Reset search
Corinne MorandCorinne Morand
SatelliteEdit route
traveled in 17 countries Read more
  • TravelerHawaii 2023
    1
    Day 17

    Waimea Canyon 🏞️

    November 21, 2023 in the United States ⋅ ⛅ 20 °C

    Hüt isch dr Wecker zwar früeh gange, aber mir si dank em nä lutä Güggu sowieso scho 1 stund vorher gweckt worde…🐔🐓⏰ Mir hei die 2 stündegi Fahrt zum Waimea Canyon i agriff gno. 🚙 Im Canyon heimer dr Kukui Trail gmacht, ds isch e Wanderig i Canyon abe und wider ufe gsi. 🥾
    Ds ufe loufe isch mega astrengend gsi u mir hei hönne gschwitzt. 🥵 De heimer aui Lookouts abklapperet und gueti Fötelis gmacht. 📸🏞️ Ir Koke Lodge heimer üs när es erfrüschends Getränk gönnt. 🍹
    De isches wider gange zum Polihale State Park, ds sig gmäss dr Sandra dr schönst Strand vo ganz Hawaii. 🐚 Was fürne „Strass“ dert here abefüehrt hetsi aber üs aber nid gseit gha - mir hei üse 4x4 Jeep bestens chönne bruche. Dr Strand isch aber würklech mega schön gsi und di astrengendi Fahrt hetsech glohnt. 🏖️
    Mit au dene schöne Idrück heimer üs de o wider uf die 2 stündegi Rückfahrt gmacht und deheime no öppis feins gässe.😋    Read more

    See translation
  • TravelerHawaii 2023
    Day 16

    Reise nach Kauai 🌺

    November 20, 2023 in the United States ⋅ ☁️ 21 °C

    Hüt isch wider einisch e Reisetag gsi. 😊 Mir hei am Morge üsi Sache zämepackt und si a Flughafe gfahre. Dert heimer ds Mietouto abgä, das isch wider iwandfrei gange. 🚗 De simer as Check-in u dür d Sicherheitskontrolle. 👮🏻 När heimer am Flughafe paar cooli Lädeli abklapperet und si dert ou no für paar Souvenirs fündig worde. 🛍️ Am Gate heimer no rächt lang müesse warte, wüumer viu ds früech si gsi. Und ner het dr Flüger o no e haub Stund verspätig gha. 🙄 Dr Flug isch aber de ner tiptop gange u mir si sicher ds Kauai glandet. 🙌🏻 Aus ersts heimer üses Mietouto i Empfang gno. Wider e Jeep aber dasmau chli chliner (2 Türe weniger). ☺️ Ner simer üse Wucheichouf ga mache und zu üsem Airbnb in Princeville gfahre. 🚗 Mir si aber nätt vom Glenn empfange worde u är het üs gad aues zeigt. 🥰 Leider hets uf dere Insle sit üsere Akunft nume einisch gschiffet. ☔️ Drum simer nümme gross use gange und hei üs feini Fajitas zum Znacht gmacht. 🌮Read more

