NiLe entdeckt d Wält

December 2019 - March 2020

Am 15.12.19 startet eusi Reis in Bangkok.
Für alli wo neugierig sind, was mir für Abentüür erläbet und welli schöne Plätz mir entdecket, ghits immer mal wieder es paar Föteli.
Bis bald, Lea und Nives Read more

34footprints
6countries
97days
293photos
18videos
35.4kkilometers
27.6kkilometers

Follow Calendar Share Bucket list

NiLe entdeckt d Wält
- Show trip
- Add to bucket listRemove from bucket list
- Share
- Feb 9, 2020, 10:12am
- ☁️ 28 °C
- Altitude: 2 m
- Philippines Central Visayas Province of Cebu Logon 11.329108, 124.12088111°19’45” N 124°7’15” E
Day 57
Malapascua
February 9, 2020 on the Philippines ⋅ ☁️ 28 °C
D’Taucherinsle, Malapascua, isch berüehmt für s tauche mit Haie, bsunders mitem Treshershark. D Lea und d Nives hend sofort mitem erste Tauchkurs, Open water, agfange und nach 3.5 lehrriche und au astrengende Täg, simmer denn qualifizierti Open water Taucher worde.
Wills d Nives so packt hett, isch sie mit de Shirley no 30m tüüf zu de Haie go tauche. 🦈
En Spaziergang as andere Endi vo de Insle isch au ganz gmüetlich gsi ;). D Insle isch au nur 2.5km lang und 800m breit.
Wills eus da so guet gfallt hemmr 6 Nächt da verbracht und no en Ufslug uf Kalanggamman Insle gmacht (lueg im nögste Post:)).
Morn gahts witer nach Coron, dasmal hoffentlich mitem Flüger 😁Read more
See translation
Traveler 👍 Gratuliere
2/14/20Reply
11 likes
NiLe entdeckt d Wält
- Show trip
- Add to bucket listRemove from bucket list
- Share
- Feb 14, 2020, 12:34pm
- ☁️ 29 °C
- Altitude: Sea level
- Philippines Eastern Visayas Province of Leyte Calangaman Island 11.114394, 124.25508111°6’52” N 124°15’18” E
Day 62
Kalanggaman oder PARADIES
February 14, 2020 on the Philippines ⋅ ☁️ 29 °C
Wow, was für e Insle. Euse Tagesusflug uf Kalanggamman Insle isch en voller Erfolg gsi. Sone wunderschöni Insle hemmer nonie gse😍 Da hemmer eidütig s Paradies gfunde. Leider aber nur für es paar Stund...Read more
See translation
Traveler Wow🥰, das gseht ja mega wunderprächtig schön us😍💖
2/14/20Reply
Traveler wie schön 😍😍😍 es träumli 💗
2/15/20Reply
13 likes
NiLe entdeckt d Wält
- Show trip
- Add to bucket listRemove from bucket list
- Share
- Feb 15, 2020, 6:11am
- ⛅ 25 °C
- Altitude: Sea level
- Philippines Central Visayas Province of Cebu Logon 11.3272, 124.12002511°19’38” N 124°7’12” E
Day 63
Coron
February 15, 2020 on the Philippines ⋅ ⛅ 25 °C
Die letste drü Täg hemmer hauptsächli ufem Boot verbracht. D Isnle, Coron, hett nöd würklich schöni Stränd und au nöd viel Sehenswürdigkeite, d highlights befindet sich rund um d Insle ufem Meer usse. Korralleriff, türkisfarbigs Meer, Lagune und d’Stei wo usem Wasser raget. Da hemmer eus guet chöne beschäftige :).

