Suche zurücksetzen
Julia EstermannJulia Estermann
SatellitRoute bearbeiten
war bereits in 28 Ländern Weiterlesen
  • Südamerika 2022
    Tag 43

    Vo Alajuela noch La Fortuna

    19. Dezember 2022 in Costa Rica ⋅ ⛅ 22 °C

    Nochdem mir üs vode Daniela ond em Bryan verabschedet hend, got üses Pokerspeli mitem Bus los. 🙋‍♀️ Busfahre esch nähmlich tatsächlich chli e Lotterie in Costa Rica. 🔮 Obwohl mer online ganz easy es Ticket chönnt löse, esches ned secher, dass de Bus au wörkli Platz hed - zom Glöck hemmer üs dezue entschede üs erst vor Ort om es Ticket z kömmere, well de Bus hed ned mol meh aghalte do er bereits volle gsi esch. 🫡 Chorzerhand hemmer üsi Route apasst ond send öber Ciudad Quesada gfahre, wommer de Aschlossbus of La Fortuna gno hend. 🧀 D Fahrt esch zwöscheziitlich no om 1h onterbroche worde, well s ufgrond vomne internationale Velorenne e Strossesperrig gäh hed. 🚧 Acho am Ziel semmer einisch meh ufs Grotwohl e Onterkonft go sueche ond bi üsem erste Favorit föndig worde. 💪För de höttig Tag esch nömm vell meh ufem Programm gstande. Nochem Zemmer bezieh, semmer nochli dör s' Drof gloffe ond hend Zuetate förs Znacht kauft. 🍝 E lange Reisetag got somit z'Änd (vo Tör zo Tör 7h). 🚌Weiterlesen

    Übersetzung anzeigen
  • Südamerika 2022
    Tag 42

    Nationalpark Manuel Antonio

    18. Dezember 2022 in Costa Rica ⋅ ⛅ 27 °C

    Abgmacht wär mou gse am 7i los, ganz noch "Hora Tica" semmer denn am 9i losgfahre Rechtig Nationalpark Manuel Antonio.🤷🏽‍♀️ De Bryan esch spontan im Dorf usgstege, zom s WM-Final luege.⚽ Mer drü send währenddesse uf d Suechi noch Fuultier gange.🦥 Bim Loufe döre ongloublech füechti, heissi Rägewald esch üs de Schweiss us allne Pore gloufe ond mer hend diversi Tier atroffe: Coati (Nasenbär), Leguane, drü Affearte (Kongos, Kapuziner-, Totenkopfäffli) ond e Schildchrott.🦎🐒🐢 En wiiteri Spezies send die fuessballbegeisterete Touris gse, wo im Penaltyschiesse metgfieberet hend.🫣 Am Nommitag hemmer üs am Strand im Nationalpark abküehlet, womer de ou en chlini Schlange entdeckt hend.🐍 Ufem Röckwäg hemmer doch no zwoi Fuultier gfonde, wo erem Ruef grächt worde send ond sech kei Milimeter bewegt hend, drom hemmer si fascht ned gse.👀 Chorz druf hemmer üs ufe Heiwäg gmacht. Es hed es paar chorzi Zwöschestopps zom zMettag ässe ond för Föteli gä, bevor mer müed ond scho weder im Donkle in Alajuela acho send.😴 No schnell Wösch wäsche ond d Lotterie luege🧺, denn eschs weder los zom Klasseträffe met ehemalige Schuelkolleginne vode Julia. 🤗Weiterlesen

  • Südamerika 2022
    Tag 41

    Manuel Antonio

    17. Dezember 2022 in Costa Rica ⋅ 🌧 28 °C

    PURA VIDA
    Daniela ond de Bryan hend för üs es Weekend noch Manuel Antonio planet. 😊 Sobald de Bruno alias "Sandalefrässer" (ihre Hond) bide Tante abglade gseh esch, gots los rechtig Pazifikköste. 🌴 Bereits ufem Wäg gits s eint oder andere Tier z gseh - Krokodil ond en Tukan. 🐊 Ned nome s Tierriich esch einzigartig, au die velle schöne Stränd hend üs zom Stuune brocht. ⛱️ Mir hend drom au öppe för es Föteli ghaltet. 📸 För s' Zmittag heds e Zwöschestopp in Quepos inere sogenannte Soda gäh - weder mol hemmer rechtig fein gässe. 😋 De Nomittag verbrengemer ade Playa Biesanz ond ade Playa Espadilla met Bade im warme Pazifikwasser.🌊 Mir hend au no Kapuzineräffli vo ganz nöchem gseh. 🐒😍 Scho glii esches Ziit för de Sonneontergang gsi ond mir hend üsi Kameras erneut zöckt. 🌅 Üsi Meinig, dass es eigentlich nochem Sonneontergang grad so schön esch wie währenddesse, hed sich höt ned beworheitet. Chuum esch d Sonne verschwonde gsi, heds us allne Chöble afo Rägne. ☔️ Zom Glöck eschs Auto grad ome Egge gstande. Am Obe ufem Heiwääg i üses Airbnb semmer doch prompt no vo zahlriiche Füürameisi agreffe worde - das hed grad e rondi brönnt ! 🐜🔥Weiterlesen

