Reset search
Jana DiggelmannJana Diggelmann
SatelliteEdit route
traveled in 7 countries Read more
  • TravelerBangkok-Kuta
    Day 13

    Ab uf Malakka

    August 14, 2017 in Malaysia ⋅ ⛅ 28 °C

    Hüt morge sind mer alli zeme am 8.30 parat i de Lobby gstande für ab uf Malakka. Demol münd mer insgesamt nur eppe 3-4h fahre. Mer sind den eppe am halbi 1 im Hotel ahcho. Den sind mer eppis typisches Malaysisches go esse und zwar irgend welchi Risballe. Es isch seh fein gsi. Nach dem isch den au scho fast zwei gsi wo mer wieder zeug im Hotel gsi sind den sind mer chli umegloffe nd sind no in es Ikaufszenter. Det het de Roger no sini Wett müse ihlöse wo er verlorer het. Er het müse sini Haar ufbleiche. Es gset nöd so supper us aber mir findets alli lustig. Am abig am 5 hend mer eus wieder Troffe den hend mer en spaziergang dur Malakka gmacht es isch es mega herzigs dörfli mit vielne gschichtliche Hintergründ. Nach dem sind mer go esse und a dem Ort wo mer gsi sind hets entli au mol anderi sache als nur thai gha. Ich han eh pizza gno abrr sie isch nur winzig gsi und leider chan mer sie au nid mit eusere Pizza vergliche! Nachher sind mer den is Bett wils gheisse het morn am 6.30 abfahrt nach Singapore.Read more

    See translation
  • TravelerBangkok-Kuta
    Day 12

    Tag für sich in Kuala Lumpur

    August 13, 2017 in Malaysia ⋅ ⛅ 29 °C

    Hüt het jede derfe dah mache was er het welle. D Miriam de Roger und ich hend eus dezue entschlosse das mer in Aquapark gend wo chli usserhalb lit. Mir hend das imene Büro buechet gha nd hend am schluss den gmerkt gha das die eus chli abzocle wend.. Aber nichts das du trotz hend mir de Tag den welle gnüsse! Wo mir det gsi sind hend mer gmerkt das dah ganze eifach nir riesig isch.. Es isch ned nur en Aquapark gsi sonder hets au normali achterbane gha den hets no eh tier welt gha und mer het chene surfe kanu fahre eifach alles mögliche. Mer het sich au no chene abseile lah oder über de park fahre miteme seili und was mer zum schluss no gse hend es het au no Bungee Jumpe gha. Das han ich natürlich müse usprobiere!
    Es isch en sehr erlebnis riche Tag gsi aber leider han ich gar kais Föteli wil mer eusi wert sache alles im Hotel amene sichere ort gla han. I dem park hets fast nur ihhaimischi gha was no speziell gsi isch. Wil ich und d Miriam sind im verglich zu allne andere scho recht liecht bekleidet gsi miteme Bikini sogar au de Roger. Die meiste hend es tshirt ah gha d manne sogar au wen nöd alles lang. Oder wen nöd sogar mit em Kopftuech und allem. Sehr viel sind au mit normale kleider gange was mir nöd so hygienisch gfunde hend...
    Aber es isch en supper lässige Tag gsi.
    Den am Abig sind mer wieder alli zeme go esse und es het richtig ahfah regne. Mer hend alli zeme müse d Rege Jagge uspacke zum go esse z gah. Bi de eine het das ganz lustig usgsee... und ich han gmerkt das mini Rägge jagge nöd emole eh kapputze dra het:D
    Aber defür hets en supper feine Znacht geeh trotzt em Rege! Wo mer zrug cho sind hend mer grad no annere Zeremonie verbi gloffe wo mer hend chene zueluege wied hindus betted und was sie für gebrüch hend das isch au no sehr schön gsi zum zueluege.    Read more

