Reset search
USA 2023USA 2023
SatelliteEdit route

USA 2023

June - August 2023
A 38-day adventure by Luisa Read more
  • 13footprints
  • 1countries
  • 38days
  • 119photos
  • 6videos
  • 25.9kkilometers
  • 19.5kkilometers
Follow Calendar Share Bucket list
Date ascending
  • TravelerUSA 2023
    Day 1

    San Francisco

    June 25, 2023 in the United States ⋅ ☁️ 14 °C

    Hello Westcoast 🇺🇸😍

    2 Jahr hemmer planget uf üsi grossi USA Reis und am Sunntig isches ändlech sowit gseh! Mitem Flüger simmer einisch quer übere grossi Teich. Bide Akunft isch vorauem eis gsi, chaut🥶😂. Hätt üs niemer chönne säge, dass z San Francisco ou e chappe und händsche vo vorteil wäre?😥 Ide letschte 3 Täg simmer vöu underwägs gse, hei d Golden Gate Bridge, d Lombard Street, Alcatraz Island, China Town, d Painted Ladies, Fishermans Warft mit de Seelöie und die höche Wolkechratzer erkundet - und das meistens z Fuess oder mitem Bus. Gsamthaft 51‘000 Schritt, 36km!! De si die erste Pancakes, Burger und Burrito nur haubso schlimm. Hihi. 😝

    San Francisco isch e sehr vöufäutigi Stadt, es isch luuuuut ( vorauem wemmer z‘Gfühl het, dass über d GG Bridge loufe e gueti Idee isch🌁) und d‘Lüt si mega offe und quatsche eim sofort a. Mir si chli verschrocke, wie vöu Lüüt da uf de Straas läbe… und oftmaus ou ganz imene schlimme gsundheitliche Zuestand si. Ds Nädi kämpft grad no mitere Verchöutig, wo haut leider ou ned cha usheile, wenns dusse gfüuhti 10° isch und nieselet.

    Morn am Mittag gömmer üse Camper ga abhole. Mir si scho ganz gspannt uf üses Deheime für die nächste 4 Wuche.😍🚍    Read more

  • TravelerUSA 2023
    1
    Day 5

    SF - Monterey - Santa Barbara

    June 29, 2023 in the United States ⋅ ☀️ 26 °C

    Liebi Fründinne und Fründe!

    Ier gloubits ned: womer San Fran am Donnschtig verla hei, isch doch tatsächlech no d Sunne vürecho. 🌞 Nach mehrere Irrfahrte im U-Bahnnetz vo San Francisco hei miers de ohni Zwüschefau uf Fremont gschafft, wo mer mitemene Taxi schliesslech zude Campingvermietig cho si. Det isch üs e dütsche Herr, mir wüsse leider nid mau de name (mir toufe ihn de Engel Gabriel), erschiene, wo üs sini ganzi ! Campingusrüschtig GRATIS ! verschänkt het. Und de gueti Herr isch e Proficamper gse. Mir hei vode Chühltrueh über e Matrazeunderlag, Öl, Essig, Gwürz, Honig, blabla bis zum Swiffer aues übercho. 😍 Grüsse gehen raus nach Stuttgart! 🇩🇪
    Ersti Stopp: Walmart, e riese Ichoufslade. Nach baud 2 Stund hemmer üs dür aui Regau kämpft und üse Husrat vervouständiget. Zu üsem erste Stop z Moss Landing hets chli länger duuret, wägemene Unfau. D’Nädi het aber hindeinne agfange de griechischi Salat schnippsle, während d Chanti im Stau d Stöuig ghaute het. Sone Chuchi uf Räder het haut ou sini Vorteile🤩. De Camping z Moss Landing isch guet gse, gseh hemmer ne aber wägem Näbu und de Nacht nid würklech.. Wie profis hemmer aber Strom und Wasser agschlosse. Hüt simmer früeh witer und si uf üsi 4h-Fahrt richtig Santa Barbara. Zmittagshalt hemmer imene coole dänische Dörfli gmacht „Solvang“. Am Namitag simmer bi eher früschem Wind a Beach vo Santa Barbara und si später ou no s Städtli ga erkunde, wo üs mega gfaue het! 😍    Read more

