Reset search
Fabienne RindlisbacherFabienne Rindlisbacher
SatelliteEdit route
happiest when travelling Read more Thun, Schweiz
  • Hamburg mit Harald
    Day 4

    Er rollt.

    April 16, 2023 in Switzerland ⋅ 🌧 7 °C

    Üsi Reis ändet mitere wilde Zugfahrt. Näbst stündige Usflüg für Kafi z hole, chlinere Usenandersetzige mit Mitreisende, striicheleinheite vo frömde chind („darf ich dich streicheln?“) und eme riese gsou i üsem snacktäschli u uf sämtleche Kleidigsstück vor Cheyenne hei mir e gmüetlechi Heireis mit vilne Spili u Dehnigsüebige hinder üs. Itz simer de froh simer dehei u müesse d grinde vo de andere afemal nüm aluege. Nei es isch also voll ok gsi üses Usflügli. Auf ein Andermal, Fäbsi u MikiRead more

    See translation
  • Hamburg mit Harald
    Day 4

    Fischmarkt zum Abschluss

    April 16, 2023 in Germany ⋅ ☁️ 8 °C

    Nach ere churze Nacht simer am 6.30 ume uf für a Fischmarkt. Dä isch aube am Sunntig morge. Chli müed simer de bi däm Fischgruch übere Märit gschlenderet. När simer ume zrugg iz Hostel zum fertig packe. Sitem Mittag höckle mer iz ume im Zug für hei, tüe Spieli spile, plöiderle oder pfüsele...

    Misch    Read more

    See translation
  • Hamburg mit Harald
    Day 3

    Harald auf der Reeperbahn

    April 15, 2023 in Germany ⋅ ☁️ 8 °C

    Punkt 19:00 hei mir üs de aui zäme wieder ir Nechi vor Reeperbahn troffe, gnau gno bim Tattoostudio „endless pain“ (was fürne vertrouenswürdige Name). Vier vo üsem Grüppli hei nämlech am Vortag ä Termin abgmacht, zum äs gmeinsams Tattoo z’mache. Ungefähr 1h und chli (aber zum glück nid ändlose) Schmärze speter simer umnes chlises Dino-Tattoo am Fuess riicher gsi. Dä Dino het natürlech no ä Name brucht und mir heine us diverse Gründ „Harald“ touft. 🦕

    Nachem tattowiere heimer äs Restaurant gsuecht und wo dr bevorzugt Taco Lade aber vou isch gsi heimer scho dänkt mir müesse üs miteme Reeperbahn-Döner oder Reeperbahn-Burger vomne schmuddelige Imbiss zfride gäh. Mir hei aber när meh oder weniger per Zuefau äs super vitnamesischs Resti gfunge und fein Znacht gässe. 🍛

    Nachdäm simer nochli dürt Reeperbahn gschlendert und hei aui die kurlige Gstaute beobachtet und däm bunte Tribe chli zuegluegt und ire (aständige) Bar dr Aabe lah usklinge. 🍻

    Mir hei üs de entschlosse am Morge chli früecher ufzstah für ufe Fischmarkt z‘gah, statt t‘Nacht düre z‘mache und direkt z‘gah. 🐟

    Kelly    Read more

    See translation
  • Hamburg mit Harald
    Day 3

    Maritime Reizüberflutung

    April 15, 2023 in Germany ⋅ ☁️ 13 °C

    Da z Wätter am Samsti nid eso wahnsinnig guet gmoude isch gsi heimir üs entschide z Internationale Maritime Museum ga z bsueche. Das Museum isch ir Speicherstadt u het Usstellige zu verschidene Theme rund umd Schifffahrt uf 9(!) Etage. Vo Sägle über Fische oder Cargo bis zu Passagierschiff oder Pirate, es git zu jedem Thema öppis. Mir heinis öppe 4h dür tuusigi vo Modällschiff, alti Malereie, interaktivi Usstelligsmodäll, technischi Erklärige und so witter kämpft. Bir 9te Etage acho simir aui chli erschlage gsi vo dene ganze Idrück. Aber es isch sehr spannend gsi.
    Nachem Museum heimir no öppis gässe dert u der Museumslade erkundet. Wöu z Wätter am Nami när glich no het uftaa simir no chli id Stadt ga Lädele u ga Käfele...

