Reset search
BerghexBerghex
SatelliteEdit route
traveled in 16 countries Read more
  • BerghexOstseeküste
    Day 5

    Stralsund/Zingst

    September 6, 2019 in Germany ⋅ ⛅ 16 °C

    5.Tag:
    Blick aus dem Fenster.... Sonne!! Der Wettergott is wieda moi auf meiner Seit'n. I bin dankbar🙏.
    Nach dem Frühstück geht's direkt nach Stralsund.
    I geh einfach drauflos. Lass mi treiben. Die Kirchen san Backsteingotik pur und a sonst wiederholt se diese Bauart an jeder Ecke. Stralsund is total schee und i laaf bis nachmittag kreuz und quer durch de Stadt. Mittag iss im Hafen auf am Fischkutter Matjesbrötchen mit Kaffee 🙈 und a bissl shopping geht a no. Am späten Nachmittag beschließ i, den letzten Dog am Strand zu beenden. I fahr extra nomoi bis Zingst und bin dann um hoibe 6 dort. I sitz mi no gemütlich in den Strandkorb und anschließend mach i no a Stunde an Strandspaziergang. Ein Störtebeker zum Abschied, des braucht's no. 🍺Um hoibe 8 fahr i zruck.
    Eine superscheene Woche geht zu Ende. Moing fahr i wieda hoam. Keine Minute hod mi greit . Es gibt hier no sovui zu seng, dafür lohnt es sich, wieder zu kemma. Dass i alloa war, hob i ois angenehm und frei empfunden. Manche Sachen san bestimmt zu zwoat scheener, aber so wie's war, war's guad.
    Servus, Ostsee, I kimm gern wieda. 🙋🏻‍♀️    Read more

    See translation
  • BerghexOstseeküste
    Day 4

    Insel Hiddensee

    September 5, 2019 in Germany ⋅ ☀️ 18 °C

    4.Tag:
    Die ganze Nacht hods g'rengt ohne Ende. Um so überraschter bin i, dass in da Friah voi de Sonne scheint! Um 8.15Uhr beim Frühstück entscheid ' i spontan, nach kurzem Blick in die Schiffsfahrzeiten , zur Insel Hiddensee überzusetzen. Um 9.20 Uhr legt des Schiff in Stralsund ab. 24Min. laut Navi bis Stralsund. Bis dahin hob i koa Ahnung wo da Hafen is. Den Weg kenn i scho, Hafen find i scho..... so mein Gedanke. Oiso, los.... Prompt kimm i am Werfthafen raus!! I fahr no bissl rum... jetz werds zeitlich knapp. Dann doch no schnell mit Google maps... I seh as Schiff, alle Leid scho drauf. No schnell auf an Parkplatz direkt am Hafen, Rucksack raus, keine Zeit mehr für an Parkschein lösen, scheiß drauf! Im Galopp zum Schiff, "schnell no a Fahrkarte" ruaft ma da Fährmann zua. De is glei kaaft und rauf aufs Schiff, geschafft!! Hinter mir werd de Brücke eizogn.... los geht's, ... De Fährmänner homms lustig gfundn und i bin froh. 😅🥴😁Über 2 Stunden dauert de Fahrt, do hob i gnua Zeit zum verschaufa. De Insel is Autofrei und fast olle leihen sich a Radl aus, a de de sonst nia fahrn🙄🙈. I geh den Strandweg, barfuß im Sand. 4km bis zum Leuchtturm teilweise über'n Höhenweg durch den Woid. Tolle Aussicht, leider is jetz sehr bewölkt. I geh weiter bis zum Kloster (de Bezeichnung is a Witz... is a ganz normale, einfache Insel Kirche!) ca. 2km. In a kloana, eher greisligen Bäckerei kaaf I mia an Kaffee und an eher schlechten Kuacha. Und in dem Moment fangts as schütten o wos geht.! I sitz nur do und schau zum Fenster naus und dem Regen zua. I kimm mia vor, wie im Café am Rande der Welt! Und trotzdem fühl i mi in dem Moment unglaublich zufrieden. Nach 'ner hoiben Stund is ois vorbei, Sonne scheint, i mach mi auf'm Weg zum Schiff am Hafen. Rückfahrt um 16 Uhr.
    Um 18.40 Uhr endlich in Stralsund.
    Ein spannender, beeindruckender Dog geht zu Ende. Hiddensee is wunderschee. ♥️
    Ach ja, leider war diesmoi a Strafzettel am Auto... Parken ohne Parkschein! 🙈😂    Read more

