Südostasien

september - desember 2023

Reise durch Thailand, Malaysia und Indonesien. Les mer

69fotspor
5land
105dager
418bilder
5videoer
31,8kkilometer
26,8kkilometer
2,2kkilometer
653kilometer
323nautiske mil
435kilometer
138nautiske mil

Følg Kalender Del Bøtteliste

Reisende Südostasien
- Vis reise
- Legg til bøttelisteFjern fra bøtteliste
- Del
- 6. sep. 2023, 13:14
- ☀️ 24 °C
- Høyde: 432 m
- Sveits Kanton Zürich Kloten Kloten / Holberg Zurich Airport 47.461753, 8.55562847°27’42” N 8°33’20” E
Dag 1
Flughafen Zürich
6. september 2023, Sveits ⋅ ☀️ 24 °C
Und los gohts!✈️
Se oversettelse
2 liker
Reisende Südostasien
- Vis reise
- Legg til bøttelisteFjern fra bøtteliste
- Del
- 7. sep. 2023, 13:00
- ☁️ 32 °C
- Høyde: 7 m
- Thailand Bangkok Banglumpoo 13.760455, 100.50175513°45’38” N 100°30’6” E
2
Dag 2
Bangkok
7. september 2023, Thailand ⋅ ☁️ 32 °C
Nach 11 Stunde Flug (mit sehr wenig Schlaf) sind mir am Morge am halb 6i z Bangkok acho und hend also no de ganz Tag vor üs gha. Trotz Müedigkeit hend mir aber d Umgebig vo üsm Hostel erkundet und sind so zu üsere erste Mahlziit cho. Für mich hets es Pad Thai ge. D Müedigkeit het denn leider doch gwunne und so sind mir für en churze Nap am Namitag, nach über 24 Stund wieder s erste mal richtig aneglege, bevors am Abig an Night Market gange isch.

Und will mir am Night Market doch nünt gfunde hend zum esse (Insekte sind ebe doch ned üse favorit) hend mir ufm haiweg spontan imene japanische Restaurant halt gmacht.Les mer
Se oversettelse
Reisende En guete!🥢🌮🍱
07.09.2023SvarOversette
Reisende Danke!
07.09.2023SvarOversette
Reisende Nur am Esse?🤣
08.09.2023SvarOversette
Reisende Ha ja gseit i freu mi uf de food!
08.09.2023SvarOversette
4 liker
Reisende Südostasien
- Vis reise
- Legg til bøttelisteFjern fra bøtteliste
- Del
- 8. sep. 2023
- ☁️ 32 °C
- Høyde: 12 m
- Thailand Bangkok Wat Pho Wat Phra Kaew 13.75126, 100.49266113°45’5” N 100°29’34” E
Dag 3
Bangkok
8. september 2023, Thailand ⋅ ☁️ 32 °C
De Schlaf isch definitiv nötig gsi. Guet erholt gohts zerst mol los richtig Chinatown. Tuusigi vo Ständ verkaufet Kleider, Stöff und natürlich au Esse. Obwohl nöd immer klar isch, was mer esse chan und was nöd. Am Nomitag bsuechet mir de Grand Palace. Wunderschöni Baute glitzeret durch tuusigi Mosaik i allne Farbe. Sehr beidruckend. Mit enere obligatorische Tuk Tuk fahrt gahts den zruck is Hostel. Üses Hostel het Tickets für typisch traditionelli Muay Thai Kämpf organisiert. D Regle hend mir no ned ganz verstande aber intressant ischs allemol. Ab und zue müend mir aber doch au wegluege, denn es goht doch recht brutal zue und her. Für gad mal CHF 1.75 gits denn vomene Street-Food Stand no Znacht.Les mer
Se oversettelse
3 liker
Reisende Südostasien
- Vis reise
- Legg til bøttelisteFjern fra bøtteliste
- Del
- 9. sep. 2023
- 🌧 32 °C
- Høyde: 5 m
- Thailand Bangkok Ban Khlong Bang Phrom 13.761488, 100.41536713°45’41” N 100°24’55” E
Dag 4
Bangkok
9. september 2023, Thailand ⋅ 🌧 32 °C
Hüt Mittag hend mir en Floating Market bsuecht. Wobii es sich nöd würkli um en schwimmende Markt handlet sondern er isch meh nebed em Wasser gsi wie ufm. Trotzdem isch es en uu schöne Markt mit ganz viel frisch zubereitete Spiise und Frücht gsi. Mit em Boot hend mir üs uf de Weg zumene Tempel gmacht und vo üsere Hostel-Gastgeberin viel zum Buddhismus erfahre. Zrugg ide Stadt hend mir Wat Pho bsuecht und somit en 46 Meter lange liegende Buddah dörfe besichtige. De Obig hend mir mit enere wunderbare Ussicht usklinge loh.Les mer
Se oversettelse
5 liker
Reisende Südostasien
- Vis reise
- Legg til bøttelisteFjern fra bøtteliste
- Del
- 10. sep. 2023, 11:52
- ☁️ 32 °C
- Høyde: 8 m
- Thailand Bangkok Khlong Maha Nak 13.75327, 100.50683713°45’12” N 100°30’25” E
Dag 5
Bangkok
10. september 2023, Thailand ⋅ ☁️ 32 °C
Hüt hend mir serst mol wieder üsi siebe Sache müesse zemme packe und usm Hostel uschecke. De letzti Tag in Bangkok hend mir mit emene Tempel Bsuech agfange. Bangkok het so einigi Tempel und sö chönd mir au am dritte Tag wieder eine bestuune. Nach 320 Stegetritt hend mir de Golden Mount erklunge und sind bide Wat Saket acho. Die Stege hets in sich ka, bi so warme Temperature und hoher Luftfüechtigkeit hend mir nur „bizli“ warm gha. Anschlüssend hend mir mal wölle de öffentlich Verkehr (Bus) probiere. Nach enere 40 Minütige Fahrt sind mir amene riise Markt acho, wo jeweils nur am Wucheend stattfindet. Döt händ mir üs mit Thailändische Wundersalbe, -Öl und -Paste iideckt und sind so für jedes Leide vorbereitet. Hüt Abig hend mir Bangkok Tschüss gseit und sind in en First-Class-Bus iigstiige. De bringt üs während 10 Stunde Fahrt in Norde nach Chiang Mai. Aso i mue sege, die Sitz sind um einiges bequemer wie en Flugzüüg-Sitz plus werdet mir mit verschiedene Snacks verwöhnt :). Guet Nacht!Les mer
Se oversettelse
2 liker
Reisende Südostasien
- Vis reise
- Legg til bøttelisteFjern fra bøtteliste
- Del
- 11. sep. 2023
- 🌧 30 °C
- Høyde: 313 m
- Thailand Chiang Mai Chiang Mai Provincial Local Museum 18.788744, 98.9866118°47’19” N 98°59’12” E
Dag 6
Chiang Mai
11. september 2023, Thailand ⋅ 🌧 30 °C
Wie startet mer de Tag noch enere 10 Stündige Carfahrt am beste? Definitiv mit enere Thai Massage. Währed einere Stund sind mir dureknetet worde und sind so tüüfeentspannt anschliessend mit emene Grüentee im Gärtli ghocket. Das isch bestimmt nöd die letzt Massage bliibe. De hütig Tag hend mir demit verbrocht d Stadt und Tempel vo Chiang Mai z erkundige. Uh viel herzigi Kafis und Hüsli gebet dere Stadt ihre Charme. Bis jetzt hend mir uf üsere Reis doch scho paar Tempel gse und doch gliicht kein Tempel em andere.

