Meland s Afrikareis

dicembre 2020 - maggio 2021

Un’avventura di 145 giorni di Meland s Wältreis & Andrea Leggi altro

47impronte
3paesi
145giorni
261fotografie
20video
29,0kchilometri
18,7kchilometri

Segui Calendario Condividi Lista dei desideri

Data ascendente

Meland s Afrikareis
- Mostra viaggio
- Aggiungi alla lista dei desideriRimuovi dalla lista dei desideri
- Condividi
- 28 mag 2020
- ☀️ 20 °C
- Altitudine: 325 m
- Svizzera Kanton Basel-Landschaft Arlesheim 47.49661, 7.6180347°29’48” N 7°37’5” E
Verschoben isch nit uffghobe:-)
28 maggio 2020, Svizzera ⋅ ☀️ 20 °C
Scho im März 2020 isch scho fascht ziemlich klar gsi, dass mir unseri planti Reis am 01. Juni nit könne starte.
S Coronavirus het die ganze Plän uffe Huffe gworfe.
Dr Job und d Wohnig hän mir beidi uff Endi Mai kündet. Jetzt heisst e Plan B kreiere.
Alles umplane, neu koordiniere und luege wo mir unterkömme.
Dr ganz Juni wärde mir in de Berge verbringe. 2 Wuche in Dr Alphütte in dr Lenk und 2 Wuche in Obersaxe. Soo öbbis vo verdient und zum Erhole.
Im Juli kömme mir wieder ind Nöchi und wohne bim Tanti Brigitte in St. Pantaleon im Dachstock.
Damit mir d Uslaage nit vom ersparte Batze mien usgeh, sueche mir uns e temporär Job bis Endi Novmeber.
In Dr Hoffnig dass den s Reise über s grosse Meer wieder unbeschränkt möglich isch.
Hüt, dr 28.Mai hän mir uns definitiv entscheiden dass mir unseri Reis in Neuseeland am 08. Dezember 2020 wärde starte.
Und genau sooo hän mr das au buecht:-) Mir freue uns nach wie vor riesig uff das verschobene und bitz anderscht plante Abentüür.Leggi altro
Guarda la traduzione
3 mi piace
Meland s Afrikareis
- Mostra viaggio
- Aggiungi alla lista dei desideriRimuovi dalla lista dei desideri
- Condividi
- 1 dic 2020, 18:20
- ☁️ 1 °C
- Altitudine: 438 m
- Svizzera Kanton Basel-Landschaft Liestal Frenkendorf 47.49521, 7.7123647°29’43” N 7°42’44” E
Ändligg gohts loos
1 dicembre 2020, Svizzera ⋅ ☁️ 1 °C
Nachdäm mir unsere plante Start vom Juni 2020 hän miesse verschiebe und unseri Plän umkrämplet hän gohts jetzt am 9. Dezämber 2020 ändligg los. Aber nit uff Neuseeland wie mir im Mai no dänggt hän (die hän dGränze immer no zue) sondern uff Südafrika. Mir könne sogar diräkt vo Züri uff Kapstadt fliege, Edelweiss sei Dank :-). Abgseh vom Ticket muess me jetzt au e negative COVID-19 Tescht vorwiese zum könne fliege, bzw. Ireise. Das isch no die letschti Hürde wo mir mien näh, jedoch erscht kurz vor dr Abreis, well dä Tescht nit älter als 72 Stund alt dörf sy, wenn mir in Kapstadt akömme. Jetzt heissts no die räschtliche Sache erledige und packe.
Mir sin sehr gespannt und freue uns total!Leggi altro
Guarda la traduzione
Viaggiatore Ueeeh mier wend au grad wieder gah😍
01/12/20Risposta
Viaggiatore Sicher nid 🧐
01/12/20Risposta
Viaggiatore I freu mi jo für euch und wünsch euch vo ganzem Härze viel Spass und vieli schöni Idrück und Erläbnis. Aber i bi au biz trurig dass ihr jetzt grad so kurz vor dr Wiehnacht göhnd..für mi isch halt das immer no schönste Familiefest im Johr 😌
01/12/20Risposta
3 altri commenti
8 mi piace
Meland s Afrikareis
- Mostra viaggio
- Aggiungi alla lista dei desideriRimuovi dalla lista dei desideri
- Condividi
- 13 dic 2020, 21:06
- 🌙 17 °C
- Altitudine: 14 m
- Sud Africa Province of the Western Cape City of Cape Town De Waterkant Alfred Basin -33.912374, 18.42519333°54’45” S 18°25’31” E
1
Giorno 5
Acho in Capetown
13 dicembre 2020, Sud Africa ⋅ 🌙 17 °C
Nach 11 Stund Maske im Gsicht und zämeglegt uff em Sitz in dr Economy vo dr Edelweiss sin mr in Capetown acho. D Corona Massnahme sin nit so schlimm gsi wie erwartet. Usser Zettelusfülle und Fiebermässe am Handglänk🤔 hän mr schlussendligg dr Südafrikanisch Stämpel in Pass beko.
Völlig dure hän mr s Hotelzimmer für die nöggschte 11 Dääg an dr Waterfront am Meer bezoge.
D Waterfront in Südafrika isch nach de Pyramide in Ägypte dr hüfigsti bsuechti Ort in ganz Afrika.

