Mir si nach es paar wunderschöne Tage in Norwege hüt d Königsetappe gfahre: vo Repvåg entlang de Fjorde ih Nordkapptunnelen (212 Meter unter Meer) nach Honningsvåg und denn über 2 steilä Ufstige az Nordkapp🌐🇳🇴. Di letstä 4 Tag hei mir dopplet so schnell als planet gfahre, um z perfekte Wätter und d Mitternachtssunne z verwütsche. Es isch nämlech sehr wichtig, dass wemä a z Nordkapp geit, guets Wätter isch.. hei mir üs jedefaus vo de Skandinavier lah säge🦌😁👍. Renntier hei mir inzwüsche huufe gseh😍.
Iz geits heimä zue!🇨🇭🐄Read more
Am 14.07 hei mir der Polarkreis überquert, die erste Rentier gsichtet, üsi erschti Tagesetappe über 100km (114km) grisse u när no d Nacht im Hotel (inkl. Sauna und Elchburger) verbracht. Aso e Geburtstag winer nid besser chönnt si. Merci o für die liebe Glückwünsch🎊😀. Hüt si mir über die finnischi Gränze gradlet u somit fürne Tag ire angere Zytzone bevors morn witer uf Norwege geit🇫🇮🇳🇴. Sunne u Räge wächsle sech chli ab, nur d Mosiktos u d Böim blibe die gliiche.Read more
TravelerWilder Norden! Sogar mit Elchburger! Und diese einsame Landschaft, die grossen wälder, die seen - auf dem wohnzimmerstuhl ein genuss, auf dem sattel sicher auch mit zähen momenten verbunden. Aber ihr wisst wie euch verwöhnen - ich mach mir keine sorgen - man sieht euch die freude an. Go on! 🚴♀️🚴🏻♂️
Ändlech hei mir mau wieder Zit gfunde zum e Post z mache. Z Dänemark het üs d Mirella bsuecht u mir hei gli drufabe d Fähre vo Frederikshavn nach Göteborg gno. Dert hei mir 4 Nächt verbracht u si witer nach Brattfors, wo mir 1 Wuche immne Cottage verbracht hei mit Kanufahre, Fische und umelöie🎣🚣💦. Sit denn hei mir üsi Tagesetappene verlängeret und Ruhetäg mache mir nume no säute. D Natur isch wunderschön, überau gseh mr witi dichti Tannewäuder, ganz viu Seeä und Flüss. D Städtli wärde immer wie chliner und dermit d Läde und Campingplätz säutener. Es paar mau hei mir üses Zelt im Waud ufbout, aber da mä relativ schneu ihre Mosiktowouche landet versueche mr jedi Nacht ufmne Campingplatz z si.Read more
TravelerFür hüt am 14.07. isch bi öich sicher fiire uf em Programm...am Domenic härzlechi Gratulation zum Geburi u aus Gueti. Proscht und uf e witerhin spannendi, spassegi u umfaufreii Veloreis.
Hoi zäme. Erscht 68 Täg unterwegs met em Welo und scho in Schwede :-) Chapeau! Ächli verspötet, aber umso härzlecher wönsche mer der liebe Domenic alles Gueti zom Gebortstag. Du glaubsches ned, aber do in Paris hents dech met ämene risige Defilee inklusive Macron gfyret :-). Witerhin bonne route! mer freuid eus of witeri Posts vo euch. Liebi Grüess euch beidne, Götti ond Beatrice
Mir hei Holland, d Stroopwaffles und dr Hagelslag hinger üs gla, si iz im Ostfriesland und us Goedendag isch Moin worde. Langsam wirds richtig summerlech und heiss, mir fröie üs ab und zue es Glace oder es Bädli z ha. Gester si mir sogar am nä Sandstrand ga sünnele🏖️ Ei Nacht hei mir ufemne Camping verbracht mit Seehundeuffangstation (siehe Video).Read more
Sitem letstä Post si mir bis uf Amsterdam cho und heis üs dert zwöi Tag lah guet gah. Gester isch am Domenic si Lowrider ih zwöi Teili broche u de heimr 1,5h gha zum ä Ersatz ufztribe. Chli speter aus planet si mir de az Meer gradlet. Hüt si mr übere Afsluitdijk iz Friesland gfahre. Ds wiite Meer z gseh isch sicher eis vodä tollste Highlights bis iz🌊🐑Read more
TravelerWir sind sooo bei euch! Die fotos sind herrlich! Und wir sehen, dass ihr spass habt und euch liebt. Was können wir uns mehr wünschen. ♥️♥️♥️
Z Köln simr dr schön Dom ga ahluege und hei im Kino üsi Beii entspannt. Di letzti Nacht in Dütschland hei mir de no unextra ufemne Nazi-Camping verbracht. Hüt si mir z Holland acho und froh drüber es neus Land z gse🇳🇱. D Velowäge si in DE chli es "Wo ist Walter"-Spili gsi, hie si si ahgnähmer und drum si mir oh viu flüssiger unterwegs. Usserdem si mir mittlerwile üsi erste 1000km gfahre!😁Read more
TravelerDanke für d foto vom dom! Auftrag erfüllt! 😉 Gratulation zu den ersten 1000 km. Je mehr km desto schöner seht ihr aus! Wird richtig kitschig, wenn ihr am nordkap seid! 😎😎 Gueti ankunft in amsterdam. ♥️♥️♥️
Zwöi Wuche simer iz unterwägs und ässe grad zMittag in Bonn, am Nami weimr de z Köln si und üs dert ä Tag d Stadt ahluege. Ds Wucheändi hei mir gedigä im Hotel in Koblenz verbracht dank und mit Paul & Christa😊😍.
Dr Gägewind stört üs nümme witer, sit dä letste Tage heimr ändlech oh chli Röggewend😁. Sunnä u Räge wächsle sich chli ab, aber di kurze Hose hei mir ömu oh scho chönne montiere🔥😎Read more
Mir hei immer no Gägewind u müesse rächt strample. Es isch sträng, aber mir chöme trotzdem guet vorah. Mir fröie üs uf nä schins mega schöni Route ab iz bis Koblenz. D Sunnä hei mir ömu uf üsere Site🌬️🚴🚴♀️☀️🔥🤙Read more
Di letstä Täg het z Wätter chli gwächslet. Ir Nacht rägnets nümm geng und dr Himmu isch blau u nümm grau☀️, derfür heimr mega starke Gägewind... Am Rhii entlang gseh mr mega viu Gäns, Änte, Störch und Bisamratte. Hüt hei mir ä Ruhetag in Speyer u gniesse d Sunne u z Bier😊Read more
Einfach nur schön.Super gmacht 🥇🚴🥇🚴🥇🦔😘😘😘😻
🥇🚴🥇🚴🥇🦔🙋😘😘😘😻