Weltreise

августа 2018 - августа 2019

August 2018 - Juli 2019 Читать далее

144следов
27стран
372дней
804фотографий
0видео
93,1ккилометров
67,2ккилометров

Подписаться Календарь Поделиться Корзина

Дата по возрастанию

Путешественник Weltreise
- Показать поездку
- Добавить в корзинуУдалить из корзины
- Поделиться
- 19 авг. 2018 г.
- ☀️ 13 °C
- Высота: 1 066 м
- Канада Alberta Jasper Jasper Railway Station 52.87557, -118.0819352°52’32” N 118°4’55” W
День 16
Moose: Lake Louise to Jasper
19 августа 2018 г., Канада ⋅ ☀️ 13 °C
Ah dem Tag hämmer sehr früeh müsse ufstoh :) Abfahrt esch 7.00 gsii well mer als ersti händ welle bim Lake Louise si am Morge. Ich muss ehrlich säge...es escho ehn schöne See aber vo dene geds viel in Kanada drum eschs mer ned ganz logisch wie do jede Tag soo viel Touriste chönnd häre cho. Mer händ ehn Wanderig vo dem See us ih es härzigs Alp-Tee-Huus gmacht. Es esch öbbe zwoi Stund ehn sehr schöne Wäg deruf gange. Dobe hed mer sich mit ehmene feine Tee chönne belohne und denn weder abe laufe. Es paar sind am Schluss vo de Wanderig no i See go schwimme....aber das esch mer denn doch z chalt gsii ich has bim Füess inne hebe gloh.

Im Bus hämmer no chli extrem Pictionary (Montagsmaler & extrem wells uf de Autobahn im Bus stattfinded) gspielt - das esch sehr unterhaltsam 😅. De nöchsti Halt hämmer wedermol ah ehmene Wasserfall gmacht wo mer au wedermol chli ufe klättered sind. Denn sind mer no zu ehmene Fluss (ergendöbbis Canyon) gfahre und händ det es Spatziergängli dure gmacht. Gässe hämmer denn in Jasper jede ih sim Restaurant nach Wahl. Für mich heds indisch gäh :)

Nach ehm ässe sind mer ih es Wald Hostel chli usserhalb vo Jasper. Es hed zwar kei Duschene und Wlan gäh - defür um so meh charme und Spass am Lagerfüür :)Читать далее
Посмотреть перевод
6 лайков
Путешественник Weltreise
- Показать поездку
- Добавить в корзинуУдалить из корзины
- Поделиться
- 20 авг. 2018 г.
- ⛅ 12 °C
- Высота: 1 391 м
- Канада Alberta Banff Saint Paul's Presbyterian Church 51.17836, -115.5707751°10’42” N 115°34’15” W
День 17
Moose: Jasper to Banff
20 августа 2018 г., Канада ⋅ ⛅ 12 °C
Ah üsem letschte Morge hämmer es riesigs Zmorge verastalted mit pancakes und allem - wo ich leider verschlofe han 😅 shit happens 🤷‍♀️.

Mit minere bizli schlächte Luune well ich pancakes verpasst han sind mer denn ah ehn See gfahre. Au de esch extrem chalt gsii. Vieli sind trotzdem go bade und send sogar vo de Klippe inne gumped. Ich ha mer eis vo üsne Böötli gschnappt und bi chli uf de See use gfahre - so esch die schlächti Luune sehr schnell vergässe gsii.

Zum Schluss händ mer denn no üse letschti Wasserfall und üse letschti See ahgluegt. Beidi händ ganz klar zu de beidruckenste ghört wo ich bis jetzt uf de Tour gseh han. Zum Peyto Lake hed üse Guide sogar ehn "secret lookout" kännt. Ca. 10 minute wäg vom offizielle Ussichtspunkt eifach besser und ohni Lüüt 😍.

Am Obig in Banff händ mer im Hostel gässe und send denn relativ früeh is Bett.