    See translation
  • TravelerUSA 2023
    Day 7

    Los Angeles

    July 1, 2023 in the United States ⋅ ⛅ 17 °C

    Die Stadt der Engel 👼🏼

    Am Samstig simmer voller Vorfreud uf e entspannte Beachtag richtig Malibu gfahre. Leider isch de Näbu ou mit üs greist. Mir hei aber inzwüsche usegfunde, dass das Wätterphänomen i dere Jahreszit normau isch, wöus s Landesinnere so duet ufheize und de Pazifik so chaut isch, böudet sich Näbu ade Küste/am Meer. Das het üs aber nid devo abghaute üses Tüechli am Strand z platziere und s Füdli is Wasser zha (Luisa). Nach üsem Beachday hemmer no d Duschi i üsem Camper - mir heine eRVin touft🚍😂🤓 - igweiht und hei üs füre Venice Beach parad gmacht. Uf de Suechi nachemene Parkplatz simmer mit üsem eRVin ufem Boulevard zmitzt i flanierende Strandbsuechende glandet. Chli stressig gse, aber nur chli (siehe Video😂). Die skatende LA-Lüt hei üs aber sehr beidruckt und s Ässe bim MAO‘s Kitchen isch s günstigste und s grösschte gse bis itze😍.

    Churz vor knapp simmer im Dunkle uf üsem Hollywood Camping acho - wow, üs gfauts da! Am Sunntig simmer früeh ufbroche und hei ide Houptattraktione vo Hollywood/Beverly Hills und Santa Monica mitem HopponHoppoff e Bsuech abgstattet. D Chanti und d Nädle hei sogar de Rollercoaster ufem Pier usprobiert (siehe Foto). Vom Sightseeing hemmer durst übercho und üs drum es Getränk ufere Rooftopbar gönnt - definitiv üses türste Bier ever(40$ für aui😂). De usblick isch defür gratis, aber unbezahlbar gsi (Hollywood glam). 🤩

    Nach däm luxus isches wieder zrugg is glamcamp gange, wo üs s autägleche läbe wieder ighout het mit wäsche, choche, abwäsche, zmorge parad mache, ufruume und so wyter. 🧹🧼🪣    Read more

    See translation
  • TravelerUSA 2023
    1
    Day 9

    Universals & Griffith

    July 3, 2023 in the United States ⋅ ☀️ 28 °C

    Nachere churze Nacht simmer am 6.30 Uhr uf und hei de ganz tag d’Universal Studios erkundet. Bi gwüsse Attraktione hets immensi Wartezyte gha, wo sich aber sehr glohnt hei. Mir si grad mit de Revenge of the mummy gstartet, e krassi achterbahn, wo üs aui hellwach gmacht het. Eigentlich hemmer a dem Tag erwartet, dass mir verschiednigi Filmsets gsäi, es isch aber me wie e Europapark gsi. Vorauem de Harry Potter Teil het üs sehr gfaue und d‘Studio Tour, wo mer mehreri Filmsets hei chönne bestune. Mitem Taxi simer füre Abschluss vom Tag zum Griffith Observatory gfahre, wo mer e wahnsinnige Usblick über ganz LA und ufs Hollywood Sign gha het. 🌇 Mit Stadt, Land, Fluss hemmer üs d Wartezyt ufe Sunneundergang vertribe, leider hemmer de Apéro vergässe. 🥹 Hungrig simmer drum i In‘n‘Out Bruger gfahre und hei dä Hype um die bekannte Burger testet. Isch würklech sehr lecker gsi!Read more

