Schweden 🇸🇪

november 2023

Mit Interrail geits paar Tag i Norde. Enjoy! Läs mer

11fotavtryck
4länder
12dagar
73foton
0videoklipp
2,4kkilometer
2,4kkilometer

Följ Kalender Dela Bucket list

Resenär Schweden 🇸🇪
- Visa resan
- Lägg till bucket listanTa bort från bucket listan
- Dela
- 12 nov. 2023
- 🌧 7 °C
- Höjd över havet: 293 m
- Schweiz Basel Grossbasel Basel SBB Railway Station 47.546752, 7.58919647°32’48” N 7°35’21” E
Dag 12
Back in Switzerland
12 november 2023, Schweiz ⋅ 🌧 7 °C
D Schwiz het üs wieder... Mir hei e Schlafwage gha die Nacht u das isch scho recht komfortabel. Drum simer usgschlafe in Basel acho und si iz ufem heiwäg.
Se översättning
Resenär schön siter ume da! 🫶🏻
2023-11-12SvaraÖversätt
Resenär 😍😊
2023-11-12Svara
3 gilla-markeringar
Resenär Schweden 🇸🇪
- Visa resan
- Lägg till bucket listanTa bort från bucket listan
- Dela
- 11 nov. 2023
- ☁️ 8 °C
- Höjd över havet: 32 m
- Tyskland Schleswig-Holstein Lübeck Holstenhafen 53.866361, 10.68492953°51’59” N 10°41’6” E
Dag 11
Hansestadt Lübeck
11 november 2023, Tyskland ⋅ ☁️ 8 °C
Bevor das es hei geit, hei mer no e zwüschestop in Lübeck gmacht. Nach em ne feine ZMorge si mer dür d Altstadt gschlenderet. Di isch sehr schön u absolut sehenswert mit huufe aute Hüsli. Lübeck isch bekannt für z Marzipan u drum simer bi Niederegger Marzipan verbi, ds isch dr bekanntist. Di hei nämlech e Shop, es Cafe und es Museum. Mir si dert iz Museum u hei vieles über Marzipan und dHerstellig erfahre. Kouft hei mer üses Marzipan-Mitbringsel de aber im ne andere Lade vo ihne, da im Houptgschäft viiiiiu zviu Mönsche si gsi. Drum Tip faus dr mau in Lübeck sit: Si hei drü Läde ir Stadt u bi de andere zwöi louft grundsätzlech weniger.
Am Abe simer ume zrugg uf Hamburg, hei zNacht gässe u üs dr Abe miteme herte Uno-Fight verchürzt. När isches de ufe Nachtzug gange richtig Basel.Läs mer
Se översättning
3 gilla-markeringar
Resenär Schweden 🇸🇪
- Visa resan
- Lägg till bucket listanTa bort från bucket listan
- Dela
- 10 nov. 2023
- ⛅ 8 °C
- Höjd över havet: 42 m
- Sverige Skåne län Lund Universitetshuset 55.705211, 13.19118255°42’19” N 13°11’28” E
Dag 10
Es geit wieder gäge Süde
10 november 2023, Sverige ⋅ ⛅ 8 °C
Hüt morge hei mer no Lund erkundet. Z Morge hei mer bire feine Bäckerei gha. Gloub isch ganz guet, das mir nid z Schwede wohne, mir würde üs gloub ständig überesse hie. Lund isch es chlises Städtli mit vielne alte Hüser u Charme. Üs hets mega guet gfaue hie. Sogar dr Dom simer ga aluege. Ds sig schins dr ältischt vo Skandinavie, hei mer de später usegfunde. Dr Dom selber hani eher gruselig gfunge, aber dinne hets sons auts Uhrwerk mit Kalender u auem druf gha (siehe Bild made by Julian). Die Uhr hani echt faszinierend gfunde, vorauem da die oh scho hunderti vo Jahr aut isch.