Ich ha no drüü Täg in Banff gha wo ich sehr gmüetlich gnoh & gnosse han. Banff esch werklich es härzigs Touri-Städtli. Überall chlini Lädeli und Kaffis, d Strosse heissed Bear-/ Wolfavenue usw. & alles esch für Touris beschrifted. Mer trifft viel Wanderer wo wochelang dure Nationalpark gloffe sind oder no wärded laufe. Mit zwoine vo de Tour wo ich Fründschaft gschlosse han bini ah üsem letscht gmeinsame Obig no zäme go ässe und es Stuckwiit uf de Tunnel Mountain ufe gloffe. Ah de Täg wo ich alleige gsii bin, bi ich chli go shoppe (also ja ei churzi Hose), go Kaffi trinke, ha mis Tagebuech noche gfüehrt, ha mini Reis wiiter plant und bi zum Wasserfall grad usserhalb vo Banff spatziert :)Читать далее
Посмотреть перевод
Путешественник Hey jetzt bisch 3 Wuuche furt...wahnsinnig was Du alles scho wunderbars erläbt hesch. 😍 schöööön
25.08.2018Ответить
Путешественник Wennt Hei chunnsch machi Pancakes🤣
25.08.2018Ответить
Путешественник Ich vermisse dich lieblingsschwöster 😍 du läbsch grad DE traum, gnüss es no wiiter ond ich freue mich denn ufd stories vom surfe 😉😆
25.08.2018Ответить
Еще 3 комментария
6 лайков
Путешественник Weltreise
- Показать поездку
- Добавить в корзинуУдалить из корзины
- Поделиться
- 25 авг. 2018 г., 22:15
- ⛅ 14 °C
- Высота: 14 м
- Канада British Columbia Regional District of Alberni-Clayoquot Tofino Tofino Harbour Water Aerodrome 49.15295, -125.9118749°9’11” N 125°54’43” W
День 22
Tofino Beachdays
25 августа 2018 г., Канада ⋅ ⛅ 14 °C
Tofino esch so es härzigs Dörfli. Mit mim Hostel diräkt am Meer han ich do es paar entspannti aber tolli Täg erläbt.

Scho uf ehm Hiwäg im Bus han ich zwoi anderi Soloreisendi troffe wo au unterwägs is gliiche Hostel gsii sind. Mer händ üs schnell ahgfründed vorallem well mer alli s gliiche Ziel gha händ: in Tofino go surfe. Ich ha mich au grad für de nöchsti Morge für ehn Surfkurs ahgmälded. S surfe esch unglaublich gsii. Es macht so Spass und ged eim eifach ehn Momänt Ziit alles usse ume z vergässe und nur de Momänt ih volle Züüg z gnüsse. Nach ehm surfe han ich mer ah ehmene chline Märt öbbis z Ässe kauft und bi denn zrugg is Hostel. Am Obig bini mit mine Bus-bekanntschafte ah zwoi verschiednigi Stränd - beidi extrem schön.

Am nöchste Morge han ich ändlich mol usgschlofe - das heds bruucht. Am mittag bini denn weder go surfe. Das mol han ich eifach chönne es Brätt miete mit de Surfschuel mitgoh und chli sälber probiere. Ich bi sehr viel gfloge aber au ab und zue gstande und für das lohnt sich scho alles 😅.

Höt morge bini denn früeh uf und ha mer es richtigs luxus zmorge verahstalted. Höt nomitag am 1 gods schoweder wiiter uf victoria. Bis det sitzt ich no chli am Meer und gnüsses eifach 😍Читать далее
Посмотреть перевод
Путешественник Surf....nanananana surf.... 🏄 🎉
28.08.2018Ответить
Путешественник Eifach Hammer, gnüs Dini Freiheit
28.08.2018Ответить
Путешественник Weiterhin vell Spass und Gnüss dini vele idrück ☀️🏄‍♀️😘❤️
29.08.2018Ответить
6 лайков
Путешественник Weltreise
- Показать поездку
- Добавить в корзинуУдалить из корзины
- Поделиться
- 29 авг. 2018 г., 19:08
- ⛅ 16 °C
- Высота: 11 м
- Канада British Columbia Victoria Halkett Head 48.42721, -123.3698348°25’38” N 123°22’11” W
День 26
Victoria
29 августа 2018 г., Канада ⋅ ⛅ 16 °C
In Vicoria han ich weder nor guet 2 Täg gha aber das esch au ganz okey für das chliine Städtli.