    See translation
  • TravelerBangkok-Kuta
    Day 11

    Petronas Towers

    August 12, 2017 in Malaysia ⋅ ⛅ 29 °C

    Hüt zum Znacht hend mer eus wieder alli zeme i de Lobby troffe. Mittlerwile hani eh neui "Mittbewohnerin" sie heisst Clair und isch 22 und au fu england sie isch im gegesatzt zu de Harriet eh sehr eh ruigi.
    Nach dem mer i de Lobby gsi sind, sind mer zu de Metro gloffe. Det hend mer den de Zug gno zunnere Riesige Mall. Dete hend mer den znacht gesse. Nach dem mer gesse hend sind mer use gange d Petronas Towers go ahluege. Das sind eifach Riesigi Gebäude! Alles Rund ume hets nur Wulchechratzer es isch eifach alles riesig! Nach dem sind mir ine "LuxusBar". Es isch im 33Stock obe gsi und mer het ussicht gha uf d Towers es isch mega schön gsi det obe aber für dah het mer au gnueg ihtrit zahlt! Es isch chli en spate abig worde aber es het sich würklich glohnt!    Read more

    See translation
  • TravelerBangkok-Kuta
    Day 11

    Ab nach Kuala Lumpur

    August 12, 2017 in Malaysia ⋅ ⛅ 28 °C

    Hüt sind mer am 8ti am Morge losgfahre nach Kuala Lumpur. Das isch d Hauptstadt fu Malaysia. Üsi fahrt set ca wieder 4h gah und so wie duruf setts jetzt au durab recht Kurifig si. Wo mer durabgfahre sind hets fast bi jedere kurve 4-10 Strasse Hünd gha. Die hend mer Richtig leid tah. Was ich au glernt han uf dere Busfahrt, es sett dich nie wunderneh was uf de strass lieht... wil meistens isch es eifach nur es Tods Tier. Mir hend demol en öffentliche Bus gha aber mer sind trotzdem die einzige gsi. Zu allem ane no isch euse Busfahrer en zimliche grüssel gsi weni das so derf sege. Er het all 2/3Minutene sin rotzt richtig lut und grussig ufezoge und umenand ghustet.. Alli hend den zimli schnell mol d Music so lut wie möglich id Ohre tah. Einist hend mer en chline zwüschestop gmacht. Det het den de Bunji plötzlich zur überraschig sini Ukulele füre gno und ahfange singe und spiele. Es het richtig guet tönt und het eh mega gmüetlichi Stimmig gmacht.
    Den sind mer witergfahre. Um de Mittag ume sind mer in Kuala Lumpur usgstige und es isch wieder bedütend wermer gsi. Mer sind den is Hotelgloffe und hend chene Ihcheke. Den hend mer natürlich wieder chene d kleider wechsle und hend eus den Grad troffe für de Zmittag. Mir sind in es Ikaufszenter go esse. Am nammitag het jede chene mache was er wil. Mir hend eus dezue entschlosse zum chli go ledele und nachher no in Chinatown z gah. Unglaublich was det alles het! Zum eh abkürzig z neh hend mer es zwüsche gessli gno. Mir hetted das lieber nid gno! Mer hend gse wie imene chline käfig ganz viel hüehner gsi sind und eine eis nach em andere gschlachtet het! Für hüt hani sicher mol Poulefleisch gse... Mir sind den witer und hend no vertig gluegt. Am schluss isch eusne Jungs den plötzlich no in Sinn cho das sie sich de Bart wos sich wachselend i dere ziit (wils z fuul sind zum rasiere) go zrugstutze chend. Also hend mer no en Bsuech gmacht bim Coiffeur.    Read more