    See translation
  • TravelerUSA 2023
    Day 10

    San Diego

    July 4, 2023 in the United States ⋅ 🌙 18 °C

    San Diego - Surfers Paradise! 🏄🏼‍♀️🌸

    Sit üsem letschte Itrag isch scho wieder vöu Wasser de Colorado River ab, aber üsi Täg si aktuell eifach immer vo Morge bis Abe erläbnisrich und zuesätzlech hemmer i üsem erste Nationalpark, Joshua Tree, kei Empfang gha. Aber aues i de reihe na! Ufghört het üse letschti Itrag in Los Angeles. Die Site, wo mir vo dere Stadt gseh hei, si sehr schön und hollywoodmässig gse! Witer simmer am Tag druf richtig San Diego und si nach 2 Täg früeh ufstah und de ganz Tag umelaufe, nah gsi, für e chillige Tag. Drum hemmer üses Zmorge ganz gemüüüütlich igno. Mir ässe meistens es Müesli mit griechischem Joghurt und Früchte, trinke e Orangejus (Chanti und Nädi) oder es Kaffi (Luisa), mitem stolz koufte Biagletti oder choche amene Sunntig ou mau es Ei 🥚. Üse Camper het zwar inzwüsche sehr vöu z biete, z.B. e Mikrowälle, det transportiere mer aber lieber üse Toaster, wo mer für 10 $ im Walmart kouft hei. De Alex vom Camping in Santa Barbara het das e sehr interessanti Transportart gfunde😂. Platzoptimierig isch sitem Start vo üsem Campingabentür sowieso üsi Houptbeschäftigung Nr. 1!

    Aber ebe, zrugg zu San Diego. Die Stadt het üs vom erste Momänt a fasziniert. Bis zum Strand simmer dür paar richtig cooli Ami-Quartierli gfahre - wie mer das vom Färnseh könnt. De Pacific Beach het üs de ändlech die langersehnte schöne Stunde am Strand bote und mir si sogar im chaute Pazifik go bade. D Luisa het üs s Surfe gründlech erklärt. Und übrigens; D Amis hei Nationalfiertig gha und vieli hei de Tag am Strand verbrunge. De Camping isch nachher richtig luxuriös gsi und het sogar e riese Pool gha, judihui😍. De 4th of July hemmer im heisse Wihrlpool gfiret und üsi Nachbere hei mit Liechter und crazy Deko Gas gä. 🇺🇸

    Am nächste Tag hemmer San Diego erkundet. Gstartet simmer im Balboa Park mit wunderschöne Gebäude und em Spanish Village, si witer uf Downtown is Gaslamp Quartier und de Wolkechratzer und de mitem Schiff uf Coronado Island zu de Riche und Schöne (füre Apéro het üses Budget knapp glänget). Wie sichs so nöch ade mexikanische Gränze ghört, si Tacos ufem Spisplan gstande und ou de Cheesecake ide Cheescake Factory isch himmlisch gseh - d Kalorie ignoriere mer mau.😉🍰 San Diego, du hesch üses Härz🫶🏼🌴🌸🇺🇸🏄🏼‍♀️.    Read more

