Currently traveling

Von Bern zum Nordkap

Mai - April 2019
Currently traveling
  • Day79

    Tag 79

    July 23 in Norway ⋅ ☀️ 10 °C

    Mir si nach es paar wunderschöne Tage in Norwege hüt d Königsetappe gfahre: vo Repvåg entlang de Fjorde ih Nordkapptunnelen (212 Meter unter Meer) nach Honningsvåg und denn über 2 steilä Ufstige az Nordkapp🌐🇳🇴. Di letstä 4 Tag hei mir dopplet so schnell als planet gfahre, um z perfekte Wätter und d Mitternachtssunne z verwütsche. Es isch nämlech sehr wichtig, dass wemä a z Nordkapp geit, guets Wätter isch.. hei mir üs jedefaus vo de Skandinavier lah säge🦌😁👍. Renntier hei mir inzwüsche huufe gseh😍.
    Iz geits heimä zue!🇨🇭🐄
    Read more

  • Explore, what other travelers do in:
  • Day73

    Tag 73

    July 17 in Finland ⋅ ⛅ 11 °C

    Am 14.07 hei mir der Polarkreis überquert, die erste Rentier gsichtet, üsi erschti Tagesetappe über 100km (114km) grisse u när no d Nacht im Hotel (inkl. Sauna und Elchburger) verbracht. Aso e Geburtstag winer nid besser chönnt si. Merci o für die liebe Glückwünsch🎊😀. Hüt si mir über die finnischi Gränze gradlet u somit fürne Tag ire angere Zytzone bevors morn witer uf Norwege geit🇫🇮🇳🇴. Sunne u Räge wächsle sech chli ab, nur d Mosiktos u d Böim blibe die gliiche.Read more

  • Day68

    Tag 68

    July 12 in Sweden ⋅ ☀️ 18 °C

    Ändlech hei mir mau wieder Zit gfunde zum e Post z mache. Z Dänemark het üs d Mirella bsuecht u mir hei gli drufabe d Fähre vo Frederikshavn nach Göteborg gno. Dert hei mir 4 Nächt verbracht u si witer nach Brattfors, wo mir 1 Wuche immne Cottage verbracht hei mit Kanufahre, Fische und umelöie🎣🚣💦. Sit denn hei mir üsi Tagesetappene verlängeret und Ruhetäg mache mir nume no säute. D Natur isch wunderschön, überau gseh mr witi dichti Tannewäuder, ganz viu Seeä und Flüss. D Städtli wärde immer wie chliner und dermit d Läde und Campingplätz säutener. Es paar mau hei mir üses Zelt im Waud ufbout, aber da mä relativ schneu ihre Mosiktowouche landet versueche mr jedi Nacht ufmne Campingplatz z si.Read more

  • Day45

    Tag ?

    June 19 in Denmark ⋅ ⛅ 25 °C

    ...

  • Day29

    Tag 29

    June 3 in Germany ⋅ ⛅ 22 °C

    Mir hei Holland, d Stroopwaffles und dr Hagelslag hinger üs gla, si iz im Ostfriesland und us Goedendag isch Moin worde. Langsam wirds richtig summerlech und heiss, mir fröie üs ab und zue es Glace oder es Bädli z ha. Gester si mir sogar am nä Sandstrand ga sünnele🏖️ Ei Nacht hei mir ufemne Camping verbracht mit Seehundeuffangstation (siehe Video).Read more

  • Day22

    Tag 25

    May 27 in the Netherlands ⋅ ⛅ 16 °C

    Sitem letstä Post si mir bis uf Amsterdam cho und heis üs dert zwöi Tag lah guet gah. Gester isch am Domenic si Lowrider ih zwöi Teili broche u de heimr 1,5h gha zum ä Ersatz ufztribe. Chli speter aus planet si mir de az Meer gradlet. Hüt si mr übere Afsluitdijk iz Friesland gfahre. Ds wiite Meer z gseh isch sicher eis vodä tollste Highlights bis iz🌊🐑Read more

  • Day18

    Tag 19

    May 23 in the Netherlands ⋅ ☁️ 23 °C

    Z Köln simr dr schön Dom ga ahluege und hei im Kino üsi Beii entspannt. Di letzti Nacht in Dütschland hei mir de no unextra ufemne Nazi-Camping verbracht. Hüt si mir z Holland acho und froh drüber es neus Land z gse🇳🇱. D Velowäge si in DE chli es "Wo ist Walter"-Spili gsi, hie si si ahgnähmer und drum si mir oh viu flüssiger unterwegs. Usserdem si mir mittlerwile üsi erste 1000km gfahre!😁Read more

  • Day13

    Tag 15

    May 18 in Germany ⋅ ⛅ 19 °C

    Zwöi Wuche simer iz unterwägs und ässe grad zMittag in Bonn, am Nami weimr de z Köln si und üs dert ä Tag d Stadt ahluege. Ds Wucheändi hei mir gedigä im Hotel in Koblenz verbracht dank und mit Paul & Christa😊😍.
    Dr Gägewind stört üs nümme witer, sit dä letste Tage heimr ändlech oh chli Röggewend😁. Sunnä u Räge wächsle sich chli ab, aber di kurze Hose hei mir ömu oh scho chönne montiere🔥😎Read more

  • Day10

    Tag 10

    May 15 in Germany ⋅ ☀️ 14 °C

    Mir hei immer no Gägewind u müesse rächt strample. Es isch sträng, aber mir chöme trotzdem guet vorah. Mir fröie üs uf nä schins mega schöni Route ab iz bis Koblenz. D Sunnä hei mir ömu uf üsere Site🌬️🚴🚴‍♀️☀️🔥🤙

  • Day7

    Tag 8

    May 12 in Germany ⋅ ⛅ 8 °C

    Di letstä Täg het z Wätter chli gwächslet. Ir Nacht rägnets nümm geng und dr Himmu isch blau u nümm grau☀️, derfür heimr mega starke Gägewind... Am Rhii entlang gseh mr mega viu Gäns, Änte, Störch und Bisamratte. Hüt hei mir ä Ruhetag in Speyer u gniesse d Sunne u z Bier😊