Reset search
Erich MeienbergErich Meienberg
SatelliteEdit route
traveled in 6 countries Read more
  • Panama bis Kanada
    1
    Day 160

    Dehei 😊

    April 30, 2023 in Switzerland ⋅ ☁️ 17 °C

    Mer send weder dehei 😊
    Je nöcher mer rechtig schwiiz gho sind, desto meh hämmer üs uf üsi liebe lüüt gfreut 😍
    Am flughafe semmer de vomne schier 20chöpfige empfangskomitee öberrascht worde 🥰 es esch soooooo schön gsi so vell liebi lüüt weder chönne id arme z schlüsse! Als überraschig semmer de no alli zäme eis go zieh am flughafe. Nachär händ sich de erich ond ich s erste mal nach 5 ehalb mömet müesse tschüss säge före nacht 🤭 de obig hämmer beid met üsne familiene verbracht ond händ das mega gnosse!

    Jetzt eschs offiziell verbi. Schön eschs gsi! Mer händ üses läbe met vell wunderschöne erinnerige beriichered ond freued üs jetzt uf die nächste grosse ond chliine abentüür, wo s läbe för üs parat hed 😍🥰    Read more

    See translation
  • Panama bis Kanada
    Day 159

    Heiwäg

    April 29, 2023 in Canada ⋅ ☁️ 11 °C

    Mer höckled grad z toronto ond warted ufe aschlussflug. Nach sehr grusige dumplings (da freut mer sich scho weder rechtig uf de freiruum) gönnemer üs jetzt no es letschts bier!
    Bes baaaaaald 👋

    See translation
  • Panama bis Kanada
    Day 158

    Okotoks

    April 28, 2023 in Canada ⋅ ☀️ 19 °C

    Üsi allerletschte täg hemmer nomol z okotoks bi de karin ond ihrere familie verbracht. Mer händ e guete mix gmacht zwüsche kanada entdecke ond nomol chli entspanne. Einisch simmer go riite, das esch sehr es cowboyhafts kanada erläbnis gsi 🤭 einisch simmer go golfe. Das esch da so chli wie bie üs bowle: mer buechd so sin abschlagspot ond cha denn verschiedni spiele ussueche. Wer grad ned dra esch cha chli ufme sofa höckle ond öpis trinke. Es hed so ring ufem fäld womer bi gwüsse spiili mues träffe ond wenns dunkel wird fönd die a lüchte. Das esch mega e lustige obig gsi! Einisch simmer mit de mia mit zu ihrem ross. Mega es schöns ond ich ha dörfe hälfe striegle ☺️ nachär hemmer de mia no chli bim riite zuegleugt, krass was sie mit dem tier alles vollbringt 😍 Einisch simmer no uf e härzigi farm go zmittag ässe. Einisch heds dehei es racelette gä 🤤. Einisch simmer mit de nachbere ums füür ghöckled ond hend plaudered. Ond a üsem allerletschte obig simmer no ine richtigi cowboybar. Das esch au es erläbnis gsi! Mer send üs chli vorcho wie a de fasnacht, all mit cowboystiefel ond - hüet 😅 aber das ghört da dezue. Es esch e rechtig cooli bar gsi mit live musig (wobi d mia ond de dave, wo sich chli mit country musig uskänned, beid gfonde hend, d band sig grotteschlächt 🤭) ond s hed lüüt i jedem alter. Es hed e grossi tanzflächi gha vor de bühni ond all sind am tanze gsi, bsunders wenn es lied cho esch womer dezue cha line dance mache. D mia hed mers chli biibracht, ich bi zwar keis talänt aber es hed sehr spass gmacht! 💃
    Jetzt hockemer im flüger hei...üsi gfühlslag wächslet all 2 minute vo mega freud uf dehei ond alli üsi liebe lüüt weder gseh, zu truurig esches jetzt verbi 😅🙈 mer send uf jede fall wahnsinnig dankbar för all die tolle abentür wo mer händ dörfe erläbe ond werded die reis för immer i üsne härze träge 🥰!    Read more

