Aramayı sıfırla
Andrea SempachAndrea Sempach
UyduRotayı düzenle
10 ülke gezdi Okumaya devam et Heimenschwand, Schweiz
  • Zentral- und Südamerika
    11
    Gün 205

    Arequipa 🇵🇪

    5 Ekim 2023, Peru ⋅ ☀️ 20 °C

    Mir si chli obe abe cho us dä höche Regione u zwar simer witersgreist uf Arequipa. Die Stadt isch bekannt aus „White City“ wöu viu Gebäude us wissem Vulkangstei si boue worde. Die Stadt ligt nämlech mits im nä Vulkangebiet und isch vo 3 Vulkän umgä. Z‘Ushängeschild vor Region isch der Vulkan El Misti. Das isch ä aktive Vulkan und d‘Forscher rechnä drmit, dass dä gli wieder mau cha usbräche. Dr letscht grösser Usbruch isch im Jahr 1784 gsi. Trotzdäm dass die Usbruchsgfahr jederzit da isch, wärde neui Siedlige ir Nechi vom Vulkan boue, wöu d‘Lüt luege dä Vulkan aus schlafend ah. 🌋

    In Arequipa si mir im Museo Santuarios Andinos ga d‘Juanita bsueche. Das isch die berühmti Mumie wo im ewige Eis am Ampato Vulkan im Jahr 1995 isch gfunge worde. D‘Juanita isch ä mönschlechi Opfergab gsi vo dä Inkas. Das Meitschi isch gsung gsi, ca. 140cm gross, schlank, rund 14 jährig und isch ahgäblech ihres ganze läbelang uf die Opfergab vorbereitet worde. Es isch eine vo dä bedütenschte Funde gsi vo dä amerikanische Kontinente.
    I däm Museum isch d‘Juanita usgstellt, genau so i dere Form wie mä sä het gfunge. Dank däm das si so lang im Eis isch gsi, isch ihre Körper nid uströchnet und sehr guet konserviert blibe. Nume ihre Chopf het es Zitli usem Eis usegluegt und isch ou dr Grund wörum si überhoupt gfunge isch worde.

    Todesursach isch natürli ou spannend gsi. D‘Inkas hei das Meitschi zersch unger Droge gsetzt und hei när mitem nä feschte Schlag gäge die rechti Schläfe ihres Läbe beändet. Mä gsehts guet we mä sä ahluegt, dass uf ihrere rechte Site vom Chopf ä Fraktur isch. Es isch für üs faszinierend gsi die Mumie chönne z’betrachte, o we üs ihres Schicksal sehr leid het ta. Mä erkennt ihrer Gsichtszüg und es si no aui Zäng vorhande. Leider hei mir nid dörfe Fötelä im Museum, abr mir hei drfür es Beispielbild ufeglade. Si wird witerhin im starch küehlte Chaschte konserviert.

    Üs het die Stadt sehr gfaue und si het würkli ä gwüsse Charme und isch ou fescht prägt worde vo dä Spanische Kolonien.    Okumaya devam et

    Çeviriyi gör
  • Zentral- und Südamerika
    1
    Gün 199

    Puno & Titicacasee 🇵🇪

    29 Eylül 2023, Peru

    Nach Cusco si mir witers uf Puno wo mit sine 3’812m no höcher gläge isch aus Cusco. Puno isch ä chlineri Stadt am Lago Titicaca. Dä See isch eine vo dä gröschte in Südamerika und zugleich z‘höchschte beschiffbare Gwässer vor Wäut😅 Der See ligt ar Grenze vo Peru und Bolivien. Er isch a dä meischte Orte nid sehr töif und misst ar töifschte Stell 107m.
    In Puno hei mir ä Usflug gmacht zu dä Uro-Aimara Familie. Das isch das Volk wo dert uf dene Insle wohnt, wo für üs usgseh wie us Stroh gmacht. Abr die Insle bestöh usere spezielle Schilfart (Totora Schilf) wo dert am See wachst. Us däm Schilfrohr wärde scho sit Jahrhunderte d‘Insle boue und ou etlechi angeri Sache wie z.B. ihri bekannte gelbe Boot. Die Insle sie ursprünglech usem Grund bout worde, damit d‘Uros sich ufem See vor Feinde cha schütze.

