich ke Handyempfang. Nach überä Stung Houz zämä z tragä u z Outo mit Pfannä us dr Hüttä freizbudlä, het sich d Carol ufd Suechi Handyempfang gmacht um Hiuf z holä.

Nach wiiterä 5 Stung isch äntlich ihrä Sohn, dr Matt, cho zum üs Häufä. Trotzdäm mir äxtra ä nöiä Wäg dürä Busch mit dr Motorsaagi gmacht hei, isch bim Versuech üs usäzieh im nassä Bodä säuber versoffä 🤦‍♀️
Immerhin hei mirs nacher wiiterä Houzsammelaktion u mit starcher Muskuchraft doch nu gschafft ihm sis Outo frei z becho. Fürä Heiwäg si mir dehaut 1 stung uf dr Ladebruugg ghocket, was ä sehr houperigi aaglägäheit gsi isch. Aber immernu besser aus 6 Stung bi 30 ° u churz vorem iidunklä, heizloufä 😏

Bi froh hei mirs heil wieder usägschafft aber drfür müessä mir morn morgä früech, bevor mir das Abentüür hiä beändä, nu irgendwiä z angerä Outo gah befreiä 😅Weiterlesen
Reisender 🙈
29.12.22Antworten
Reisender 😂🙈
29.12.22Antworten
Reisender Mier drückid dä 👊das das z,klappe chund 🤪
30.12.22Antworten
Ja da leersch nu ghörig Dräcknä [Martina]
30.12.22Antworten
Gefällt 3 mal