    See translation
  • Panama bis Kanada
    Day 155

    Banff

    April 25, 2023 in Canada ⋅ ☁️ 7 °C

    Am nächste morge simmer früeh ufgstande ond denn losgfahre richtig lake louise. De wunderschöni blaui see hani scho immer mal welle go aluege....ja....was mer ned bedänkt hend esch, dass es ja no winter esch ond so simmer statt de see go aluege, druf go umelaufe 😂
    Als nächsts simmer zum peyto see gfahre. De hed üs d irina empfohle gha. Er esch zwar au zuegfrore gsi, aber d ussich esch trotzdem spektakulär gsi ond d wanderig dure schnee sehr amüsant 😅🙈
    Wiiter eschs denn rechtig banff gange womer zerst de lake minnewanka sind go aluege (jaa, chli en seelastige tag). De esch mega cool gfrore gsi, es hed usgseh als hättis wälle.
    Mer send denn i üses bed & breakfast go ichecke ond aschlüssend no chli dor banff gloffe ond go znacht ässe.
    Am nächste morge simmer mit enere gondelbahn us goldau uf de sulphur mountain gfahre 🤭 eigentlich hättemer welle ufe wandere, aber das hämmer de uf grund vo schnee ond ned guete schueh för de schnee la si (de erich esch seeehr truurig gsi 😉). Dobe esches iischalt gsi aber d ussicht spektakulär!
    Wiiter esches denn zrug richtig calgery gange.
    Mer send denn det no im erich si lieblings gitarre lade ond denn no chli go d stadt aluege.
    Am obig simmer kaputt aber voller schöner idrück weder "dehei" acho wo d karin scho es meeeega feins shakshuka zum znacht am choche gsi esch 🤤
    De räst vom obig hämmer de no gmüetlich ufem sofa und im hot tub verbracht 😍    Read more

    See translation
  • Panama bis Kanada
    Day 153

    Invermere

    April 23, 2023 in Canada ⋅ ☁️ 11 °C

    D karin ond de dave händ üs öbers wuchenänd mitgnoh i ehres feriehüüsli uf invermere.
    Mer send am friitig namittag acho ond händ üs zerst mal e apero genähmigt nach de lange fahrt. Am obig simmer no i nes indischs restaurant go znacht ässe 😋
    Am nächste tag hämmer e wunderschöni wanderig dur de wald zumme canyon gmacht. De cody hed de usfluug offebar sehr gnosse ond esch wie e welpe dure wald gflitzt 😅
    Am obig esch no d nachberi uf bsuech cho ond mer send vo de karin mit me feine pastagricht (mit mascarpone ond spinat 🤤) bechoched worde.
    Am sunntig hemmer de alli mitenand nomol e spaziergang gmacht. Nachär send d karin ond de dave weder zrug hei (s gid ja anschiinend no lüüt wo müend schaffe 🤷‍♀️😅) ond de erich ond ich send no i heissi quelle go bädele ond denn nomol e nacht z invermere blube.    Read more

    See translation
  • Panama bis Kanada
    Day 150

    Ersti Täg in Kanada

    April 20, 2023 in Canada ⋅ ☁️ 2 °C

    Juhuiii, mer send z Kanada!
    De Flug da äne hed sich als üsserst müehsam usegstellt, zerst heds ned klapped mit ichecke ond denn esch üse aschlussflug no so verspötet gsi, dass mer erst am morge am halbi 3 glandet send 🙈 d karin, die gueti fee, esch üs trotz allem no am flughafe go abhole ond so hemmer am morge am 4i dörfe i nes warms ond kuschligs bett ligge 😍
    Am nächste morge heds gschneit 😂🙈 de schnee esch aber ned lang ligge blube, womer ume mittag mitem cody send go spaziere (de hund vom erich sinere schwöster 😉🐶) heds scho fast keine me gha. Am namittag hed de erich mer de no s städtli okotoks zeigt ond zum znacht hed d karin es mega feins curry gchoched.
    Am nächste morge hämmer usversehe vill länger gschlafe als dänkt, esch glaub nötig gsi 🤭 es hed weder liecht gflöckled verusse ond so send de erich ond ich ine riiiiiese shopping mal. Mer händ sehr erfolgrich gshopped ond send aschlüssend d karin vom schaffe go abhole (sie hed üs nämlich ehres auto zur verfüegig gstellt). Mer händ de tag denn weder mitme feine znacht ond no es paar spieli la usklinge.    Read more