    Mir hei ou no ä witeri Insle bsuecht ufem See und zwar Taquile Island. Üs het die Insle sehr gfalle, obwohl alles so trochen schiint, isches glich uf sini Art und Wiis wunderschön und bsungrig gsi. Mir hei ou dr Ihdruck gha, dass augemein z‘Rad uf dere Insle chli langsamer und ruhiger dräht und d‘Lüt hei sehr z‘fride gwürkt. Si hei üs vo ihrne Brüch und vo ihrne Wundermitteli verzeut. Z.B. je nach dem was fürne Chappe d‘Manne anne hei zeigts, ob eine single odr verhüratet isch. Und gstrickt wärde de die nid öpe vo dä Froue, nei das mache usschliesslech d’Manne, d‘Froue tüä weben. U we d‘Manne ä Frou gfunge hei und die möchte hürate, müesse si zersch ä Chappe stricke, wo am nä praktische Tescht vom zuekünftige Schwiegervater mues Stand halte. Und zwar wird die Chappe so guet und gnau gstrikt si, dass wemä Wasser id Chappe füllt, z‘Wasser nid so schnäu söt dürefliesse. Und wes äbe de z‘schnäu fliesst, heisst das füre Schwiegervater, dasch schlächti Büetz und dä isch zweni guet für mini Tochter.
    Er wo üs das alles het vorgfüehrt, het dennzumal ä schlächti erschti Chappe gmacht und het abr de no mau eini dörfe mache u da heter 9 Mönet gha - di zweiti Chappe het ömu am Tescht vom Schwiegervater Stand ghalte und er het du när dörfe sini Tochter hürate 🙌🏼

    D‘Lüt uf dere Insle wärde sehr alt. Si hei sehr viu säubergmachti Husmitteli wie z.B. Shampoo usere Pflanze, wo gmäss ihne macht das mä kener graui Haar bechunnt - mir hei tatsächlech o niämer mit graue Haar gseh (villech heisi diä ja versteckt 🤷🏼‍♀️)
    Uf jede fau heisi o viu Bewegig und müesse aus z‘Fuess mache wöus kener Outo git dert und uf ca. 4‘000m isch das sowiso o geng grad chli Höhetraining😅    Okumaya devam et

    Çeviriyi gör
  • Zentral- und Südamerika
    1
    Gün 196

    Tag 4: Inka Trail zum Machu Picchu 🇵🇪

    26 Eylül 2023, Peru ⋅ 🌩️ 18 °C

    Wie scho erwähnt si mir früäch ufgstange (3:30am) wäge dä Porters. Mir hätte abr im Prinzip no lang nid uf müesse, wöu mir hei när bim Campingplatz bis am 5:15 müesse warte bis mir hei chönne loswandere😌 jaja, die Zit bim warte isch äuä o nume für üs zwöi schnäu düre gange.. mir sinis z‘warte gwohnt (reise ja o nid grad ersch sit geschter😜) und mir hei nüt angers gwüsst aus chli Schwizer Musig la loufe (Patent Ochsner, Stubete Gäng) u drzue chli mitsinge u tanze 🙈🤪 di angere hei sech äuä chli gfragt, was iz äch scho wieder mit dene Schwizer nid stimmt, abr die si sech so Energieahfäll u dumm schnurre vo üs afä gwohnt gsi 😂
    Item, uf jede Fau isch dä chliin letscht Teil vor Wanderig losgange bis zum Sun Gate. Bis dert sis ca. nume no 1.5 Stung Wanderig gsi. Vo däm Sun Gate us hei mir de ou scho die erschti Sicht gha ufe Machu Picchu 🙌🏼 Wo mir bim Sun Gate si ahcho isch no aus im Näbu gsi, abr nach ca. 5 Min. ischer langsam verschwunde und mir hei wunderschöni erschti Ihdrück becho!