Wo ich acho bi esch min ersti Gedanke gsii: Ich bi im Europapark 😍. Es esch dunkel gsii und überall heds schön belüchteti Gebäude gha, Strossemusiker händ so Europaparkmusig gspielt, es sind Kutsche ume gfahre und es send fröhlichi Mänsche ume gloffe. De Gedanke hed sich am nöchste Morge nur bestätiged. Ich bi vom Hostel los zum chli durs Städtli laufe und ha uf ehm Wäg spontan ehn Whale watching Tour für de Nomitag buecht. Denn bin ich no zum Fishermans Warft gloffe. Die kitschige Böötli und die eiradfahrend Strossekünstler händ s Europaparkfeeling no verstärkt. Am Nomitag bini denn go Wal beobachte. Mer händ ganzi drüü Familiene gseh wo teilwiis extrem nöch ahs Boot cho sind - das esch sehr sehr beidruckend gsii. Nach dem Ihdrückliche Tag han ich mich is Zimmer zrug zoge zum chli mit minne Zimmergnosse rede und ha denn Znacht gmacht.

Höt bini is Royal Museum of Britisch Columbia. Es riesigs Museum. Ich ha gfonde ich chieng Kanada ka chum verloh ohni wenigstens es bizli öbbis drüber glehrt zha. Im Museum heds drü Ustellige gha: Ägypter, Tier vo de Umgäbig und Uriwohner so wie d Entstehig vo dere Region. Es esch sehr guet gmacht mit Videos und Nochebildige und so...aber au chli gnueg Gschicht für ei Tag. De Nomitag hani denn i mini wiiteri Reiseplani investiert...

Ich cha verkünde dass ich Kanada morn verloh zum mit de Fähri us Seattle z reise. Det hani aber leider nur ehn Nacht weil übermorn min Flug uf Hawaii god 😄. Ich bi scho mega ufgregt und freu mich werklich.Читать далее
Посмотреть перевод
7 лайков
Путешественник Weltreise
- Показать поездку
- Добавить в корзинуУдалить из корзины
- Поделиться
- 31 авг. 2018 г.
- ⛅ 18 °C
- Высота: 59 м
- Соединенные Штаты Washington King County Belltown Port of Seattle 47.61435, -122.3472847°36’52” N 122°20’50” W
День 28
Seattle
31 августа 2018 г., Соединенные Штаты ⋅ ⛅ 18 °C
Ich bi gester am Nomitag am 15.00 in Seattle acho und ha höt Morge am 5i de Zug zum Flughafe müsse verwütsche....das ged ned bsunders viel Ziit. Aber imerhin gnueg für ehn Stadt-spaziergang 😅.

Uf mim Wäg zum de Banhof sueche bin ich am Public Market und no vielne andere chline Sehenswürdigkeite verbi cho. Woni de Bahnhof gfonde gha han (mit vielne Umwäg wells so viel z gseh gäh hed) bini no zum Space Needle gloffe.

Am Obig bin ich d StandUp comedishow im Hostel go luege und bin denn nomol churz durd Stadt gloffe.

Jetzt hock ich grad am Flughafe und warte uf min Flug uf Hawaii :)Читать далее
Путешественник Erstaunlich verstehe ich deine schwyzerdütsch nicht schlect. Kommentieren muss ich trotzdem auf Deutsch. Ich spüre deine Begeisterung und bin selber auch begeistert dich auf deine Reise zu folgen. Du hast alles wunderbar erlebt, die Zeit schön genossen. Weiter so😍🐞
02.09.2018Ответить
Путешественник Danke vielmals Wikun :) freut mich dass du es so gut verstehst!
03.09.2018Ответить
6 лайков
Путешественник Weltreise
- Показать поездку
- Добавить в корзинуУдалить из корзины
- Поделиться
- 2 сент. 2018 г., 17:00
- ⛅ 27 °C
- Высота: 59 м
- Соединенные Штаты Hawaii Honolulu County Kapahulu Ulukoa 21.27279, -157.8223121°16’22” N 157°49’20” W
День 30
Willkomme im Paradies *_*
2 сентября 2018 г., Соединенные Штаты ⋅ ⛅ 27 °C
Am Flughafe stoh, ehn security mänsch froge wele bus denn uf honolulu zum waikiki beach god & ehn ärnsthafti antwort becho - hawaii hed mich vom erste momänt ah begeistered. Ich bi so ufgregt gsii ah so ehmene schöne Ort döffe z sii und bi bis jetzt no keis bizli entüscht worde.