    See translation
  • BerghexOstseeküste
    Day 3

    Sassnitz/Binz/Sellin

    September 4, 2019 in Germany ⋅ ☁️ 19 °C

    3.Tag:
    Ausgeschlafen Frühstück um kurz nach hoibe achte. Wetter is guad, Sonne scheint. Auf geht's auf die Insel Rügen! Die 2,8 km lange Rügenbrücke auf die Insel is scho sehr imposant! Vom Parkplatz Hagen oberhalb von Sassnitz geh i los durch den Jasmunder Nationalpark. Zur Victoriaaussicht, von wo aus ma de Kreidefelsen seng ko. Tolle Aussicht👍. Dann weiter durch die Buchenwälder bis nach Lohme. A Stück am Findlingsstrand entlang. Der Weg ziagt se ganz schee, bin scho 3 Stund unterwegs. In Lohme hob i Glück und grod kimmt da Bus daher, der mi bis zum Parkplatz Hagen zruck mitnimmt. I fahr nach Sassnitz, wo i an der Strandpromenade Kaffee und Kuchen genieße. Dann fahr i bis in Ostseekurort Binz. Tolle Strandpromenade, mondänes Kurhaus, weißer Sandstrand. Aber uferlos vui Touristen ab ca. 70 Jahre aufwärts!! I mach a paar Fotos... des reicht ma hier. Weiter geht's dann no nach Sellin. Ebenfalls Kurort, ned ganz so überlaffa wie Binz. Hier punktet der Ort mit der einzig bebauten Seebrücke, des is scho a sehr spektakulärer Ausblick.!! Im Seebrückenrestaurant wär i gern einkehrt,... Aber do woit i mi jetz dann doch ned alloa neisitzn. 😔. Dann nach i mi auf'm Rückweg, der no ca. eine Stunde von da Unterkunft entfernt is. Abendessen um 19 Uhr im Hotel. Ein anstrengender, aber sehr sehenswerter Dog geht zu Ende. Es geht ma guad. 😊Read more

    See translation
  • BerghexOstseeküste
    Day 2

    Prerow/Zingst

    September 3, 2019 in Germany ⋅ ☁️ 15 °C

    2.Tag :
    Um 8Uhr Frühstück, dann geht's bei leichtem Regen zum Nationalpark Prerow. Flotten Schrittes mach i mi auf den Rundweg zum Darßer Ort, wo jetz dann im Fischland/Darß im Herbst die Kraniche herziang. Wetter is leicht regnerisch, aber ned koit. Der Weg führt mi über Holzstege, Sand und Kieferwälder bis zum Weststrand. Obwohl sehr bewölkt, is es hier superschee... und ziemlich stürmisch. Kurzer Abstecher auf den Leuchtturm, wo's oan boid davowaht! Rückweg durch den Woid zum Parkplatz am Campingplatz. Insgesamt bin i 4 Stunden ganga. 😅💪. I fahr no nach Zingst, wo i im sehr schönen und nostalgischen Café Rosengarten sehr guad'n Kuacha und Kaffee mit Kardamom genieße. Anschließend laaf i no a Stund durch Zingst. Zu guter Letzt lass i den Dog am Strand ausklinga, wo nomoi voi de Sonne durchkimmt . Schee is hier... Es reicht einfach, nur auf's Meer zu schaun und nix sogn miassn. I bin froh.Read more