Nachem zMittag simer ufe Zug richtig Kopenhagen u vo dert geits iz no uf Lübeck. Ungerwegs isch mau no z Sünneli fürecho, mir hei Uno gspielt, freud gha ab dr Modellisebahn im Bahnhof Kopenhagen und die dütschi Bahn fahrt natürlech oh scho ume zspät chum simer über Grenze. Die Fahrt geit insgesamt 7 Stund (je nach Verspätig de no meh), drum gits süsch nüm viu spannends.Läs mer
Se översättning
4 gilla-markeringar
Resenär Schweden 🇸🇪
- Visa resan
- Lägg till bucket listanTa bort från bucket listan
- Dela
- 9 nov. 2023
- 🌧 8 °C
- Höjd över havet: 94 m
- Sverige Stockholm Stockholms Kommun Johanneshov Skyview 59.293636, 18.08288359°17’37” N 18°4’58” E
Dag 9
Ussicht über Stockholm
9 november 2023, Sverige ⋅ 🌧 8 °C
Mir hei hüt Hostel mau chli früecher verlah aus süsch, hei üses Gepack ines Schliessfach tah am Bahnhof u si afa mau ga zmörgele. När hei mer müesse üse Zug für hüt no reserviere, da über d Interrail App aus usbuecht isch gsi. Mir hei emu no es Plätzli übercho. Nach em bueche simer no zur Avicii Arena gfahre. Dert hets quasi so Chugle vo ufd Chugle fahre u ds nennt sech SkyView. Mir si di einzige gsi u hei d Chugle u d Ussicht für üs gha. Me fahrt dert 5 Minute ufe, het 5 Minute Ussicht u fahrt ume 5 Minute abe. D Ussicht isch würk super gsi, aber es isch schad, isch me nid so lang dobe. Z Fahrwärk het mi schlussendlich de meh intressiert 😂☝️
Nachdem simer ga Käffele, ga zMittag choufe und ab ufs Zügli. Es geit nämlech langsam heizue u drum simer iz uf Lund gfahre. Ds isch e Studentestadt ir nechi vo Malmö u morn wird die no erkundet.Läs mer
Se översättning
Resenär aso mi hätt iz das fahrwerk o biz me interessiert als dussicht 😍
2023-11-10SvaraÖversätt
Resenär I love it 😂😍
2023-11-10SvaraÖversätt
3 gilla-markeringar
Resenär Schweden 🇸🇪
- Visa resan
- Lägg till bucket listanTa bort från bucket listan
- Dela
- 8 nov. 2023
- 🌧 7 °C
- Höjd över havet: 44 m
- Sverige Stockholm Stockholms Kommun Djurgården Skansen 59.326626, 18.10528259°19’36” N 18°6’19” E
Dag 8
E guet gnützte Rägetag
8 november 2023, Sverige ⋅ 🌧 7 °C
Was macht me somne klassische Rägetag ire Stadt? Genau, me geit ines Freiliechtmuseum☝️Mir si im Skansen gsi, ds isch mitz ir Stadt u i däm Park wärde alte Kulture u Hüser vo Schwede zeigt. Dä Park gits scho sit über 100 Jahr isch würk sehr sehenswert. Da es würk dr ganz Tag het grägnet simer fasch allei gsi u ds isch würk cool. So hei mer üs mega viu Zit chönne näh u teilwis hets Mitarbeiter:inne gha, wo eim de die aute Hüser, Traditione oder Maschine erklärt hei. Nach em zMittag hei mer dr Räge doch de chli gseh u drum simer no ir Paradox Museum. Dert hets viu so Illusione u mir hei üs dert super chönne beschäftige.
Nachdem simer doch de rächt knüttlet gsi u si zrugg iz Hostel ga häre liege. Am abe simer de no feini Köttbullar ga zNacht esse. 😋Läs mer
Se översättning
4 gilla-markeringar
Resenär Schweden 🇸🇪