    See translation
  • TravelerHawaii 2023
    2
    Day 15

    Letschte Tag in Maui ☀️

    November 19, 2023 in the United States ⋅ 🌙 22 °C

    Hüt isch ganz e gmüetleche Tag gsi. Mir si früech ufgstande für ga ds schnorchle. 🤿 Üs isch gseit worde, dases am Morge aube ruhiger sig u ds Meer flach. 🐚 Jedoch het dr Wind anderi Plän gha i isch scho am Morge früech uf Platz gsi. 🌬️ Üs isches auso nid angers gange wie de Speedfahrerinne in Zermatt. ⛷️ Es isch nüt worde mit schnorchle, derfür mit sünnele. 😎 Mir heis üs am Charlie Young Beach gmüetlech gmacht. Uf ds Mau isches aber de chli hektisch worde, wüu öpper im Meer i Not grate isch. 🆘 D Lifeguards si sofort zur Stell gsi u hei chönne häufe. Bizeli später heisi de no gad es zwöits mau müesse cho u zwöi Chind use rette. 🦸🏼‍♂️ Mir si üs fasch chli wie ime Baywatch Fium vor cho. 🎥 Drum simer ou nid so is Wasser, wüumer vor dene Strömige chli Schiss hei gha. Nachem Mittag simer de mau ane ruhigere Strand gwächslet und hei dert de doch no chli chönne bade. 👙 De simer no ufene Joggingrundi und hei ner daheime fürs Znacht aui üsi Räste kochet. 👨‍🍳 Dr Abe heimer ner bir Planig vor nächste Insle la usklinge. 🏝️ Morn geits nämlech scho witer uf die zwöitletzti Insle Kauai. ✈️Read more

    See translation
  • TravelerHawaii 2023
    1
    Day 14

    Haleakala Nationalpark 🌋

    November 18, 2023 in the United States ⋅ ☁️ 13 °C

    Hüt Morge isches früech zum Haleakala Nationalpark gange. 🏞️ Mir hei üs ufene Wandertag gfröit. 🥾 Dr Gipfu vom Haleakala Vulkan isch uf 3‘000 Meter über Meer. 🔝 Nach ere Sag isch dr Halbgott Maui uf dä Vulkan klätteret u het dert d Sunne igfange. 🌞 Es isch wüklech sunnig gsi u mir hei e Trail i Krater abe gmacht. D Landschaft isch mega schön gsi. 😍 Ds Ufeloufe isch de ner entsprächend sträng gsi wäge dr Höchi. 🙆‍♀️ Ufem Heiwäg simer rächt müed gsi und hei e Zwüschestopp im Starbucks igleit. ☕️ Daheime heimer üs ner zwäg gmacht für a Strand wo gad über d Strass isch und hei chli gsünnelet. 🏖️ Dert heimer ou no ganz viu Schildkrötene gseh. 🐢 Zum Znacht simer ner nomau i das coole Food Truck Village gange und hei üs dert no kulinarisch verwöhnt. 😋Read more

    See translation
  • TravelerHawaii 2023
    Day 13

    Iao Valley 🌳

    November 17, 2023 in the United States ⋅ 🌙 22 °C

    Hüt am Morge simer zum Iao State Park. 🌳 Mir hei dert e einigermasse grosse Nationalpark erwartet wome de chli cha schöni Wanderige mache. 🥾 Üsi Erwartige si aber de ni so erfüuht worde, wüus nume e 500 Meter länge Trail zumne Ussichtspunkt het gha. 🪧 D Ussicht uf ds Iao State Needle Monument isch aber immerhin ganz schön gsi! 😍 Ner simer haut wider heizue und hei vo deheime us nume über d Strass müesse u de simer imne Visitor Info Center für Buckel-Wale gsi. 🐋 Die hei üs dert super chönne informiere und vorusse im Meer heimer no es paar Schildkröte gseh. 🐢
    Am Nami simer de wider a Maluaka Beach ga bade. 🌊 Ufem Wäg dert häre heimer üs ändlech e Kokosnuss gönnt. 🥥 Es het rächt gwindet u drum heimer fürs sünnele müesse vom Strand wäg zügle, mir si richtig paniert worde. 😅 Am Abe simer no a La Perouse Bay wüumer hei ghoffet, dert bim Sunneungergang Delfine und Buckel-Wale ds gseh. 🐬 Het aber leider wider ni klappet u mir hei nume dr wunderschön Sunneungergang u vieu Wäue gseh. 😅    Read more