Durch Walking Toure und Busfahrte hän mr scho e Wenigkeit vo dr Stadt gseh.
D Gschicht vo dr Apartheit in däm Land het uns sehr beidruckt. Es isch unglaublich, wie 4 Millione wissi Mensche 41 Millione farbigi Mensche durch Macht und Gäld hän könne unterdrucke, usbeute und us em eigene Land/ Quartier vertriebe.
D Downtown isch voll mit Läbe, Gsang, e huffe kleini Märtständ und vielne kleine Kaffis.
E Bsuech im Botanische Garte het uns d Vielfalt vo dr Flora ufzeigt. So hän mr au Nationalblueme vo Südafrika , Königsprotea, gfunde.Leggi altro
Guarda la traduzione
Viaggiatore Das goht jo scho mächtig ab! Wunderbar. Bi uns isch es dütlig chälter😬
13/12/20Risposta
Viaggiatore das isch so schön..das strahlt so viel Freud und Läbenslust us 💖
22/12/20Risposta
20 mi piace
Meland s Afrikareis
- Mostra viaggio
- Aggiungi alla lista dei desideriRimuovi dalla lista dei desideri
- Condividi
- 19 dic 2020, 22:25
- 🌙 19 °C
- Altitudine: 13 m
- Sud Africa Province of the Western Cape City of Cape Town De Waterkant Alfred Basin -33.912668, 18.42520733°54’46” S 18°25’31” E
Giorno 11
Capetown und so...
19 dicembre 2020, Sud Africa ⋅ 🌙 19 °C
Capetown isch wirkligg sehr vielsitig.
E witere Walking Tour mit em Thema Bo- Kaap. Bo-Kaap isch e Stadtvierte vo de Kapmalaie, wo nachdäm sie vo dr Sklaverei befreit worde sin, sich dört agsiedlet hän. Sin mehrheitlich Muslimischi Bewohner. E typischs Merkmol vo däm Viertel sin die viele bunte Hüser.

Sit es paar Täg hän mir unsere neue Flizzer, dr Toyota Yaris. So hän mr au könne kli unabhängig d Umgäbig vo Capetown unsicher mache. So sin mr ans Cap der guten Hoffnung und hän
wunderschöni Wanderige gmacht. Uff em Signal Hill und im Silbermine Nature Reservat ( im Table Mountain National Park), hän mir e wunderschöni Ussicht uff die ganzi Stadt, e sensationelli Flora und e prachtvolle Sunneuntergang könne gniesse. Sogar in d Höhli „Elephant s Eye Cave“ sin mr uffe klätteret.Leggi altro
Guarda la traduzione
Viaggiatore Prächtig
21/12/20Risposta
21 mi piace
Meland s Afrikareis
- Mostra viaggio
- Aggiungi alla lista dei desideriRimuovi dalla lista dei desideri
- Condividi
- 20 dic 2020
- ☀️ 24 °C
- Altitudine: 17 m
- Sud Africa Province of the Western Cape City of Cape Town Minto Hill -33.811848, 18.36957933°48’43” S 18°22’10” E
Giorno 12
Nomol Capetown
20 dicembre 2020, Sud Africa ⋅ ☀️ 24 °C
Im ganze sins 10 Dääg Capetown. Und me könnt no länger blibe, mr hän no lang nit alles gseh.;-)