    Übersetzung anzeigen
  • Südamerika 2022
    Tag 40

    Rägetag esch Abreisetag

    16. Dezember 2022 in Costa Rica ⋅ 🌧 22 °C

    Üses Morgeprogramm, dörd Lädeli vo Puerto Viejo z stöbere, esch wortwörtlech is Wasser gheit. 🌧️ Es hed so fescht grägnet, dosmer stondelang im Hostel feschtghocket send ond im Räge zuegluegt hend.🧐 Jedes Mou womer weder en Alouf hend welle woge, heds grad weder us allne Chessle gläärt.🚿🪣 Gäge die 11i hemmer denn e guete Momänt verwötscht ond send metem Tüechli als Scherm Rechtig zMorge/zMettag marschiert.☔ Gallo Pinto (typischs Tico-zMorge) ond Gmües-Omlett hemmer weder bi strömendem Räge gnosse.😋☕ Chorze Stopp im Souvenir-Shop 😂 ond denn eschs losgange uf die 6h Busfahrt zrog - stop and go - bi onändlecher Boustell.👷🏿‍♂️🚧 Zom zNacht hend üs d Daniela ond de Bryan usgfüehrt is Restaurant "El Mirador", womer met gueter Ussecht uf d Städt Alajuela, Heredia ond San José en grossi Platte met allerlei Spezialitäte gässe hend.🍟🥩 D Öberraschig vom Tag: minus ei Flipflop.🩴De jong Hond de Bruno hed dä i üsere Abwäseheit gfrässe - öbs ächt am schwiizer Chäs-Groch gläge esch? 🐕🧀🤔Weiterlesen

  • Südamerika 2022
    Tag 39

    Velofahrt döre Rägewald

    15. Dezember 2022 in Costa Rica ⋅ 🌧 28 °C

    D Nacht bi tropischem, füechtem Klima esch dank Ventilator trotzdem erholsam gse.😇 Usgröstet met Mietvelos vom Hostel semmer als ersts is Port Vell Kafi, womer es mega feins zMorge gässe hend.🥭🍌☕ Aschliessend hemmer üses Busticket för morn postet ond öpis zom Picknicke kouft. Denn hed Tour metem Velo entlang vode karibische Küste bes uf Manzanillo chönne losgo.🚲 Ufem Wäg heds verschedensti Pflanzearte z bestune gä.🌺 Nochdem mer die einzig Stiigig metem 1-Gang-Velo gmeisteret hend, semmer z Manzanillo acho.💪🏼 S füechte Klima hed üs ou ohni grossi Asträngig zom Schwetze brocht, darom heds denn en Abchüelig brucht.💧 Mer hend us dem wonderbar agnähme Wasser fascht nömm use welle ond de Karibikstrand in volle Zög gnosse.🏝️☀️ Am Nommitag semmer bi bedecktem Himmel ufe Retourwäg, wobi mer bi verschedene Stränd gstoppet hend.🌊 Ufem Wäg semmer ou ganze Famelie vo Affe, emene Aligator, inere Schildchrott ond vellne Insekte begägnet.🐒🐊🐢🕷️🦋 De tropisch Räge hed üs ned ganz verschont ond zomene Zwöschestopp imene Beizli brocht, womer Patacones gässe hend.😋 Pönktlech zom nöchste Rägegotsch semmer zrog im Hostel gse. Förs zNacht hemmer üs öpis typisch karibischs gsuecht ond send ganz ide nöchi föndig worde met Crevette ond Kokos-Rice&Beans. 🍤Weiterlesen

  • Südamerika 2022
    Tag 38

    Puerto Viejo

    14. Dezember 2022 in Costa Rica ⋅ ☀️ 27 °C

    Erholt vom lange Reisetag semmer mitemne super feine Zmorge vode Daniela verwöhnt worde. 😋 Gstärkt, hemmer üs mitem Bus ufe Wäg id Grossstadt San José gmacht. 🚌 De Verchehr id Stadt hed zemmli zäch gha, drom hemmer de 10ni Bus noch Puerto Viejo nömm verwötscht. 😮‍💨 Stattdesse hemmer es Ticket för de Bus am Nomittag kauft. Zom Ziit öberbröcke semmer im Mercado Central es Bsüechli go abstatte. Näbst Läbensmittel gfendet mer dete ou e huufe Souvenir-Lädeli, lebändigi Tier, e Chrippe ond lokals Ässe (Arroz con Pollo, Chorreada). 🦐🦜🍗 De Bus noch Puerto Viejo hed sich mit immer meh Lüüt gföllt, einigi send de ganz Wäg im Gang gstande.😯 Noch 6h semmer de ändlich a üsem Ziel acho. 🥳 Bi töppigem Karibikwätter ond donkler Nacht (d Sonne got do scho am 6i onder) semmer zom Hostel Kalunay gloffe ond hend üses Zemmer bezoge. 🏝 Zom Znacht hemmer üs e gueti Pizza mit Avocado gönnt. 🥑Weiterlesen