    See translation
  • TravelerHawaii 2023
    Day 12

    Strandtag in Maui 🏖️🐚

    November 16, 2023 in the United States ⋅ 🌙 22 °C

    Hüt am Morge heimer früech dr Wecker gsteut, dasmer pünktlech am 07:00 d Tickets füre Sunneufgang ufem Vulkan Haleakala chöi bueche. 😃 Leider si die Tickets innert 20 Sekunde wäg gsi u bi üs hets nid klappet. 🙈 Jä nu, de simer haut nomau e Nuck ga näh u ner wider a Strand ga jogge. 🙌🏻
    Ds hüttige Programm isch gsi, aui Stränd ir Nöchi abklappere. 😅 Agfange heimer mitem Makena Beach. 🌊 Das isch wider sehr e länge und schöne Sandstrand gsi. Witer simer zum La Perouse Bay. 🏝️ Dä isch bekannt, dass d Spinner Dolphins dert schlafe und ruhie. 🐬 Leider si die zu dere Zyt no nid müed gsi u mir hei keni gseh. 🙈 Ner simer witer zum Maluaka Beach. ☀️ Dä het üs ou sehr pässlet u mir heis dert gnosse. 😇 Ufem Heiwäg simer no ga ichoufe und ner heimer daheime wider e Sprung i Whirlpool gmacht. 🛟 Für ds Znacht simer is Food Truck Village in Kihei gange. 🚛 Das isch es mega gmüetlechs u härzigs Dörfli gsi u mir heinis dert öppis feins ds Znacht kouft u d Atmosphäre mit Livemusik gnosse. 🎶    Read more

    See translation
  • TravelerHawaii 2023
    11
    Day 11

    Road to Hana 🛣️🚘

    November 15, 2023 in the United States ⋅ 🌬 23 °C

    Hüt isch früech dr Wecker gange u mir hei üs uf d Road to Hana gmacht. 🚘 Das isch ganz e kurvegi Strass zum Ort Hana. Ungerwägs heimer verschideni Stopps gmacht. 😊
    1. Ho‘okipa Lookout: nid so bsundrigs gsi bis ufene Surfer wos rächt im Griff het gha 🏄‍♂️
    2. Garden of Eden: Das isch e mega schöne und pflegte Garte gsi, womer viu verschideni Pflanze u Böim hei gseh. 🌿
    3. Wasserfall: mir wüsse dr Name nümme aber es het üs dert gfaue, wüuer viu Wasser het gha. 💦
    4. Half Way to Hana: A dem Stopp heimer ds beste Bananebrot ever kouft und e churzi Pouse igleig. 🍌
    5. Waianapanapa State Park: ou bekannt aus Black Sand Beach. Dert hets üs mega gfaue. Dr Kontrast vom blaue Meer und em schwarze Sand und de begrüenete Klippe isch mega schön gsi. 🌊
    6. Hana: da heimer eigentlech chli es härzigs Stedtli erwartet u no dr Red Sand Beach wöue gseh. Leider heimer beides nid becho. 😅
    7. Ho‘okipa Lookout: wüumer gwüsst hei, dass bi dem Strand d Schildkröte übernachte, simer ufem Heiwäg nomau dert häre. Es het sech glohnt, ganzi 40 Schildkröte si am Strand am pfüsele gsi. 🐢
    Nach dem erlebnisriche Tag simer daheime no schneu i Whirlpool ghüpft. 👙 🩳    Read more

    See translation
  • TravelerHawaii 2023
    Day 10

    Shopping Tag ds Maui 🛍️

    November 14, 2023 in the United States ⋅ ☁️ 22 °C

    Dr hüttig Tag het mitere Jogging Rundi am Meer gstartet. 🏃‍♀️ Wüus so fest gwindet het, simer bim Ufeseckle recht langsamer gsi, aus ufem Rückwäg (da heimer Rüggewind gha). 😄 Dr nächst Programmpunkt isch Wösche gsi. 🧺 Mir hei e Wasch Salon ufgsuecht u hei dert d Wösch über ta. Derwile simer chli ga Souvenir shoppe ime richtig coole Lädeli Village. 🛍️ Ner heimer üs uf d Suechi nach Schnuer müesse mache fürne Wöschleine ds installiere. Dr Wöschständer isch viu ds chli gsi für üs. Schnuer kenne si aber in Hawaii äue nid. 🙈 Not macht erfinderisch und nach drüne Läde heimer de haut Schuehbändle kouft u die zämeknüppket. Wägem Wind heimer ner ke Strandtag chönne mache. 🌬️ Das wär sehr ungmüetlech gsi weme usem Wasser chunnt u gad paniert wird. Drum simer nomau zu dene Lädelis und hei üs mit viu Souvenirs ideckt. 🙌🏻 Ner simer zum Kaelia Pond Teich. Dä isch im Momänt wägeme Bakterium ganz pinkig. 🪸 (Danke Marlis füre Tipp 😘) Zum Schluss simer no is Hippie Dörfli Paia und hei dert i de Lädelis gad witer gmacht mit shoppe. 🥰Read more

