Reset search
Mittlerer ORIENTMittlerer ORIENT
SatelliteEdit route

Mittlerer ORIENT

November 2022 - March 2023
Gstartet von Südtirol über Istanbul noch Oman und weiter bis noch Indien. Olls wos dornoch kimmp isch no offn... Also losst enk überraschen😉 Read more
  • 19footprints
  • 6countries
  • 106days
  • 287photos
  • 30videos
  • 29.6kkilometers
  • 16.4kkilometers
Follow Calendar Share Bucket list
Date descending
  • Mittlerer ORIENT
    Day 96

    Nepal

    February 28, 2023 in Nepal ⋅ ☀️ 1 °C

    Jooo i bins wider und sel zum lesten mol fir de Reise... Iaz wenni des schreib sitzi shun ollaweil gemiatlich dorhoam af dor Kautsch und bin shun shun seit 2 Toge wider do...

    Ober nomol zrug zu kemmen in Delhi afn Flughofen unkemmen homor glei an schock gekriag... und wiso sel? Si hoben ins gsog mir terfen net noch Nepal ohne Corona impfung... Mir hoben probiert zu sogen dass di Lisa allergisch isch und hoben ins olle meglichen Sochen einfollen glossen... ober nix.... Nor homors oanfoch nomol ba a ondere Ungstelltn probiert, und schwunbs, di sel hot nix gsog wegn a impfung und zag wor mor drin in Fliager aud auf ischs gongen noch Nepal...

    Di ersten 2 Toge hom dorin bestontn dass mir ins awia is historische Viertl fa Kathmandu ungshaug hoben, wia di Stupas und a poor olte Bauten... Is ondere wos mor a no vor ins kop hbn wor zu planen wo mir genau a Wonderung mochen... Noch awia ummerinformieren isch nocher ins Langtang Tol gongen...
    Gonze 8 Stund sein mor mit den rießen Bus af de schmolen Bergstraßler gfohren, wobei es lei 120km woren... Unterwegs homor a potsch kop a no, ober sel hoben de Mander innerholb 10min. olls wider gerichtet kop...
    Auf ischs gongen und mir hoben jeden tog über 1000hm gemocht, bis mor noch 3 Toge afn Gipfl von Kyanjin Ri glondet sein, und sel auf 4770m... Es wor extrem streng, überhaup weili 17kg afn Buggl kop hobn, ober mir hobens gschofft... Es wor wirklich extrem in so a heache zu gian, weil holt oanfoch di Luft knopp wert... Ober mir hoben durchgezogen trotz Schnea und Blotern af di Fias... I wor erstaunt dass des meine 35€ Decathlon Schuach des so einwondfrei mit gemocht hoben...
    Noch innsgesomt 5 Toge weit über 3000hm 65km und viele Stunden wondern sein mor nor wider sicher im Tol un kemmen, und in Tog drauf wider mit den supper Bus zrug noch Kathmandu gforen...
    Mir hoben ins no mithilfe an Fohrer ins di Stattler Bhaktapur, Dhulikhel, Namobuddha und Panauti ungshaug.. Sem homor awia di Aussicht genossen und sein in de volle olten Stattler awia umhergschledert...
    Holi homor a no gfeirt und mir als Turischten sein logisch a attraktion gewesen und demendsprechend a iberoll voll Forbe gewesn...
    Di lesten Toge sein draus bestonden dass mor beade in Bett glegn sein und kronk worn... Einmal alles mit Mogengrippe Kopfea und Fiaber... Sel wor zimlich schode dass mor insre gemeinsome Zeit nimmer mehr ausnutzen gekennt hoben, ober joh so isches holt amol.... Di Reise isch fir mi nocher hoam gongen und fir di lisa weiter noch Thailond... Noch über 30 Stund bini sicher in Mailond unkemmen un fa meiner Supperschwester ohgholt worden, und sicher hoam gebrocht worden...

    Olles im Ollem wor Nepal mega!!! Es wor mega zum Wondern und a muss fir jedn der gern afn Berg geat... Oanfoch lei unbeschreiblich in welche ausgsetzten Gebiete dass men do isch...

    Zur gonzen Reise konni oanfoch lei sogen, es wor a einzigoetiges Erlebnis es wirklich net olm leicht, ober mir hoben soo viel glernt und gsegn... Es isch oanfoch lei verblüffend wia di Leit in de Länder leben... Mir hoben mega schian Zeit kop ober i muas a sogen, man isch a wider froa dorhoam zu sein... Es isch glabi gonz schwirig iaz olles in Worte zu fossen, obr i hoff a es hop viele eindrücke sommeln gekennt wo mor woren und wennes genauer wissen wellt, nocher kemmer enk sel gern persönlich erzehlen oder no besser es fohrt selber dort hin... i konn enk lei sogen DIE WELT ISCH BUNT....

    Enkre Bergsteiger

    Rene&Lisa

    Peace and Out

    Auf ein nächstes mal    Read more

    See translation
  • Mittlerer ORIENT
    Day 93

    Lucknow und Delhi

    February 25, 2023 in India ⋅ ☀️ 30 °C

    Halllo Ihr Lieben!!!
    Heint hon i (enckre Lisa) di besondere Ehre den fost schun speziellen Eintrog zu schreiben:

    Es isch dor leste Beitrog von ins in Indien!!!

