Vietnam & Philippinen 2023

september - oktober 2023

Et 22-dagers eventyr av Janine Les mer

57fotspor
4land
22dager
469bilder
13videoer
14,6kkilometer
12,1kkilometer

Følg Kalender Del Bøtteliste

Reisende Vietnam & Philippinen 2023
- Vis reise
- Legg til bøttelisteFjern fra bøtteliste
- Del
- 17. sep. 2023, 07:43
- ☁️ 16 °C
- Høyde: 439 m
- Sveits Kanton Zürich Kloten Kloten / Holberg Zurich Airport 47.452374, 8.5633847°27’9” N 8°33’48” E
Dag 1
Tschüss 🇨🇭
17. september 2023, Sveits ⋅ ☁️ 16 °C
Endlich chans losgha. Am 07:00 Uhr isch üses Flughafetaxi de Nicole ihre Papi mit de Nicole bi eus ihtroffe. Dank em wenige Verkehr simmer den schnell am Flughafe ahcho. Bim Check In hend mir keini 5 Minute müesse warte & sind am Schalter grad drahcho. DFrau am Schalter het eher chli geduldig mit eus müesse si will dManu d’Visa falsch usdruckt het und no sMail mit de Original het müesse sueche.🤭🙈 Zimlich schnell hemmer den gmerkt wer vo eus drüne die bescht Organisation het, es Chränzli widmer da de Nicole.🤪 Nachdem üs Boardingcharte erklärt worde sind und mir de Schalter verlah hend, hemmer festgstellt dass uf de Boardingcharte als Enddestination Singapur statt Ho Chi Minh vermerkt isch.🤷🏻‍♀️ Lömmer üs überrasche öb mir würklich Ferie in Vietnam mache werdet.😅🇻🇳
Zerscht flügemer jetzt aber mal es paar Stündli uf Doha.👋🏽Les mer
Se oversettelse
11 liker
Reisende Vietnam & Philippinen 2023
- Vis reise
- Legg til bøttelisteFjern fra bøtteliste
- Del
- 17. sep. 2023, 17:43
- 🌙 37 °C
- Høyde: Sjønivå
- Qatar Baladīyat ad Dawḩah Kulayb Hamad International Airport 25.262313, 51.6120525°15’44” N 51°36’43” E
Dag 1
Zwüschestopp Doha.
17. september 2023, Qatar ⋅ 🌙 37 °C
Inzwüsche simmer in Doha glandet und wartet uf üsi Witerreis nach Vietnam. Wie mer am Schalter erfahre händ, stimmed üsi Tickets und mer söttet de au in Ho Chi Minh ahcho. 🇻🇳 Binere churze Zwüscheverpflägig hämmer nu en Chällner kenneglernt wo vode Philippine isch und üs na sini Reiseortempfehlige fürd Philippine abgäh hät. 😍🏝️ Inere Stund gats den witers richtig Vietnam wommer die nöchste 8h wieder ide Wolke verbringe werdet. ☁️🕊️Les mer
Se oversettelse
Reisende Ich hoffe, dass ihr Doha besucht habt 😀
24.09.2023SvarOversette
11 liker
Reisende Vietnam & Philippinen 2023
- Vis reise
- Legg til bøttelisteFjern fra bøtteliste
- Del
- 18. sep. 2023, 08:34
- ☁️ 28 °C
- Høyde: 17 m
- Vietnam Ho Chi Minh City Thông Tây Hội Tan Son Nhat International Airport 10.816925, 106.66372710°49’1” N 106°39’49” E
Dag 2
Ahkunft Ho Chi Minh.🇻🇳
18. september 2023, Vietnam ⋅ ☁️ 28 °C
Nach dene witere paar Stunde Flug simmer den alli froh gsi wommer de Flughafe Ho Chi Minh endli erreicht hend.🌞 So gemein, die wo am beschte vorbereitet isch und sich top für die Ferie organisiert het, bliebt bi de Visumkontrolle stecke.🫣 SVisum vo de Nicole wird nöd akzeptiert will sIhreisedatum vo de Behörde uf de 06.10.23 gsetzt worde isch. SFlughafepersonal het de Nicole gseit si müssi zrugg uf Doha flüge, en neue Flug für Vietnam bueche & dIhreis morn nomal probiere.🤦🏻‍♀️ Da dNicole aber ganz e hartnäckigi isch und de Vorschlag nöd akzeptiert het, hends ihre vorgschlage es neus Express Visum zbeaträge wo si den innerhalb vo e paar Minute becho wird. De Gspass het si zwar no zuesätzlichi CHF 200 kostet aber wenigschtens hend mir den ahschlüssend zdritte chöne ihreise.🥰🇻🇳Les mer
Se oversettelse
10 liker
Reisende Vietnam & Philippinen 2023
- Vis reise
- Legg til bøttelisteFjern fra bøtteliste
- Del
- 18. sep. 2023, 11:23
- ⛅ 32 °C
- Høyde: 13 m
- Vietnam Ho Chi Minh City Quận Bốn Sai Gon Port 10.774033, 106.70091210°46’27” N 106°42’3” E
