Reset search
Corinne MorandCorinne Morand
SatelliteEdit route
traveled in 17 countries Read more
  • TravelerHawaii 2023
    Day 28

    Home Sweet Home 🥰

    December 2, 2023 in Switzerland ⋅ 🌧 1 °C

    In Los Angeles het dr Flug de nomau meh Verspätig gha, wüusi ds System nomau hei müesse nöistarte. 😅 Wo de aber aui nache si gsi, heimer dä 10h-Flug i Agriff gno. 🙌🏻 Mir hei im Flüger sogar e ganzi Reihe für üs gha. Er isch öppe nume haub usglastet gsi. 🤩 Am Afang isch d Zyt chum verbi gange u mir hei o nid chönne schlafe. 🙈 Ir zwöite Heuft simer de langsam müed worde u hei chönne pfuse. So isch de Paris ner schneu nöcher cho. 😌 Dert heimer wider müesse umstige u dasmau isch dr Flüger pünktlech gstartet u ner sogar ds früech ds Züri acho. 🥳 Mir si vor Michelle u vom Grosi u Ätti empfange u uf Thun gchauffiert worde - MERCI viu mau!! 🥰 Dr Schnee het die Fahrt chli lenger u lengsemer gmacht, aber es isch so schön gsi! ☃️ Daheime het ner die nächsti Überraschig gwartet. Ds Mami u dr Jona hei sech id Wohnig gschliche u no paar feini Sache bachet. 😍 Chli später si de o no Mama u Papa Grimm derzue cho. So heimer dr Abe gmüetlech mit üsne Liebste verbrunge u heis gnosse. Daheime isches äbe glich am schönste! 🤩🏡

    So geit üses Abentür Hawaii ds Änd. 🌺 Mir hei mega viu schöni Sache erläbt u si miteme Rucksack vouer schöne Erinnerige wider hei cho. 🥰    Read more

    See translation
  • TravelerHawaii 2023
    Day 26

    Heireis ✈️

    November 30, 2023 in the United States ⋅ ☀️ 17 °C

    Hüt am 04:00 isch dr Wecker gange. ⏰ Mir hei üs parat gmacht u si a Flughafe gfahre. Dert heimer ner wöue ichecke aber vor Delta isch wit u breit ke Mönsch ume gsi. 😅 Di hei äue nid so früech uf möge wie mir. 😴 Wo de doch no e Schauter isch ufgange, heimer üses Gepäck chönne abgä u hei d Tickets becho. 🙌🏻 Si hei scho am Gate düregä, dases e unruhige Flug chönnt wärde, wüus um di hawaiianische Insle chli Wätterfronte het. ☔️ So isches de o gsi, aber es isch aues guet gange u mir hei o no chli chönne schlafe. 😇 Mir si de sogar e haub Stund ds früech ds Los Angeles glandet. ☺️ U de heimer gmerkt, dass dr Flug vo LA uf Paris o no 1,5 Stund Verspätig het. Drum heimer ize hie e gmüetlechi Umstigezyt u mir chöi üs no öppis ds ässe gönne. 😋Read more

    See translation
  • TravelerHawaii 2023
    2
    Day 25

    Dr letscht Tag uf Hawaii 🌺

    November 29, 2023 in the United States ⋅ ☁️ 23 °C

    Hüt simer richtig erholt erwachet. 😇 Leider hets scho wider grägnet u üsi Chleider vo gester si immer noni troche gsi. ☔️ Drum heimer nomau gwäsche u tumbleret, dasmer nüt nasses müesse mit hei näh. 💦 Nachem Zmorge simer de no die letschte Mitbringsel ga ichoufe. 🎁 Ner heimer üs es Cheescake ir „Cheescake Factory“ gönnt. 🍰 Mir hei no gwärweiset, obmer zwöi Stück söue näh. Zum Glück heimer das nid gmacht wüu mir hei das deftige Stück fasch nid möge. 😅 Vom vile Rahm isches üs ner bau schlecht worde. De simer is Hotel zrügg u hei ufem Heiwäg die Kaloriebombe chli verdout. 😌 Ner heimer ds Check-in gmacht für morn u si de nomau a Strand füre u hei am Meer tschüss gseit. 👋🏻🌊 De simer hei ga fertig packe u ner i Panda Express ga Znacht hole. 😍 Hüt heissts früech is Bett ga, wüu morn am 04:30 geits los richtig Flughafe. ✈️Read more