    See translation
  • Panama bis Kanada
    11
    Day 148

    Los Angeles Part 2

    April 18, 2023 in the United States ⋅ ⛅ 18 °C

    Üsi letschte 4 täg i de USA hämmer nomol z LA verbracht.
    Nachdem mer s wohnmobil abgäh hend, hämmer im hotel afig dörfe go s gepäck deponiere, bis s zimmer ready esch, hämmer aber no chli müesse warte. Also simmer ine park i de nöchi ond händ det üsi sandwiches gässe ond siesta gmacht. Aschlüssend simmer go ichecke ond denn anes baseballspiel: d LA dodgers gäge Chicago. Au wenn mer s spiel ned ganz verstande händ ond s bier sehr tüür gsi esch, esches no e lustige obig worde.
    Am nächste tag hämmer e tour dur d warner brothers studios bueched. Mer händ eigentlich met em bus det äne welle, aber de cheib hed eifach ned aghalte ond esch a de bushaltestell verbi gfahre 🙈😅 also simmer halt mitem uber gange. Es esch werkli sehr spannend gsi. Well sunntig gsi esch, esch ned so vill dreiht worde ond drum hämmer i mehreri "sound stages" chönne ond aktuelli film- ond seriesets go aluege. Bi de sets verusse händs üs immer verzellt, wele ort mer vo welem film chönnt känne 😊 nachär heds no es chliises museum gha, womer lustigi föteli händ chönne mache 😅
    Nach dem tolle erläbnis simmer met de ubahn ond em zug no zum santa monica pier gfahre. Au das esch sehr idrücklich gsi aber voll überloffe. Mer send de zum znacht go momos ässe, das hämmer scho es halbs jahr nömme gha ond händ rechtig freud gha 😅
    De nächsti tag esch min geburtstags-gschänk-tag gsi 😍😍😍 am 8i hed de wecker glüted ond ich ha de erich scho s erste mal i wahnsinn triibe mit mim hibbelige "schnell ufstah ond los" 😂 denn simmer i ne super beck go zmörgele ond denn mitm uber - ändlich - i six flags magic mountains park 😍 de tag esch ächt es erläbnis gsi! Soooooooo vill eifach richtig (es ged keis besser wort) GEILI achterbahne 🤩 üsi lieblingsbahn esch eini gsi, wo eim so kippt hed, dass mer wie ufem buch gläge esch ond denn wie en superheld über bäum ond alles gfloge esch. Es hed au no e achterbahn gha womer gstande esch, eini wo zmitst inne plötzlich hindersti gfahre esch, eini wo immer nor eine im wägeli platz gha hed ond somit alli hinderenand ghocked send.....ond vell me 🤩 mer händ de zwoiti alauf för de parkbsuech werkli clever planed ond send extra am erste tag nachem springbreak gange, somit heds meeeega wenig lüüt gha ond mer händ nie meh als e viertelstund müesse astah! De ganz tag esch also definitiv e riiiiiiiese liebesbewies vom erich gsi: er hasst nämlich eigentlich achterbahne 🤭 so abm mittag hed er eigentlich gnueg gha ond öpe e stund vor parkschluss hed mer ehm de au agseh, dasses jetzt eidütig gnueg esch 😅 so simmer de no chli umegschländeret ond denn kaputt aber überglücklich (zumindest i mim fall 🤪) zrug is hotel.    Read more