    Noch gonze 2½ Monate durch des aufregende Lond INDIEN, mit gonz vielen Eindrücken, Erlebnissen, Erfahrungen und einigen Pannen, geat die Reise weiter (kloaner Spoiler) ins Gebirge von NEPAL ober davon an onderes mol mehr :)

    Noch Varanasi wollt mor erster glei schun noch Delhi mittn Zug weiter fohrn, ober weil ins di Zug Zeiten nt gepasst hobn (ankunft oder start ollm zwischn Mitternocht und 5e in dor fria) ober vlt a weil mor es leste mol im Zug bis noch Varanasi so viel mitgemocht hoben, hots vor Delhi no an kloanen Zwischenstopp in Lucknow geben.

    Noch a gonz unkomplizierten Zugfohrt (mir sein es erste mol sogor mit dor 1.Klasse gfohrn weil die Tickets nt so teuer worn und lei mehr sell frei wor) und a bequemer Nocht (inser Homestay wor eher auserholb, wesholb mir sogor mit Vogelgezwitscher aufgewocht sein und nt mit Hupen) hob mor 2 Toge die Stodt besichtigt und sie hot ins wirklich positiv überrascht. Lucknow isch eigentlich gonz unbekonnt und es sein a gor nt so viele Touristen sem gewesen ober decht hots richtig viele historische Bauten zu bewundern geben (so viele wia bisher in koaner onderen indischen Stodt) und a di Lokale sein viel moderner und westlicher gewesn wia in ondere Orte. Mir woren ban Mekka 2.0, wos a rießige Onloge wor mit olls verschiedenen muslimischen Bauwerken und a bon an ondern groaßn historischen Denkmol, wo einige der wichtigsten Inder mit großen Statuen verewigt worden sein. Es gonze hot awia an Oman erinnert und mir hoben selber nt genau verstonden wieso sie so a große Fläche für des aufoanmol hergenummen hoben, ober ins hots gegfolln, vlt a awia weil mir genau ba sonnenuntergong sem woren und über die gonze stodt gsegn hobn.

    Noch 3 Toge ischs don wieder reibungslos weiter noch Delhi gongen wo mor gonz ebes besonderes vor kop hoben: A nobles Essen in oan von die besten Restaurants in Indien.
    (sell hot sich dor rené ollm gewünscht zu tian auf inserer reise a wenn i nia wkl von sem begeistert wor.... decht ischs don passiert) Mir woren im Accent India und hoben a 9 Gänge Menü gegriag (schun sel wor mor viel zu nobel) ober i muass sogen es wor echt richtig guat. Bsunders cool wor, dass sie ba jeden Gericht die indische kuchel ingebaut hoben und mir so nomol a richtig guatn ausklong von dor traditionellen indischen Kuchl gegriag hoben.

    Am nächsten Tog isch don lei mehr direkt zum Flughofen gongen und wos ins sem schun wieder schlimmes passiert isch, wesholb mir fost illegal eingereist sein und ob mor guat unkemmn sein, hert es es nächste mol wieder von René.

    Kurz no a schlusswort zu INDIEN!
    Es wor a einmalige erfohrung und a wenn viele dinge extrem worn und vielleicht nt so wia men sichs vorgstellt hot isches a Lond wos men mindestens oanmol in sein Leben gsegn hobn muass. Es hot so viele verschiedene sochen zu bieten und hinterlost auf jeden foll an bleibenden Eindruck! Egal ob am Strond, in groaße städte oder in die national Parks es bleib ollm ebes schians hängen, wieso i iaz a sogen muass dassi richtig froah bin so a schiane rundreise gemocht zu hoben und mi a in zukunft no gern drun zrugerinnern wer! :D

    Enckre NOBLEN für ein lestes mol INDER

    Lisa&René    Read more

    See translation
  • Mittlerer ORIENT
    Day 88

    Darjeeling und Varanasi

    February 20, 2023 in India ⋅ 🌙 23 °C

    Jooo weiter gehts... Als mir nocher aufn weg worn noch Darjeeling homor schnell gemerkt wia kolt dasses do oben sein wert. Wors nocher ah. Knoppe 7 grad hots kop. Sel hot in meine Wadl in di Kurzen Hosen logisch wianiger gegfolln. Dorzua hots gregnet und dor Wind isch ah no gongen.
    In inser Homstay wo mor di ersten 2 nächte gewesen sein wors innentn drin gleich kolt wia ausetn drausen, und joh es hot gleich gezochen wia drausen. Irgendwia homors decht überleb und ins nocher fir di negsten 3 Nächte a besseres Hotel gebuacht, wos sogor a bettwärmer geben hot.
    Insre insgesomt 5 Tog hoben so ausgschaug indem mir Tee verkostet hoben, ins a poor historische Monumente ungshaug hoben, in botanischen Gorten, a Sunnenaufgong afn Tigerhill, und logisch a di Teefelder. Oke so weit wia mor holt a gsegn hoben, weil es wor olm zimlich neblig. Sel wor a dor Grund wiso mor net mit dor Soalbohn no weiter aui gfohren sein, wo men wirklich a mega Ausblick afs Himalaya Gebirge kop het.
    Deswegn sein mor a oanfoch viel in dor Stodt manonder gongen und hoben ins is Leben fa di Leit do ungshuag, wos wirklich sehr interessant wor. De Leben do ständig mit Temperaturen ba di 10C°, lossen ober olm di Haustir offen und heizen a net oder mochen a fuir. Afn Morkt kriag men olls zu kafen fa exotischen Gemüse und Obst, bis Fleich und Fisch oller Ort. Koane ohnung wia des olles do auer kimmp. An sich ober a mega schianer Ort, sicher unter die top 3 Städte fa Indien.