    Vom Sun Gate us hei mir öpe no mau 20 Min. gha bis mir du schlussendlich bim Machu Picchu si gsi. Dert ahcho hei mir aui mega freud gha und si usem stuune nüme usecho! Es hetsech auso glohnt dä Weg uf sech z nä und mir müesse säge, es isch ä schöne Ort zum gseh und würkli sehr ihdrücklech was die Inkas fürnes Riich hei ufbout! 😌
    Was haut chli müäsam isch gsi, dert bim Machu Picchu säuber si mir wieder uf die ganze Tourischtemassene gstosse, wo mir die vorherige Täg zimmli rueh hei gha drvo. Abr ja es isch so wis isch, mä mues dä Inka Trail nid mache, mä cha o eifach ä Tagestour zum Machu Picchu bueche und nä so ga ahluege. Für üs isch ganz klar der Trail und die paar Täg mit dere Gruppe vo Lüt öpis sehr bsungrigs gsi und mir heis wäuts luschtig gha und vorauem gsellig u guet ungerenang. Mir dänke, dass das genau dä Punkt isch wo die ganzi Tour het usgmacht u für üs zu öpisem Bsungrigem het gmacht u mir jedem würde empfähle dä Trail z‘mache und wo o mir säuber no mau würde ga😄🙌🏼    Okumaya devam et

    Çeviriyi gör
  • Zentral- und Südamerika
    Gün 195

    Tag 3: Inka Trail zum Machu Picchu🇵🇪

    25 Eylül 2023, Peru ⋅ ☀️ 4 °C

    Am dritte Morge si mir natürli ou wieder früäch ufgstange, abr doch öpe ä haub stung später 4:30 isches gsi. Abr mir si ehrlech gseit o froh gsi, himer äntlech chönne ufstah unes heisses Kafi treichä nach dere chaute Nacht 😅☕️
    Am dritte Tag isch d‘Wanderig nüme so sträng gsi. Mir si mehrheitlech dür schöni Jungle Abschnitte glüffe und hei nüme so viu Höhemeter gmacht. Abem früächere Namittag si mir scho bi üsem dritte und letschte Camp ahcho. Vo dert us hei mir no ä Usflug gmacht zure witere Inka Stätte „Wiñaywayna“ und si no zum nä schöne Wasserfall glüffe 💦🙌🏼
    Am Abe nach üsem z‘Nacht si när no mau aui Porters inkl. Choch versammlet gsi u de hei mir scho Abschied gno vo ihne. Wöu am nächschte Morge hei die mit üsem Zügs ufe erscht Zug müesse seklä, damit sie bi Zite hei chöme.
    Das het wiederum für üs gheisse; no früächer ufstah 😳 u zwar scho am 3:30🥳 Eifach damit d’Porters gnue Zit hei gha für üser Zäut ume abzboue, aus ufruume u füre Marsch zrüg iz Tal zum Bahnhof.    Okumaya devam et