    See translation
  • TravelerHawaii 2023
    1
    Day 9

    Reise nach Maui 🌺

    November 13, 2023 in the United States ⋅ ⛅ 23 °C

    Vo hüt gits nid so viu ds verzeue. ☺️ Mir si am Morge a Carlsmith Beach ds Hilo gange u hei ghoffet, nomau paar Schildkröte ds gseh. 🐢 Es isch du leider aber keni dert gsi. Drum simer witer Richtig Flughafe Kona gfahre. Mir hei ds Outo no müesse tanke u da heimer es Problem bim Zahle gha. 💶 Sone nätte Typ het üs de sini Kreditkarte zur Verfüegig gsteut und hätt üs sogar dr haub Tank zahlt. Das isch üs aber nid rächt gsi u mir hei ihm natürlech dr Betrag bar zahlt. 😇 Ner simer witer a Flughafe. Dert het wider mau ds nächste Problem gwartet. 🤷🏼‍♀️ Wüu üse Direktflug uf Maui gstriche isch worde, heimer über Honolulu müesse ga chehre. Leider het üses Reisebüro d Flüg nur bis Honolulu umbuechet u dr Aschluss uf Maui äue vergässe. 🙄 Die nätti Dame am Schalter het de aber das für üs chönne regle u mir si de guet ds Maui acho. ✈️ Mir si grad ga ds Mietouto hole u da heimer e rise Schlitte becho - e Jeep Wrangler. Üs isches fasch chli unagnähm, mit dem ds fahre aber da gwahne mir üs de öppe schono dra. 😅Read more

    See translation
  • TravelerHawaii 2023
    Day 8

    Rainbow Falls 💦 & Volcanoes NP 🌋

    November 12, 2023 in the United States ⋅ ⛅ 19 °C

    Ufem hütige Programm si d Rainbow Falls und dr Volcanoes Nationalpark gstande. 📋 Zersch simer zum Rainbow Fall gange. 💦 Dä isch mega nöch vo üsem Hostel gsi und het schön usgseh. 👍🏻 Nach paar Föteli simer witer zum Volcanoes Nationalpark. 🌋 Dert heimer dr Kilauea Iki Trail gmacht (Danke Päscu u Delia füre Tipp 😊). Das isch no cool gsi wüume am Rand und sogar imne Krater vome Vulkan het chönne wandere. 🥾 Ner simer no dürne Lava Tube (es Tunnel, wo vor Lava gmacht isch worde) gloffe und hei üs später im Visitor Info no chli schlau über dä Park gmacht. 🤓 Ner simer no d Sulphur Banks ga aluege. Das si so Gas wo us dr Ärde chöme u ner chli Farbe am Bode zeichne. 🎨 Witer isches zu de Steam Vents gange. Dert isch Wasserdampf zum Bode use cho. ♨️ Zum Schluss simer zum Uekahuna Lookout gfahre womer dr Usblick ufe Kaluapele Vulkan hei gha. 📸Read more

    See translation

Join us:

FindPenguins for iOSFindPenguins for Android

  • 2024© FindPenguins
  • Home
  • About us
  • Blog
  • Group Tracking
  • Press
  • Terms
  • Privacy Policy & Cookies
  • Support
  • Legal notice
  • English