- Afficher le voyage
- Ajouter à ma liste de choses à faireSupprimer de ma liste de choses à faire
- Partager
- 4 avr. 2023, 11:09
- ☀️ 17 °C
- Altitude: 22 m
- États UnisNew JerseyLyndhurstVreeland Ditch40°45’56” N 74°6’28” W
New York
4 avril 2023, États Unis ⋅ ☀️ 17 °C
Gfreut hani mich uf de wüchig Abstächer uf New York zum mini liebe Eltere träffe nach ere praktisch letschte schlaflose Nacht in Cancun 🙂
D Jagge woni am Ahfang vode Reis debii gha han, hani inzwüsche irgendwo z Brasilie ligge lah. Han sie aber bis New York au nöd bruucht. Sauässig chalt und windig isches vom 1. Tag ah gsi, sodass ich han müesse irgendwo e Jagge finde. Zum Glück sind d USA gar nöd tüür.. Danke an H&M Sale, dasi zwar e grusigi, aber e warmi Jagge gfunde han 🙂
Alles isch gigantisch, D Metro funktioneirt super, aber d Priise sind absolut nöd nahvollziehbar. Zum mitem Lift ufd Freiheitsstatue ufe chönne (wo es Gschänk vode Franzose gsi isch), hesch müesse 80$ zahle. En Schoggidrink im Supermärt: 6$ plus Taxe. Es bier im Resti 13$. Defür hesch denn e Packig Cookies für 1.5$ becho. Je gsünder s Esse, desto tüürer isches au..
Die absolut schlächtischte Free Walking Tour vo eusem läbe hemmer in Chinatown/Little Italy überchoo.
De Trumptower ade Wallstreet isch nur öppe 100m vom NY Stock Exchange wäg. D Wallstreet heisst so, wills vor viele Jahr e Muur gha het wo s Pöbel vom "Normalvolk" trännt het und gliichziitig als Sklavehandelsplatz dient hät. Wo früenner also mit Sklave ghandlet worde isch, wird hüt mit Wärtschrifte ghandlet.
Per reinschtem Zuefall hemmer sälteni Rush-Tickets für es Musical ergatteret (nur 40$). S Musical mit ganze 3 Lieder isch easy gsi, aber dass Lüt bereit sind defür 250$+ z zahle verstahni nöd.
Öppis vom Beste sind d Souvenirverkäufer uf de Brooklyn-Bridge. Sie verkauffet sogar grollti Joints, schiint aber legal z sii in NY. Lustig isches au z gseh, wenn mer kei Hilf meh vode Eltere beasprucht sondern umgekehrt, gälled ihr 2? 😉
S beste Ässe isch s asiatische und die beste Bier die belgische. Spitzeriiter sind d amis aber ide Umsetzig vo de Ahgebot/Nachfrag Priissetzig und das würkli überall.
S Outlet-Ihkaufszäntrum uf Staten Island het denn wiederum 4 kummulierbari Rabätt.
Switzerland kännt, gliich wie in Cancun, nöd jede US-Amerikaner.En savoir plus
Voyageur Gratuliere. Nit schlächt din kommentar. Nur die eint unverschämtheit reizt🤣
Voyageur Oupsii 😂😂
Voyageur Voll cool