Faszination des Tages: Baugrüst bestönd uf dere Siite vo de Welt ledliglich us Bambus und gsehnd nöd unbedingt so sicher us.🙈Les mer
Se oversettelse
2 liker
Reisende Südostasien
- Vis reise
- Legg til bøttelisteFjern fra bøtteliste
- Del
- 12. sep. 2023
- 🌧 29 °C
- Høyde: 321 m
- Thailand Chiang Mai Province Ban Mai Langmo Princess Mothers Health Garden 18.794987, 98.9683318°47’42” N 98°58’6” E
4
Dag 7
Chiang Mai
12. september 2023, Thailand ⋅ 🌧 29 °C
Hüt hend mir es Quartier namens Nimman bsuecht. In Nimman hets u viel Restaurants und cooli Kafis, wo sich perfekt zum zmörgele eignet. So sind au mir fein gezmörgele und i han e Spezialität bstellt, en blue latte. Das Milchgetränk wird vonere Blüete names blue butterfly pea hellblau gfärbt und isch süesslich und schmeckt au biz nach Lavendel, sehr fein. Denn hend mir Gegend biz wiiter erkundet und hend den ganz spontan üsi Bei binere Fuessmassage verwöhne loh. Am Nomitag / Abig hend mir anere Cooking Class teilgno. Amene lokale Foodmarket sind üs die verschiedene Gmües, Krüter und Frücht vo Thailand erklärt worde. Ade Cooking Class selbst hend mir chöne im Krüter-Garte die verschiedene Zuetate probiere. Die meiste Zuetate stammet usm eigene Garte. So hend mir hüt Früehligsrolle, es Pad Thai, Currypaste wie denn au s rote Curry und e hot creamy soup kochet und natürli au gesse. Im Anschluss hend mir au alli Rezept übercho, damit mir das au mal dihai choche chöntet.Les mer
Se oversettelse
Reisende Freu mi scho uf dä Food, wo Julia zubereite tuet. Gseht lecker us.😋😉
12.09.2023SvarOversette
Reisende 🙈🙈
12.09.2023Svar
Reisende Do buech ich Dich grad wieder für min Geburi. Ich gseh do isch en Koch verlorä gangä. Mmmmmh.
14.09.2023SvarOversette
Reisende Hahah das isch doch guet!
14.09.2023SvarOversette
3 liker
Reisende Südostasien
- Vis reise
- Legg til bøttelisteFjern fra bøtteliste
- Del
- 13. sep. 2023, 10:13
- ⛅ 30 °C
- Høyde: 836 m
- Thailand Chiang Mai Province Ban Pha Mon Nam Mae Sapok 18.686695, 98.6088118°41’12” N 98°36’32” E
1
Dag 8
Chiang Mai 🐘
13. september 2023, Thailand ⋅ ⛅ 30 °C
Hüt morge hend mir wieder emol früeh müesse ufstoh, denn am halb 7ni sind mir bereits zu üsere Tour abgholt worde. S hütige Ziel: Elefante in Chiang Mai bsueche. 🐘