    Çeviriyi gör
  • Zentral- und Südamerika
    1
    Gün 194

    Tag 2: Inka Trail zum Machu Picchu 🇵🇪

    24 Eylül 2023, Peru ⋅ ⛅ 12 °C

    Am zweitä Morge simer am 4ri uf. När hets z Morge gä u si när gli druf abe losglüffe. Dr zweit Tag isch mit Abstang der strängscht gsi vo aune. Mir si vo üsem erschtä Camp uf 4200m (Warmiwañusca) ufe glüffe, wieder abe wos när z Mittagässe het gä u när no mau ufe uf 3‘800m. Schlussendlich simer zu üsem zwöite Camp glüffe „Pacaymayo“ wo uf 3‘600m isch gsi.
    Der erscht Gipfu hets innsech gha. Aso es isch stetig ufe gange und mir heis scho möge merkä wie d Luft geng wie dünner isch worde. Abr wo mir när dobe si ahcho hei mir fröid gha, obwou mir lang uf di angere hei müesse warte u wieder chaut hei gha🥶💨 Mir si o hiä rassig ungerwegs gsi(aso für üs normaus Tempo), abr so dass die angere mit üsere Pace nid hei möge mithaute. 🤷🏼‍♀️
    Mir hei o am zweitä Tag verschidni Inka Stätte bsuecht und hei sehr viel vo der atemberoubende Natur gseh. Wo mir bim 2. Camp si ahcho hets no ä Fotosession inkl. Vorstelligsrundi mit dä Porters gä. Es isch drum gange dasmä die Lüt wo üses Zügs umeschleipfe mau gseht und weiss vo wo dass sie si. Am abe hets wieder öpis feins z Nacht gä und de simer wieder bi Zitä ga ligä.
    Aso ir zweitä Nacht isches de scho sehr chaut worde und wöu z Mätteli o nid so dick isch gsi hei mir bau chaut gha, wöu d Chäuti vom Bodä unger uf isch cho 🥶 abr o das hetmä überstange u sogar es bizeli gschlafe hetmä trotzdem, wöu mir so fescht müed si gsi😅😴    Okumaya devam et

    Çeviriyi gör
  • Zentral- und Südamerika
    Gün 193

    Tag 1: Inka Trail zum Machu Picchu 🇵🇪

    23 Eylül 2023, Peru ⋅ ☁️ 21 °C

    Der Inka Trail - die 4-Tages Hiking Tour isch ou mit Abstang eis vo üsnä Highlights gsi!

    Tag 1; mir si in Cusco öpe am 4:00 am Morge abgholt worde u si när richtig Sacred Valley gfahre zu üsem Startpunkt „Piscacucho at Km 82“. Dert hei mir när o ä chliini Vorstelligsrundi gha vor Gruppe mit Name u vo wo das mir si u de het üs üsä Guide der Raul gseit, mir sige iz „una familia“die nächschte 4 Täg. Mir si insgsamt 10 Touris gsi, es elters Päärli vo Kanada, es Päärli vo Deutschland wo grad i dä Flitterwuche isch gsi, u die angere si vo Italien, England, Brasilien und Rumänien cho. Mir hei zwe Guides gha der Raul und der Adolfo, beides Peruaner. Nid z vergässe si üsi Porters, aso die Lüt wo üses Ässe, Zelt, Tische und Stühl etc. hei umetreit - mir hei 1 Koch gha und 11 Porters. Di hei natürli geng ender bim nächschte Treffpunkt odr bim Camp müesse si aus mir (gseklet sisi zum Teu 👀‼️) damit si aus hei chönne vorbereite sigs für z Mittag odr für z Nacht.
    Mä mues scho säge, mir hei gässe wie Chünige 👑 Was da aube üsä Koch aus het uftischet isch wahnsinnig gsi und ou sehr fein! Abr isch üs bau nid recht gsi, eifach wöu aus für üs gmacht und treit isch worde. Mir si üs das nid gwohnt, abr schlussendlich hei mir das mit üsnä Guides diskutiert und hei müesse säge, das si eifach Jobs und vorauem für d Porters ä sehr guet zaute Job im Gägesatz was si süsch würde verdiene.

    Ungerwegs hei üser Guides immer wieder vo dä Inkas verzeut und mir si ufem Weg zum Camp ou bi verschidnä Inka Ruine verbi glüffe.