    Weiter isches gongen noch Varanasi, und sel, sel wor nt so oanfoch... Es isch wider 3h mit a Jeep in di Stodt oi gongen, fa sem nocher homor an Zug gebuacht kop. Durchdem dass di Inder olm so guat organisiert sein und olles so verständlich mochen, homor inseren Zug net gfuntn und er isch vor insere Augen awek gforn, und sem homor nt amol gewisst dasses inserer isch. Mir hoben ins nocher in a onderen Zug geschmuggelt und sein sem nocher 18h in dor schebigsten Klasse noch Varansi getukkert. Es wor grausig viel zu überfüllt viel zu eng und oanfoch lei laut, ober mir hobens überleb, wenn a hort.

    In Varanasi homor Stundenlong in di engen Straßler umanonder geirrt und ins a Bild fa dor Stodt gemocht. Ban heiligen Ganges endlong seinmor gongen und hoben ins ihmene Rituale sem ungshuag. Di greaschte Verbrennungsstätte af dor Welt homor ah gsgen. Und joh i red do fa Mensche verbrennen. In oan Tog werdn bis zu 200 Leit do verbrennt, und sel oanfoch vor deine Augen. Di Asche wert nocher in den Fluss eini geworfen, wo 5 meter dorneben di Leit schwimmen. Also des Spektakel muas men wirklich amol gsegn hoben. Oanfoch lei krass. Es werdn ober nt olle leit verbrennt: Schwongere, Heilige, unter 15 jährige und durch a Kobrabiss getötete Menschen werdn nt verbrennt. Oan Obend homor ins nocher a no a Bootsfohrt in Ganges gegönnt und ins di Obendzeremonie ungshaug.

    Alles im Ollem Sein des sicher 2 Städte de men in Leben amol gsgen hoben muas, und des a sicher nt 2 mol gib.
    Woos fir ins weiter geat und wos insere Pläne sein seges nocher ban negsten mol...

    Enkre Kälte robusten Freunde

    Rene&Lisa    Read more

    See translation
  • Mittlerer ORIENT
    Day 80

    Süd u. west Sri Lanka, Kalkutta

    February 12, 2023 in India ⋅ 🌙 25 °C

    Jojo heit meldi mi a wider amol zu worte...
    Also losst mi überlegen wo i stian gebliebn bin... Ajohh genau, in negsten tog isches glei abendteuerlich losgongen und mir hoben ins a Private Safari in Lunugamvehera National Park mit an Guide gegönnt... Und joh es wor zwor erst meine 2. Safari in mein leben obr i muas sogen es wor wiklich so interessant... Ins isch wirklich so viel gezoag und erklärt worden über der 4,5h fohrt durch den sumpfigen Park. Mir hoben sehr viele Vögl, Schildkröten, Krokodile, Hirsche, Büffel und a Elefonten gsegn... Olls wos men do aso segen konn, oke auser a Leopard...

    Afnocht ausi isches mit insere Blechpixe bis gonz in Süden noch Mirissa gongen, sel hoast wider amol am Strond. Und joh sem homor nomol richtig di sunnen und is guate Wetter genossen... Obwohl es hot sogor 2 mol richtig an Monsunregen geben... Mir hoben ins ober net fan sem aufholtn glossen und hoben ins Tog fir Tog weiter an der Küste übern Waligamabeach, Hikkaduwabeach, Angelsbeach und wiase olle ghoasen hoben richtung Colombo weiter gschlängelt. Mir hoben sem nocher a is erste mol af insere Reise Südtiroler getroffen. Mir hobens ins net nemmen lossen gekennt und hoben logischsr weise a 2 Tee Fabriken ungshaug.. Wia de do orbeiten und unter welche Bedungungen isch wirklich krass, in jeglicher hinsicht... (sel segen nocher a ba di Fotos)

    An gonzen Tog homor nocher a no in Colombo verbrocht und ins di Stodt sem awia ungshaug... Wos wirklich erstaunlicher weise recht modern worn... Ober nocher isches a shun wider richtung Flughofen gongen, und hoben ins gfreit inser treues Gefährt gonz wohl und unverletzt (erstaunlicherweise) wider zrug zu geben.. Inser Fliager isch um 3 in dor friag gstartet sein in Chennai um holbe 5 unkemmen und nocher weiter noch Kalkutta (nord-ost Indien) und sein sem nocher gegn 11 Vormitog unkemmen (an der Stelle danke AirIndia für de tollen Verbindungen und Flugzeiten😵) Mir sein miad obr guat und ohne Probleme in Kalkutta unkemmen...

