Återställ sökningen
Fabian SkowronskiFabian Skowronski
SatellitRedigera färdväg
reste i 9 länder Läs mer
  • ResenärWältreis
    Dag 156

    Bali (Ubud)

    6 juni 2023, Indonesien

    Mittlerwiile hani denn d App Bolt kännt, wo ziemli genau s gliiche isch wie Uber, eifach dasmer au chan töff bstelle. Mit dere, aber mit eme Auto bini denn vo Canggu uf Ubud ines Hostel wommer vom Cedric empfohleworde isch. Riise Better, guets Zmorge inkludiert und jede Taag 15min Massage gratis 😍 nöd dases sust tüür gsi wär (1h für chf 6.-), aber isch doch schön. Au viel die chilligere Mänsche, viel Kanadier, Argentinos, Brasileiros und au schwiizer. Am Tag nach de Ahkunft hetts denn e Tour vom Hostel gäh mot mega normale lüüt, wommer mitenand ane Schuel, ine Kafiplantage, uf es Riisfäld und zuneme Wasserfall sind. D Chinde ide Schuel sind mega mega härzig, cool und engagiert gsi. Sie hend ihri 5 Sätz uf englisch gseit, gsunge, tanzt und tschutted. Glücklich händs usgseh, aber sinds das würklich, wenn sie jede Taag sone Tourigruppe mönd unterhalte und für die tanze usw.? Ufem riisfäld hetts die Gireizli geh wo alli Instagramer voll scharf druf gsi sind, würkli spannend gsi zum dene zueluege wie sie für 15chf öppe 5mal füre und hindere gireizlet 😉 de LAWUAK-KAFI wird folgendermasse prozuziert: das chatzeähnliche Lawuk isst d Fafibohne und scheidet sie denn mitem Kot wieder ganz uus. Die Bohne wäscht mer denn, röstet sie und produziert denn de Kafu dur en normale Prozäss. Durch de Verdauigsprozäss sött de Kafi milder wärde... gemäss de Tourguide ischs de "Best shit in the world". D isa isch au dete gsi, oder ebe au nöd, aber genau eso usgseh 😂
    D riisfälder sind wiiter une so matschig gsi, dass d helfti nacher mega schlimm matschigi Schueh gha het.    Läs mer

    Se översättning
  • ResenärWältreis
    Dag 151

    Bali (Canggu)

    1 juni 2023, Indonesien ⋅ ☁️ 28 °C

    De Gianni bim Aldi hinterlah bini denn an Flughafe Goldcoast über Sydney uf Bali. Uf dem Flug mit de Jetstar hani s Gepäck wieder gratis durebracht :) willi ghört han dass Canggu es Surferparadies isch, hani d Unterkunft denn dete buecht. D Ihreiseformalitäte sind öppis lang gange, aber de Simkartekauf und d Taxifahrt is LayDay Surfhostel sind relativ schnell gange. Am Abig bini ahchoo, da isch s Hostel aber scho usgstorbe gsi. S einzige was gange isch ih dere nacht sind die 2 Engländer gsi wo im Bett under mir am vögle gsi sind. Nach 10min isch aber au das fertig gsi 🙂 Die erste Täg hani chli Müeh gha zum mit de Lüüt connecte, viel Englender wo nöd würkli neui Kollege hend welle mache, usser vom andere Gschlächt, aber doch au ein rächt coole, aber eltere Spanier wo doch no oft mitchoo isch go ässe und eis go zieh. Plötzli lauft im Hostel eifach de Cedrig Deugelle ah mir verbii woni vom ASVZ und vo früenner pipapo chli kännt han. Mit ihm und anderne vom Hostel uf e Pubcrawl isch schnäll klar gsi, wies au no chan zue und här gah. Die wiitere Äbig sind ähnlich zue und här gange, gliichi Bar-Tours und nachem Oldmans no id Sandbar hehe, woni übrigens mal mini Sandale verlore und über 3 lüüt denn doch no wieder gfunde han 🙂 D tääg sind chli lame gsi, aber bin doch no s eint oder andere mitem 5franke/tag Roller go mache und die eint oder ander Surflektion hani au no gha. S ässe ischbimmer super und mega güünschtig gsi. Ich han denn entschiede Canggu so bald wie möglich z verlah und vor mim Flug uf Labun Bajo no churu uf Ubud z gah.Läs mer