    Z‘erschte Camp „Wayllabamba“ isch uf ca. 3000m gsi. Im Zäut hei mir sones 5cm Mätteli gha und der Schlafsack hei mir säuber müesse mitnä - dä hei mir gmietet und dä Cheib isch zum Glück schön warm gsi😄🙌🏼

    Am abe hets i üsem grosse Esszelt zersch es Abeteeli gä mit Popkorn und ahschliessend isch zersch ä Suppe cho und när z Houptmenu.

    Da mir scho i eirä Herrgottsfrüächi uf si und doch zimmli glüffe si a däm Tag und mir am nächschte Morge wieder am 4ri uf hei müesse, simer doch scho am 8ti ga lige 😳😅 het abr guet ta hurti chli Schlaf😉    Okumaya devam et

    Çeviriyi gör
  • Zentral- und Südamerika
    Gün 191

    Rainbow Mountain & Red Valley 🇵🇪

    21 Eylül 2023, Peru ⋅ ☁️ 7 °C

    Mir hei ä Tagestour gmacht zum berühmte Rainbow Mountain. 🌈 Mir hei für das nid die klaissischi Touri Tour gmacht, sondern si dür z Red Valley gwanderet und am Schluss zum Rainbow Mountain cho. Das isch mit Abstang eini vo dä beschtä Entscheidige gsi, wöu das Red Valley isch so wunderschön gsi, imposant umd farbenfroh! 🙌🏼 Ä witere Pluspunkt isch ou gsi, dass mir dert quasi allei si ungerwegs gsi u däm ganze Touristrom hei chönne uswiichä.

    Der höchscht Punkt isch uf ca. 5045m gläge und d Wanderig säuber isch immer so uf 5000m gsi. O da hei mir ke Problem gha mit der Höchi und mitem Schnuuf. Üsä Guide hetnis nachem nä Zitli ou allei la loufe wöuer het gmerkt das mir zimmli zackig ungerwegs si und ou wöu är zum Räschte vor Gruppe het müesse luege. Mir hei i üserä Gruppe no 3 angeri Lüt vo Frankriich drbi gha, aber die hei uf halbem Weg müesse umchehrä, wöus ihne wäge der Höchi nid guet isch gange (Chopfweh und Unwohlsi). Si hei leider der Rainbow Mountain nid gseh.

    Üs hets gfaue und hei sehr Freud gha a dere Wanderig😄    Okumaya devam et

    Çeviriyi gör
  • Zentral- und Südamerika
    1
    Gün 189

    Cusco 🇵🇪

    19 Eylül 2023, Peru ⋅ ☁️ 15 °C

    Soo, mir hei scho kang ke Footprint meh gmacht, abr iz ischs ume mau nache 😅 mir hei i dä letschte 3 Wuche so viu erläbt u gseh das mä garnid isch drzue cho fürne ihtrag z mache😄

    Nach Bogotá si mir uf Cusco in Peru gfloge. Das isch d Houptstadt gsi vo dä Inkas. Die Stadt liegt uf ca. 3‘600m und isch ou prägt vo der Kolonialzit. Wär hiä Abentür, d‘Anden und etlichi Höhenwanderige wot erläbe, isch hiä genau richtig, wöu es isch wunderschön und het üs zimmli us dä Sockä ghouä😄🙌🏼

    Mir si ou kulinarisch uf Entdeckigstour gsi. Mir hei Alpaka probiert, Ceviche simer ga ässe und de hei mir natürli ou Meersöili probiert, was hiä in Peru aus absoluti Delikatesse gilt.😅 Aso Fleisch isch aube nid so viu dranne a somnä ganze Meersöili u schmöcke duets eher nach Poulet. Aso mir si nid so fan gsi🙈 Lieber no paar mau ga Ceviche ässe 😉

    Es het i jedem Eggä vor Stadt ganz härzigi Lädeli gha mit auerlei Chleider us Alpaka Wullä. Odr de hets ganz typisch die peruanische Froue gha wo traditionell kleidet si und uf dr Strass si ghöcklet mit ihrne chliine Alpakas - natürli äxtra für Touris damit mä es Foti cha mache abr drfür mues zahle.🦙