    Villeicht denken sich iaz a poor wiso wider Indien, joh mir hoben eben Indien komplett umruden gewellt und joh des eggele fahlt eben no... Kalkutta an sich a mega Stott wirklich oane fa di bemerkenswerten Städte fa Indien.. Gonz onderst wia viele onderen..
    In Kalkutta homor ins nocher über 3 toge sehr viele einblicke über di Stott verschofft. Über di reichen vierte wia di Sudderstreet und is Victoria Memorial ober ah di lokalen Blumenmärkte wos wirklich prutal zua geat und a in normlen Morkt. Ban sem hots di obteilung Obst u. Gemüse, Kleidung und leider Fleisch bzw. Tiere geben. Und sel Obteil wor wirklich is grausigste wos i je in mein Leben gsegn hon, afn Boden wor a 2cm hoach schicht voll Bluat und innerein fa Tiere überollt sein toate Hennen ummer glegen usw.. Wias grochen hot kenntes enk vlt vorstellen ba ca 30 grad... Fotos zoagi fa sem enk koane weil des will wirklich niamend segen... Ober joh, mir hoben weiter gemocht und ins no fa di schianen Straßler und dor Stottbrugge a shianes bild fa der Stott gemocht...

    Nocher isches a shun weiter gongen noch Norden und sel noch Darjeeling... Sel hoast erster 8h mitn modernsten Zug fa Indien noch Siliguri und fa sem mit a Sumo Taxi zu 12 in a Mitsubushi Jeep 3h af a extrem engen und steile Bergstraßl af über 2100 Meter aui... Di fohrt sem aui hot ins knoppe 3€ gekostet weilmor ins glei mit a einheimischen paarl ungfreindet hoben und di sel gewisst hoben wia men verhondeln muas...Joh und wia sem weiter geat erzehli enk is negste mol...

    Enkre Schnellreisenden

    Rene&Lisa    Read more

    See translation
  • Mittlerer ORIENT
    Day 67

    Chennai nach Sri Lanka, Zentral Sri Lank

    January 30, 2023 in Sri Lanka ⋅ ☁️ 18 °C

    Jooh, i bins wider amol. Es isch schun wider awia her, obr deswegn honi enk a wider awia eppes zu dorzehlen. Gor awia eppes. Mir sein Mittlerweile in Sri Lanka, wia wohrscheindlich di meisten shun wissen. Des Lond wor eigentlich nia af inseren Plan ober nochdem Bangladesh noch einiger Nochforshung, awia zuu wild gewesen waret, homor ins spontan endschieden do her zu kemmen...

    In Chennai homor ins no awia umgshaug, sem hots insrer Meinung noch net viel zu segn geben auser is klassische in Indien, viel Autos, schlechte Luft, Lärm, Obgase und schebige Hitten...
    Dor Flug an sich isch tadellos ohgloffen, ohne irgend a vorfoll (fost a wunder ba ins🤞) In Sri Lanka nor unkemmen homor insre Verhondlungsfähigkeiten wosmor in Indien glernt hoben ba den unsimpatiachen Lotter fa dor Autovermietung auserglossen. Noch über 2h verhondeln und diskutieren homor nocher insre Gazelle ergattert (a Foto fa den Prochtstück seges ba dir Bilder) .
    Mit leichtenden Motorlampele und a rundum dorschlogenen Grotten isches nocher af der linksverkehr Stroße und logischs linkslenker losgongen😅

    Afn weg Richtung Norden noch Anuradhapura homor a wirkliches Paradies fa Unterkunft mittlt in di Palmem gfuntn. Richtig nette Gostgeber seins gewesen de fir ins a gekocht hoben.. Dor negste Tog hot draus bestontn sich so viele Segenswürdigkeiten in der Stot un zu shaugen ohne sich fa der koruppten Polizei dorwischen zu lossen, und 20€ zu zohlen dass men in der Stott eini terf... Logisch homor sel gemeistert (mir schlawiner). Gsegn homor a poor buddistische Stupas, und a in Ort wo dor Budda endstontn isch...
    In negsten Tog isches ba Sunnenaugong ba über 1500 Stiagen shun afn Sigiriya aui gongen, wo mors richtig shian ghop hoben. Speter sein mor nocher über Teefelder no zu a riesiger Buddha Figur gfohren und hoben ins a no is Stattl Kandy ungshaug.

    Gschlofen homor mittlt in di Teefelder drin af über 1000m (wos do hoach isch) in a mega schianen Bungalo mit a Spinne wos gleich groaß isch a Epflkiachl und a Salamander gleich long wia a Kaminwurze... Ober mir hoben ins nix unkemmen glossen (oke i hon in Besitzer gfrot und er hot fsog de sollet net gfählrich sein👍😬) Weiter isches gongen in Gebirge ba schmole Stroßen zwische olls Teefelder und Bame... Es wor wirklich richtig shian, olls grian... Kemmem sein mor zu dor heasten Stott do in Sri Lanka Nuwara Eliya, a genonnt little England... Sem shaugs a wirklich so her, olls kloane Hitten triabes wetter usw... Sem homor nocher is Olte Postomt gsegn und di gonzen englischen Hittelen...
    Speter ausi sein mor nocher noch 2 Munet ba regen, in Ella unkemmen.