    Se översättning
  • ResenärWältreis
    Dag 148

    Surfers Paradise

    29 maj 2023, Australien ⋅ 🌙 11 °C

    Die letscht Station in Australie isch Surfers Paradise gsi. Dete hemmer au es ziemli guets Hostel gha wo aber eürklich voooolllle vo Spanier gsi isch. 90% devo vo Barcelona. Guet denn bini haltbih dere Ziit nur de Schwiizer gsi wo Spanisch im Zirkus und ih 3 Mönet ime Tortillarestaurant in Zaragoza glernt het. Willi ja nöd druus cho bin hani au easy en Striit zwüsche de Katalane und de Madrilene chönne ahzettle. Grosses Kino gsi wie sie sich fasch ad Gurgle sind. Wunderschöne Wanderige mit viel Blödsinn hemmer no gmacht und zum erste Mal ih mim lebe en Tequila Suicide. Bim Gianni sinds öppe 3 worde. D Kellnerin het amel nöd verstande wieso de Gianni und ich separat Essed, mir au nöd würkli aber hend halt amel nöd lust ufs gliiche 😀
    De Geburtstag vode Sophie, wo eifach d Femke kennt het, het niemmer würkli ernscht gno, am schliss sind nur no de Gianni und ich wiiterzoge. Bim Dönerlade het de Gianni no de Couse vom Habibi Dogan grüesst und de eint Bsoffeni isch vo sim Kolleg härt in Buschbinegrüert worde. B beste am ganze: es isch s beschte für ihn gsi.
    Wiiterhin viel Costal Walks und Sunneuntergäng ahglueged. De einti sogar uf eme wunderschöne Hügel mit eme guete Picknick (Chinanudle mit Chicken, Früelligsnudle, Minipic, Salami, Olive und Bier). S fahre uf de falsche Siite isch immerno schwierig gsi.
    So simmer am letschte Taag no an Flughafe Goldcoast gfahre zum de Chlapf abgeh und demit ich wieder chan uf Sydney flüge. De Gianni isch no 2 Täg bliebe. Cüüüs

    Wasmer vo Australie bliibt:
    - Bayron Bay isch s beste gsi
    - de Subway vo Australie erreicht Platz 2 nach de Schwiiz
    - priislich no okay wemmer sich druf ihstellt
    - definitiv länger als 2 Wuche bliibe
    - work and Travel isch sehr eifach

    Wie mer merkt, hani mitem Gianni rächt wenig fötteli gmacht..    Läs mer

    Se översättning
  • ResenärWältreis
    Dag 146

    Newcastle, Port Macquarie & Bayron Bay

    27 maj 2023, Australien ⋅ 🌙 12 °C

    Ufem wäg uf Port Macquarie hemmer churz in Newcastle ghalte, willi ame glichnamige Ort mal en Ustusch gmacht han. Isch aber garnüt gsi usser en guete Costal Walk.
    In Port Macquarie isch denn s Hostel rächt chillig gsi. Es Paar Koalas im Koalahospital und öppe e Million Flying Foxes hemmer ime Flädermüüswald gseh. S sind wükinso viel gsi dases eim scho fasch unheimlich gsi isch.
    De Jack (wie de Whiskey), d Femke und d Marie vom Hostel sind so komisch gsi, dassmer sie wieder gern gha hend. De Jack us Schottland het eus au sehr gern gha 😂
    Alli Bars hend öppe am 8i zue gmacht, aber isch wahrschindli so gsi will d Baarkeeperin öppe 4 Jobs gliichzitig gha het und jetzt uf Italie gaht go läbe 😂
    Costal Walk nach Costal Walk simmer denn au in Bayron Bay ahchoo. Das isch de chilligsti Ort in Australie gsi. Schöni Sunneuntergäng mit Livemusig, schöni Costal Walks und au am Abig isch öppis gloffe. De Gianni het no e Kollegin vo Chile troffe wo eus d Kängurus ide Natur zeiged het. De einzig döner ide Stadt isch leider nöd besser wie de Subway gsi, defür aber d Früchtsäft wo vo öppe 4 ahgstellte gmacht worde sind. Alli wo irgendwo gschaffet hend sind wieder spanier gsi mit eme work&travel und d Engländer hemmer würkli langsam ahfange verstah.
    2 Mal Esse hole im Hostel isch scho fasch e Straftat gsi und im Auto isch es zwar chli chalt aber au no schön @gianni 🖕
    Au d Franzose wo cho sind zum Englisch lerne reised denn nur mitenand ume und chönd kei englisch, sie hend nödemal en Parkplatz zum ih ihrem halb-Camper schlafe.    Läs mer