    See translation
  • TravelerHawaii 2023
    2
    1
    Day 24

    nid so üse Tag 🙈

    November 28, 2023 in the United States ⋅ ⛅ 25 °C

    Hüt Morge i auer herrgottsfrüechi simer erwachet u hei wägem Lärm nümme chönne pfuse. 🫣 Ds Hostel sich dasmau würk nid guet u drum heimer am Morge am 02:30h Plan B gschmidet u es nöis Hotel buechet. 🏨 Mir hei ner de ändlech nomau chönne pfuse u si ner de nachem Zmorge zum Diamond Head gloffe. 🥾 Das isch e Krater, wo quasi ds Wahrzeiche vo Waikiki isch. Zum Ufeloufe isch no aues bestens gsi aber wimer bim richtige Trail si acho, hets afa schiffe wie us Chüble. ☔️ Ds Oberst ufem Krater het me ke Meter wit gseh u so simer gad rächt enttüscht gsi. 😔 Ner simer pflotschnass zrügg is Hostel u hei üs angers agleit. 👕 Ner simer zu Pearl Harbor u hei üs dert chli informiert über de Agriff 1941. Ou d Fahrt uf ds USS Arizona Memorial heimer gmacht. 🚢 Das isch rächt idrücklech gsi. Ner isch de dr Hotelwächsu agstande. Mit Sack und Pack simer dür ganz Waikiki gloffe. 😅 Es het sech glohnt, mir hei ize es super Zimmer! Ou d Sunne het sech wider mau zeigt u de simer no a Strand ga bade u dr Sunneuntergang gniesse. ☀️🌇Read more

    See translation
  • TravelerHawaii 2023
    1
    Day 23

    Reise nach Honolulu ✈️

    November 27, 2023 in the United States ⋅ ☁️ 25 °C

    Hüt isch d Reis uf die letschti Insle agstande. ✈️ Drum simer am Morge a Flughafe gfahre u hei dert üses Mietouto abgä. 🚗 O dasmau isch d Abgab mega eifach u schneu gange. Am Flughafe isch de o aues ganz schneu gange u mir si zwöi Stund vor Abflug am Gate ghocket. 😅 Es isch sone chline Flughafe gsi, dasmer nimau chli hei chönne lädele. Drum heimer 1 gäge 100 gluegt und ar Ariane d Düme drückt. 🤞🏻 De heimer ändlech i Flüger chönne und si abghobe. Es isch zimmli e unruhige Flug gsi, drum simer froh gsi, dasmer nach 40min scho wider glandet si. 🙈 Miteme Uber simer ner i üses Hostel und hei dert ichegget. De simer gad los wüumer vor Hunger fasch zämeklappet wäre. 🫣 Mir hei nid wit vo üsem Hostel e super Food Truck gfunde u hei üs dert mit feinem Ässe verpflegt. 😋 Ner simer no chli uf Shopping-Tour, si aber erfouglos gsi. Zim Schluss simer no am Waikiki Beach ufene Jogging Rundi. 🏃‍♀️ Da ischme ändlech fasch chli i Wiehnachtsatimmig cho, mit dr ganze Belüchtig am Strand nah. 🎄Read more

    See translation
  • TravelerHawaii 2023
    Day 22

    Heliflug 🚁

    November 26, 2023 in the United States ⋅ ☁️ 23 °C

    Hüt gäge Mittag simer a Flughafe gfahre. Dert heimer am 13:45 üse doors-off Heliflug gha. 🙌🏻 Mir si es bizeli nervös gsi u hei üs meega gfröit. ☺️ Zersch hets es Safety Briefing gä u si hei üs aues erklärt. 🤓 När isch dr Pilot üs cho abhole u het d Sitzordnig düregä. 💺 Mir hei Glück gha u hei vore näbem Pilot dörfe hocke. 🤩 De isches losgange u mir si abghobe. 🚁 Mir hei einisch die ganzi Insle umrundet u hei so viu schöni Sache gseh. Zum Bispiu dr Waimea Canyon womer am Mänti dinne si ga wandere, d Napali Coast wome ohni Boot oder Heli gar nid häre chunnt u viu Wasserfäu uf dr ganze Insle verteilt. 🤩 O we ds Wätter nid so perfekt isch gsi, simer vo dere spezielle Landschaft fasziniert u das Abentür het sech glohnt. 😇 Womer wider am Bode si gsi, simer wider gäge hei zue gfahre u hei ungerwägs no es paar Stopps fürs Lädele gmacht und mir si o no fein im Panda Express ga ässe. 🐼Read more

    See translation
  • TravelerHawaii 2023
    Day 21

    Chiller Tag 😌

    November 25, 2023 in the United States ⋅ ⛅ 23 °C

    Mir si hüt wider sportlech i Tag gstartet u si e Rundi am Golfpark entlang ga jogge. 🏃‍♀️ Fasch wie ds Buchsi aube nume chli heisser. ☺️ De heimer daheime gmüetlech Zmorge gässe u si ner zum Kilauea Lighthouse gfahre. 💡 Dert heimer ame Ussichtspunkt es paar Föteli gmacht u si ner witer zum Hideaway Beach. 🌊 Dä Strand het üs aber irgendwie nid so pässlet, drum simer gad witer u wider a Hanalei Bay gange. 🏖️ Dert heimer ner so ds säge dr ganz Nami verbracht u eifach chli gsünnelet. 🌞 Natürlech heimer o no chli Yatzy gspielt. 🎲 Es steit mittlerwile 6:3 für d Corinne. 💪🏻 Ufem Heiwäg heimer de bime Thai Food Truck üses Znacht gholt u daheime uf üsem schöne Terrässli gässe. 😋Read more

