Reset search
D Müm am d Welt entdeckeD Müm am d Welt entdecke
SatelliteEdit route
traveled in 6 countries Read more
  • TravelerNorwegen
    Day 21

    Tag 21

    June 13, 2023 in Denmark ⋅ 🌙 15 °C

    Chli wandere in Dänemark. Uf das hani mi unglaublich fest gfreut, vorallem nachdem ich mini plante Wanderige in Norwege ha müsse striche wegem Schnee. Da bini hüt drum umso energiegladner gstartet. Willi mi ned ha welle übernäh, bini die chli chürzer Route gloffe. Zerst isch alles im Wald gsi und nachher am Meer entlang. De zweiti Part isch super ahstrengend gsi wegem losere Steiuntergrund, het sich aber definitiv glohnt. Völlig fertig nach dere Wanderig, hani mer es Glace gönnt und ha wieder müsse chli abecho. Drum bini hani mer es Schlafplätzli usserhalb gsuecht und bi sehr happy. Jetzt mussi aber würkli goge pfuuse, willi morn doch es rechts Stuck plant ha zum Fahre.Read more

    See translation
  • TravelerNorwegen
    Day 20

    Tag 20

    June 12, 2023 in Denmark ⋅ ☀️ 23 °C

    Hüt bini de ganzi Tag im Auto gsi und bi praktisch durregfahre bis oberhalb vo Kopenhagen. Willi wieder Schuel gha ha, hani es Zimmer imene Airbnb gmietet. Das hani zerst ned gfunde und bi in Dänemark umegurkt. Irgendwenn hets aber klappt und ich bin endli ahcho und ha chöne entspanne bi chli Fibu.Read more

    See translation
  • TravelerNorwegen
    Day 19

    Tag 19

    June 11, 2023 in Norway ⋅ ☀️ 18 °C

    Phuu isch hüt eh Hitz gsi. Dur die langi Reis im Auto het sich die au wahnsinnig ahgstaut und muss jetzt vorem Schlafegah definitiv no usem Auto. Zum Glück hani es Schattigs Plätzli gfunde woni no mini letschti Nacht in Norwege dörf verbringe. Hüt hani min letschte würkliche Tag da gha, ich bin als Ersts dur es mega lustigs Tunnel gfahre, dört hets eifach mehreri Chreisel drinne gha und es isch schön belüchtet gsi. Nachher bini wiiter gfahre richtig Oslo. Uf dere lange Strecki hani ganz viel Berge müsse ufe und wieder abe fahre. Dur en Zuefall hani die Wasserfäll entdeckt und ha dört au grad min Zmittag gesse. Nach dere bizeli längere Pause, bini wiiter und ha eh ganz spezielli Chille ahgluegt. Die segi ca 1167 erbaut worde. Eh mega herzigi Norwegerin het mi ahquatscht und mir alles chli verzellt über die Chille und d Veränderige wos geh hegi. Nach dere lässige Begägnig isch denn d Suechi nacheme optimale Schlafplatz losgange. Die het sich da ide Region Oslo als sehr schwär erwiese. Dur chli Glück hani jetzt aber öpis gfunde wo langed für eh Nacht.Read more

    See translation
  • TravelerNorwegen
    Day 18

    Tag 18

    June 10, 2023 in Norway ⋅ ☀️ 20 °C

    Hüt bini zerst nochli ide Berge bliebe. Doch nachdemi s 2te Chrüzfahrtschiff entdeckt ha, bini usem Touriwahnsinn und de Küste wiiter entlang gfahre richtig Bergen. Bi es paar Stopps hani no Bildli gmacht und irgendwenn hani die letschti norwegischi Fähre gno für die Reis. Willi z früeh bim Airbnb gsi wär, hani mi entschlosse Bergen hüt scho chli z erkunde. Da ahcho, hets uh viel Lüüt gha, will no d Pride isch und irgend en Lauf. Nachdemi bizeli mitgfiired und es Glace gnosse ha, hani mi endgültig uf de Weg zum Airbnb gmacht. Hüt hani nähmli nomal en wichtige Termin im Kalender, mini mündlichi Englisch Semesterprüefig.Read more

    See translation
  • TravelerNorwegen
    Day 17

    Tag 17

    June 9, 2023 in Norway ⋅ ⛅ 12 °C

    Gstartet bini hüt bide Altlantikstrass, dört bini zerst chli goge spatziere, bevori denn drüber gfahre bi. Hans mer bizeli spektakulärer vorgstellt, aber isch trotzdem es schöns Erlebnis gsi. Nach de Überquärig vode Atlantikstrass, bini wiiter südlich nomal en churze spatziergang goge mache. Miteme wunderschöne Bergpanorama belohnt, het sich de Abstecher glohnt. Leider isch grad no es Schuellerreisli dört ufe gsi und es isch uh mega luut gsi. Woni mi wieder ufgmacht ha zum nächste Ussichtspunkt, het mi woni dört ahcho bi de Schlag troffe. De Mini Parkplatz isch volle gsi und zue parkiert vo 3 Reisecars (man bedenke, dasses bis dört ane scho öppe 7 Spitzcherene gha het). Wegem Chaos bini ohni Pause wiitergfahre und im Massetourismusalbtraum glandet. Chum bini das Passströssli ganz abegfahre, hets nume so gwimmlet vo Lüüt. Also bini au dört ohni Stopp wiiter. Bim nöchste Ussichtspunkt hani öppe 10 min Rueh gha, bevor au dört wieder Reisecar ahghalte hend und Masse ah Lüüt usgstiege sind. Uf de Flucht vo dene vielne Lüüt bini denn wiitergfahre weh plant und ha jetzt en ruhige Ort gfunde, woni mi cha erhole vo all dene stressige Situatione.Read more