    Maylea    Read more

    See translation
  • Hamburg mit Harald
    Day 2

    MiniaturWUNDERland

    April 14, 2023 in Germany ⋅ ☁️ 8 °C

    Dr Tag isch mit üsere E-Trottifahrt nid z'Änd gange.
    Nachdem mir üs im Hotel si ga erfrüsche & hurti es Sekündeli ga abligä hei mir üs wieder mit de Trotti ufe Wäg zu Peter Pane gmacht. Dert hets usgfallni Burger, cooli Getränk & feini Dessärt gä. Nachdem mir gstercht si gsih simer witter zu mim persönleche Highlight vo dere Reis; ds Miniaturwunderland. Mir si vo 23:30 bis 01:00 Uhr derte gsih, willmer nid hei realisiert ds di Billet so schnäll wäg si. drum heimer also d Randzyte müesse nä. Ds MIWULA isch ei riisegi Modällisebahn wosech über verschideni Stockwärch erstreckt. Ufteilt isch ds ganze i Länder, teilwis sehr wahrheitsgetreu u teilwiis mit fiktive Element. Mir hei begeisteret aller chline Details agluegt & obwohl mer zu so später Stund glich afa chli müed si gsih nach däm lange Tag, heimer aller es riise Gaudi ka.
    Wosi am eis am Morge hei zue ta heimer aller gfunde dsmer z nächste Mal meh Zyt wei irächne. Trotzdem simer froh gsih dsmer iz chöi ga ligä u dr nächst Tag gstercht i Agriff nä.

    ~Fäbs    Read more

    See translation
  • Hamburg mit Harald
    Day 2

    Hamburg - meine Perle

    April 14, 2023 in Germany ⋅ ☁️ 8 °C

    Wie erkunde sächs Touristiker:inne e Stadt am beste? Richtig, mit em Hop on - Hop off Bus. Da mir no e Humplin a Stäcke drbi hei, isch ds aber sehr gäbig gsi. Bim Hafe simer de usgstige u si düre Elbtunnel gloffe. Dä geit unger em Wasser düre. Uf dr angere Site vom Hafe hets es Fischbrötli oder süsch öpis chlises z Mittag gäh. Gstärkt hei mer ner no die obligatorischi Haferundfahrt gmacht. När hei mer afe eis e Kaffipouse brucht, bevor mer zrugg iz Hostel si. Füre Heiwäg hei mer üs mau für nes anders Fortbewegigsmittu entschiede, was sehr fägig isch gsi.

    Misch    Read more

    See translation
  • Hamburg mit Harald
    Day 1

    9h gschafft

    April 13, 2023 in Germany ⋅ ☁️ 10 °C

    D Zugfahrt isch abgsee vomene frömdverschuldete erbrächerische Zwüschefall sehr agnehm und erstunlich pünktlich verlüffe. Mir hei z Basel u z Frankfurt müesse umstige u si am 18.36 z Hamburg acho. Dert hez afamau gschiffet u mir si ufem Wäg izz Hostel aui feiechli nass worde. Nachdem mir üs hei früsch gmacht u troche agleit simir ufder Suechi nachemne Restaurand öppe e Stund dür Hamburg glüffe. Blöderwis heimir üs vorab nid würklich informiert wo dasmir chönnte ässe u so isch das ganze när haut chli lenger gange. Derfür heimir scho chli öppis vor Stadt gsee u am Schluss heimir de e Italiener gfunde u richtig guet Znacht gesse. Villicht isches ono chli feiner gsi wöumir aui doch zimmlich hunger hei ka. Nachem Znacht simir feiechli düre izz Bett.

    Maylea    Read more

    See translation
  • Hamburg mit Harald
    Day 1

    Diplomarbeit done, Hamburg here we come!

    April 13, 2023 in Switzerland ⋅ ☁️ 7 °C

    D diplomarbeite si erfougrich abgä wordä und mir si i nächst zug igstigä für nach Hamburg. Natürlich heimer no chli proviant müesse ga bsorgä, dasmer de ja ke hunger hei uf üsere 9 stündigä reis. Ds Basu heimer nur 5 minute zum umstigä, was no chönnt knapp wärde wiumer ä geh beiträchtigti person derbi hei. Mir phaute öich ufem loufende, ussert d maylea die humplet.