    Fa sem aus seinmor in dor fria glei shun afn Little Adams Peak aui. Richtig shianer Berg mit mega Aussicht. Dirket dornoch nocher zu dor berühmten Nine Arches Bridge. Sel isch de Brugge wo oft de shianen Bilder endstian wo sich di Leit so ausigengen lossen. Sem worn a goor apoor touristen nocher.. Mir hobens ober decht dorrichtet in Zug zu segn und a Poor Fotos zu mochen...
    Ba Regen isches nocher no zu di Lipton Teefelder gongen wo mor nocher umdrahnen gemiast hoben weil di Stroße sooo letz wor und mir nimmer weiter kemmen sein... 1,5 Stund fir 10 km... und nocher wors a no volle neblig..
    Und des gonze mit der letzen Blechschissl... Di Diyaluma Wosserfälle homor noch der Aktion a lei mehr ghert und nimmer gsegn, weils holt a shun finster wor.... Obr mir hobens in di negste kloane Ortschoft gschofft wo mor nocher a wider ba ihre Dorhoam gschlofen hoben..

    Des worn insre ersten Eindrücke in Sri Lanka, und wias weiter geat seges ban negsten mol....

    Enkre Teeexperten

    Rene&Lisa    Read more

  • Mittlerer ORIENT
    3
    Day 60

    Südwestküste und Tamil Nadu

    January 23, 2023 in India ⋅ ⛅ 27 °C

    Uiuiuiui, iaz ischs woll shun a weilele her dass wider awia dorzehlt hon, tjoh sel hot a an Grund... Mir worn afn Strond und sel viel, und hobens ins richtig guat gian glossn, bevors wider ins Inlond gongen isch und mittlerweile shun richtung Westen noch Chennai unterwegs sein.

    Ober nomol fa unfong un...
    In Kochi unkemmen sein mor glei fa a Tuktuk fohrer überredet worden in a poor gschäfter eini zu gian durchdem mir a gratis Stodrunfort (zb. zum Fort Kochi, Chinesische Fischernetze und a poor Tempel) fa ihm gekriag hoben, und sogor zumschluss a no a Geld fa ihm gekriag hoben weil er durchdem so viel provisione gekriag hot... Joh mir sein iaz ba dor Indische Mafia😅

    Weitergongen isches olm Küste endlong zum Marari Beach. Mitn Bus mitdem mor sem hin gforen wor di Musig und is geklappere fa dor Lautstärke her so zu vergleichen, wia wenn ban Spotzenfest in dor ersten Reihe bisch. Zum glück wor nocher dor Strond desto ruhiger und gemiatlicher... Coole Strondbars und Freizeitaktivitäten hosh sem vergblich gsuacht, ober es wor eben dorfir fein amol fa den chaotischen und stressigen auser zu kemmen. Sem homor ba gonz a netten Familie dorhoam gschlofen de fir ins sogor Frühstück und Obendessen gekocht hoben...

    Ob zum nächten Strond, und sel zum Varkala Beach. Fa mir ausgsegn dor shianste wo mor bis iaz gewesen sein. Extrem shianes Wosser hoache Wellen weißer Strond und jede menge lässiger Strondbar wos viel guates essen geben hot... Oke es wor wider awia lauter und belebter, ober dorfir hosh du gemerkt dass di Leit a wider awia mehr gefühl fir Touristen ghop hoben...
    Wias ins sem gongen isch?
    Lei grot guat🙏
    Ober wenn men ins kennt nocher hot logisch wider amol a abendteuerliche Scooterfohrt zu a rießen Denkmol fa a Adler net fahlen getreft... Und joh weil men di Lisa kennt (und mittlerweile bini a awia so geworden) homor ins de 3€ gsport und sein fost 1000 Stiagen ba 38C° af den Higl zu den Denkmol aui gschuntn..
    A mega shiane Kayakfohrt in di Mangrovenwälder ba Sunnenaufgong homor ins a no gegönnt, und mir sein sogor trukn geblieb, zumindestehr oder wianiger😅

    Und JOHHH mir hobens bis zum südlichsten Punkt Indiens ljogisch a gschofft. Sem homor nocher Sunnenuntergong (logischer Weise😉) und di Lisa a no in Sunnenaufgong gschaug...

    In Tog drauf isches a shun weiter gongen noch Madurai, wo mor ins di bis zu 60m hoachen Buddistischen Tempel, de in dor gonzen Stott vertoalt sein, ungshaug hoben... Sem wors wider amol laut, stickig und joh... i glab de hoben do nia an weißen Mensch gsegn, demendsprechend sein mor a "bewundert" worden...

    Nochdem dass mor an kurzen Schokmoment ghop hoben, weil i in Fehler gemocht, und inser Zug noch Bengaluru in Februar gebuacht hon und net in Jänner, honi mor gonz spontan a alternative einfollen lossen gemiast.. Mitn Nochtbus isch di Reise nocher weiter gongen... Wos a nocher zum glück relativ reibungslos ohgloffen isch...