    See translation
  • TravelerNorwegen
    Day 16

    Tag 16

    June 8, 2023 in Norway ⋅ ⛅ 8 °C

    Min erste Bsuech imene KZ, hani hüt absolviert. Es isch es ganz speziells Gfühl gsi, mitem Wüsse über de Ort. Trotzdem hanis eh gueti Erfahrig und en wichtige Bsuech gfunde. Will au das isch en Teil vode Gschicht vo Norwege. Nach dem doch chli beklemmende Usflug, hani mich wieder de schöne Sache gwidmet. Ich bin vom Örtli Ekne wiiter richtig Süde gfahre. Dört hani eh traumhafi Ussicht gnosse und bi wiiter am Meer entlang kurvt. Nach öppe 2.5 Stund Meer, Fjord und Sunne bini endli ah mim Ziel für hüt ahcho und han nachere grosse Portion Riis de Abig gnosse.Read more

    See translation
  • TravelerNorwegen
    Day 15

    Tag 15

    June 7, 2023 in Norway ⋅ ☁️ 8 °C

    De hüttig Tag isch wie immer losgange. Mittlerwiilr hani eh richtigi Routine und bin zügig parat wenns muss si. Willi umbedingt d Fähre am 9.10 ha welle verwütsche, hani mi also nachem Zmörgele direkt uf de Weg gmacht. In Vennesund hani dasmal pünktlich uf d Fähre dörfe und bi nachere chürzere Fahrt weh denkt wieder ufem Festland gsi. Irgendwie hani nedeso s Bedürfniss gha Sache ah z luege. Trotzdem hani en Halt ihgleit bim Formofossen Wasserfall. De hani den bestunt, soguets gange isch. Willis doch recht kriminell (isch alles ungsicheret gsi ah dem rissende Fluss) gfunde ha, bini vorsichtig wieder s Wegli ufe spatziert und nacheme chline Snack wiiter düst. Bi mim Schlafplätzli ahcho, hani öppe 5 Mal umparkiert, bis mis Auto grad gstande isch und ha glernt. Irgendwenn het sich au de Hunger gmolde und ich ha Nüdeli mit Tomatesauce inkl. emene gchocht.Read more

    See translation
  • TravelerNorwegen
    Day 14

    Tag 14

    June 6, 2023 in Norway ⋅ ☁️ 8 °C

    Und scho sind 2 Wuche ume. D Ziit isch uh schnäll vergange. Hüt hani mi nacheme gmüetliche Start in Tag, wieder uf de Weg gmacht. De Küste entlang bini richtig Fähre gfahre und hans Glück gha, dass sie grad gfahre isch woni cho bin. D Fahrt vonere Stund hani mit lerne verbracht. Nach enere wiitere Fähre fahrt hani en Halt gmacht in Bronnoysund. Dört hani s Städli und d Chile ahgluegt gha. Nach dem Abstecher bini den ziitnöch zumene Schlafplätzli gfahre woni jetzt gmüetlich am choche bi und hoffentlich eh ruhigi Nacht dörf verbringe.Read more

    See translation
  • TravelerNorwegen
    Day 13

    Tag 13

    June 5, 2023 in Norway ⋅ ☁️ 5 °C

    Wieder emal gmüetlich usgschlafe bini nachhere ruhige Nacht in Tag gstartet. Leider isch zimli schnell die ersti bösi Überraschig da gsi. Es isch nähmli alles vom Vortag no pflotsch nass gsi. Ih die Nasse Hose bini ned gschlofe, aber die immerno sehr nasse Schueh hani trotzdem müsse ahlegge. Wege dem hani trotz de Autoheizig sehr lang chalt gha. Durs längere Warte weh plant bide erste Fähre vo hüt bini denn völlig durregfrorre gsi, wo sie abgleit het. Immerhin ischs Meer hüt sehr ruhig gsi und ich han d Fahrt ohni Problem überstande. Churz drufabe bini wieder ide lane gstande für eh Fähre wo wieder ned nach Fahrplan gfahre isch. Insgesamt hani hüt 2h 45 min nume uf Fährene gwartet. Mit bizeli Stress bini denn schnellstmöglich zum Hotel düst, demiti ja bi minere Vorlesig cha debii sii. Zum Glück het alles no klappt (inkl. enere Pizza via Zimmerservice). Wieder ufgwärmt lahni min Abig jetzt auno usklinge.Read more

    See translation
  • TravelerNorwegen
    Day 12

    Tag 12

    June 4, 2023 in Norway ⋅ 🌧 7 °C

    Will hüt Sunntig isch, hani usgschlafe und bin gmüetlich in Tag gstartet. Vom rege begleitet, hani trotzdem diversi Ussichtspünk ahgstüret und bi sogar no en Wasserfall und 2 Chilene goge ahluege. Eigentli wär hüt auno en Usflug uf eine vode grösste Gletscher vo Norwege plant gsi, wills aber so bedeckt und regnerisch gsi isch, hani ufd Bootsfahrt verzichtet und bi wiiter düüst. Wieder eh Fähre spöter, hani mis Schlafplätzli gsuecht, wonni öpis guets gfunde ha, hani bim grösste Rege und Wind versucht öpis z choche. D Aktion Choche isch so semiguet gange, wills s Gas trotz Windschutz immer wieder usgwindet het. Völlig durchnässt und verfrohre hani denn trotzdem no öpis warms gesse und gnüsse jetzt de Abig no.Read more

    See translation

Join us:

FindPenguins for iOSFindPenguins for Android

  • 2024© FindPenguins
  • Home
  • About us
  • Blog
  • Group Tracking
  • Press
  • Terms
  • Privacy Policy & Cookies
  • Support
  • Legal notice
  • English