    See translation
  • Panama bis Kanada
    22
    Day 144

    Malibu & Abgab

    April 14, 2023 in the United States ⋅ ☀️ 15 °C

    Üsi aller letscht nacht im wohnmobil hemmer nomol welle am strand verbringe. Mer händ üs för malibu entschiede, da mer vo det nor 30 minute zu de wohnmobilvermietig hend 😊
    Mer send churz nachem mittag acho ond als ersts grad mol a strand. S wasser esch iischalt gsi aber zum chli füess bade ond dure sand spaziere heds glänged 😉
    Aschlüssend hemmer afa packe. Alles womer för die 7 wuche gchauft hend, aber nöm chönnd bruche hemmer vorem wohnmobil ufe tisch gleid (e föhn, es bieli, e grillrost usw.) mer händ de no es schild gschrebe ond send de räst vom nami am tisch ghöckled ond händ de lüüt probiert üses züg zverschänke. Wägrüehre wär eifach schad gsi! Dummerwiis hämmer währed dem au no üses bier müesse ustrinke 🤷‍♀️😅
    Bes mer is bett gange sind, hämmer tatsächlich fast alles chönne verschänke (zum grosse teil dank am erich sim talänt zum schnori 😜).
    Am nächste morgre simmer am 7ni ufgstande. Zerst hämmer no ganz fertig packt ond denn hämmer us allne ässensreste no sandwichs gmacht. Mer händ werkli fast gar kei ässe müesse wägrüehre über die 7 wuche, s grosi wär stolz uf üs 😂🤭
    Denn hämmer s ganze wohnmobil no müesse putze. 2 stund spöter hed de alles glänzt ond mer händ üsi letschti reis mitem bäri der 2. chönne aträte. Pünktlich hämmers abgäh ond die vo de vermietig händ üs de sogar no e gratis transport i üses hotel organisiert. Auf geht's ins nächste abenteuer!    Read more

    See translation
  • Panama bis Kanada
    Day 143

    Tehachapi

    April 13, 2023 in the United States ⋅ ⛅ 7 °C

    Au das esch weder en strategische stopp gsi. Mer händ afig welle wäsche ond chli packe, dass mer de ned alles am letschte tag müend mache. Das esch de aber schön hinne use 🤭
    Zerst emol hämmer gar ned gluegt, was för wätter s det esch. So simmer de schön verchlüpft wos plötzlich iischalt gsi esch womer bim camping usgstege send 🙈 denn hed de canping zwar wöschmaschine gha (drum hemmer ne ja bueched) aber die frau vom empfang hed üs gseid, mer mües zerst bi ehne för 5 dollar e charte chaufe ond denn die mindestens mit 10 dollar lade, söscht chieng mer ned wäsche....so la abzocke hämmer üs ned welle ond denn hämmers halt la si 😅 es hed ganz ide nöchi e chliine flugplatz gha mit kaffe. Also simmer üs de det bi kaffee ond tee go ufwärme ond händ chli d sägelflüger agluegt, wo dusse gstande sind.
    Aschlüssend hemmer im wohnwage no chli d heizig gnosse ond spiili gspielt 😉 zum znacht heds reste lasagne mit viiiiill salat gä😊    Read more

    See translation
  • Panama bis Kanada
    212
    Day 142

    Mojave National Preserve

    April 12, 2023 in the United States ⋅ ⛅ 25 °C

    Langsam aber secher werds ziit, d rückreis azträte... Also simmer los gfahre rechtig weste. Mer send ufem highway 40 gfahre, eigentlich immer grad parallel zu de historische rout 66. Einisch hemmer det scho au no es stückli welle fahre so simmer mal ab de autobahn. Womer amme mc donalds verbi cho send, hed de erich sich die stärkig förs fahre ned welle la entgah ond so heds e churze stopp ond es tolls föteli gä 🤭
    Mer send am spötere namittag im mojave national preserve acho, üses etappe ziel för höt. Mer send zerst chli ume gfahre ond händ denn e geignete platz zum campe gsuecht. Inere siitestrass näb es paar felse hämmer e füürstell entdeckt, da hed also scho mol öper ghalte. So hämmer denn det parkiert ond nomol so e rechtig tolle letschte abig i de freie natur gnosse 😍 mer händ de sunneuntergang gluegt, gfüürled, hamburger brötled, d stärne bewundered ond nomol öber all die tolle abentür gred, wo mer i de letschte mönet händ dörfe erläbe! Nachär simmer de stinkend wie 2 rauchwürstli aber übetglücklich is bett 😊    Read more

    See translation

Join us:

FindPenguins for iOSFindPenguins for Android

  • 2024© FindPenguins
  • Home
  • About us
  • Blog
  • Group Tracking
  • Press
  • Terms
  • Privacy Policy & Cookies
  • Support
  • Legal notice
  • English