    Joh, und iaz sein mor in Bengaluru... und i muas sogen di Stodt isch wirklich komplett onderst wia dor Rest fa Indien... Es gib Gehsteige, Supermärkte, Normale Autos, Stroßen ohne Müll, Koane Hupen sein erlab in gewisse Gebiete, Müllkibl, die Leit shaugen oan nimmer un wia men a auserirdischer waret und es gib a sogor Uber... Viele coole Restaurants und Bars gibs ah, und a wider Internationales essen wos gonz guat tuat wider amol...
    Di Stodt hot ober a gonz viele orme viertel wos di Leit wirklich hort hoben, ober nocher fohrt men 2 Stroßen weiter nor gibs sem a Lamborghini Händler oan Starbucks und noblen Loden nochen ondern... Mir hoben ins is Parlemt, Gericht, in rießigen botanischen Gorten und die viele hipster Straßler sowia a di örmeren Straßler ungshaug...
    Af olle Fälle mega a auffregende Stot de men gsegn hoben muas...

    Wia am unfong gsog geaz morgen weiter noch Chennai, und sel hot a an Grund, weil fa sem aus geaz nocher ins negste Lond, und welches sel wert, seges nor shun noo😉😉

    Enkre Auserirdischen Freunde

    Rene&Lisa    Read more

    See translation
  • Mittlerer ORIENT
    Day 46

    Goa & Kerala

    January 9, 2023 in India ⋅ ☀️ 31 °C

    Namaste wia di Inder do Griasti sogen...

    So man muas sogen mir hoben in di lesten wochen olm sehr viel in Stätte verbrocht und hoben fa sem awia di eier foll ghop... Obr mir hoben di optimale Lösung gfuntn... Oanfoch in gonzen Tog afn Strond verbingen, Sunneliegen Schwimmen und sichs in Strondbars guat gian lossen...
    Is guate essen do isch mor nocher zum verhängniss geworden und i hon fa 2 Jänner aweck 5 Toge long olm a Klopapierrolle ba mir ghop... I hoff es versteat wos i moan😬😬
    Ansunsten ischs ins wirklich guat gongen und mir hoben ins a nocher a verschieden Strände dor Küste entlong gegönnt wia zb in Cola Beach, Palolem Beach, Anjuna Beach und Agonda Beach... Is wichtigste jeden Tog wor (zumindest für di Lisa) dass mor in Sunnenuntergong im Meer gsegn hoben...

    A bissl Abenteuer hots nocher shun wider gebraucht und mir hoben ins 2 mol a Scooter ausgliehen... Erster homor gezweifelt ob sel fir ins zwoa Lebenskünstler is richtige isch, weil do in Indien hobense gonz eigene Regeln af dor Stroße.. Di Kua hot olm vorhrort, ob links oder rechts du konnsh af jeder spur fohren, ba roate ompeln oanfoch hupen und decht durch fohren usw... ober des sein amol di wichtigsten Regeln... Erstaunlicherweise isch ins und in kia nix passiert...

    Mir sein durchn Dschungel gedüst und di Schilder, wo wia ba ins Achtung Rehn steat, Achtung Leopard, Büffel oder Stachelschwein oanfoch ignoriert...
    An Staudomm, a poor 300 Johr olte Hitten, Reisunbauflächen, Nazinalparks und sogor a Gewürz Bauerhof homor gsegn... A wunder dass de schebige Schissl fa Scooter des olls überleb hot..
    Überhaup Lisas guate Ohkürzung in richtung insre Unterkunft hot ihm schwar zu schoffen gemocht. (seges ba di Videos)
    Bis zum Schluss isch ober olls guat gongen und mir hobnen hoale wider zrug gebrocht...

    Mittlerweile sein mor in Kochi, sel hoast mir sein wider mit Nochtzüge unterwegs gewesen ,wo auser a 7 Stündiger Verspetung und mir sem ba a mehr wia schebigen und grausigen Zimmer afn Bohnhof nocher insre Nocht verbrocht hoben😅😅, olls recht guat verloffen isch..

    Wos mor iaz di negsten Toge tian und ob mors bis afn südlichsten Punkt Indiens schoffen, seges nocher ban negsten Post...

    Enkre Gestrondeten Freunde

    Rene&Lisa    Read more

    See translation
  • Mittlerer ORIENT
    Day 39

    Mumbai-Goa-New Year

    January 2, 2023 in India ⋅ ☀️ 29 °C

    Hallo, do Rene wider amol... Iaz werts wider amol Zeit awia zu derzehlen weil i glab es isch schun a weile her... (i hon shun beschwerden ghert😉)