    See translation
  • TravelerUSA 2023
    Day 12

    Joshua Tree Nationalpark

    July 6, 2023 in the United States ⋅ ☀️ 38 °C

    Nachere intensive Ziit a de Westküste hemmer im Stadtlebe de Rügge kehrt. Mehrspurigi Highways simmer hei üs id Wüesti gfüehrt, wo mer de aber eher elei underwegs gseh si. 🚍 Dürri Landschaft und höchi Ussetemperature si üsi stetige Begleiter gseh. Bevor mer i üsem erste Nationalpark ahcho si, hemmer no e Abstächer id Wüestestadt Palms Springs gmacht. Det simmer uf de Suechi nacheme Iiskaffee fascht verschmachtet, ds Thermometer het nämlich 42 Grad ahzeigt. 🥵
    Pünktlich zum Sunneundergang simmer im Joshua Tree Nationalpark ahcho. Mer si überwäutiget gseh vo de wunderschöne Natur. Öberau hets baumartigi Kakteegwächs gha, die sogenannte Joshua Trees, wo sich zwüsche bizarre Jumbo-Steine i de Ebeni usbreitet gha hei. Zerste Mau hemmer e Camping-Platz ohni Strom- und Wasserahschluss gha, nume Natur und ou ke Telefonempfang. Scho gliner aus erwartet, simmer de ufd Tier troffe, wo üs d Schilder devo gwarnt hei. Hase, Chipmunks, Rebhüener und Eidechsli si üsi Nachbere gseh. Bim Tomate schnide het d Chanti de sogar Bekanntschaft mit eme Koyot gmacht, drum hemmer de ds Znacht vorsichtshalber im Camper gesse. Nur die giftige Klapperschlange hemmer zum Glück nie gseh (mir vermuete, dass das as Böbner Christophs Stampf-Taktik gläge isch). 😉
    Endlich si ou üsi Sportkleider zum Ihsatz cho, wo mer am Morge früeh e Wanderig zum Mount Ryan undernoh hei. Wöu mir ja güebti Wandererinne si, hemmer grad no zwe wiiteri Rundwäge ahghänkt. Am Mittag und Namittag hemmer de e chline Vorgschmack devo öbercho, was üs i de paar nächste Täg werd erwarte. D Temperature si gstige und mir hei e Siesta dringend nötig gha, so hemmer üs de i üse Camper verzoge und hei Speli im Schatte vo üsem Erwin gspöut. Am Abe hemmer de nomau e wiitere Rundweg zum Skull Rock gmacht und bi Sunneundergang es Bierli ufem Jumbo Rock nebe üsem Campingplatz trunke, eifach herrlich!😍🍻    Read more

    See translation
  • TravelerUSA 2023
    Day 15

    Grand Canyon

    July 9, 2023 in the United States ⋅ ☀️ 34 °C

    Welcome to Grand Canyon Nationalpark 🌅

    Vom Joshua Tree Nationalpark simmer ufbroche und hei die gross Reis richtig Grand Canyon in Angriff gno. Wöu das aber zlang zum fahre gsi wär, hemmer ei Nacht in Kingman verbacht. Die Stadt lit direkt a de wäutberüehmte Route 66 und drum simmer doch tstsächlech ou die letschte 10 Minute det drufe cruiset. Mir wösse itz aber, wieso die Strass ihri Hochblüeti hinder sich het. Es rucklet und holperet, no me aus uf de andere Strasse. D Chanti het drum vorsorglech e Motion Sickness Tablette igno.😵‍💫 Imene mega coole 50er Jahr Diner hemmer üses Zmittag igno und si wiedermau erstunt gse, wie vöu und schnöu die Amis chöi ässe. De Shake, wo mir aus Dessert z dritte teilt hei, trinke si ganz säubstverständlech näbe Burger und Pommes aus Getränk zum Menu.🤨😂

    Bevor mer richtig Grand Canyon los si am nächste Tag, hemmer im Route 66 Museum no e Bsuech abgstattet und hei ganz vöu spannendi Sache erfahre, unter anderem, dass d Route 66 nur grad mau 100 Jahr in Gebruch gsi isch, bevor sie vode Interstate Outobahne abglöst worde isch. Ändlech simmer de am Abe im sageumwobene Grand Canyon acho und hei scho nach 200 Meter im Park fast es Wapiti mitgno (🦌). Erstunt simmer gsi, dass üs vorauem Waud und grüen begrüessthet und nid kargi und roti Fäuse. Bevor mer üs füre strängi Tag parad gmacht hei, hemmers aber ned chönne lasi und si de Sunneundergang überem Canyon ga luege. Es absoluts 10/10!🌅😍

    Ufgstande simmer mitemene 4 ufem Wecker und hei üs scho ganz früeh am Morge ufem South Kaibab Trail i Canyon abe gwagt. S tükische ade ganze Sach isch, dass mer bim Abstieg genau weiss, dass mer de glich wäg wieder ue muss und s vo Minute zu Minute heisser wird. Am Morge am 8:30 isch gfühlt scho 35°. Mir heis aber bis zum Skeleton Punkt (letschte Stop vorem Colorado) gschafft und si nach 4 Stund schwitze wieder obe acho. Drum simmer de Nami ruhig agange, mit Iskaffi, Spieli spile und gmüetlech zämesitze. Belohnt hemmer üs am Abe mitemene feine Barbecue! 🍻    Read more