Mit em Boot sin mr Robben Island go bsueche. Isch rächt touristisch und genau nach Zitplan, aber extrem spannend gsi.
Robben Island isch e Insle wo ca. 12 km vo Kapstadt entfernt isch. Sie isch bereits im 17. Joorhundert e Gfängnisinsle gsi. Spöter het me denn die Leprakranke dörthi verfrachtet. Im 2. Wältkrieg het d’Insle als Navy-Stützpunkt vo de Alliierte dient, uss däre Zyt stön no einigi Gebäude. In dr Zit vo dr Apartheid sin denn überwiegend politische Gfangeni igsperrt worde. Au dr Nelson Mandela het ca. 20 Johr in däm Gfängnis als politische Gfangene verbrocht. Bevor er denn frei gloh worde isch und Präsident vo Südafrika worde isch.
D Füehrig durch das Gfängnis het e ehemolige Häftling gmacht. Und was dä dört alles het miese erläbe, isch unfassbar und au unvorstellbar.

Uff unsere Usflüg in und um Kapstadt hän mr au mit andere Bewohner vo Südafrika könne Bekannschaft mache :-)Leggi altro
Guarda la traduzione
Viaggiatore sicher interessant gsi.. das hemmer leider verpasst, will d fähri nid hed chönne fahre🌊
22/12/20Risposta
14 mi piace
Meland s Afrikareis
- Mostra viaggio
- Aggiungi alla lista dei desideriRimuovi dalla lista dei desideri
- Condividi
- 21 dic 2020
- ☀️ 24 °C
- Altitudine: 21 m
- Sud Africa Province of the Western Cape City of Cape Town De Waterkant Zeitz Museum of Contemporary Art of Africa -33.908463, 18.4230133°54’30” S 18°25’23” E
Giorno 13
On the Road
21 dicembre 2020, Sud Africa ⋅ ☀️ 24 °C
10 mi piace
Meland s Afrikareis
- Mostra viaggio
- Aggiungi alla lista dei desideriRimuovi dalla lista dei desideri
- Condividi
- 21 dic 2020
- ☀️ 30 °C
- Altitudine: 120 m
- Sud Africa Province of the Western Cape Stellenbosch Stellenbosch University -33.926825, 18.8613333°55’37” S 18°51’41” E
Giorno 13
s Wyygebiet Stellenbosch
21 dicembre 2020, Sud Africa ⋅ ☀️ 30 °C
Adeee Kapstadt, mir fahre witer.
Über die berüehmti Küstestroos „Chapman‘s Peak Drive“ sin mr nach Betty’s Bay zunere Pinguin Kolonie. Endligg, d Andrea het scho lang druff plangt die Pinguine in ihrem natürliche Läbensruum azträffe. Es het au sehr viel Kormorane und Klippschliefer gha wo dört läbe.