    Süsch isch d Stadt sehr schön und ad höchi hei mir üs o schnäu gwohnt gha und absolut ke Problem gha mit Höhenchrankheit odr so. Aber wemä isch umeglüffe u am nä Ort ufe isch, isch mä scho iz schnuufä cho u het gmerkt, dass d‘Luft bizi dünner isch😄    Okumaya devam et

    Çeviriyi gör
  • Zentral- und Südamerika
    1
    Gün 187

    Bogotá 🇨🇴

    17 Eylül 2023, Kolombiya ⋅ ☁️ 16 °C

    I der Houptstadt vo Kolumbien hei mir nid so viu gmacht. Mir si sehr erschöpft gsi vo dä letschte paar Wuchene vom ständige Packe, umereise mite Busse und recherchiere u drum hei mir am erschte Tag afe grad mau nüt gmacht ussert nume schnäu eifach chli ir Stadt umeglüffe😄🙌🏼
    Am zweite Tag hei mir ä gfüehrti Biketour dür d Stadt gmacht. Das het mega gfägt aber isch zum Teil vom fahre her bau chli gfährlech gsi😅 Die Tour wär eigentlech 4 Stung gange aber schlussendlich simer öpe 5h ungerwegs gsi😄 Mir si ga Schoggi schnouse, hei Kafi probiert, mir si bim nä Markt gsi u hei gfüehlt 20 verschiedni exotischi Frücht probiert wo mir öpe nume no 2 odr 3 wüsse wie die heisse und hei sehr viu verschidni Bezirke, Gebäude und Kunst gseh vor Stadt.
    Mir hei zwüschezitlech chli müesse schmunzle, wöu üsä Guide am „Doc“ alias Emmett Brown vom Fium Back to the Future het gliche..aso vo dä Gsichtszüg z‘mingscht. Im Gägesatz zum Doc het üsä Guide bau kener Haar meh gha ufem Chopf, drfür heisi grau vore bim Pulli u hinger im Äckä usegluegt 🫢 Abr er isch super gsi, sehr nett und het sehr viu gwüsst z verzeue! 🙌🏼    Okumaya devam et

    Çeviriyi gör
  • Zentral- und Südamerika
    211
    Gün 183

    Salento 🇨🇴

    13 Eylül 2023, Kolombiya ⋅ ☁️ 19 °C

    Witers simer uf Salento. Das isch ou wieder es chliises Dörfli wo ganz viu chliini Souvenir Lädeli het. Aber ir erster Linie geit mä uf Salento vorauem wäge dene riisige Wachspalme wo im Cocora Valley wachse und wäge dä Kafi Fincas. 🌴☕️
    Mir hei dert ä Kafi Tour gmacht und hei sogar säuber chli dörfe erntä. Es guets Kafi wird hiä mit der allergröschte Sorgfalt, Geduld und Können zuebereitet. D‘Kafibohne wird eher grobkörnig gmahle und när wird gfilteret.
    Beihdruckt het üs vorauem ou d‘Natur rund um die Kafipflanze, wo häufe dass die Pflanze gsung blibe - drzue ghöre verschidni Tier und ou angeri Pflanze.
    Am zweite Tag hei mir ä 4h Wanderig gmacht im Cocora Valley. Dert si mir die riisige Wachspalme ga bestuune und hei ä huufe farbigi Kolibris gseh. Z Wetter hetsech nid grad vor beschte Site zeigt und isch uf 2860m.ü.M. ou dementsprechend früsch gsi😅    Okumaya devam et

    Çeviriyi gör

Bize katılın:

iOS için FindPenguinsAndroid için FindPenguins

  • 2024© FindPenguins
  • Ana sayfa
  • Hakkımızda
  • Blog
  • Grup takibi
  • Basın
  • Hükümler
  • Gizlilik & Cookies
  • Destek
  • Damga
  • Türk