- Visa resan
- Lägg till bucket listanTa bort från bucket listan
- Dela
- 7 nov. 2023
- ☁️ 7 °C
- Höjd över havet: 21 m
- Sverige Stockholm Stockholms Kommun Norrmalm Norra Bantorget 59.335895, 18.05073159°20’9” N 18°3’3” E
Dag 7
Hej fran Stockholm
7 november 2023, Sverige ⋅ ☁️ 7 °C
Ab id Houptstadt. Losgange isches oh dä Morge wieder mit ere Verspätig. Aber mir si guet gäge Mittag in Stockholm acho. Dert hei mer oh gad scho dörfe im Hostel ichecke.
Ner simer los solangs no hell isch. Zersch simer afa mau ines Kafi u mer hei mer früsch gstärkt Gamla Stan erkundet. Ds isch d Altstadt vo Stockholm. Mir si erstunlecherwis recht allei gsi dert, was mega friedlich isch gsi. Di Gässli u Hüsli si recht beidruckend. Wos de het afa dunkle simer ir Shoppingstrass glandet u dert hei mer de chli glädelet u paar Souvenirs kouft.Läs mer
Se översättning
4 gilla-markeringar
Resenär Schweden 🇸🇪
- Visa resan
- Lägg till bucket listanTa bort från bucket listan
- Dela
- 6 nov. 2023
- ☁️ 7 °C
- Höjd över havet: 39 m
- Sverige Östergötlands län Linköping 58.41383, 15.62886658°24’50” N 15°37’44” E
Dag 6
E ungwollt länge Reisetag
6 november 2023, Sverige ⋅ ☁️ 7 °C
Üses nächste Ziel vo üsere Reis isch Linköping. Ds isch zwüsche Göteborg und Stockholm. Mir si am Vormittag ufe Zug wo me het müesse reserviere. Dä isch aber scho e halb stund z spät abgfahre, was chli blöd isch gsi, wiu mir oh genau so viu Zit hei gha zum umstige in Katrineholm. Drum hei mer scho mau afa luege, wenn das de dr nächst würd fahre u hei gmerkt, das Züg vo Katrineholm uf Linköping nume au stund fahre. Irgendwenn ungerwägs isch de dr Zug nomau länger zum stah cho. Wiso wüsse mer leider nid, da Durchsage nume uf schwedisch si cho u mir absolut kes Wort hei verstande. 😜 Nach eme zitli simer emu de witergfahre u mit über eire stund Verspätig z Katrineholm acho. Aber isch no gäbig gsi, wiu so heimer emu de nüm lang ufe Aschluss müesse warte. Ungerwägs simer a vielne See verbi gfahre u schöne Herbstlandschafte, hei gläse oder gfachsimplet, was äch dr Zugbegleiter i sire Durchsag het gseit. Mir si guet acho in Linköping (oh wes 1.5h später isch gsi) u si de ga esse u no bitz dür z Städtli gloffe. Hie gäbs es cools Freiliechtmuseum, aber ds isch hüt leider zue gsi u morn tuets üs oh z spät uf für das mer no chönnte gah. Drum ischs iz eifach e Zwüschestopp u morn geits für paar Tag id Houptstadt.Läs mer
Se översättning
5 gilla-markeringar
Resenär Schweden 🇸🇪
- Visa resan
- Lägg till bucket listanTa bort från bucket listan
- Dela
- 5 nov. 2023
- ☁️ 9 °C
- Höjd över havet: 17 m
- Sverige Västra Götalands län Göteborgs stad Nordstaden Vallgraven 57.705039, 11.96699757°42’18” N 11°58’1” E
4
Dag 5
Göteborg
5 november 2023, Sverige ⋅ ☁️ 9 °C
Hüt morge hei mer z Halmstad no es meeega grosses zmorge Buffet gha. Dr Ort und z Hotel het mer mi Mitbewohner empfohle gha u es isch würk super gsi.