    Mir sein stian gebliebn ba dor Busfohrt fa Udaipur noch Mumbai. Tjoh, und wer het sichs lei gedenkt dass sel net so a ruhige Nocht wert... Stott planmäsig 12 Stund wormor scheis 17 Stund in den Schlofbus, wo i mi net amol Ausstrecken gekennt hoben weil si sich gedenkt hobn, ach de Inder sein eh lei 1,70 hoach, nor mochmor a lei di betten so long...😵 Alla Fine seinmor nocher decht zwor miade obr guat in Mumbai unkemmen...
    In mumbai homor nocher di vollen 2 Toge dormit verbrocht a poor Sehenswürdigkeitn un zu shaugen wia is Indian Gateaway, a rießen Bauwerk wia a Kathedrale, a Ormenviertl wo se ausetn drausen di sochen waschen fir di umliegenden Hoteler und reichen Leit un logischer Weise a di Stott, Märkte und di Slums..(Is greaste Slum in Asien)
    Mumbai isch an sich ehlich wia Delhi, also laut stinkt sogor no mehr und dreckig... Isch ober viel grianer hot a schiane Promenade und di Leit sein a freindlicher und welln net olm lei dein Geld... Es gib entweder gonz Orme oder gonz Reiche leit, des dorzwischen gibs net... Isch ober an sich a wirklich atemberaubende (wort wörtlich) stott de men af olle Fälle amol gsegn hoben muas..

    Weiter isches gongen noch Goa mit Nochtzug... Und iaz denkt men sich sicher wider, ojeee wider so a unruhige nocht... Ober na, so wors net... Es worn greasere betten, wenn a enge, ober es hot net so geklappert und holprig wors a net... Mir sein sem sogor fa a poor nette Inder af a Uno spiel engloden worden...

    In goa unkemmen homor di erste noch in weit aus schlechtesten Hotel verbrocht wo i je gewesn bin, fa schimmel überoll bis dreckige Tische und koan Mensch der gscheid englisch versteat homor olls ghop. Mir hoben ober is beste draus gemocht und sein in gonzen Tog afn Strond gewesen wia a di negsten 2 Toge... Am ersten Tog wor mor ba an zu überfüllten Strond (Calangute) obr in negsten Tog homor nocher in Geheimtipp gerkiag afn Ozran Beach zu gian, wos nocher a viel ruhiger und feiner wor... Sem homor ober nocher a mega cooles Hostel ghop mit olle coole und lockere Leit... In 31. homor nocher erster a poor Cocktails af insere Dochterasse mit insere Mitbewohner getrunken (a lustiger franzos, a über 40 jähriger Südafrikaner, a polnische Jogalehrerin, und a poor reiche Inder) des wor insere Truppe. Mit der homor ins nocher a afn weg in di erste Bar gemocht und sem exotische Drinks probiert aus dor Cashewblüte... Speter sein mor nocher in so a Club gongen der ober ausetn drausen wor wia a openair, lei ebn als a club... Sem homor nocher olls gebn und ins awia betrunken... Zumglück homor insere reichen Inder ghop de ins ständig einglodn hoben, weil do wors echt tuir... Af hoamweg sein mor nor für a Afterparty ba a Burgerstantl zua gekehrt...
    Wia dor Tog drauf wor, konn men sich shun denken, ausschlofen und afn Strond liegen...

    Wias weiter geat zur negsten Stott geat und obs a guate Idee isch dass mor ins do an Scooter ausleihen und mitn sem ba de Stroßenverhältnisse und der Verkehrsloge unterwegs sein, seges nocher ban negsten Post.

    Enkre Übernochtungsspezialisten

    Rene&Lisa    Read more

    See translation
  • Mittlerer ORIENT
    Day 33

    Rajasthan

    December 27, 2022 in India ⋅ ☀️ 22 °C

    So i bins wider amol dor Rene...
    Mir hoben ins afn weg gemocht richtung Jodhpur und hoben sem ober unterwegs an kloanen Stopp in dor heiligen Stott Pushkar eingelg... Sem homor ins di Märkte ungshaug und endlich amol net überrennte und zu laute Strasler ohgeplappert. Ban heilgen Sea (Pushkar lake) hobense obr no fost mit in zommgeben gewellt weilmor sem nochdem dasse vor ins gebetet hoben a Geld gewellt ergaunern, obr mir ins logisch gewehrt hoben... Anshunsten wor Pushkar volle shian und hot viele shiane Ladeler und Restaurants kop (in oan hot di Lisa sem Spaghetto aglio e olio gessen, und worn net amol letz...)

    In tog drauf seinmor nocher in ca 5 stunden noch Jodhpur gforn und hoben ins sem an Tempel ungshaug, a Monument ausn 18 Johrhundert und is berühmte Mehrangarh Fort wos genau über dor blauen Stott isch... Wo mor nocher a in Sunnenuntergong gschaug hoben...
    Afnocht homor no in Clocktower gsegn und in Abendmarkt mit olls Obst un Gemüse... Speter hoben mor ins sem nocher no a eppes zu essen gegönnt...