  • Südamerika 2022
    Tag 37

    Vo Chile noch Costa Rica

    13. Dezember 2022 in Costa Rica ⋅ ⛅ 25 °C

    De Wecker hed üs höt Morge am 3 usem Bett glüütet. 😴 De Floghafetransfer hed trotz früecher Stond problemlos klappet. 💪 Mir send öberrascht gsi, dass om die Tagesziit scho so vell Betreb am Floghafe herrscht -guet semmer pönktlich los. 😌 Noch 4h Flog hemmer e Zwöschestopp in Lima (Peru) gha. 🇵🇪 Natürli hemmer die Ziit entsprächend gnötzt, zom es peruanischs Gricht - Aji de Gallina - z schnousse. 😋 De Wiiterflog uf Costa Rica esch de grad nomol so lang gange. ✈️ Das Mol hemmer Dank em Pilot sine Fuessballupdates zom Speli Argentinie gäge Kroatie live Bscheid gwösst. ⚽️ Die zahlriiche argentinische Fans im Flüger hend das so fest gfiiret, dass sie s ganze Flogi met ihrem Jubel onterhalte hend. 🥳 Am Nomittag am 4ii semmer i de neue Ziitzone (-7h zode Schwiiz) in San José Costa Rica glandet - üsem letschte Land vode Reis. 🇨🇷 Abgholt semmer vode Julia ihrere Schuelkollegin de Daniela worde. 😊 Mir döffet bi ihre Dehei in Alajuela öbernachte ond wärdet mitemne feine Znacht, wo ihre Frönd scho zuebereitet hed, verchöstiget. 🥩 Üsi ersti grösseri Usgab esch e Sonnecreme för knapp 20.- gse. 🤯Weiterlesen

    Übersetzung anzeigen
  • Südamerika 2022
    Tag 36

    Santiago de Chile - Tag 3

    12. Dezember 2022 in Chile ⋅ ☀️ 32 °C

    Es esch weder mou e Tag för Erledigonge: Usschlofe, Wäsche, Pedikure, Chnopf anähie, Packe... Während d Wösch tröchnet hed, semmer no chli im "Dörfli" Las Condes uf Entdeckigstour ond go zMettag ässe. Am Obe hemmer denn s letschte mou met s Hodels zNacht gno. Danke tusig för üchi Gastfröndschaft. Im Morgegraue wärdemer üs ufe Wäg a Floghafe mache.Weiterlesen

  • Südamerika 2022
    Tag 35

    Vo Valparaíso noch Santiago

    11. Dezember 2022 in Chile ⋅ ⛅ 29 °C

    Üses lange Wochenänd hed sech im Ändi zuegneigt ond so esch weder mou Rocksack packe agseid gse.🫠 Nochemne usgiebige zMorge hemmer üs met Sack ond Pack ufe Wäg in Rechtig Bushaltestell gmacht.👟 Onterwägs semmer no chli dör d Souvenir-Läde go stöbere.👀 De Bus hed üs schliesslech schnell ond secher zrog uf Santiago brocht.🚌 De Obe lömmer im chüele Garte bide Famelie Hodel lo usklinge.🌴Weiterlesen

  • Südamerika 2022
    Tag 34

    Strandtag - Viña del Mar

    10. Dezember 2022 in Chile ⋅ ☀️ 25 °C

    Ferie vom Reise - nochem Usschlofe ond Zmörgele hemmer üsi Badisache iipackt ond send metem Colectivo Bus Rechtig Viña del Mar gfahre. 🚍 D Fahrt esch wie do üblich sehr abentüürlich gsi. Bevors öberhaupt los got, muesmer de Bus dör Wenke zom Halte brenge.👋 D Fahrt esch de es Wächselspeli vo Vollgas gäh ond Brämse gsi - ond de erst no die rechtig "Haltestell" gfende brucht chli Üebig. 🤓 De Räst vom Tag hemmer am Strand verbrocht. 🏝 Noch de Dosis Sonne vom Vormittag ond ere chorze Abchüelig im (rechtig) chalte Pazifik hemmer am Nomittag de Schatte bevorzogt. ☀️ Före Sonneontergang semmer nochli wiiter ade Köste entlang noch Reñaca gloffe.🌅 En entspannte Tag met (Hör)buech, Speli spele ond feinem Ässe got z Änd. 🤗Weiterlesen

Sei dabei:

FindPenguins für iOSFindPenguins für Android

  • 2024© FindPenguins
  • Start
  • Über uns
  • Blog
  • Gruppen-Tracking
  • Presse
  • Nutzungsbedingungen
  • Datenschutz & Cookies
  • Support
  • Impressum
  • Deutsch