Reset search
Nadeschkin VilsNadeschkin Vils
SatelliteEdit route
ready for adventure ✈️ Read more Schweiz
  • USA 🇺🇸
    Day 38

    america was a blast ❤️‍🔥

    April 24 in Switzerland ⋅ ☁️ 5 °C

    5 Flüg, 5 Nationalpärk, 17 Unterkünft, etliche Luftmeile und x-Fahrstund spöter endet üssers Abentüür. Mier hen diversi flotti Begegnige und Gspröch dörfe füehre & hen in chürzerster Zit Sandsturm, Schnee und 30 Grad Beach-Wetter dörfe erlebe.
    Eis Highlight het s‘nöchste g‘jagt und d’Zit isch rasend schnell verbi gange. Gsättigt mit Erlebnis und gfüllt vo Emotione ischs für üs am Mittwuchobet glücklich & z‘friede wieder ufe Heiweg gange.

    thanks for following us - we loved to entertain you!🫶🏽
    xoxo, Luke & Hope    Read more

    See translation
  • USA 🇺🇸
    Day 33–38

    thank you, Miami 🌴

    April 19 ⋅ ☀️ 27 °C

    … dass du die Reis so schö abgschlosse hesch. 😍
    Direkt noch üsserer Ahkunft het üs dr Robin am Flughafe abgholt und mier sind s‘Basketballspiel „Miami Heat“ gege „Chicago Bulls“ go luege. Öb d‘Nadeschkin e neui liebsti Sportart het? Ja, möglich. Öb Miami gwunne het? Ja, kei Frog. 🏀

    Dr nöchst Tag hemer uf üssere Wunsch hi am Strand verbrocht. Chli tschüttele, bädele, sünnele und grilliere - Erholig pur. Dr „Racoon“ het üs nid welle chille loh & het au bitz vu üsserem Essä wellä - öb er’s gschafft het, und na d‘Restä überchu het? Ja, tatsächli au wohr. 🥩

    Dr Sunntig hemer mit Mimosa‘s gstartet, hen Wynwood besichtigt, en Sunneuntergang gnosse und dr „Ocean Drive“ bi Nacht erlebt.

    Es het nomol 2 Täg mit bitzeli Strand, enere Besichtigung ar Uni vum Robin, Shopping ir riesige Aventura Mall, feini Essä und guetä Wii geh. Mier hen Örtli dörfe gsie wo mer sus nie here wären - es riesigs Dankeschön an üsserä persönlich Reisefüehrer @Robin 🫶🏽    Read more

    See translation
  • USA 🇺🇸
    Day 31–33

    goodbye west coast 💛

    April 17 in the United States ⋅ ⛅ 18 °C

    Als „Early Birds“ hemer als ersts dr Sunneufgang bir Golden Gate Bridge glueget und deno en churze Stop in „Santa Cruz“ gmacht, wo leider aber alles na gschlofe het.

    Dr „Karl“ het üs ufm witterä Weg ebitzli welle begleite und so isch‘s dr Küste entlang nid würkli sichtig gsi. D‘Sunnä het sich aber immer wieder dedur kämpft und het üs in „Santa Barbara“ strahlend in Empfang gno. Es sehr charmants Städtli mit diverse Lädeli, Resti‘s und Gebäude in spanisch-mexikanischer Architektur het üs „verzauberet“. Nachere Nacht simer zruck uf Los Angeles, wo mer üssers Auto abgeh und d‘Nacht im Hotel nebt em Flughafe pfuset hend.

    Inere Stund startet dr Flüger zu üsserer nöchste und letztä Destination wo üs Sport, Strand, warmi Temperature und dr Robin erwarten 😜
    … juhui, MIAMI mier chömen! 😍    Read more

    See translation
  • USA 🇺🇸
    Day 26–31

    von Bären 🐻 zu Seelöwen 🦭

    April 12 in the United States ⋅ ☁️ 14 °C

    Dur langi Highways ischs wittergange ind Bergä. 🏔️
    In dä Mammoth Lakes hemer dr Winter namol so richtig gfunde - am zweite Obet het‘s sogar no gschneiet. Dr Schnee het üs leider üsseri Wanderplän vermiest, jedoch au so sini positive Sitte mitbrocht. Warum das? Drfür simer zum „Mono Lake“ Salzsee gfahre und hen döte d’Rueh gnossä. Usserdem isch dr Whirlpool verussä grad namol nemis anders wenn rundumä alles wiis isch - und am nöchstä Morgä hemer vur Stross us sogar en brunä Bär im wiisä Schnee gsie! Juhui 🐻😍