    Mir sein weiter gforen und hoben di negsten 2 Toge in Jaisalmer (Goldene Stott) verbocht. Sem homor ins di gonze Stott awia ungshaug weil di sel besteat olls aus Urolten Sondgestoan (deswegn an goldene Stott) und di Hausmauern sein volle shian eingemeiselt worden... Also wirklich di shianste Stott bis is iaz...
    Und in negsten Tog in 24. isches nocher losgongen mitn Jeep ausi in dor Wüste, wo mor nocher noch ca 2h fohrt umgstiegen sein af a Kamel wo mor nocher no 1h weiter in di Wüste ausi sein... Di einheimischen hoben sem nocher für ins gekocht und speter gonz in ihmene Style mit Weihnochten gfeiert. Mir hoben sem a glei nuie Freundschoften gschlossen und sel mit a polnischen Schauspieler der a schun in a Film af Netflix spielt und a Vietnamesischen Filmdirektor der mit seiner Firma awia unterwegs wor... I glab so Weihnochten mittlt af di Sonddünen wermor sicher nia mehr erleben. Gschlofen homor logisch unter freiem Himmel afn stoanhertn Bodn ba ca 9 C°. Ober es hot sich ausgezolt und wor wk a oanmaliges Erlebniss.

    In negsten Tog seinmor nocher über 6h weiter richtung Süden gforen noch Udaipur. Wo mor ins nocher a fa inseren Fohrer Raj verobschieden gemiast hoben... Fa Udaipur seinmor nocher mit Nochtbus noch Mumabi und wos sel für a Fohrt wor kenntes nocher ban negsten post lesen...

    ps.man konn sichs joh shun awia denken...

    Enkre Wüstensurvivaler

    Rene&Lisa    Read more

    See translation
  • Mittlerer ORIENT
    Day 27

    Golden Triangle (Delhi-Agra-Jaipur)

    December 21, 2022 in India ⋅ ⛅ 23 °C

    Joh, mir leben no und sein iaz shun a poor Toge mit insere Fohrer (24/7 Taxi) afn weg. Wia shun gsog mir hoben ins af de schwindligen Typen einglossen, und man muas sogen bis no läufts wie am schnürchen...

    Mir sein afn weg is Golden Triangle zu mochen (also fa Delhi über Agra noch Jaipur) und hoben unterwegs a olm wider stopps eingelegt, weil des sein do zimlich longe Strecken. Sel hoast fa di kilometer her isches net so viel (um di 800km) ober sicher über 10 Stunden Fohrtzeit...

    Also afn Weg noch Agra homor in erste Stop in dor Stot Mantrah gemocht, wo mor ins 2 Hindi Tempel ungshaug hoben und a wider amol a wildes Kamel mittlt af dor Storße in dor Stott getroffen hoben. In negsten Tog in Agra nocher homor ins shun ba Sunnenaufgong is Taj Mahal ( 1 fa di 7 Weltwunder) ungshaug. Also sel worn wirklich mühtische Augenblicke wia sel ausgshuag hot. (sel segen nocher ba di Fotos)

    Dornoch homor ins afn Weg noch Ranthambore gemocht und hoben ins afn weg sem hin a Schloss und a kloane Ortschoft ungshaug. In Ranthambore homor afn8 no gewellt a stuck gian, und sein sem ober nocher af a hochzeit getroffen (sel sein do ollaweil volle viele). Hoben ins des awia unshaugn gewellt, und zack sein mor a shun eingloden geworden und worn mittlt im getümml... Und joh es wor soo prutal... De hoben glabi so guat wia no nia do an weißen Mensch gsegn und hoben ins desholb wia promis überrent und olle sein um ins ummer gstontn nd homben sich drum gstritten ins zu segn... es isch richtig eskaliert weil ins olle nochgrennt sein und deswegn homor ins a widr afn hoamweg gemocht... sogor bis sem hin sein insm fost 20 Leit gfolg😅 In Tog drauf homor shun um holbe 7e in dor fria a Tigersafari gemocht, wo mor ober leider koan gsegn hoben, lei ondere Tiere...

    Afn Weg noch Jaipur homor ins no in Monkey Tempel ungshaug, und i hon mor a no mein erstes moßgschneidertes Hemd gegönnt, um gonze 23€... Di Lisa hot sich sem no a Hännatatoo molen glossen und mir hoben af a Schloss oberholb fa dor Stott in Sunnenuntergong gegönnt...

    In negsten Tog homor in gonzen in Jaipur verbrocht, wo mor glei shun in dor fria olls Elefontn af dor Stroße getroffen hoben... Speter wenn mor ins is Amer Fort ungshaug hoben homor a gsegn wos de Elefontn tian miasen... Di zu faulen Leit af a stoanigen Weg des kloane Stickl af den Schloss aui schleppen.. I glab de hettn sich a eppes onders unter ihren leben vorgstellt... In restlichen Tog wormor in dor city und hoben ins verschieden Sehenswürdigkeiten ungshaug, wia in Windpalost, in Citypalost, olls olte Instrumente verschiedene astrologische Informationen zu erlongen (Sunnenuhren, wo sich welcher Planet befindet usw..) in Wosserpalost und a logisch wider in bazaar..

    Golden Triangle check✔️
    Und iaz mochmor ins afn weg richtung Westen wo nocher a Wüste isch, obr bis sem hin gibs jo a poor Stopps..

    Enkre Promis in Indien

    Rene&Lisa    Read more

    See translation
  • 2024© FindPenguins
  • Home
  • About us
  • Blog
  • Group Tracking
  • Press
  • Terms
  • Privacy Policy & Cookies
  • Support
  • Legal notice
  • English