Dag 2
EEA Saigon Hotel
18. september 2023, Vietnam ⋅ ⛅ 32 °C
Um die halbi 10 hemmer üs mitm Taxi uf de Weg zum Hotel gmacht. Im Hotel hemmer den üses Gepäck hinder dReception chöne due, hend üs schnell i bequemi Chleider gschmisse und hend üs ufd dStrasse vo Ho Chi Minh begeh. De Jetleg sitzt tüf aber mir hend gwüsst dassmer bis am 14:00 Uhr durehebe müend willmer erscht den im Zimmer ihchecke chönd. Mir sind üs einig gsi dass zerscht mal en Kafi here muess demit mir die paar Stunde irgendwie überstah chönd. Mit ufgschwullne Bei, ufquillte Füess, müede Auge & em Mulegge am Bode hend mir üs dur dStrasse vo dere dreckige, stinkige aber glich ihdrückliche Stadt gschliffe.🥱 Wommer üs den immer und immer wieder verloffe hend isch den de letschti Funke Humor auno verschwunde. Chrüchend & fascht uf allne 4e hemmer den sHotel nach mehrere Versüech doch no gfunde.😮‍💨 Am Namittag am 3 wo den endlich alli frischduschet aber au nudelfixundfertig im Bett ahcho sind, hemmer über de qualvolli erschti Tag umso meh chöne lache.😂🤷🏻‍♀️Les mer
Se oversettelse
9 liker
Reisende Vietnam & Philippinen 2023
- Vis reise
- Legg til bøttelisteFjern fra bøtteliste
- Del
- 19. sep. 2023, 06:31
- ☁️ 26 °C
- Høyde: 5 m
- Vietnam Ho Chi Minh City Quận Bốn Sai Gon Port 10.77178, 106.70420810°46’18” N 106°42’15” E
Dag 3
Witers Richtig Mûi Né
19. september 2023, Vietnam ⋅ ☁️ 26 °C
Nach paar erholsame Stündli im Zimmer hemmers den am Abig für de zNacht doch no id Stadt gschafft und hend üs glich nöd müesse vom Zimmerservice bediene lah.🤭🥡 Nach wenige Stunde Schlaf het üs de Wecker hüt am Morge am 6i wieder usem Bett gschellet. Ahschlüssend isches mitm Taxi witers richtig Busbahnhof gange. Imme chline heruntergekommene Hüttli miteme Kabelsalat ah de Wänd, emne Plastikhöckerli as Bürostuehl und öppe zwölf verschiedene Telefon ufm Tisch, hemmer sOrganisatorische für die knapp 5.5 stündig Fahrt Richtig Mûi Né chöne erledige.☎️🫣 @Moni @Ele @Nina, ich glaube mir münd mit üsm Bürostandart und em Thema „Ergonomie am Arbetsplatz’ mal e Stufe abefahre, wie ihr gsend gats nämlich au anderscht.😂🤪 Mit lange Hose und emne dicke Pulli hemmer üs für die vermuetlich übermässig klimatisiert Busfahrt usgrüschtet.🥶🍦Ez simmer gspannt was üs für e Busfahrt mit Sapa Vietnam erwartet.🚌Les mer
Se oversettelse
10 liker
Reisende Vietnam & Philippinen 2023
- Vis reise
- Legg til bøttelisteFjern fra bøtteliste
- Del
- 19. sep. 2023, 07:30
- ☁️ 27 °C
- Høyde: 4 m
- Vietnam Ho Chi Minh City Quận Ba 10.768063, 106.69212310°46’5” N 106°41’32” E
Dag 3
Schlafbus. 🚌 🛌
19. september 2023, Vietnam ⋅ ☁️ 27 °C
Völlig überrascht simmer gsi wo den dBusfahrt wie planet, am punkt 07:55 Uhr losgange isch. Vom Hippibus sind mir zerscht schochli enttüscht gsi will üs lut Buechig en Car mit Schlafplätz het sölle nach Mûi Né bringe. Au wenn vo dene Better wit und breit nüt zgseh gsi isch hend mir üs ihgrichtet und denn schnell au wie deheime gfühlt.🙃 Im hinderschte Reiheli hend mir üs usbreitet und zerschtmal für en nährhafte Brunch gsorget. Da mir mit Ris oder Asia Noodles zum zMorge nöd viel ahfange chönd, hend mir üs wie immer üses Müeslibowl gmacht. 🍓🫐 Miteme Kafi & em zMorge het den Busfahrt beschtens chöne starte. Nachere knappe halb Stund simmer stahbliebe, es het en Buswechsel ghe und siehe da üsi fahrende Better sind tatsächlich doch no vor üs gstande.🚌🛌 Bim betrete vom Car oder bessergseit vom Schlafsaal, hend dSchueh abzoge und inen Sack verpackt müesse werde. Somit isch de ganzi Schlafbereich und au Better wo mit Deckene usgstattet gsi sind, erstundlich suber & hygienisch gsi. Kurz nachdem die schlafende, fahrende 4 Räder lostückerlet sind, hend mir drü den auscho tüf & fescht gschlafe.🥱Les mer