    In San Francisco ahchu isch üs dr „Karl“ begegnet. Dr „Karl“ isch dr Nebel vu San Fran - tatsächlich würd er do eso gnannt. Mier sind am Pier entlang gschlenderet und üs hen d‘Seelöwe begrüesst, hen mitm Hopp on/Hopp off d‘Stadt durquert und an diverse Örtli en Stop ihgleit. Vur Lombard Street über Chinatown bis zur Golden Gate Bridge und em Park - San Francisco het üs guet gfalle. Chum e Stadt het soviel grüeni Flächi und au do hemer e hufä flotti Gsichter dörfe gsieh. Dr Usflug zur Insle „The Rock“ aka „Alcatraz“ isch bsunders iihdrücklich gsi - abgschnitte vur Ussäwelt für sini Tatä büesse, das hetme do definitiv müesse.

    morn gohts für üs witter - dr Küste entlang in Richtig L.A. 👐🏽    Read more

    See translation
  • USA 🇺🇸
    Day 22–25

    aiaiai, Las Vegas 🃏

    April 8 in the United States ⋅ ☀️ 20 °C

    für dä Ort gits e Hufä Wörter zum‘s beschriebe, aber „GIGANTISCH“ triffts wohl am Bestä. S‘Motto & Ziel vude lokale Hotel isch wohl „na grösser und protziger wie die andere z‘sih“ - und mier hen e Hufä devo dörfe ahluege. Natürlich isch au z Casino Erlebnis nid z churz cho und mier hen en Tag am Pool gnossä. Au e Show in üserem Hotel (New York, New York) hemer gluegt, und üs vu Music, Comedy und Akrobatik hirissä loh. Dr gestrig Usflug in „the sphere“ isch üssers Highlight gsi. Verblüffendi Technik und s‘Gfühl über d‘Erde zflüge - es einzigartigs Erlebnis!😍

    Jetzt goht‘s witter in Richtig „Mammoth Lakes“ und „San Francisco“ 🙏🏽    Read more

    See translation
  • USA 🇺🇸
    2
    Day 19–22

    vum Sandsturm in Schnee 🤍

    April 5 in the United States ⋅ 🌬 4 °C

    E paar ruhigeri, aber gnauso ihdrücklichi Örtli hemer au ide letzte Täg dörfe gsie. Womer am Fritigmorge witer sind uf Page hemer e Tour dur dr „Antelope Canyon“ gmacht und am Samstig dr „Glen Canyon Dam“ und „Horshoe Bend“ beäugt.

    Am Sunntigmorge simer witter in „Zion Nationalpark“, wo sich als wunderbare Ort für Wanderigä und Spaziergäng usegstellt het. Am spötere Numitag simer im „Bryce Canyon“ ihtroffe, wo mier üs e erste iidruck verschafft hen. Am Mentigmorge hen mr üs warm ahgleit und ufne Wanderig bi 0 grad dur ebitzli Schnee begeh. Traumhaft schön isch‘s gsi und d‘Sunnä het au füreglueget. 🌞

    … und jetzt sin mer ufm Weg nach LAS VEGAS… mier freuen üs! 👐🏽    Read more

    See translation
  • USA 🇺🇸
    Day 15–20

    stunning nature 🏜️

    April 1 in the United States ⋅ ☁️ 10 °C

    Noch emne entspannendä Tag am Pool isch’s für üs am Zistig dur dr „Joshua Tree National Park“ gange. D’Ussicht isch grandios gsi, Bäum in Hülle und Fülle, s’Kletterä es Abentüür, s’Picknick „lecker schmecker“. Dr Ihtritt in Park het sich alleweil glohnt. 😍

    Nochme churze Zwüschestopp zur Übernachtig im Lake Havasu isch es direkt witter via Flagstaff AZ zum Grand Canyon gange. Was d’Ussicht am Zistig beihdruckend gsi isch, het sie üs am Mittwoch im Canyon sprachlos gmacht. Es Endi vu derä gigantischä Schlucht isch nid z‘gseh gsi, Felsformatione in unterschiedliche Farbe und e Tüüfi wo eim zruckträtte loh het.
    Mier hen direkt vorem Iigang vum Park übernachtet, wodure mier am Dunnstigmorge früeh wieder innefahre und die restlich Route ahgo hen chönnte. E chlini Wanderig zum „Ooh Aah Point“ het nid dörfe fehle. An beidne Täg hemer en Fuessmarsch dur‘d Bäum und am Canyon entlang gmacht und sind diversä Tier begegnet - ca. 14 Reh, 5 Elch, etliche Vögel und 1 Eichörnli, 0 Schlange (thank god!)