    Cheyenne    Read more

    See translation
  • Kambodscha via Bangkok
    Day 24

    ds Abentüür ändet abentürlech

    November 20, 2022 in Switzerland ⋅ ⛅ 8 °C

    Üsi Heireis het wi im letsche Biitrag erwähnt, mitem Transfer a Flughafe gstartet. Dert isch z Chaos scho z erste Mal losgange will lut üsem Fahrer dr chinesisch Präsident ir Stadt isch u dä mit sim Konvoi mega lang e Strass het blockiert. (Mir si schono chli beidruckt gsih ds dä älwä di ganzi Polizei vo Phnom Penh i Gebruch gno het).
    Usserdem isch no Fyrabevercher gsih u drum het dä Transfer 1.5h statt 30min duret.
    Am Flughafe hets zum ichecke e riisegi Schlange gha, wosech 10Minute lang ke Meter het bewegt, also heimer churzerhand no z Online-Check-In übers Handy gmacht u hei numeno müesse ga zGepäck abgä.
    Ner simer genau pünktlech am Gate acho, aber dert het scho z nächste Hindernis uf üs gwartet; Üse Flug vo Phnom Penh nach Bangkok het 2h Verspätig ka. Da mir ufe Aschlussflug id Schwiiz si agwise gsih, willmer am Mäntig aller wieder müesse ga schaffe, si mer liecht i Stress cho, womer hei realisiert dsmer z Bangkok numeno 30min zum umstige hei.
    Also simer um üses Läbe dür dä Flughafe grennt (hei o nomal dürd Sicherheitskontrolle müesse) u heis aller zäme ufe Flug nach Zürich gschafft.
    Scho dert heimer dänkt, ds üses Gepäck älwä nid glich fest pressiert het.
    Womer hüt Morge z Zürich si acho hetsech dä Verdacht natürlech bewahrheitet, (ou wemer natürlech zersch no mitem letschte bizeli Hoffnig si am Gepäckband gstande), aller üsi grosse Ufgabe-Gepäckstück si z Bangkok blibe. Also simer aller no ga ds "Delayed-Luggage-Formular" usfülle, u iz düemer halt hüt nid wäsche & usrume. Mir si aber aller rächt entspannt, will niemer öppis läbeswichtigs im Koffer het & mir ja wüsse wo ds ds Gepäck isch unds de i paar Tag zu üs heiglieferet wird.

    Mir si iz aller zäme ufm Heimwäg & löh di vile schööne, emotionale, idrückleche, gmüetleche, tolle und weniger tolle Momente vo de letschte 3.5 Wuche i üsne Chöpf la Revue passiere.

    Mercii heit ier üsi Reis mitverfolgt, mir hoffe es het euch ou gfalle & dir düet üsi nächste Reise ou wieder mitverfolge.

    leahaey & saum arkoun (tschüss und danke!)

    Maylea & Fäbs    Read more

    See translation
  • Kambodscha via Bangkok
    1
    Day 23

    Ä happige Abschid

    November 19, 2022 in Cambodia ⋅ ☁️ 23 °C

    Da üse Flug Hüt ersch am 9i am Abe geit heimir am Morge nochli Zit gha fürne Schnäudurchgang dür Phnom Penh. Scho vor dere Reis simir üs einig gsi, dasmir z Genozidmuseeum wei ga aluege. Drum heimir üs nachemne mässig guete Zmorgebuffet so umdie haubi10ni ufe Wäg gmacht. Mit 2 TukTuks simir düre Grossstadtvercher zum Museeum gfahre u hei dert e Audioguide gno füre Rundgang.
    Das Museeum isch ä happige Brocke. Es isch ide Rümlichkeite vom Gfängniss S-21. Hie si im Chrieg vode Rote Khmer ide 1970er Jahr bis zu 20'000 Männer, Froue u Ching uf brutalsti Art und Wis zu Zwangsgeständniss gfolteret u när ermordet worde. Bis Hüt weisme vo nid me aus 12 Überläbende. D Stimme vode damalige Folterer und vode wenige Überläbende, d Angst ide Ouge vode Gfangene ufde Fotos wo vor weniger aus 50 Jahr gmacht worde si, d original Foltergrät und d Überräste vode Tote wärde üs aune no lang düre Chopf ga.
    Mitere eher bedrückte Stimmig simir nachdäm Rundgang öppis ga Zmittag esse u när wider zrügg izz Hotel womir dankder Grosszügigkeit vom Hotel üses Gepäck hei dörfe la u am Nami no der Pool u e Duschi bruche. Es paari vo üs heisich no e letsti priiswärti Massage gönnt .
    Am 6i ischnis när üse Flughafetransfer cho abhole u mir hei üsi Heimreis aträtte.    Read more

    See translation

Join us:

FindPenguins for iOSFindPenguins for Android

  • 2024© FindPenguins
  • Home
  • About us
  • Blog
  • Group Tracking
  • Press
  • Terms
  • Privacy Policy & Cookies
  • Support
  • Legal notice
  • English