Da Halmstad nid so viu süsch z biete het, simer direkt witer uf Göteborg. Ds isch di zwöit gröschti Stadt vo Schwede u sogar z nachhaltigste Reiseziel weltwit, säge si.
Göteborg het chli meh z biete aus Malmö. Mir si dür d Stadt gloffe u i ds Quartier Haga. Dert gits e Spezialität namens Hagabullen. Ds si eifach so riesigi Zimtschnägge. Mir hei natürlech eini probiert, aber nur e Miniversion.
När simer no zum Skansen Kronan ufe, ds isch früehcher e Wachturm gsi u hüt het me eifach e mega guete Usblick uf d Stadt. Vo dert gseht me oh guet wie grüen dases isch u grössi isch eim gar nid so bewusst.
Üse Rhythmus wird aktuell recht beiflusst, das mittlerwile ab de 4i scho am idunkle isch. Mir wärde schnäu müed u hei zgfüehl es sig scho mega spät. Dür das gö mer aube früeh ga liege u schlafe oh sehr lang, was aber oh sehr guet tuet.Läs mer
Se översättning
Resenär hesch am schuumgott dankt?
2023-11-05SvaraÖversätt
Resenär we love the schuumgott 🫶🏻😂
2023-11-05SvaraÖversätt
Resenär I danke ihm immer ☝️😂
2023-11-05SvaraÖversätt
Resenär wär seit dases nid ä Schuumgöttin isch? 👀
2023-11-13SvaraÖversätt
Resenär I däm Fall isches e Herr gsi. We e Frou z Kafi macht ischs natürlich e Göttin 🤝
2023-11-13SvaraÖversätt
3 gilla-markeringar
Resenär Schweden 🇸🇪
- Visa resan
- Lägg till bucket listanTa bort från bucket listan
- Dela
- 4 nov. 2023
- ☁️ 9 °C
- Höjd över havet: 15 m
- Sverige Skåne län Malmö 55.605083, 13.0030455°36’18” N 13°0’11” E
Dag 4
Einisch über Grenze
4 november 2023, Sverige ⋅ ☁️ 9 °C
Am Morge hei mer no es sehr feins zmorge gha z Kopenhagen, ner hei mer packt u si gmüetlech a Bahnhof gloffe. Üses nächste Ziel isch Malmö gsi u dert here fahre Züg sehr regumässig. Nach ere halb Stund Zugfahre über d Öresundbrügg u somit über Grenze uf Schwede, simer de z Malmö acho. D Stadt isch nüt mega speziells. Mir hei aber e auti Mühli gseh, wo mer mega het gfaue. Was üs recht het fasziniert isch z Quertier Västra Hamnen mitem Turning Torso, e Turm wo sech um di eigeni Achse dräiht. Z Quartier u Malmö selber isch sehr am wachse u bekannt für ihri Architektur u Stadtentwickligsprojekt. Oh we mir nie i so grosse Komplexe wette wohne, isches no recht spannend gsi u erstunlech ruhig. Nach es paar Stund simer de witer gfahre uf Halmstad, wo üses Hotel isch.Läs mer
Se översättning
6 gilla-markeringar
Resenär Schweden 🇸🇪
- Visa resan
- Lägg till bucket listanTa bort från bucket listan
- Dela
- 3 nov. 2023
- ☁️ 11 °C
- Höjd över havet: 18 m
- Danmark Region Hovedstaden København Vesterbro Copenhagen Central Station 55.672693, 12.56177755°40’22” N 12°33’42” E
1
Dag 3
Kopenhagen
3 november 2023, Danmark ⋅ ☁️ 11 °C
Z Kopenhagen simer gester Abe scho acho, aber si de glii ga liege.
Hüt simer de derfür dr ganz Tag dür d Stadt gloffe. Zersch hei mer üs mau es grosses Kaffi gönnt u ner simer de dür d Shoppingmeile zum runde Turm gloffe. Uf de Turm gits ke stäge, sondern me louft so im Kreis ufe. Dobe het me de e super Ussicht uf Kopenhagen.
Nachdem simer no witer zum Schloss Rosenborg u si ds oh vo inne ga aluege. Womer si usecho isch scho nachem Mittag gsi u mir hei beidi mega hunger ha, drum hei mer nis schnäu es Resti gsuecht.
Gstärkt simer de witer gloffe dür d Stadt u si natürlech no bim Nyhavn verbicho. Mir si beidi scho mau z Kopenhagen gsi, aber Julian het Nyhavn no nie gseh u drum hei mer ds unbedingt müesse nachehole.
Ab de vieri fahts hie scho afa dämmere, was ar Stadt oh ne spezielli Stimmig git. Müed simer iz ume zrugg iz Hostel zum Bei höchlagere u ner gömer de no ga zNacht esse. Morn geits witers uf Schwede.Läs mer
Se översättning
Resenär ❤️🫶🏽
2023-11-03SvaraÖversätt
5 gilla-markeringar