Tyhjennä haku
D Müm am d Welt entdeckeD Müm am d Welt entdecke
SatelliittiMuokkaa reittiä
matkusti 6 maahan. Lue lisää
  • MatkaajaNorwegen
    Päivä 11

    Tag 11

    3. kesäkuuta 2023, Norja ⋅ ☁️ 7 °C

    Ich bin also Seechrank. Hüt hani ned viel plant und drum zerst mal usgschlafe. S Ziel vo hüt usch Bodo gsi und bevori ufd Fähre bin, hani zerst mal in A en Stopp gmacht und mir ide wohl herzigste Bäckerei en Kaffi und es Schoggibrötli postet. Nach dem exkurs bini nach Moskenes und wär sogar ei Fähre vor minere dort gsi. Die isch den au cho und denn ischs Drama losgange. D Autos hend nume rückwärts chöne ufd Fähre, was für vieli eh Challenge gsi isch. Will d Lüüt chli umeblöterlet hend, isch d Fähre ohni eus losgfahre. 1 Stund spöter am 12ii isch den entli eusi Fähre cho und mit hend alli dörfe boarde. Chum simmer losgfahre, hets so dermasse ahfange Schaukle, dasses ned lang gange isch und mir unglaublich schlecht worde isch. Dank em Motilium woni ihpackt ha, hani die 3.5h überstande und bi froh gsi, woni wieder normale Bode under mir gha ha. Jetzt versuechi mich z erhole und öpis Znacht z mache.Lue lisää

    Katso käännös
  • MatkaajaNorwegen
    Päivä 10

    Tag 10

    2. kesäkuuta 2023, Norja ⋅ 🌧 6 °C

    Da ich jetzt chli chürzeri Etappe ha, hani gmüetlich usgschlafe. Nachem ufstah hani grad en Kaffi gchocht und mis Müesli gmacht. Öppe am 10nii bini denn gstartet richtig de südlich Teil vode Lofote. In Svolvær hani min erste Stopp ihgleit und bi goge Pöstele, nebed Spezialitäte, hani auno min Lebesmittelvorrat gfüllt und bi wiiter Düst. Ufem Weg richtig Moskenes hani gfunde ich lueg schomal wegeme Schlafplätzli, will die doch recht begrenzt und begehrt sind da uf de Lofote. Nach längerem Sueche hani jetzt öpis gfunde, chlii witer oberhalb vo Moskenes. Endli ahcho, hanis mer gmüetlich gmacht, Znacht gesse und nochli glernt. Morn mussi d Lofote den leider wieder verlah und mit de Fähre richtig Bodo fahre.Lue lisää

    Katso käännös
  • MatkaajaNorwegen
    Päivä 9

    Tag 9

    1. kesäkuuta 2023, Norja ⋅ ☁️ 4 °C

    Hüt halti mich churz, willi garned eso wiit cho bin. Ich han primär d Ussicht ufs Meer gnosse, die schönste Stränd und Buchte bsuecht. So öppe laht sich min Tag uf de Lofote beschriibe. Nach vielne Zwüschestopps hani irgendwenn au es Schlafplätzli gfunde, woni sogar no Schäfli als Bsuech gha ha. De Abig lahni usklinge mit viel Sunne und gueter Luune.Lue lisää

    Katso käännös
  • MatkaajaNorwegen
    Päivä 8

    Tag 8

    31. toukokuuta 2023, Norja ⋅ ☁️ 1 °C

    Nachere erholsame Nacht bini hüt Morge früeh ufgstande und ha welle d Insle Senja erkunde. Das hani denn au ih Tat umgsetzt und bi losgurkt zu mim erste Punkt. Bim Usstige zum es Föteli mache, bini aber dermasse verregnet worde (bi ih 2min völlig durchnässt gsi), dasi schnell wieder ihsgteige bi und ufs Selfie mitem Stativ verzichtet ha. Wieder on the road ischs Wetter ned würkli besser worde. Nacheme mini Schneesturm, extremem Wind, emene zuegfrorne See und öppe 5 Tunnel spöter bini denn würkli chli entüscht gsi vo Senja, willis mer eifach anderst vorgstellt ha. Irgendwenn hani nümme welle bliibe und bi gmüetlich wieder richtig Süde gfahre, woni hüt nomal wird imene Hotel pfuuse. Jetzt nachere Pizza und emene chline Spatziergang dur Narvik wirdi nochli entspanne und lese.Lue lisää

