NiLe entdeckt d Wält

Dezember 2019 - März 2020

Am 15.12.19 startet eusi Reis in Bangkok.
Für alli wo neugierig sind, was mir für Abentüür erläbet und welli schöne Plätz mir entdecket, ghits immer mal wieder es paar Föteli.
Bis bald, Lea und Nives Weiterlesen

34Footprints
6Länder
97Tage
293Fotos
18Videos
35,4kKilometer
27,6kKilometer

Folgen Kalender Teilen Bucket List

Datum aufsteigend

NiLe entdeckt d Wält
- Reise anzeigen
- Zur Bucket List hinzufügenVon der Bucket List entfernen
- Teilen
- 16.12.2019
- ☀️ 36 °C
- Höhe über NN: 7 m
- Thailand Bangkok Banglumpoo 13.760417, 100.50171713°45’38” N 100°30’6” E
1 2
Tag 2
Zürich - Bangkok
16. Dezember 2019 in Thailand ⋅ ☀️ 36 °C
S Abschied näh hemmer hinder eus und nachem getrennte flüge simmer wieder vereint.☺️
Jetzt chas los gah, hello Bangkok! 🐒
Reisender Mmmh
16.12.19Antworten
Reisender Wüensch eu gueti zit i asie, gnüssets s‘langsam reise!
16.12.19Antworten
Reisender Guete Start in Thailand 🙆‍♀️
16.12.19Antworten
:)
19.12.19Antworten
Gefällt 10 mal
NiLe entdeckt d Wält
- Reise anzeigen
- Zur Bucket List hinzufügenVon der Bucket List entfernen
- Teilen
- 18.12.2019
- 🌙 23 °C
- Höhe über NN: 318 m
- Thailand Chiang Mai 18.793304, 98.98185718°47’36” N 98°58’55” E
1 1
Tag 4
Bangkok - Chiang mai
18. Dezember 2019 in Thailand ⋅ 🌙 23 °C
D’Grossstadt Bangkok händ mir hauptsächlich verschlafe.. s Jetlag hät eus no voll im Griff. Trotzdem hemmer s eint oder s andere gseh und en altbekannte, de Dino, zum z‘Nacht troffe. :)

Spontan hemmer eus entschiede mitem Zug uf Chiang Mai z‘fahre. Da aber hoch Saison isch, häts natürli im Nachtzug kein Platz me gha. Doch au nach 13h, mitem abeküehlte „special express“ und eusne guete Büecher (danke Papi), sind mir guet acho und hend sogar no öbis zesse becho😁🙌.
S‘Hostel, wiemer sich das vorstellt, Kajütebett und Party bis früeh am Morge ;).

Die nögste Täg versuechemer so wenig wie möglich ufem Füdli z sitze.. ;)Weiterlesen
Reisender Wow die Farbe 😍
18.12.19Antworten
Reisender Wow so schön 😘😘😘
19.12.19Antworten
Reisender classic nives ;)
19.12.19Antworten
Gefällt 11 mal
NiLe entdeckt d Wält
- Reise anzeigen
- Zur Bucket List hinzufügenVon der Bucket List entfernen
- Teilen
- 22.12.2019, 20:57
- 🌙 18 °C
- Höhe über NN: 513 m
- Thailand Changwat Chiang Rai Ban A-Cha Thong Doi Pha Ma 20.20994, 99.78262420°12’36” N 99°46’57” E
Tag 8
Chiang mai - Chiang rai
22. Dezember 2019 in Thailand ⋅ 🌙 18 °C
Die einte hend eus scho vermisst aber mir läbet no und sind wohl uf. 😌

Chiang mai hät eus vorallem kulinarisch verwöhnt, ah jedem Ecke häts wunderbari Kafis gha und die viele Vegetarische Restaurants händ super zu eus passt. D Lea hett no e Gripp verwütscht, doch nach 2 Täg isches au ihre wieder besser gange.☺️
(Mami, zum Glück hemmer dini Chügeli debi 😘)

Nach zwei Nächt Chiang mai, sind mir mitem Green bus, 5h i d Berge gfahre uf Chiang rai. Vo Chiang rai händ mir für 50 Baht (1.65 CHF) de local bus zum Duck Restaurant gno (für 32km 1.5h) wo eus de Simon und d Thay abgholt hend.

Ih ihrem Airbnb hend mir vorallem entspannt und am zweite Tag, mit zwei anderne Gäst us England, de Sue und em Michael, sightseeing gmacht.
Opium Museum, de Määrt bi de Grenze zu Myanmar, s goldene Drüeck und „shopping“ in Laos.

Wär hett gwüsst dassmer in Thailand Polo mit Elefante anstatt Pferd spielt? 😅 De Simon hät eus viel über Thailand und sis läbe verzellt und mir sind schochli trurig verlönd mir das wunderschöne Plätzli morn.