    Se översättning
  • ResenärWältreis
    Dag 142

    Sydney

    23 maj 2023, Australien ⋅ ☀️ 19 °C

    Grad nach eme suoer hight in Hawaii hani mitem Gianni in Australie abgmacht. Nach es paar Missverständnis weg de Date (überquere vode Tagesgränze) het denn de Gianni doch zur richtiger Ziit am international Terminal z Sydney uf mich gwartet. Schnällnisch klar gsi, dasmer so blöd werded tue wie scho lang nümme. 2 Täg im wunderschöne Sydney verbracht, viel Boot gfahre, Bier trunke und erstuunt gsi ab de Priise, aber im positive, will de AUD gad um 20% gfalle gsi isch. S bstelle voneme Big Black Coffee with a dash of milk falltmer hüt no schweer. Holly Molly mit de Sarina und es Beratigsgspräch ime Filmlade het de Taag vervollständigt. Glärnt hemmer au dass Wettschulde nöd für alli Ehreschulde sind. De komisch typ vom Holly Moly hemmer denn no ade Metrostation gsi, wo eusi Fahrt (mit de Kreditkarte) no bis hüt lauft. De Gianni het sini Liebi zu de Aboriginees entdeckt und mir findet es günstigs Mietauto mit Rückgab am Flughafe Goaldcoast wo eus für die negste 8 Täg begleitet. Links fahre isch no schwierig, vorallem d Chreisel😰 D Spanierinne wo chömed go Soanisch lerne düend sich mit ihrergleichen zämme und lerned kei Englsich. D Opere isch vo usse schön, aber chlinner als erwartet. Leider hends eus nöd ine lah, willmer kei gnueg schöni Stimm hend.
    Nach 2 Täg simmer uf Port Macquarie gfahre, wommer no Bier und en guete Nordés gha hend.    Läs mer

    Se översättning
  • ResenärWältreis
    Dag 138

    Oahu II

    19 maj 2023, Förenta staterna ⋅ ☁️ 25 °C

    2 Täg später sind denn d Mexikanerinne hei, defür isch d Michelle vo LA sponti verbii cho, de Alex isch bliebe und de Dom und d Kemi sind vo Big Island au no cho 😂 so simmer also wieder es paar Nase ufenand gsi.
    Vom Süde vode Insle simmer mit eme geile Mietauto es paar Täg ad Northshore.
    Spezielli Hikes durch Schlamm und Wälder, schöni Stränd und die Matcha-Zmorge hend de Ahfang vo dere neue Etappe erholsam gmacht. Klar isch gsi, dass es nöd lang eso chan ahhalte. Nach 2 Täg ischs denn wieder unruhig worde wo denn no d Rianna und de Danie dezuegstosse sind. Schindchrote am Strand, wunderschöni Sunneuntergäng und es Paar Twisted Tea hend de Alltag interessant bhalte. Dezue ghöred au missglückti Wrestlingversüech wo den ufem härte Steibode ändet 😂
    Go Skydive simmer au no, und de gröscht bi eus het au de gröscht schisser ide hose gha. Geil isches gsi, wos eifach d Türe vom Flüger ufmacht hend, du muesch in Türrahme stah und abeluege. De instruktor lähnt denn mit dir es bizzli füre, zieht di wieder hindere und jumpt denn mit dir abe. 45sek freie Fall wod meinsch s risst der s Gsicht ab, en Salto und wiiteri 5min gleide Nachem öffne vom Schirm. Han sogar selbee chli derfe stüüre 🙂
    Au ih dene Täg wie isch d Vertrautheit unter dene Persone woni all nonig lang kännt han, ächt schön gsi, wür sogar sege eimalig. Genau eso wie de Flug uf Australie mit Gummibärli 🙂    Läs mer

    Se översättning

Gå med oss:

FindPenguins för iOSFindPenguins för Android

  • 2024© FindPenguins
  • Hem
  • Om oss
  • Blogg
  • Spåra gruppen
  • Press
  • Villkor
  • Integritet & Cookies
  • Support
  • Avtryck
  • Svenska