    See translation
  • TravelerUSA 2023
    Day 17

    Page

    July 11, 2023 in the United States ⋅ ⛅ 36 °C

    Ufem Desert View Drive hemmer üs a verschiednige Ussichtspünkt vom Grand Canyon verabschiedet. Nid nur mier si trurig gsi, sondern ou de Petrus: Es het nach 2.5 Wuche z erste Mau gwitteret und grägnet und de eRVin erstrahlt i neuem Glanz. 🚌

    Nach 4 Stund Fahrt und emene Ichouf im 🐳-märt, hemmer üs ufem Camping in Page igrichtet. D Nacht isch heiss gsi, aber das chamer eifach im wörtleche Sinn verstah. 🥵 D‘Chanti isch nid nur einisch ufgstande zum de Airconditioner wieder azla.

    Früeh simmer drum wieder uf de Bei gsi, hei zmörglet und üs ufe Wäg zum Lower Antelope Canyon gmacht. D‘Tour vomene Navajo Indianer dür die gschwungnige Sandsteine isch eimalig gsi! S‘Farbspiel vo dene gäub über orange bis zu rote Fäuse isch scho fast chli kitischig gse und drum isches ou ned verwunderlich, dass Microsoft, Apple und LG die Fotos aus Bildschirmschoner bruche.🌅😍

    Am Namitag hemmer üs im Lake Powell abkühlet, es Iskaffi gnosse und eifach chli gsünnelet. Übrigens: Dür de Stoudam vom Colorado River isch s Glen Canyon Gebiet überfluetet worde und so isch de Lake Powell enstande. Das gseht mer ou de Stadt ah, wo 1957 usem Bode gstampft worde isch. Page isch würklich chli gsichtslos und längwilig. 🫣

    Will s Thermometer guet über 40° geit, hemmer ou de nächsti Tag mehrheitlech im Wasser verbrunge. Am Morge hemmer e Kajaktour 🛶 gmacht und am Nami simmer nomau a Strand. Wäre mer vorher z Las Vegas gsi und hätte de Jackpot knackt, hätte mer üs natürli es Boot gleistet, es het aber leider de glich nur fürs handbetribnige Kajak glänget. Trotzdäm simmer aber wie die Riche und Schöne mitemene Golfcart zum Alegepunkt brunge worde.💰

    Nach däm Wassertag hemmer no e Abespaziergang zum berüehmte Horseshoe Bend gmacht - zäme mit sicher 1000 asiatische Lüüt😉.    Read more

    See translation
  • TravelerUSA 2023
    Day 20

    Kanab und Bryce Canyon

    July 14, 2023 in the United States ⋅ ☀️ 36 °C

    Üse letschti Morge in Page isch gmüetlech gstartet. Mir hei de Chüehlschrank nomau gfüllt, de Ervin putzt und si richtig Kanab losgfahre. Prospektli hei vöu versproche, Kanab isch aus chlises Western Hollywood dargstöut worde und mir uf Cowboys und Saloons gfreut. Scho bim Bsuech vom Little Hollywood (wo aus Universals vode Western Filme beschriebe worde isch) simmer z‘erste mau ufe Bode vode Tatsache ghout worde. Chli me aus verlotteriti Holzhüüsli, vetröchnets Gras und Grümpu hets ned zum aluege gä. S Dörfli säuber isch ou ned so charmant gseh, wie mirs üs vorgstöut hei, aber s Znschtässe im Iron Horse het aues wieder wett gmacht. D‘Nädi het ändlech iri Saloontüre chönne ufschwinge, mir hei Live Country-Musig und authentischs Westernässe gnosse. 🍖🍟🔥

    Ufem Wäg i Bryce Canyon hemmer am nächste Tag no d Sand Caves vo Kanab besichtiget. Im Gägesatz zu anderne Attraktione si die touristisch no sehr unberühert und nachemene chline Chlätterakt hemmer die schöne Höhlene chönne bestune. Zum d Schlangebiss vermide, hemmer wiedermau Christoph-Böbners-Stampftechnik agwändet. D Chance, dass mer d Klapperschlange itz de mau träffe stigt, wöu mir inzwüsche aui andere vorakündigte Tier troffe hei. 🫨🐍