Nächsti Stop wird de Grenzübergang zu Laos sie, wo mir s Visum beaträget und döt ei Nacht schlafet. Aschlüssend wär s Ziel es Boot ufem Mekong z verwütsche und mit dem zwei Täg uf Luang prabang z fahre.

Mir wärdets gseh ob alles klappt. ☺️Weiterlesen
Gefällt 10 mal
NiLe entdeckt d Wält
- Reise anzeigen
- Zur Bucket List hinzufügenVon der Bucket List entfernen
- Teilen
- 22.12.2019, 21:50
- ☀️ 26 °C
- Höhe über NN: 390 m
- Thailand Changwat Chiang Rai Ban Wang Lao Doi Lak Khet 20.362546, 100.07326320°21’45” N 100°4’24” E
Tag 8
Föteli Chiang rai
22. Dezember 2019 in Thailand ⋅ ☀️ 26 °C
No es paar witeri Föteli... 🌞
Gefällt 8 mal
NiLe entdeckt d Wält
- Reise anzeigen
- Zur Bucket List hinzufügenVon der Bucket List entfernen
- Teilen
- 24.12.2019, 08:53
- ☀️ 18 °C
- Höhe über NN: 381 m
- Laos Khouèng Bokèo Ban Houayxay Houay Lôm 20.276916, 100.41198420°16’37” N 100°24’43” E
Tag 10
Laos
24. Dezember 2019 in Laos ⋅ ☀️ 18 °C
Huay xai, s chline Dörfli churz nach de Grenze vo Laos. Neus Land, neue Reisestil. Vom Bus und Zug zum Boot.
Los gaht eusi zweitägigi Reis, mitem Slowboat ufem Mekong, richtig Luang Prabang. 🛶
Gefällt 8 mal
NiLe entdeckt d Wält
- Reise anzeigen
- Zur Bucket List hinzufügenVon der Bucket List entfernen
- Teilen
- 24.12.2019, 19:39
- 🌙 25 °C
- Höhe über NN: 288 m
- Laos Luang Prabang Province Ban Phasak Houay Sangta 19.888132, 102.13928219°53’17” N 102°8’21” E
Tag 10
Luang Prabang
24. Dezember 2019 in Laos ⋅ 🌙 25 °C
Fröhlichi Wiehnachte wünschet mir eu allne!💫

Mir sind 300km und 15h spöter in Luang Prabang mit em Slowboat acho. D‘Fahrt isch entspannend, abentürlich und wunderschön gsi. D‘Landschaft hett eus verzauberet!

Am erste Tag, hemmer no e chlini Panne gha, de Motor isch zmitzt uf de Strecki usgfalle und drum simmer 2h verspötet ahcho. Natürlich ohni Licht am Boot, was chli kriminell gsi isch😄.

De Abig vom 24.12 händ mir mit zwei Dütsche und ere Holländerin verbracht. Zämme znacht gesse und go Billard spiele - perfekt!

Uf de zweite Bootsfahrt hett jede vo eus en eigne Autositz gha und d fahrt hemmer mit UNO spiele und Landschaft gnüsse verbracht.

Absolut es unvergässlichs Erlebnis gsi!

Schlönd eui Büüch voll mit feinem Esse, mir lönds eus hüt au guet gah miteme „tüüre“ Hotel (28chf für 2 Persone) und ere feine Pizza!
Merry Christmas😘✨Weiterlesen
Gefällt 9 mal
NiLe entdeckt d Wält
- Reise anzeigen
- Zur Bucket List hinzufügenVon der Bucket List entfernen
- Teilen
- 27.12.2019
- ☀️ 25 °C
- Höhe über NN: 417 m
- Laos Luang Prabang Province Ban Thapèn Kuang Si Falls 19.751133, 101.99711219°45’4” N 101°59’50” E
Tag 13
Luang Prabang
27. Dezember 2019 in Laos ⋅ ☀️ 25 °C
3 Nächt im Städtli Luang Prabang gönd z‘End. Diversi Kafis und Restaurants händ mir usprobiert, dur de Nachtmäärt simmer gschlenderet, d Mönche beobachtet und d Wasserfäll (kuang si falls) agluegt. Am Abig hemmers eus inere wunderschöne Bar gmüetlich gmacht und händ eus no mit es paar anderne Touriste uf de Wäg inen iheimische Club gmacht. D Musig isch nöd ganz euse Stil gsi, aber trotzdem es lustigs Erläbnis gsi. 😁

Morn heissts Minivan fahre, richtig Nong Khiaw, die wunderschöni Natur go bestuune.Weiterlesen
Gefällt 14 mal
NiLe entdeckt d Wält
- Reise anzeigen
- Zur Bucket List hinzufügenVon der Bucket List entfernen
- Teilen
- 29.12.2019, 12:26
- ☁️ 21 °C
- Höhe über NN: 335 m
- Laos Luang Prabang Province Ban Sôphoun Houay Houn 20.570433, 102.6171820°34’14” N 102°37’2” E
2 1
Tag 15
Nong Khiaw
29. Dezember 2019 in Laos ⋅ ☁️ 21 °C
Ufem hiiwäg uf Nong Khiaw händ mir de hinterletsti Platz im Minivan becho und händ müsse neb zwei Iheimischo hocke. D Fahrt isch sehr holpprig und turbulent gsi, trotzdem hett de Laot neb de Nives uf ihrere Schultere gschlafe, d Nives uf de Lea ihrer und d Lea uf ihrem Sitznachber sinere. Das hend natürli d Franzose vo de vordere Reihe sehr lustig gfunde 😄.