    See translation
  • BerghexFinnland

    Helsinki

    June 24, 2019 in Finland ⋅ ⛅ 20 °C

    8. Tag : Helsinki
    Wetter: 25 Grad, sonnig

     Nach dem Frühstück um 10 Uhr check ma aus und fahrn direkt zur beeindruckenden Felsenkirche. Busse, voll mit Chinesen, werden hier entlod'n! 😵Do hoit ma uns ned lang auf und fahrn ins Zentrum. Markthalle, Hafen, Marktstände..., as "Touriprogramm" muass hier hoid a sei. Für die Erholung geht's no auf die Insel Seurasaari, die sehr schön is, oa moi komplett rundum ganga. Abschluß noch am Markt in Helsinki zum Essen.
    Und danoch zum Flughafen, wieda z'ruck in die Heimat.
    Fazit: * Midsommar!!... Irgendwann geht jegliches Zeitgefühl verloren, wenn's dauernd hell is. Schlaf is entsprechend wenig und da bräuchte ma eigentlich no länger Urlaub. 🥴.... außerdem is an dem Super- Feierdog null los!😩
    * In dem Urlaub samma so vui Kreuzschiff g'fahrn, wie no nie. Am Christoph hod's gfoin.... I bin hoid doch mehr de Berggams! 😁
    * Landschaftlich is Finnland mit seine unzähligen Seen und Meerausläufern sehr schön, aber die Fahrten durch's Festland eher langweilig.
    * As Wetter war absolut mit uns, zeitweise sehr windig, aber des hoit ma mit 'ner Jacke guad aus.
    * De Finnen san cool, freundlich, zurückhaltend und entspannt. Allerdings kennan de ganz schee saufen! 😲
    * Helsinki is natürlich scho a tolle Stadt, aber a anstrengend.
    Schee war's, a straffes Programm für de kurze Zeit... Und für uns, kimmt's an Island lang ned hi! 🙈😁    Read more

    See translation
  • BerghexFinnland

    Helsinki, Tallin

    June 23, 2019 in Estonia ⋅ ⛅ 19 °C

    7.Tag: Helsinki, Tallin (Estland)

    Wetter : 25 Grad, sonnig

    Um 8.30Uhr start' ma zur Fähre nach Tallin, Hauptstadt von Estland. An Bord homma Frühstück gebucht, zwoa Stunden dauert die Fahrt. Mia san ja jetz scho fast Kreuzfahrtschiff- Profis! 😉😂 In Tallin is schönstes Wetter und mia laafan den ganzen Dog durch die mittelalterliche Altstadt. Mia steigen den höchsten Turm nauf und hom von oben eine traumhafte Aussicht. Leider san hier moi wieda jede Menge Chinesen, de krabbeln wirklich überoi rum!😩😵Zum Abschluss find ma trotzdem no a nettes kloans Café, wo de Touristen ned hi gehn... aber mia! 😁
    Um 18.30Uhr geht's mim Schiff wieder z'ruck nach Helsinki. An Bord gönn' ma uns no as üppige Büfett, dann samma platt für heid! 🥴    Read more

    See translation
  • BerghexFinnland

    Tampere, Helsinki

    June 22, 2019 in Finland ⋅ ⛅ 16 °C

    6. Tag: Tampere, Helsinki

    Wetter : 20 Grad, sonnig, windig

    Nach dem Frühstück um 10 Uhr start' ma direkt 160km nach Helsinki. Von Tampere homma nur an sehr schönen Park gseng, ansonsten nix. Do homma heid Friah einfach nimma meng, nachdem nix los war🙈. De Hoffnung, dass in so einer Großstadt wie Helsinki mehr auf hod, war zumindest an den Touristenattraktionen so. Mia san dann mim Schiff zur Festungsinsel Suomenlinna g'fahrn, sehr schön, wo ma den ganzen Tag verbracht hom. Abends kurz ins Hotel eicheckt , dann no in de Bar im 12.Stock vo am andern Hotel, wo ma no an Wahnsinnsblick auf Helsinki von oben hod! Moing geht's mit da Fähre nach Tallinn.Read more