    Zur hüttige Übernachtig simmer witter nach Kayenta ins Gebiet „Monument Valley“ wo mier üs uf’s Ohr hauen und d’Ihdrück sacke lön. Good night from the desert ✨    Read more

    See translation
  • USA 🇺🇸
    Day 11–14

    adios, san diego 🌾

    March 28 in the United States ⋅ ☀️ 17 °C

    Gege Obet simer ahchu und direkt dur „little italy“ spaziert und hen e Gläsli Wii ir Sunnä mit ahschlüssend feinä Spagüni Carbonara gnosse. Uf en gmüetlichä erstä Obet het en sunnigä erstä Tag gfolgt - wo mier früeh gstartet hen und an „Mission Beach“ gfahre sind. Chli Jassä, chli dä Surfer zueluegä, chli Sunnäbrand ufläse. Au d‘Sunset Cliff hemer gsichtet, sowie am „good friday“ z‘lieb Sushi probiert. Mmmmh, fein ischs gsi! 🍱

    Ir Nacht uf dr Samstig het s‘Wetter leider umgstellt - aber es git jo kei schlecht wetter, nur e schlechti Ihstellig. Drum hen mier usgschlofe, em Sturm dur‘s Fenster zuegluegt und uf d‘Sunnä gwartet. E Bierli zwei ar Bar und en Tipp vunerä Ihheimischä spöter hemer üs inere Country-Bar wiedergfunde und ebitzli Line Dance tanzt. Yiiiiiiha!🤠

    Üseri Plän am Sunntig hemer wegem Regä leider au müesse ahpasse, drum isch‘s direkt wittergange nach „Palm Springs“ wo üs 1-2 Täg Ruebä erwarten. Aber kei Angst, drno gohts direkt Vollgas witter 😉👐🏽    Read more

    See translation
  • USA 🇺🇸
    Day 7–11

    … see you later, los angeles 🌴

    March 24 in the United States ⋅ ☁️ 15 °C

    Nochmä wunderbare Flug sin mier ir Stadt vudä Star‘s ahchu - L.A. 🌟
    Sofort hemer s‘Auto gschnappt und sin zum Hotel gfahre, wo super - ebitz usserhalb - gläge isch und sogar en Whirlpool ka het. 💦

    🎬 Am nöchstä Morgä isch‘s in‘d Universal Studio‘s gange. En riesigä Freiziit-Park und e Tour dur Filmkulissä hen üs erwartet. Dr Marco het au fliessig Super Mario - Münzä gsammlet - wie ide Föteli ersichtlich. D‘Nadeschkin isch defür liebend gern hoch über „Hogwarts“ gfloge 😉

    🏈 Dr Bsuech im SoFi Stadium isch sehr ihdrücklich gsi, und dr Venice Beach het üs gnau die Chill-Vibes geh wo mr brucht hen. Dr Santa Monica Pier, d’Hollywood Hills und die biz meh bessere Luxus-Ort, Beverly Hills und dr Malibu Beach, hemer üs natürli aunid entgo loh. Und bim Griffith Observatorium ahchu hets no eh wunderbari Ussicht über d‘Stadt und ufs Hollywood Sign geh - e Foti wärt gsi. Au es „american breakfast“ hemer üs gönnt - aber sogar d‘nadeschkin wo sus immer e hufe isst, het nu 1/3 vu derä grossä Portion mögä. Verrückter Foodwaste. 🥞

    Bevor mier wieder chün, um vu do uf Miami z‘flüge, gnüssen mier rund 2 Wuchä wäg vu do. Dr nöchst stop? San Diego 🌊    Read more

    See translation
  • USA 🇺🇸
    2
    Day 4–7

    bye bye nashville 🎸

    March 21 in the United States ⋅ ⛅ 19 °C

    … what an experience! 🤠
    Live Musik in jedere Bar, lachendi Lüt und bitzeli Line Dance, d’Gschicht vur Country Music chli kennelerne, sowie e Hufä netti Bekanntschafte hemer dörfe mache. Gnau so hen mier üs Nashville vorgstellt - unglaublich genial! 😍

    Dr Usflug zur Jack Daniel‘s Distillery in Lynchburg het üsseri Zit in Tennesse abgrundet - und dr Whiskey het au gmundet. 😉

    Nach all dem Honky-tonk würen mer jetzt wieder nüechtern und freuen üs uf üsserä next Stop: Los Angeles 🎬🚗💨    Read more

    See translation

Join us:

FindPenguins for iOSFindPenguins for Android

  • 2024© FindPenguins
  • Home
  • About us
  • Blog
  • Group Tracking
  • Press
  • Terms
  • Privacy Policy & Cookies
  • Support
  • Legal notice
  • English