Am erste Abig und Morgä hetts grägnet und s’isch chalt gsi. Aber wiemer so schön seit: „nachem Räge schiint d Sunne“.

Wiedermal hett eus die wunderbari Natur überwältigt! Nacheme 1,5h ufstieg händ mir en Ussichtspunkt erreicht und de Usblick über Nong Khiaw gnosse. D Lea seit zwar immerno dasses gar kei Spass gmacht hett (es isch seeehr astrengend gsi) aber trotzdem isch sie jetzt stolz uf sich 😊.

En Schwizer, de Sebastian, hämmer no atroffe, ihm ghört s Resti wo mir zNacht gesse hend. Flotte Typ, deht holemer eus no paar Tipps.

Morn gahts nochli meh is Hinterland, uf Muang Ngoy. Silvester wärdet mir sehr ruhig verbringe.Weiterlesen
Reisender 😄hät sich doch glohnt eh chli klettere😄😄😄
29.12.19Antworten
Reisender 👍😁😁😁
29.12.19Antworten
Reisender Absolut!! Wunderbari Ussicht gsi :)
29.12.19Antworten
Reisender Gseht mega schön us😍, gnüssäds 😘😘😘
29.12.19Antworten
Gefällt 12 mal
NiLe entdeckt d Wält
- Reise anzeigen
- Zur Bucket List hinzufügenVon der Bucket List entfernen
- Teilen
- 31.12.2019
- ☀️ 24 °C
- Höhe über NN: 323 m
- Laos Luang Prabang Province Ban Ngoy-Nua Nam Ngoy 20.710896, 102.67369520°42’39” N 102°40’25” E
Tag 17
Muang Ngoy
31. Dezember 2019 in Laos ⋅ ☀️ 24 °C
S‘chline Dörfli, Muang Ngoy, isch nur mitem Boot erreichbar. Es hett kei richtigi Strasse und au kei Autos. Die Ihheimische lebet sozege vom Tourismus, wasmer au sofort gmerkt hett. Vieli Restaurants und Lüüt wo ihri Sache wend verchaufe. S Wetter isch leider au nöd so guet, s isch echli wie ih de Schwizerberge. Näblig, chüehl und nass.
Euses Bungalow hett e gmüetlichi Hängematte zum relaxe, aber das wärs au scho gsi. Pris-Leistig stimmt dasmal leider nöd.. mir hend trotzdem s beste drus gmacht, fein go esse, spaziere und chli gläse.

Mir freuet eus waaaaahnsinnig uf de Süde und versuechet mal amene Ort es paar Nächt zbliebe.

Drum händ mir eus ganz spontan für de Nachtbus (sleepingbus) entschiede und wärdet neujahr imene stinkende und änge Bus verbringe. Hoffentli chönd mir am Morge am 3:00 Uhr im Hostel ichecke, suscht luegemer mal wos eus hitribt 😁.

Next stop: Vang Vieng

Happy new year, fiiret alli schön! 🎉Weiterlesen
Gefällt 12 mal
NiLe entdeckt d Wält
- Reise anzeigen
- Zur Bucket List hinzufügenVon der Bucket List entfernen
- Teilen
- 02.01.2020, 13:16
- ☀️ 31 °C
- Höhe über NN: 211 m
- Laos Vientiane Province Ban Pakkoang Nam Koang 18.873266, 102.47502918°52’24” N 102°28’30” E
Tag 19
Vang vieng
2. Januar 2020 in Laos ⋅ ☀️ 31 °C
Vang vieng, de Partyort vo Laos. Da chamer alles mache, s isch fast scho es chlises Märliland ;). Tubing, Heissluftballonflüge, rafting, kajaking, Party, buggy fahre, Höhle und Lagune erchunde und no vieles meh.
Mir zwei, sind imene richtig tolle Hostel gsi und hend paar ganz gueti Östricher und Schwizer kenneglernt.
Bim tubing (böötle mit Reife), händ mir 3h ufem Nam song Fluss verbracht. Au d Landschaft mit de Hügel isch wunderschön.
Aber vorallem hemmer (oder hett d Nives) versuecht all die Oreos abztrainiere 🙃.
Entspannti und schöni Täg in Vang vieng gönd z änd, mir hends richtig gnosse da☺️.

Churze Stop in Vientiane, de Hauptstadt vo Laos und denn flügemer am Sunntig uf Pakse, in Süde vo Laos. 🌞Weiterlesen
Gefällt 13 mal