Gester, a eusem letste Abig in Coron, hemmer de Lea ihres Geburtstagsesse vorgholt. Ihre Wunsch isch gsi, d Glüehwürmli ih de Mangrove go zbeobachte und ufem floatingresti zNacht esse. Vom chline Boot us hend im Wasser d Plankton glüchtet, am Himmel d Sterne und ih de Mangrove d Glüehwürmli. Wunderschön, romantisch gsi! ☺️

Langsam hemmer s Philippinsche Esse chli satt, kulinarisch sinds leider gar nöd guet unterwegs. Riis und Fleisch, isch öbe alles wo die esset und für eus zwei Vegis nöd grad abwechsligsrich. Janu, trotzdem gnüssemers richtig fest. 🌞
Mir hend no 8 witeri Täg vor eus, nacher isch de Monet leider au scho wieder ume und mir flüget richtig Singapur.Read more
See translation
Traveler Ah Lea häsches gseh .. so schön .. 😍😍
2/22/20Reply
13 likes
NiLe entdeckt d Wält
- Show trip
- Add to bucket listRemove from bucket list
- Share
- Feb 19, 2020, 7:28am
- ☀️ 26 °C
- Altitude: 15 m
- Philippines Mimaropa Province of Palawan Nacpan Crawford Point 11.313722, 119.42319511°18’49” N 119°25’24” E
Day 67
El Nido und Port Barton
February 19, 2020 on the Philippines ⋅ ☀️ 26 °C
Da mir die letste paar Täg sozege kei Internet gha hend, hemmer grad zwei Ihträg für eu.

In El Nido, hemmer es farbigs Hüsli am berüehmte Nacpan Beach gha. De Strand isch anschienend s „little Boracay“. 4 Kilometer fine, wisse Sandstrand und türkis Meer. Leider aber viel z grossi Wälle für euse Gschmack und au sehr viel Qualle. Drum hemmer eus für en Tagestrip entschiede. Aber, de isch au nöd Lohnenswert gsi und drum gömmer hüt, Dunstig, witer richtig Port Barton.

Port Barton, chömer grad auno da ih de Text neh ;). Eigentlich wäremer 3 Nächt im „Prince John“ Hotel gsi, händ eus aber churzfristig entschiede zum hüt ah de Lea ihrem Geburtstag uf Puerto Princesa z reise. Vo deht us gaht denn au euse Flug am 26.2 nach Manila. Am Abig gömmer denn no es biz go de Geburtstag fiire 😁
HAPPY BIRTHDAY LEA🎊🎊🎊🎉Read more
See translation
11 likes
NiLe entdeckt d Wält
- Show trip
- Add to bucket listRemove from bucket list
- Share
- Feb 24, 2020, 8:12am
- ⛅ 28 °C
- Altitude: 12 m
- Philippines Mimaropa Province of Palawan Bancao-Bancao Puerto Princesa Airport 9.729461, 118.7580649°43’46” N 118°45’29” E
Day 72
Puerto Princesa
February 24, 2020 on the Philippines ⋅ ⛅ 28 °C
Im Verglich zu dene chline Dörfli wo mir ih de letste Zit ih de Philippine gseh hend, isch Puerto Princesa ä recht grossi „Stadt“.
De Flughafe isch z‘mitzt im Zentrum und d Flüger flüget eus täglich über de Chopf. Fast so, wie ih eusem dihei in Oberglatt ☺️.
Kulturells hett Puerto Princesa nöd viel z büte und au was s Meer agaht, hetts nüt würklich schöns. Abgseh vonere Krokodilfarm wo mir aber nöd hend welle go aluege.
Eusi letste Täg ih de Philippine und mit de Shirley hemmer vorallem ih eusem chline, aber sehr gmüetliche Hotel verbracht und sind dur d Stadt gschlenderet.
Scho uf eusem erste Spaziergang sind eus d Blick ufgfalle vo de Iheimische. Überall werdemer agstarrt und aglächlet. Ah de schöne Promenade simmer au mehrfach vo junge Teenies fotografiert worde und ab und zue hett sich au öber getraut zum fröge ob er es Foti mit eus dörf. Die chline Chinde hend de Lea ihri helli Huut bsunders gern agluegt oder aglangt ;).
Mittlerwile höcklemer grad am Flughafe in Manila und d Lea und ich wartet uf euse Flug uf Singapur, d Shirley verabschiedemer und wünschet en guete und sichere heiflug über Hongkong ih d Schwiz.
Schön isches gsi mit dir😃😍🌴!Read more
11 likes
NiLe entdeckt d Wält
- Show trip
- Add to bucket listRemove from bucket list
- Share
- Feb 29, 2020, 12:05pm
- ⛅ 30 °C
- Altitude: 29 m
- Singapore Kampong Darat Nanas Sungai Tanah Merah Besar 1.365404, 103.9900211°21’55” N 103°59’24” E
2
Day 77
Singapur
February 29, 2020 in Singapore ⋅ ⛅ 30 °C
Wow, was für e Stadt! Sozege liebi uf de ersti Blick 😉.