In Stellebosch sin mir natürligg go Wyy taste. Denn Stellebosch isch es sehr berühmts Wyyabaugebiet. Meh als 200 Wyy- und Trubeproduzänte findet me in däm Gebiet.
Leider het d Meli miese bim Tee tasting blibe, will sie so e miese Darmvirus verwütscht het. D Andrea het also elei miese Wyy trinke. Nach 12 verschiedene Wyys uff 2 Wyyguet het sie den uffgäh, ;-). Vom beschte Wy, also dä wo uns am beschte gschmeggt het hän mir zwei Fläsche kauft, damit mir öbbis feins z’Dringge hän an dr Wiehnacht.Leggi altro
Guarda la traduzione
Viaggiatore Und jetzt, hesch ä stürme Chopf? Derfür ä nüchterni Coffeuse!
23/12/20Risposta
Viaggiatore Und es paar Kischte Wyy sin unterwägs nach St Pantaleon?!😍
24/12/20Risposta
Viaggiatore Klar Tanti, jetzt muesch dr Käller doch mol Uffruume😂
24/12/20Risposta
14 mi piace
Meland s Afrikareis
- Mostra viaggio
- Aggiungi alla lista dei desideriRimuovi dalla lista dei desideri
- Condividi
- 25 dic 2020, 00:00
- 🌙 16 °C
- Altitudine: 13 m
- Sud Africa Province of the Western Cape Overstrand Zwelihle -34.420543, 19.20494834°25’14” S 19°12’18” E
Giorno 17
Hermanus
25 dicembre 2020, Sud Africa ⋅ 🌙 16 °C
Hermanus isch dä Ort wo me ka Wal beobachte, das sogar vo dr Küste us. Dr südlichi Glattwal kunnt do hi zum die Junge gebäre. Eigentligg, aber Afangs Dezämber sin sie witer zoge in d Antarktis go Ässe. Also hän mir keine Wal gseh🙃.
Hermanus isch aber au suscht e schöns Städtli. Mir sin an dr Küste gsi und hän dene „Rockrabbits“ ( so nennt me do die Klippeschliefer) stundelang zuegluegt. E ältere Herr isch denn an d‘Muure füre gstande und het ihne gruefe. Mir häns zerscht nit ganz Ärnscht gnoh, bis denn ein um dr ander vo däne härzige Pelzhüfe azeggle koh isch. Sie hän ihm uss dr Hand gfrässe und sin ihm sogar bim Bänkli uff e Schoss gsässe. Mir hän stunend zuegluegt. Är het is denn erklärt, är käm jede Daag vrby zum si z‘Fuetere, es seige sini Fründe, me miess eifach uff d‘Finger ufpasse, do si scharfi Zehn hän.

Au d’Flora isch do wieder unglaublich vielsitig. Mir hän im Fernkloof Nature Reserve einigi könne bewundere.

In dr Vermont Saltpan hän mr zahlrichi Vögel könne beobachte. Näbe Ente, Reiher, Gäns, Komorane au Flamingos. Isch sehr schön gsih, d‘Flamingos fliege z‘gseh, sin total eleganti Tier und erscht mit de usbreitete Flügel offebare si s‘komplette farbspektrum vo ihrem Gfieder.

Mir hän do unseri Wiehnacht mol total anderscht verbrocht, in kurze Hose, bi strahlend blauem Himmel, Sunneschin und 26 Grad :-) , inere Luxus Lodge. Hüt am Morge hän mir sogar sälbergmachte Wiehnachtsgutzi bikoh, mir wärde total verwöhnt.
S Bett isch soo gross, dass mr zum Guet Nacht sage hän miese telefoniere zäme, sowit sin mr vonenan wäg gsi😂Leggi altro
Guarda la traduzione
12 mi piace
Meland s Afrikareis
- Mostra viaggio
- Aggiungi alla lista dei desideriRimuovi dalla lista dei desideri
- Condividi
- 30 dic 2020
- ☀️ 27 °C
- Altitudine: 607 m
- Sud Africa Province of the Western Cape Prince Albert -33.222114, 22.03049533°13’20” S 22°1’50” E
Giorno 22
e Wuche in Prince Albert
30 dicembre 2020, Sud Africa ⋅ ☀️ 27 °C
Über die bekannti Route 62 sin mr vo Hermanus nach Prince Albert übere Swartpass gfahre. In Prince Albert sin mr ind Lodge De Bergkant.
Die ghört dr Renate und d Renate het Johrelang mit dr Meli im Kantonspital Liestel gschafft. Sie isch in dr Personalabteilig gsi, wo sie nach 15 Johr kündet het und uff Prince Albert usgwanderet isch. Tja d’Wält isch klei und me trifft sich immer 2x im Läbe. ;-) Prince Albert isch e kleins Dörfli, bitzli im Landesinnere und in in dr Mitti vo gar nüt. Es het zwüsche 33 und 40 Grad dure Daag. Und es isch nonig Hochsummer.
Do blibe mr zum Johreswächsel.
Näbe fuule und gmietligge Dääg am Pool und Birdwatching hän mr au einigi Usflüg nach Oudtshoorn gmacht.

Mir sin uffd Cango Wildlife Ranch, hän iheimischi aber au exotischi nit südafrikanischi Tier kenneglernt. Mir hän sogar e Lemur dörfe strichle, dä isch eim uff e Schoss gsässe. Si hän samtweichi Pfote und liebe Bananesmoothies.