Se oversettelse
9 liker
Reisende Vietnam & Philippinen 2023
- Vis reise
- Legg til bøttelisteFjern fra bøtteliste
- Del
- 19. sep. 2023, 12:16
- ⛅ 32 °C
- Høyde: 10 m
- Vietnam Tỉnh Bình Thuận Ấp Thiện Long 10.955258, 108.23430610°57’19” N 108°14’4” E
Dag 3
Song Huong.🏠
19. september 2023, Vietnam ⋅ ⛅ 32 °C
Üses Ziel sHotel Song Hong in Mûi Né hemmer scho nach 4 statt 5.5h erreicht und die eher luxeriös Fahrmöglichkeit mit Bett, het jede grad mal 272156,35 Vietnamesischer Dong also umgrechnet grad mal öppe 10 Franke kostet. 😦💰Au wenns Pool weniger e Abchüelig gsi isch hend mir de Namittag im Hotel mit plantsche, lese, schriebe & sünnele verbracht.🌞Les mer
Se oversettelse
8 liker
Reisende Vietnam & Philippinen 2023
- Vis reise
- Legg til bøttelisteFjern fra bøtteliste
- Del
- 19. sep. 2023, 16:46
- ☁️ 30 °C
- Høyde: 7 m
- Vietnam Tỉnh Bình Thuận Ấp Thiện Long 10.955208, 108.23311610°57’19” N 108°13’59” E
Dag 3
Mûi Né.
19. september 2023, Vietnam ⋅ ☁️ 30 °C
Nacheme gmüetliche Namittag am Pool simmer am Abig wunderbar gho zNachtesse.🐡 Ahschlüssend hend mir üs mit Snacks für die mornig Sanddune Tour welle ihdecke. I dene dutzende, sogenannate Supermärt kennets aber kei richtigi Snacks sondern die bütet praktisch nur Nudelsuppe, Fisch, überhitzte Käs oder irgendwelchi anderi nöd erkennenswerti zemmeprässti Konsistenze ah.🤢 Teilwies wird sogar zmitzt im Lade kochet oder den lit bruchts Bsteck & vollbigni Täller mit alte Lebensmittel umenand, Abfällhüfene sind ufm Bode verteilt und wens guet chunt, striehlet nöd meh als ein Strassehund durs Gschäft. s’Shopping Feeling isch bi üs definitiv nöd ufcho drum hend mir üs zrugg uf de Weg richtig Hotel gmacht. Will üs de JetLag immerno zschaffe macht und mir morn am 4i ufstah münd, isch die erscht denn au scho am 19:52 Uhr vertschlafe.🥱😄Les mer
Se oversettelse
7 liker
Reisende Vietnam & Philippinen 2023
- Vis reise
- Legg til bøttelisteFjern fra bøtteliste
- Del
- 20. sep. 2023, 05:15
- ⛅ 24 °C
- Høyde: 71 m
- Vietnam Tỉnh Bình Thuận Ấp Nhơn Hòa Bàu Trắng 11.072342, 108.42966511°4’20” N 108°25’47” E
Dag 4
White Sand Dunes. 🌅
20. september 2023, Vietnam ⋅ ⛅ 24 °C
Nachdem üs de Wecker am 4i usm Bett gholt het, dManu und ich üses Müesli gesse hend und mir üs für die hütig Morgetour parat gmacht hend, ischs Taxi oder bessergseit de Jeep am halbi 5i scho bereit gstande und het üs zu de wisse Sanddüne gfahre.🚕 Vor Ort hemmer den zwei Quads gmietet und sind vomne Quadfahrer zum höchschte Punkt vo de Dünene gfahre worde. Churz nach de halbe 6ä isch den dSunne über dene schneewisse Sanddünene ufgange. Was für en unglaublich schöne Start das in Tag gsi isch.🌅 Ahschlüssend hemmer den no selber mit de Quads derfe es paar km über dere riesige Sandbank zrugglegge und den isches auscho witers zum nögschte Ziel gange.Les mer
Se oversettelse
Reisende wow!! 😍
20.09.2023SvarOversette
10 liker
Reisende Vietnam & Philippinen 2023
- Vis reise
- Legg til bøttelisteFjern fra bøtteliste
- Del
- 20. sep. 2023, 07:03
- ⛅ 26 °C
- Høyde: 42 m
- Vietnam Kon Tum Mui Ne 10.94848, 108.29688810°56’55” N 108°17’49” E
Dag 4
Red Sand Dunes.
20. september 2023, Vietnam ⋅ ⛅ 26 °C
De Than, üse Jeepfahrer, Touriguide, Föteliinstructor oder au üse Kameramann het üs den witers zu de rote Sanddüne gfahre. Im Auto hend mir üs den chöne mit de Musigboxxe verbinde und sogar de Than isch plötzli is groove cho und het sich vom Apache mitrisse lah. Au wenns ufm Foti nöd grad denah usgseht, aber au am Than het die Morgetour mit üs sehr gfalle.🤠Les mer
Se oversettelse
6 liker