    See translation
  • BerghexFinnland

    Turku, Tampere

    June 21, 2019 in Finland ⋅ ⛅ 20 °C

    5.Tag: Turku, Naantali, Rauma, Pori, Tampere

    Wetter : 20 Grad, sonnig, teils bewölkt, windig

    Wir starten um 9 Uhr über Naantali nach Rauma. Die Altstadt besteht aus 600 bewohnten Holzhäusern u. 200 Läden die zum Weltkulturerbe zählen. Seltsamerweise san olle Läden geschlossen. Mia wundern uns. Gott sei Dank hod a ganz schnucklige Kaffeebar auf, wo ma erst moi frühstücken. Da Kaffee is in Finnland übrigens imma super. Anschließend geht's weida ca. 100 km nach Pori zum Sandstrand mit Dünen in Yyteri. Schee is do, aber windig ohne Ende. Da Finne geht trotzdem ins Wasser.... Mia ned! 🙈😁Der letzte Wegabschnitt führt uns in de Großstadt Tampere. Unser Sehenswürdigkeitenprogramm scheitert scho am Dom, der seltsamerweise zu is. 🤔.... genauso wie die Markthalle, Fabrikgelände usw.... ALLES GESCHLOSSEN!! Sogar das Restaurant im Hotel. Die ganze Stadt is wie ausgstorbm. Allmählich check ma de Lage: Heid is Midsommar.... Der allerhöchstheilige Feierdog für die Finnen! Zwoa Dog hod alles (komplett alles) zua und sie feiern Midsommar in Form von Lagerfeuer, Tanz usw...! 😲🙄Tja, mia san scho solche Helden🙈. Mia woiten dann no irgendwo do hi, wo da Finne feiert, da hamma leider nix ausfindig gmacht. Am Yachthafen war wenigstens as Lokal auf, mit Tanz für oide Leid, do homma dann no gegessen. Oan Tanz no, dann samma ins Hotel ganga... a bissl frustriert und inzwischen ohne jegliches Zeitgefühl mehr, weil's dauernd hell is. 😩Read more

    See translation
  • BerghexFinnland

    Aland, Turku

    June 20, 2019 in Åland Islands ⋅ ⛅ 21 °C

    4. Tag: Aland, Turku

    Wetter: 20 Grad, sonnig, windig

    Mia starten um 10 Uhr zu am kurzen Abstecher an Strand vo Haraldsby. Glasklares Wasser und Entspannung is hier garantiert. Da ma zeitlich knapp dro san, geht's weida zum Aussichtsturm mittig der Insel. Hier ko ma se nomoi an kompletten Überblick über Aland verschaffen.
    Kurzer Abstecher nach Mariehamn, und um 13 Uhr wieda zur Fähre, z'ruck nach Turku. Oiso, nomoi 5 Stunden Zeit verbringa auf so am Schiff... 🙄🙈.
    Geboten is hier ois, vom Alleinunterhalter , zur Tanzband bis zur Karaokebar! In Anspruch g'numma homma des allerdings ned.. 😁😅
    I war dann doch froh, ois ma wieda in Turku ei'glaffa san! Da es um 22 Uhr no hell is, homma de Zeit übersehen, und in de Restaurant 's hod' s nix mehr zu essen gebm. 😒... Mia hom dann unsern Kabanossi-Parmesan Vorrat mit Rotwein zamgess'n und drunga. Prost😊🧀🍷🍷    Read more

    See translation
  • BerghexFinnland

    Aland/Kvarnbo

    June 19, 2019 in Åland Islands ⋅ ⛅ 19 °C

    3.Tag: Aland/Kvarnbo,

    Wetter: 20 Grad, sonnig, windig

    Heid homma entspannt a tolles Frühstück genossen und san dann, um kurz nach 10Uhr, nach Kastelholm zur Burgbesichtigung gestartet. Zum Foto macha hod ma se jeweilige Gewänder u. ä. ausleihen kenna.... Christoph is im schweinsschweren Kettenhemd einfach unschlagbar! 😍😂😂
    Angrenzendes Freiluftmuseum war sehr idyllisch und mit zwanzig nachgebauten Häusern von früher, sehr sehenswert. Nachmittags san ma no bissl auf da Insel rumgfahrn, und abends no an kurzen Rundwanderweg, Höckböeleholmen, mit tollem Ausblick auf den Meerausläufer, ganga.
    Touristisch is hier ned vui los, oiso optimal für den, der sei Ruah hom wui. Moing geht's mit da Fähre z'ruck nach Turku.

    ,    Read more

    See translation

Join us:

FindPenguins for iOSFindPenguins for Android

  • 2024© FindPenguins
  • Home
  • About us
  • Blog
  • Group Tracking
  • Press
  • Terms
  • Privacy Policy & Cookies
  • Support
  • Legal notice