    Katso käännös
  • MatkaajaNorwegen
    Päivä 7

    Tag 7

    30. toukokuuta 2023, Norja ⋅ 🌧 5 °C

    Wohoo, scho eh ganzi Wuche bini unterwegs im Norde. Und hüt isch en richtige Tag im Auto gsi. Bi dene lange Fahrte, bini entweder am mitsinge bi mine lieblings Lieder oder am gmüetlich en Podcast lose. Hüt isches en Mix us bedem gsi und ich bi uf de schönste Strössli unterwegs gsi. Bi vielne chliine Päuseli, hani den amel auno chli müsse touristisch sii und chli gföteled 📷. Will ich hüt Schuel ha ischs hüt wieder eh Nacht im Warme. Ich ha nähmli es Airbnb gemietet, woni grad min Znacht am chöcherle bi und mini Wösch cha wäsche. Jetzt sammli nomal mini Energie für es Paar stund vorlesig und wird nachher sicher todmüed is Bett gheie 😊Lue lisää

    Katso käännös
  • MatkaajaNorwegen
    Päivä 6

    Tag 6

    29. toukokuuta 2023, Norja ⋅ ☁️ 6 °C

    Hüt bini duregfrorre in Tag gstartet. Die letschti Nacht isch leider trotz Heizdecki und warmem Schlafsack ned würkli erholsam gsi. Nach mim übliche Zmorge hani d Autoheizig ufedreht und bi langsam losgfahre. Nach guet 1h Fahrt hets endli ufghört regne und anstatt de lang ersehnte Sunne ischs cho goge schneeie. Richtig dicki Flocke sind uf de Windschutzschiibe glandet und mini Sorg isch gwachse bezüglich de konstant sinkende Temperatur. Bi under 0°C hani denn scho mal läär gschluckt und mir überleit wie ich die kommende Nächt dörf verbringe. Nach langem überlegge isch denn de Entschluss gfalle, dassi imene Hotel wird schlafe. Zum Glück sind s Mami und de Papi zur Stell gsi und hend mir grad chöne wiiterhelfe und Hotels empfohlene wo guet sötted sii. Schnell druf abe hani den buecht und bi knapp 1h spöter ahcho. Da hani nach churzem Entspanne mini wiiter Reis umplant und em Wetter ahpasst. Nach dem bini fein goge esse. Jetzt gnüssi mis warme Bett und wird sicher glii goge schlafe gah zum die Stunde nahhole woni letscht Nacht ned gha ha.Lue lisää

    Katso käännös
  • MatkaajaNorwegen
    Päivä 5

    Tag 5

    28. toukokuuta 2023, Norja ⋅ 🌧 3 °C

    Hüt isch en richtig gruusige Tag gsi. Scho am Morgefrüeh hets grägnet und isch bedeckt und chalt gsi. Bi 5.5°C bini losgfahre nach Trondheim. Dört hani trotz rege en Halt gmacht wo sich glohnt het. D Architektur vom Städtli isch traumhaft und typisch norwegisch. D Hüüser sind da nähmli fast alli uf Stelze baut und zum teil au ufem Wasser. Nacheme Kaffi und enere mini Fotosession, bini wieder wiiter richtig Norde unterwegs gsi. S Ziel vo hüt isch Svenningdal Ovre gsi wo doch no es Stuck gsi isch zum fahre. Durs ewig schlechte Wetter und die negativ Wetterprognose (es chunt vielicht nochli goge schneeie) isch mini Stimmig irgendwenn em Wetter ahpasst gsi. Doch churz bevori ah mim Schlafplätzli ahcho bi, hani doch tatsächlich no dörfe en einmalige Moment erlebe. Ich han eifach en wibliche Elch dörfe gseh. Mir hend eus zerst ganz lang nume ahgluegt und irgendwenn hani denn glich no d Kamera zückt. Das magische Motiv vom Elch mitem Regeboge het mini Stimmig grad wieder usegrisse und mir zeigt wie schön doch d Welt isch.Lue lisää

