Planlos geht der Plan los 🦧

was füre Tag! gemüetlich hani am morge mini Sache packt und alles irgendwie am Velo agmacht. De bini as allerersts i mi Lieblingslade go mini Campingsache z kaufe. Geiloo, jez hani es nüs Zelt, Schlafsack und Mätteli, alles für e Pris vo 220 Chf - nid schlecht oder 😎 Dezue muss mer sege, de Schlafsack isch Gansfeder und extrem bis zu -12 Grad heder ageh, ich testes nacher grad mal us.

Nachdem ich mis Bike ernüt gsattled ha, gaz los, los richtig Tour Aoretara oder zumindest mal für's erste. Ich ha riese Freud bim fahre, langi Ziit han ich die Bikepacker bewundered und denkt "das wetti au mal". Und jetzt bini eine! Wer hätts denkt, ich uf all Fäll nid. Uf Nüseland bini greist mit emene grosse Rucksack, nunie länger as e Tag ufem Sattel ghocked und schwubst e Woche spöter bini mich am abradle. Ich muss sege sträng isch es! Vor allem sobalds duruf gad, heieiei aber schienbar wirds mit de Ziit eifacher, mal luege öb das stimmt.

A mim so zege erste richtige Bikepackertag hani mich übernu, 73km ohni Erfahrig und mit vil Gepäck, isch huere vil. Guet zu minere Verteidigung hani öppe 30 Minute länger müsse fahre, da de Camping (aso Platz mit WC) woni ha welle blibe hed zue gah. Ja die leste 30 min sind die zächiste gsi. Defür hani jez e super Platz gfunde, direkt am Meer, aso au nid schlächt. 🤩Baca selengkapnya