Nach enere sehr abentürliche Fahrt in Dschungel sind mir im Sanctuary „Into the wild“ acho. Nachdem mir paar Idrüück zu de Gschicht vo thailändische Elefante übercho hend, hend mir die riise Elefäntli dörfe füetere. Also Banane hends definitiv gern. Aschlüssend hend d Elefante mit üs en Spaziergang gmacht und mir sind ihne gfolgt. Die 4.5 Tonne schwere Tier chönd erstunlich guet klettere. Es wiiters Highlight vom hütige Tag isch au s Schlammbad und s Wasserbad mit de Elefante gsi. Die Tier putzet sich sehr gern au wieder und sprützet debii au gern d Mitmensche um sich ume mit Wasser ah. Abküehlig isch so für beidi garantiert. Denn ischs wieder nach Chiang Mai zruck gange und mir hend dene 5 Elefante-Ladies tschüss 👋🏻 gseit. Zruck ide Zivilisation sind mir geg de Obig no anen Markt gange. So sind au die erste Souvenirs postet worde. De hütig Tag bliibt also ganz bestimmt in gueter Erinnerig,Les mer
Se oversettelse
Reisende So schöni Tier 🐘
13.09.2023SvarOversette
2 liker
Reisende Südostasien
- Vis reise
- Legg til bøttelisteFjern fra bøtteliste
- Del
- 14. sep. 2023, 14:26
- ☁️ 27 °C
- Høyde: 1 064 m
- Thailand Chiang Mai Province Ban Doi Suthep Phra That Doi Suthep 18.805083, 98.921518°48’18” N 98°55’17” E
Dag 9
Chiang Mai
14. september 2023, Thailand ⋅ ☁️ 27 °C
Wills üs so guet in Chiang Mai gfallt, hend mir üsn Aufenthalt um zwei wiiteri Nächt verlängeret bevors denn witer goht. Nachemene feine Zmorge ischs mit de typische Taxi vo Chiang Mai uf de Berg Doi Suthep gange. Uf rund 1000 Meter über Meer befindet sich dötte en iidrückliche Tempel. Dadurch das de Tempel so hoch glege isch, het mer au e iidrückli Sicht über Chiang Mai gha. De Tag hend mir amene lokale Street Food Market mit live Musik usklinge loh.Les mer
Se oversettelse
2 liker
Reisende Südostasien
- Vis reise
- Legg til bøttelisteFjern fra bøtteliste
- Del
- 15. sep. 2023, 09:28
- ☁️ 18 °C
- Høyde: 2 579 m
- Thailand Chiang Mai Province Doi Inthanon 18.588167, 98.48722418°35’17” N 98°29’14” E
2
Dag 10
Doi Inthanon
15. september 2023, Thailand ⋅ ☁️ 18 °C
Hüt morge hend mir üs uf de Weg in National Park Doi Inthanon gmacht. Als erst het üs en iidrückliche Wasserfall erwartet. Aschlüssend hend mir üs uf e 2 stündigi Trekking-Tour durch de Dschungel gmacht und viel über de Stamm wo dette lebt und d Natur erfahre. Debii sind mir a wiitere Wasserfäll und au a saftig grüene Riisterassene verbiiglofe. Thailand het üs den no wölle zeige wie schnell sichs Wetter währed de Regeziit ändere chan und denn hets agfange regne. D King and Queen Pagoda (wo eigentlich e wunderschöni Ussicht het) hend mir so nöd würkli chöne gnüsse. Nichts destotrotz hend mir gfunde mir gönd sie ge erkundige. So isch au üsi Regejacke zum erste Mal im Iisatz gsi. Und zum Schluss sind mir no ufm höchste Punkt vo Thailand gsi. De isch sogar höcher als üse Säntis, nämlich ganzi 2565 Meter. Nur hets do paar Bäum meh :).Les mer
Se oversettelse
Reisende Erschti mol Rege? Das sind jo Hammer Föteli!!!!👍🤩
15.09.2023SvarOversette
Reisende Gregnet hets scho meh, aber det sind mir immer entweder imene Tempel oder süss igrendwo gsi. Aber mir hend do d regejacke so serst mol brucht :) daanke🥰
15.09.2023SvarOversette
3 liker