    See translation
  • TravelerHawaii 2023
    Day 20

    Kauai mit Pferd und Hai 🐴🦈

    November 24, 2023 in the United States ⋅ ⛅ 24 °C

    Am Morge heimer wider mau üsi Wösch müesse mache. 🧺 Wo aues wider suber isch gsi, simer richtig Lawai gfahre. Ungerwägs simer ds Kapaa scho chli dür d Läde gange. 🛍️ Ds Lawai acho, heimer e spezielle Lade ufgsuecht, wüumer dert für d Marina no öppis hei müesse ga poste. 👜 De hets dert no gad ganz viu angeri härzgi Lädeli gha u mir si erfougrich gsi. 😍 Nacheme Kafi simer witer zum Spouthing Horn. Das isch sones Loch ir Lava, wos vo de Wäuene vom Meer ds Wasser ufesprützt. Quasi wie dr Jet d‘eau ds Gänf nur natürlech. ⛲️ De simer witer zum Makauwahi Cave Reserve. Das isch sone Höli gsi womer si ga aluege. 🕳️ Dert bim Parkplatz hets no sone Cowboy Wettbewärb gä u da heimer o no gad chli zuegluegt. 🤠 Das isch no spannend gsi mit dene Rössli u mir sinis wie im Wiude Weste vorcho.🐴 Ner simer witer a Shipwreck Beach. Dert heimer no chli wöue bade. Wo du aber vo mehrerne Orte „Shark!!“ gschroue isch worde, isches üs nümme so ums bade gsi. 🦈😅 Gseh heimer aber ke Hai. De heimer eifach chli gsünnelet u si de ner mau wider bi schönster Abestimmig hei zue gfahre. 🌅Read more

    See translation
  • TravelerHawaii 2023
    3
    Day 19

    Strandtag in Kauai 🏖️

    November 23, 2023 in the United States ⋅ ☁️ 23 °C

    Nach chli usschlafe simer zum Anini Beach gfahre. 🏖️ Die Dame wo üs gester d Heli-Tour verchouft het, het üs gseit, dass bir Fluet immer viu Schildkröte dert am schwümme sige. 🐢 Das het me üs nid zwöi mau müesse säge u mir si mit Schnorchel im Gepäck los. 🤿 Mir si de glii is Wasser u tatsächlech heimer scho bim erste Schnorchelgang e Schildkrot gseh. 😍 Leider heimer d Kamera gad no nid zur Hand gha une ner gar ni chönne fötele. De simer no es zwöits Mau gange und de heimer nomau zwöi Schildkröt gseh. 🤩 Das mau heimer de o am Jona sini GoPro parat gha u hei aues chönne festhalte! 📸Danke Jona fürs uslehne! 🥰 Mir hei üs ner vor Sunne chli la tröchne u si ner hei ga Zmittag ässe. 😋 Witer heimer zum Kee Beach wöue. Mir hei üs aber nid so guet informiert gha und ohni Reservation ischme nid dert häre cho. 🙈 De heimer haut kehrt u si zum Hanalei Bay gfahre. 🏝️ Dert heimer de nomau chli chönne bade und hei ner am Stand chli Yatzy gspielt. 🎲 (Corinne het zum dritte Mau i Folg gwunne 💪🏻). Daheime heimer ner zum Znacht es feins Birchermüesli gmacht. 🍌🍎🍊Read more

    See translation
  • TravelerHawaii 2023
    Day 18

    Wasserfall-Tag 💧

    November 22, 2023 in the United States ⋅ ☁️ 23 °C

    Hüt heimer wider mau chli lenger gschlafe, nach dem Tag gester heimers nötig gha. 😴 Ner simer de uf Wasserfall Tour. Zersch zu de Opaeka‘a Falls und ner zu de Wailua Falls. 💦 Beidi si schön gsi. Die erste hei 3 einzelni Fäu gha und bi de zwöite isch meeega viu Wasser cho, so dass de Fau mega mächtig isch gsi. 🧜‍♂️ De simer wider gäge hei zue gfahre und hei ungerwägs no e Stopp ime Ichoufszentrum gmacht. 🛒 Dert hets ä nätti Dame gha, wo Toure verchouft het. Di het üs de chli beratet und mir si zum Schluss cho, dasmer di berüehmti Na Pali Coast nur miteme Heli uf sicher gseht. 🚁 E Bootstour isch ufgrund vo de grosse Wäue fasch nid müglech. 🛥️ Mir si de hurti ga e Snack choufe u hei üs das gnau überleit. 🤔 Die nätti Dame het üs überzügt u mir si zu ihre ga bueche. 🙌🏻 De simer no ga jogge und si vome wunderschöne Rägeboge begleitet worde. 🌈 Dr Abe heimer de ner mit Lädele ds Hanalei verbracht. Mir si auerdings nid so erfougrich gsi, aber ds Stedtli isch mega härzig gsi. 🥰 Ner simer ines schön wiehnächtlech gschmückts Resti fein ga Znacht ässe. 🎄Read more

    See translation

Join us:

FindPenguins for iOSFindPenguins for Android

  • 2024© FindPenguins
  • Home
  • About us
  • Blog
  • Group Tracking
  • Press
  • Terms
  • Privacy Policy & Cookies
  • Support
  • Legal notice
  • English