Singapur hett ih jedere Hisicht viel z büte.
Die erste zwei Nächt hend mir es chlises Zimmer im Chinese Viertel (China town) bewohnt. Mitem typische Touri Big Bus hämmer unteranderem die Arabischi Strass, little India und die berüehmte Ussichtspünkt abklapperet. Zwüschetdure hett en Kafi ih dene gmüetliche Restis und en chline abstecher ih d Shoppingmalls nöd dörfe fähle.
Ih de Gässli rund um euses Hotel isch d Stimmig am Abig richtig guet gsi. Da isch de eint oder ander tüüri Drink drin gläge. ;)

Die dritti Nacht hett eus euse Papi spendiert. Danke Papi für das Erläbnis, mir sind so richtig verwöhnt worde!😍
Miteme bizli komische Gfühl simmer mit eusne Rucksäck im berüehmte Marina bay sands Hotel acho. Mir hend eus, wäg de Rucksäck, recht beobachtet Gfühlt, aber denn hemmer doch no de eint oder ander Rucksacktourist atroffe. 😄
S Hotel hett ufem Dach obe en riesige Pool ih de Form vomene Schiff. Ih eusem Zimmer im 46. Stockwerk isch de Usblick über d Stadt atemberauend gsi. Natürlich au vom Rooftop Pool im 57. Stockwerk.
Am Abig hemmer im Garden bay d Liechtershow gluegt. De Park isch öbis vom schönste wo mir je gseh hend, wow!! Mer hett sich gfühlt wie inere andere Welt. Traumhaft🌳✨

Glücklich und au chli trurig dassmer das schöne Singapur scho verlönd höcklemer grad am Flughafe. Die nögste 12 Täg verbringemer nomal in Thailand unteranderem uf Koh Samui. Das isch de letsti Stop wo sich d Lea gwünscht hett, bevor sie am 11.3.20 wieder dihei ih de CH isch.
Ich wirde aber nochli witer reise... 🧳Read more
See translation
Traveler Wie geil ist das denn?
2/29/20Reply
Traveler Und wie!!😁
2/29/20Reply
8 likes
NiLe entdeckt d Wält
- Show trip
- Add to bucket listRemove from bucket list
- Share
- Feb 29, 2020
- ⛅ 30 °C
- Altitude: 24 m
- Singapore Central Singapore Community Development Council Marina Bay 1.283769, 103.8608521°17’2” N 103°51’39” E
Day 77
Marina bay sands
February 29, 2020 in Singapore ⋅ ⛅ 30 °C
9 likes
NiLe entdeckt d Wält
- Show trip
- Add to bucket listRemove from bucket list
- Share
- Mar 3, 2020, 6:29pm
- ⛅ 28 °C
- Altitude: 16 m
- Thailand Changwat Surat Thani Ban Bo Phut Hat Bo Phut 9.563966, 100.0211339°33’50” N 100°1’16” E
Day 80
Koh Samui
March 3, 2020 in Thailand ⋅ ⛅ 28 °C
De Flughafe vo Koh Samui isch chli und herzig, was eus sofort s Inselfeeling gäh hett. Euses erste Hotel isch am Chaweng beach gsi. De Chawengbeach isch bekannt für lange,wisse Sandstrand und Party bis früeh am Morge. Euses Hotel hett weder en Pool no en Strandabschnitt gha, aber wänmer öbis imene Resti trinkt, chamer deht au guet de ganz Tag uf de Liegestüehl liege. Es bizeli Party hett natürli au nöd dörf fehle. D Ark Bar seg bekannt für d Füürshow, das hemmer schnell gmerkt :).
Am letste Abig am Chaweng Beach hemmer s Znachtesse mit de Xenia und de Avelin (Kollegin vo mir us de Kita und ihrere Tochter) dörfe gnüsse und händ chli pläuderlet. Wänn d Lea heigaht, wird ich warschindli nochli mit de Xenia, de Avelin und em Livio umereise☺️.