Ah mim erste Tag han ich natürlich so schnell wie möglich is Meer müsse go schwimme und chli sönnele. Nacher bini chli dur d Stadt spatziert und ha mer öbbis z ässe kauft und bi denn weder zrug ah strand go schwimme und läse bis d sonne under gange esch. Es esch ehn unglaublich schöne sonneuntergang gsii. Wo ich zrug i mis hostelzimmer cho bin han ich det all mini zimmergnosse versamled am bier trinke gfonde. Dem han ich mich natürlich müsse ahschlüsse. Am Schluss simmer als wild zämegwürfleti gruppe dur d bars vo honolulu zoge.

Am nöchste Tag bin ich denn zu de Manoa Falls gloffe. Ehn extrem schöni Wanderig dur de Wald füehrt zu ehmene Wasserfall wo mer zum dusche cha verwände. Es hed es bizli viel Lüüt gha aber ich has trotzdem mega gnosse. Ich ha mer eifach viel Ziit gno zum all die schöne Bäum und Vögel usw. ahzluege. Wo ich zrugg is Hostel cho bin hani Julie (eini vo mim Zimmer vo Québec) ahtroffe und mer händ entschiede zäme go z Poste und Znacht z ässe. Mer sind zu somene mega bekannte Japaner wo mer zwar ca. 20 min muss warte bis mer inne chonnd, defür aber für ned mol 5 Dollar ehn Noodel Soup mit sälber gmacht Nudle bechond. Am obig simmer denn weder mit allne Zimmergnosse i Usgang

Au de nöchsti Tag bin ich denn mit de Julie mit. Mer send früeh uf und händ de Koko Head trail gmacht. De wäg füehrt es alts Bahngleis deruf und esch sehr ahstränged - deför esch d Ussicht dobe toll. Nacher simmer no i Hanauma Bay go schnorchle. De Strand esch sehr überloffe gsii, ned werklich toll. S schnorchle esch aber mega schön gsii und mer händ sehr viel Fisch i allne Farbe gseh. Ca am 3 händ mer üs denn weder uf de Heiwäg gmacht weil d Julie höt no uf ehn anderi Insle flügt. Ich bi zrugg im Hostel, mache mini Wösch und vellecht no schnell es Mittagsschlöfli :)Читать далее
Посмотреть перевод
Oh mein gott😱😍 das gseht ja hammer us und du erlebsch soooooooo cooli sache😍
03.09.2018Ответить
Путешественник So schön...eifach nur genial was du alles dörfsch erläbe😍
03.09.2018Ответить
7 лайков
Путешественник Weltreise
- Показать поездку
- Добавить в корзинуУдалить из корзины
- Поделиться
- 7 сент. 2018 г., 18:31
- ⛅ 26 °C
- Высота: 38 м
- Соединенные Штаты Hawaii Honolulu County Mokumoa Island (historical)Honolulu International Airport 21.33351, -157.92421°20’1” N 157°55’26” W
День 35
Honolulu
7 сентября 2018 г., Соединенные Штаты ⋅ ⛅ 26 °C
Ich verloh höt Honolulu und au d Insle Oahu zum wiiter uf Big Island z go. Us dem Grund möcht ich no chli über mini vergangnigi Woche do brichte.

Ich ha sehr viel unternoh und ha ehn mega tolli Ziit gha. Am Ziistig han ich ehn Tour um d Insle buecht. Die hed mer ehn Ihblick i vieli vo de Attraktiome gäh. Mer send uf ehn Macadamia Farm, mit Schildkröt go schnorchle, uf ehre Shrimpfarm go shrimps ässe und am Schluss no uf ehn Anannas Plantage go Annanas Glace ässe und verschiednigi Annanas-Arte ahluege.