D’Cango Cave het uns bsunders beidruggt. Die Höhli isch eini vo de schönschte uff dr Wält mit unglaublich hoche Stalagmite und Stalaktite. Die sin mehreri Millione Johr alt. Me ka 600m wit in d Höhli laufe.

Uffere Strausse Ranch sin mr au go e Bsuech abstatte. D Strausse sin die gröschte nitfliegende Vögel uff dr Wält. Sie wärde 2-3m gross und über 200 kg schwer. In 3 Sekunde isch ihri Gschwindigkeit vo 0km/h uff 70km/h. Kunnt so eine entgege grennt, kunnt me mit wägrenne also nit wit. Denn legt me sich flach uff e Bode, bättet und hofft dass sie über eim drüber renne. So e Kralle in ihrne Zeche ka ohni Problem e Mensch komplett uffschlitze. Mir hän erfahre, ass nur grad dr Leu und dr Gepard si könne risse, alli andere Tier könnes nit mit ihne uffnäh.
Sie sin keini gschiedi Tier. Es Aug ( 60g) vomene Strauss isch grösser wie ihres Hirni (40g).
Frässe duet e Strauss Körner, Gras, Frücht und Stei. D’Stei ässe sie dass sie d’Nahrig im Mage könne zermahle, do e Struss keini Zähn het.
Vo eim Strausseei könne 18 Mensche drvo ässe und isch so viel wie 24 Hühenereier. Zum koche bruchts 1 -2 Stund. Mir hän sogar die früsch gschlüpfte Strausse-Babies dörfe go aluege, so siess. Züchtet wärde si vorallem wägem Fleisch und em Läder. Mir häns is nit näh loh und dört no e Strausse-Steak gässe, so früsch kömme mir dänggs nie wieder drzue.Leggi altro
Guarda la traduzione
Viaggiatore Ich wünsch euch no e ganz glücklichs neus Johr und danke dass ich eueri Reis dörf mitverfolge. Viel Spass und e liebe Gruess
01/01/21Risposta
Viaggiatore Spannendi Reisebricht...
01/01/21Risposta
Viaggiatore Wenn es Strusseei 24 Hiehnereier isch, denne könne doch maximal 2 Pesone vo ässe ;-)
25/01/21Risposta
13 mi piace
Meland s Afrikareis
- Mostra viaggio
- Aggiungi alla lista dei desideriRimuovi dalla lista dei desideri
- Condividi
- 5 gen 2021
- ☁️ 23 °C
- Altitudine: 17 m
- Sud Africa Province of the Western Cape George Wilderness Touwsrivier -33.995427, 22.61544933°59’44” S 22°36’56” E
1
Giorno 28
Wieder am Meer, in Wilderness
5 gennaio 2021, Sud Africa ⋅ ☁️ 23 °C
Wilderness isch e Dörfli an dr Küste am indische Ozean an dr beriehmte Garden Route. Es isch alles total grien do. Es isch zwar öbbe 10 Grad kälter wie in Prince Albert, aber d’Luftfiechtigkeit isch rächt viel höcher do.

Mir hän s’Meer gnosse und verschiedeni Wanderige gmacht. Am Strand entlang, durch e Wald, amene Fluss entlang und zumene Big Tree (e 800 Joor alte Yellow Wood) und das in Begleitig vo tuusige vo Mucke. Zum Glügg hän mir s‘Antibrumm drby.
Uff de Wanderige sin mr de „Small 5“ begegnet:
Schlange, Frosch, Flusskrebs, Heugumper und Schmetterling. :-)

Bim Ussichtspunggt „Map of Africa“ gseht me dr ganzi Kontinänt gformt durch e Fluss. Mir hän also 2x miesse luege bis mirs gseh hän.

Es het au Rägedääg gäh und damit mr nit kalt bekömme, hän mr e Zimmer mit Cheminée gnoh.:-)
Damit mr bi däm Räge nit hän use miese hän mr uns e Gasherd zuedo und e Omelettedinner zuebereitet.Leggi altro
Guarda la traduzione
Viaggiatore Hauptsach warm 🤣
05/01/21Risposta
17 mi piace