    Katso käännös
  • MatkaajaNorwegen
    Päivä 4

    Tag 4

    27. toukokuuta 2023, Norja ⋅ 🌙 7 °C

    Hüt Morge bini gmüetlich in Tag gstartet, nach doch fast 10h Schlaf. Uf de Norwegische Autobahn bini den richtig Norde ufe gfahre. Dört hani in Eidsvoll en erste Stopp gmacht und das Gebäude besichtigt, wo Norwege vo Dänemark unabhängig worde isch. Nach enere super Tour und emene feine Muffin bini wiiter gflitzt zumene Ussichtspunkt woni mi mega druff gfreut ha. Ufem Weg dört ane hets den Plötzlich überall nebed de Strass Schneeinseli gha und d Temperatur isch immer tüüfer gsunke. Womi s Navi denn zum "richtige" Ort gfüehrt het bini irgendwo im Nirgendwo gsi. Churz durf abe hani usegfunde dass de Ussichtspunkt zue het und ich es Plätzli bruch zum schlafe. Wills aber soo chalt gsi isch, bini doch nomal 71km wiiter gfahre, bisi endli en Platz gfunde ha woni mi wohl gfühlt ha. Dur die ganzi Ufregig het denn au min Buuch agfange chnurre und es isch Ziit gsi zum öpis warms chöcherle.Lue lisää

    Katso käännös
  • MatkaajaNorwegen
    Päivä 3

    Tag 3

    26. toukokuuta 2023, Norja ⋅ ⛅ 16 °C

    Hüt bini eimal quär dur Dänemark, demiti in Hirtshals mini vorbuechti Fähre verwütsche. Wie plant bini gnueg früeh dört gsi und han den vorem Check-in en Moment müsse warte, bisi drah cho bi. Bim Zuewiise vo minere warte Reihe, bini no falsch abboge und han den müsse vom Velo eskortiert werde, zude richtige Reihe. Endli uf de Fähre, hani mis Auto verlah und de Fähler gmacht, dassi fast nüt mitgno ha. Wieni spöter bemerkt ha, isch mer nüme zum Auto zrug cho bis 10min vor de Ahkunft. Das uf offner See au schwär isch mit Empfang, hani 3.5h dörfe nüt mache.
    Jetzt bini völlig übermüedet amene ruhige Plätzli, woni min Abig lah usklinge u d früeh wird goge pfuuse gah.    Lue lisää

    Katso käännös
  • MatkaajaNorwegen
    Päivä 2

    Tag 2

    25. toukokuuta 2023, Tanska ⋅ 🌬 16 °C

    Nachere erholsame Nacht bini hüt Morge früeh in Tag gstartet und bi nachem erste Kaffi zerst mal goge mis Auto tanke, demit ich problemlos die nächst Etappe cha zruglegge. Mis erste Ziel hüt isch Bispingen gsi, dört hani nachere 2.5h Fahrt es Päusli gmacht und eh alti Kapelle besichtigt. Die isch vo inne grösser gsi als erwartet, aber trotzdem sehr herzig gsi. Nach dem Stopp bini so Energieglade gsi, dassi beschlosse ha, das s nächste Ziel ned Wanderup isch sondern Dänemark. Also bini ah Hamburg verbi düüst und ha mi gfreut woni vor mir ganz viel Chräne und Container entdeckt ha, im Hafe vo Hamburg. Für nomal en Zwüschestopp het d Euphorie aber ned glangt und churz druf abe bini auscho über die Dütsch/ Dänisch Grenze gfahre. Min hütige Schlafplatz isch dasmal ned ganz elei, defür am See und mit villne liebe Mensche.Lue lisää

    Katso käännös

Liity:

FindPenguins iOS-ohjelmistoilleFindPenguins Androidille

  • 2024© FindPenguins
  • Koti
  • Tietoa meistä
  • Blogi
  • Ryhmän seuranta
  • Lehdistö
  • Ehdot
  • Yksityisyys & Cookies
  • Tuki
  • Merkintä
  • Suomalainen