    See translation
  • TravelerBangkok-Kuta
    Day 10

    Chip Tour dur Cameron Highlands

    August 11, 2017 in Malaysia ⋅ ⛅ 27 °C

    Hüt hend mer z 4te eh Tour gmacht dur d Cameron Highlands. Mir sind mit em Chip gange und es isch no recht amüsant gsi wil die fahred ned würkli vorsichtig und recht rasant.
    Mer sind zerst de Berg durufgange nd det hend mer bi ganz vielne Tea Plantagene ghaltet. Mer hend eh Hammer ussicht gha mit em liechte nebel i de fernie und allem. Mer hend sogar no es paarne chene zueluege wies Tea pflüked und allem... Den sind mer au scho wieder witer gange. Mer sind no wieter d Berge duruf. Den sind mer am Mossy Forrest ahcho. Das isch de 3t eltischti Wald uf de Welt. Det sind mer en chline spaziergang go mache. es het wieder sehr viel stege duruf und durab gha. De Nebel isch teils so liecht dur de Wald cho. Es het Bezaubernd usgse.
    Den sind mer wieder witer. Mer sind zunere chline Tea Fabrik wo mer hend chene luege wie dah ganze verarbeitet wird und mer hend au verschidene Tea chene Probiere. Es isch sehr feine Tea gsi.
    Nach dem sind mer wieder durab zunere Butterfly Farm. Det hets nid nur Schmetterlin gha sondern au sust ganz viel Tier. Üse Guid het mir die ganz ziit Schmetterling und au sustigi Tier id Hand truckt. Er het eus sogar de Waschbär zum hebe geh. Aber wo de ahfange chreble het hani en den nime Welle.
    Nach dere sehr schöne Farm sind mir wieder zrug is Hotel. Es isch öppe 2 gsi. D Miriam und ich hend den gfunde mer geched Cameron Highlands nochli go erkunde und nochli go shoppe.
    Aber det hets würkli nüt. Bi eus i de schwiz würi das als chlises Kaff bezeichne. Nach ca 1h30 sind mer i jedem egge gsi fu dem Dörfli inkl. zmittag esse. Den sind mer zrug is Hotel eus chli go usruebe.
    Am abig hend mer eus wieder alli zeme troffe zum go Znacht Esse. Demol sind mer mol zumene Chines gange und wies halt so isch wen da ned weish was esse gits meistens Fried Rice. Nach em esse sind mer den alli zrug is Hotel und sind nochli zeme ghöcklet aber au nime all zu lang wil mer am negste Tag am 7.45 hend müse uschekt ha und uf de Bus.    Read more

    See translation
  • TravelerBangkok-Kuta
    Day 9

    Ab nach cameron highlands

    August 10, 2017 in Malaysia ⋅ ⛅ 24 °C

    Am Morge hend mer nochli ziit in Penang gha. Det sind mer den zwei verschideni Mert go ahluege. Eine mit esse und de ander mit suvenir. Mer het eifach würkli alles chene chaufe. Doch leider hemmer z wenig zit gha und eidütig au zwenig platzt i eusne gepäck.
    Den sind mer in es chlises Restaurant no öppis zmittag go esse. Es het zur abwechslig mol en Burger geh und es isch richtig fein gsi.
    Am 1 hend mer eus troffe zum uf de Bus z gah mer hend eh 4h Fahrt vor eus und zwar eh kurfigi! Wil mir gend jetzt id Berge fu Malaysia.
    Am abig nachher abentürlustige tour sind mer den ahcho. Wo mer us em Bus use sind hend mer scho mol gmerkt das Temperature chli chüeler sind.
    Mer hend den ihchekt im Hotel und hend eus chönne umzieh es hend sich praktisch all für langi Hose und en Pulli entschide. Den sind mer nur no eppis go Znacht esse und den hets scho wieder gheisse ab is Bett.    Read more

    See translation
  • TravelerBangkok-Kuta
    Day 8

    Bus Tour durch Penang/Georg Town

    August 9, 2017 in Malaysia ⋅ ⛅ 28 °C

    Hüt sind die wo hend welle mit em chline Büsli dur Penang gfahre nd hend sache besichtigt. Üse fahrer ish üse unterhalter gsi er het über alles verzellt und het eus verschideni sache zeiget. Mir hend sehr viel über die stadt erfahre. Mit de zit het mer au gmerkt das es eh Britischi kolonie gsi isch.
    Den hend mer mol chene amene Ort ahhalte. Es ish wie so en chline schiffssteg gsi. Det sind mer füre gloffe und wieder zrug z forderst het mer eh mega grossi stadt fu witem chene gse. wo mer zrug gloffe sind hend mer no chene in en chinesische Tempel ineluege und er het eus drübert verzellt wie alles so ablauft. Er het eus au sehr viel über Karma verzellt.
    Den sind mer wieder ihgstige und sind witer gfahre. Mir sind an en ort wo mer het chene Caffee, Tea und hot chocolate drinke. Ich han no nie soo gueti sache trunke wie dah. De cafi isch so guet gsi dasi grad han müse es päckli kaufe.
    Nach dem sind mer nomol witer gfrahre und den aind mer in en Botanische garte gange. Det hend mer mega viel schöni sache gse und es het sogar affe gha.
    Nach dere Besichtigung sind mer wieder zrug is Hotel gange.
    Ei stund spöter hend mer eus wieder troffe zum go znacht esse. Zerst hend mer aber no en spaziergang dur d stadt gmacht zum d street art go ahluege. Es het mega schöni und idrücklichi bilder geh. Mer sind wieder an gliche ort wie gester. Demol hani aber Grüens Curry gno es isch sehr fein gsi aber ich han no nie so eppis scharfs gesse.
    Nach em Esse sind d schwizer under de Gruppe zrug is Hotel wils recht müed gsi sind und de rest ish no in Usgang gange.    Read more