Am Mittwoch han ich eigentlich welle ih ehn Hawaiin Massage Kurs und denn uf de Diamond Head wandere. Da ich de Massagekurs ned gfonde ha und denn mit ehm Bus ah de Station für de Diamond Head verbii gfahre bin, han ich mich entschiede eifach im Bus hocke z bliibe bis ich ergendwo bi wos schön usgsehd. Es hed sich glohnt - ich bi ah ehmene wunderschöne, relativ lääre Strand glanded.

Am Donnstig bini am Morge go surfe. Denn han ich denn doch no die planti Wanderig uf de Diamond Head gmacht und am Obig hani es riese Glück gha dass eine vo mine Zimmerkompane leider z viel gchoched hed und ich darum ha döffe d Räste ässe. Er esch Bruefschoch und es hed au dementsprächend gschmöckt 😋.Читать далее
Посмотреть перевод
Ech ha letscht Woche de Link för din Reiseblog vode Larissa becho... Läck du erläbsch jo mega beidruckendi Sache!!! Bi sehr beidruckt. Wiiterhin viil Spass! LG Miriam (SSA)
10.09.2018Ответить
Путешественник Oh so cool luegsch mol chli drii 😊! Ich bi au mega beidruckt vo all dene Sache wo ich döf erläbe 😄
10.09.2018Ответить
7 лайков
Путешественник Weltreise
- Показать поездку
- Добавить в корзинуУдалить из корзины
- Поделиться
- 12 сент. 2018 г., 15:17
- ⛅ 29 °C
- Высота: 4 м
- Соединенные Штаты Hawaii Hawaii County Ali‘i Kai Kamoa Point State Historical Park 19.6078, -155.9768219°36’28” N 155°58’37” W
1
День 40
Big Island Adventures
12 сентября 2018 г., Соединенные Штаты ⋅ ⛅ 29 °C
Ich bi jetzt scho 5 Täg uf de Big Island vo Hawaii und ha scho so einiges erläbt.

Ich ha so viel wunderschöni verlassnigi Stränd gseh 😍. Min lieblingsstrand bliibt de Makalawena beach vom erste Tag! Det sind mer werklich eifach alleige im wisse Sand under Palme gläge. Chum esch mer abtaucht hed mer die schönste Fisch gseh und de Strand esch mer mit all dem schwarze Lavastei rund ume chli wie ehn Oase vorchoh.

Au ehn Wanderig hani do scho unternoh mer send ah Pololu Valley Lookout gfahre zum det de schwarzi Sandstrand gnüsse. Leider hämmer erst dete gmerkt dass es ehn ca. 45 min Wanderig zum Ussichtspunkt ged. Trotz de sehr unpassende Schue hämmer die natürlich müsse mache. Es esch es Abendtür gsii mit Sandale und Strandchleid dur de matschig Wald z laufe. Aber schlussändlich händ mers ja gschafft & d Ussicht esch unglaublich gsii.

Ehn wiitere Höhepunkt esch d fahrt uf de Mauna Kea gsii. Mer händ ganz per Zuefall mit zwoi düütsche Kolleginne mit chönne wo ehn Ranch rover gmieted händ. Mit ehmene normale Mietauto eschs eim gar ned erlaubt det ufe z fahre & ich hätts sälber glaubs au ned trout 🙈. De Mauna Kea esch vo Fuess bis Spitz gmässe de höchsti Bärg vo de Wält. Nur dass halt über d hälfti under ehm Meer esch. Leider händ mer wäg ehmene Sturm sobald d Sonne dunne gsii esch müsse go und händ drum d Stärne nömme chönne ahluege. Aber de Sunneuntergang esch au wunderschön gsii.