Nach 3 Nächt hemmer denn s Hotel gwächslet und sind uf die andere Site vo de Insle zum sogenannte Fishermans village. Da isches einiges ruhiger zue und her gange. Zwar isch de Sand gelb und s Meer recht trüeb, aber mer cha guet ine und chli go schwümme. S Wasser isch gfühlti 30 grad warm :). Viel meh hemmer denn au nöd gmacht, gnüsset grad die ruhige Täg am Strand ohni grosses Programm.
Chli Ferie vom reise 😉.

Dasses a jedem Ecke Russe hett, hemmer natürli au schnell gmerkt, bzw gseh und ghört. Drum hemmer eus denn au entschiede nach 5 Nächt Koh Samui uf d Nachberinsle Koh Phangan zgah. Mal luege wasmer deht so alles ahtreffet. :)Read more
See translation
Traveler schön gnüssets
3/4/20Reply
11 likes
NiLe entdeckt d Wält
- Show trip
- Add to bucket listRemove from bucket list
- Share
- Mar 8, 2020, 6:43pm
- ⛅ 29 °C
- Altitude: 41 m
- Thailand Changwat Surat Thani Ban Chalok Lam Ao Hat Thonglang 9.796628, 99.983659°47’48” N 99°59’1” E
Day 85
Koh Phangan
March 8, 2020 in Thailand ⋅ ⛅ 29 °C
Die letste Täg sind vergange wie im fluug. Mir hend die Ziit no ruhig usklinge lah und sind mehrheitlich am Strand oder Pool gläge. Viel meh vo Koh Phangan hemmer denn au nöd gseh 😝.

D‘Lea isch jetzt grad ufem heiweg und mich ziehts witer uf d Nachberinsle Koh Tao.

Chum guet hei lele😘

🛳✈️Read more
See translation
Traveler Lea,wüensch dir en guete heiflug!
3/10/20Reply
13 likes
NiLe entdeckt d Wält
- Show trip
- Add to bucket listRemove from bucket list
- Share
- Mar 13, 2020, 9:20am
- ☀️ 29 °C
- Altitude: Sea level
- Thailand Changwat Surat Thani Ban Hat Sai Ri Ko Nang Yuan 10.117387, 99.81502510°7’3” N 99°48’54” E
Day 90
Koh Tao und Koh Nangyuan
March 13, 2020 in Thailand ⋅ ☀️ 29 °C
Z‘Koh Tao acho, han ich im Hotel am Tanote Beach d Xenia, ihri Tocher d Avelyn, ihre Papi und dem sini Fründin atroffe. Zämme hemmer das wunderschöne Koralleriff direkt vom Strand us abgschnorchlet und wunderschöni Fisch und Koralle gse. Nach zwei Nächt simmer mitem Boot witer uf Koh Nangyuan greist und unterwegs hemmer de Brüeder vo de Xenia ufgläse, de Livio.

Koh Nangyuan isch e ganz chlini Insle, die chamer guet z Fuess ablaufe und rund um d Insle Schnorchle. Leider isch s Koralleriff recht usgstorbe gsi, es hett weniger Fisch und Farbe gha als am andere Ort. Trotzdem hemmer ein spezielle Fisch gseh - de aggressivi Triggerfisch. Zum Glück isches aber zu keim Agriff cho, d Xenia und ich sind denn doch die schnellere „Fisch“ gsi😄.
E schmali Sandbank verbindet zwei Insle, uf einere Site sind eusi Bungalows gsi und uf de andere Site d Bar, S Resti und de „Hafe“.
Dur de Tag isch de Strand überloffe vo de Tagestouriste und am Abig hemmer d Rueh und die leer Insle chöne gnüsse. Vom Viewpoint us hettmer die ganz Insle gseh, wunderschön!

Im Moment höcklemer grad ufem Festland vo Thailand, in Surat Thani. Vo da us flügt de Vater vo de Xenia und sini Fründin zrug i d Schwiz.
Ich wird die nögst Zit mit de Xenia, de Avelyn und em Livio mitreise, de nögst Stop isch Penang in Malaysia. 🌞 Land Nummer 6 📍Read more
See translation
11 likes