    Wo mir im Bryce Canyon acho si, simmer positiv vom informative Visitor Center überrascht gsi mit Kino, Sternekunde und geologische Modell. Zum Sunneundergang hemmer e 1.5 stündigi Wanderig düre Bryce Canyon gmacht und mir si absolut gflasht gsi vo dene rote Hoodoos (die rote Türmli) 😍🌅 und de höche Wänd i de sogenante Wallstreet. Wo mer zruggcho si, het üs d Chanti es feini Bolognese zouberet und mir hei de beeidruckendi Stärnehimmu agluegt, bevor mir bi agnehme Temperature si ga pfüsele. ✨💫    Read more

    See translation
  • TravelerUSA 2023
    Day 22

    Zion Nationalpark

    July 16, 2023 in the United States ⋅ ☀️ 37 °C

    Erhout simmer mitemene feine Zmorge i Tag gstartet und si nomau die schönste Ussichtspünktl vom Bryce Canyon abgfahre. Würkli e sehr ästethische Park😍. Uf üsere Reis fougt aber Highlight uf Highlight, drum si mier scho gli uf em Wäg richtig Zion Nationalpark gsi. Die Fahrt dür dä Park isch die bisher abentüürrichsti gsi. Die rote, änge, kurvige Strasse hei üs chli ad Lammschlucht erinneret und drum hemmer nid nur einisch gschwitzt. De Ervin isch aber heil unde im Tal acho! Begrüesst worde simmer bi mindestens 38° und d‘Suechi nach de Wanderusrüschtig füre nächsti Tag het üs einigi Närve kostet! 🔥🥾🥵

    Zum Glück het üse Camping e chline Pool gha, wo mer üs hei chönne ga abchüehle und mitemene feine Curry hemmer üs gstärcht fürd Wanderig am nächste Tag. Ganz nachem Motto der frühe Vogel fängt den Wurm simmer am 4:45 usem Bett use gheit, hei üsi gmietete Neoprensöckli und Wasserwanderschueh montiert, de Wanderstäcke packt und si zum erste abus am Morge losmarschiert. De Bus het üs zum Virgin River gfahre, wo mir die berüehmti Narrows Flusswanderig im Zion Canyon gmacht hei. Mir louft debi im Flussbeet stromufwärts und wird zum Teil bis zude Bruscht nass (vorauem die chlinere Gschöpf, aso d Chanti😉). Ds erste Mau dünkle im Fluss isch zwar rächt chaut - vorauem wenns Morge am 7ni isch - aber d Wanderig a sich isch ungloublech abwächsligsrich, schön und abentüürlech. Mir hei nid nur einisch gstuunet ab dere schöne Natur und hei de Fluss bim uewandere mehrheitlich für üs gha! Es het sich bezaut gmacht so früeh ufzsta. Bim Rückwäg simmer zwar mit de Strömig gschwumme/gloffe, aber es si üs scho gli die vorakündigte Touristemasse entgägegströmt. Wo mer am Mittag wieder devore acho si, het mer fast müesse asta zum usem Fluss usezcho und mir hei die unmöglechste Wanderoutfits gseh; vo de Nonnechutte bis zu länge Jeans isch aues debi gsi. 👖 Zrugg im Ervin hemmer e Rissalat gässe, chli Siesta gmacht und de Pool nomau gnosse. Us Belohnig für die 5-stündig Wanderig simmer am Abe ines feins Resti ga ässe und d Nädi het ändlech ihri 🦐-Pasta übercho. 🧆😍

    Ide nächste zwöi Täg wärdit ier ned so vöu vo üs ghöre. Mir gäi im Ervin 2 Täg Ferie, zieh is Luxor Hotel und möche Las Vegas unsicher.🥳 Wenn mer de Jackpot knacke, würde mer de spontan verlängere.💴😎    Read more

    See translation
  • 2024© FindPenguins
  • Home
  • About us
  • Blog
  • Group Tracking
  • Press
  • Terms
  • Privacy Policy & Cookies
  • Support
  • Legal notice
  • English