Süscht bin ich au no chli im Dörfli ume gloffe, bi uf ehm Meer go Kajak fahre und ha ehn typisch Hawaiianische Poke probiert. Ih de Ziit wo d Julie do gsii esch händ mer immer sälber gchoched und üs sogar sandwiches zum Zmittag gmacht :)Читать далее
Посмотреть перевод
Путешественник DPalme und Du😍mis absolute Lieblingsbild. 😘mami
13.09.2018Ответить
Путешественник Echli Zoome uf mini Bei zeigt de Matsch 😂
13.09.2018Ответить
Ja es wirklich absoluts Traumbild!😍 sooo schöni bilder😘
13.09.2018Ответить
7 лайков
Путешественник Weltreise
- Показать поездку
- Добавить в корзинуУдалить из корзины
- Поделиться
- 15 сент. 2018 г., 19:14
- ⛅ 27 °C
- Высота: 5 м
- Соединенные Штаты Hawaii Hawaii County Ali‘i Kai Kamoa Point State Historical Park 19.60789, -155.9767819°36’28” N 155°58’36” W
1
День 43
Letschti Täg z Hawaii
15 сентября 2018 г., Соединенные Штаты ⋅ ⛅ 27 °C
Ich gang höt wiiter uf L.A. und loh drum s wunderschöne aber leider au extrem tüüre Hawaii zrug. Die letschte Täg han ich nomol rechtig gnosse.

Ich ha zwoi Täg lang mit zwoi kanadierinne wo es Auto gmieted gha händ chönne mitgoh. Zäme sind mer zum ehmene Ussichtspunkt und Strand gfahre und sind uf Hilo go d Akakafalls und d Rainbowfalls ahluege. Als abchüelig sind mer ih de Naturalpools vo Hilo no mit ehnere Schildchrot go schwimme. Am letschte Obig händ mer denn im Hostel Cards against Humanity gspielt und sind denn ih ehn Bar. Es esch sehr viel los gsii well Kona das Wuchenänd Pride fiired.Читать далее
Посмотреть перевод
Путешественник ❤😎🌴
16.09.2018Ответить
Путешественник Hey Irina, das tönt jaa alles super wo du erlebsch😍 Mer hend jetzt gad im Büro vo dinere Reis glese & die schöne Bilder betrachtet!! Ganz liebi Grüessli vom Sekretariat - Gnüss es! 🌴☀️
18.09.2018Ответить
Hello globetrotter, ich wäre gerne dabei. Vancouver und Hawaï sind schon auf meiner Liste. Ich besorge schon mal ein Sparschwein. Mach's guet witerhi. Liebe Grüsse aus Genf, Gabi und Co.
19.09.2018Ответить
Еще 3 комментария
5 лайков
Путешественник Weltreise
- Показать поездку
- Добавить в корзинуУдалить из корзины
- Поделиться
- 19 сент. 2018 г., 03:52
- 🌙 17 °C
- Высота: 115 м
- Соединенные Штаты California Los Angeles County Hollywood Selma Park 34.10058, -118.3322434°6’2” N 118°19’56” W
День 47
Los Angeles
19 сентября 2018 г., Соединенные Штаты ⋅ 🌙 17 °C
Die letschte drüü Täg bin ich in Los Angeles gsii. Drüü Täg sind ned bsunders viel für so ehn riesigi Stadt aber ich ha mer Müeh gäh chli verschiednigi Stadtteil z erkunde zum ehn guete Gsamtidruck z becho :)

Mis Hostel isch in Hollywood gsii. Ih dere Umgäbig bi ich de Walk of Fame entlang gloffe (und ha übrigens per Zuefall festgstellt dass de Walt Disney grad zwoi Stärne hed 🤔), bi go s Hollywood-Sign ahluege und ha d'Beverly hills bsuecht. Zuesätzlich bin ich einisch zum Venice Beach gfahre und bi det chli dur de Stadtteil Santa Monica gloffe (alles sehr touristisch). Und ei Nomittag han ich in L.A. Downtown verbrocht...det heds mer aber gar ned gfalle. Es wimmled vo Obdachlose und stinkt überall 😥.

Jetzt sitzt ich wedermol am Flughafe 😅. Es god höt wiiter rechtig Kuba für mich. Ich freu mich scho mega bi aber au bizli nervös well ich kei spanisch cha.Читать далее
Посмотреть перевод
6 лайков

Загрузить еще