    See translation
  • TravelerBangkok-Kuta
    Day 7

    Koh Samui to Georg Town/Penang

    August 8, 2017 in Malaysia ⋅ ⛅ 29 °C

    Hüt hend mer am Morge am 6i parat i de Lobby stah. Mir hend en sehr lange weg vor eus und überquered au d Grenze und gend uf Malaysia mir sind ca 11h Bus gfahre und ca 2h Fähre. Aber das ganze ischnöd so entspannend gsi. D strasse sind nöd würkli flach sondern es git die ganz ziit immer wieder en hoppser und ned nur en liechte ich han die ganz ziit a sonere stange ahgschlage wo dete gsi isch. Dah git denmorn sicher eeis zwei Blaui flecke. Mit chli verspötig sind mer den am 19.30 ahcho. Mitlerwile han ich jetzt au en zimmer gnossin. Sie heisst Harriet isch 28 und chunt fo england. Somit lern ich grad nochli english mit ihre.
    Mer hend eus schnell chene parat mache und den sind mer witer zum znacht. Mer sind wieder an en Foodmarket gange. Ich han nid gros Hunger gha darum hani nur eh paar Frühligsrolle gno. Nach em Znacht sind mer alli Zrug is Hotel und is Bett wil mer so müed gsi sind.    Read more

    See translation
  • TravelerBangkok-Kuta
    Day 6

    Full Moon Party

    August 7, 2017 in Thailand ⋅ 🌙 27 °C

    Hüt abig isch d Full Moon Party, das isch eini fu de gröste Party in Thailand und mir sind zum Glück zur richtige zit am richtige ort. Zert sind mer aber uf de Insle nur in eh Lady Boy show. Das isch recht amüsant gsi wil sich die Lady Boys immer ah eusi Männer anegmacht hend was ihne gar nid recht gsi isch.

    Nach dem hend mir s Taxi zum Hafe gno nd sind mit em schiff uf eh chlini Insle wo die Party gsi isch. Es het unglaublich viel Mensche gha mer het gar nüme gwüsst wa mache. mer het sich chene mit lüchtender Farb bemale loh. Mer het chene Seili Gumpe nd dah seil het aber brennt... es isch eifach nur verrukt gsi. Mer het mega uf sich müse ufpasse und uf sini Sache darum hani mis Handy eigentlich nie füre gno und darum hani leider praktisch kai Föteli fu dere Party. Aber es isch so richtig us em rueder gloffe. Insgesamt isch 1 Handy, 1 Hotelcharte , Gelt wegcho bi eusere Gruppe. De eint het sich weg de scherbe am Bode de Fuess ufgschnitte und de Eint het verbrennige am Arm gha funere Flügende Fürchugle und liecht ahgschmörtzeleti Haare. Aber mir sind alli Rechtziitig zrug im Hotel gsi und hend nur eh churzi Nacht gha wil mer am negste Morge am 6i hend müse uschekt ha.    Read more

    See translation
  • TravelerBangkok-Kuta
    Day 6

    Ein Tag für üs in Koh Samui

    August 7, 2017 in Thailand ⋅ ☀️ 31 °C

    Hüt hend mer de ganz Tag für eus. Mir hend eus Entschlosse das mer am Morge am 9.30 go Zmorge esse gend und eus nachher parat mached. Zerst sind mer is chline dörfli nochli go sache zeme Chrömle. Uf de Namittag sind mer den an Strand und hend det nochli Bädelet und eifach d Zit gnosse. Will am Abig hend mer eus selber ja den es Strengs Program zemme bastlet.Read more

    See translation

Join us:

FindPenguins for iOSFindPenguins for Android

  • 2024© FindPenguins
  • Home
  • About us
  • Blog
  • Group Tracking
  • Press
  • Terms
  • Privacy Policy & Cookies
  • Support
  • Legal notice
  • English