Osteuropa Nr. 2

Fr: nach 6 Stund heisser Zugfahrt simmer zBudapest aacho, uswärts go esse und is Airbnb. Denn no e Folg vonere Doku zum Yugoslawiechrieg gluegt und go schlafe.

Sa: Hüt Morge hemmer e FreeWalkingTour durch Pest (östliche Teil vode Stadt) reserviert. dTour isch interessant aber recht lang gsi, drum simmer direkt nachher go Lagos esse (Soviert-Pizza, wies de Füerer gnennt het).
Mit gfüllte Mäge hemmer churz müese zrugg id Wohnig go nappe. Denn chli id vintageshops vom quartier go shoppe und go znacht esse.
Vor einer Wuche isch Nationalfiirtig gsi. Weg schlechte Wetterprognose ischer uf hüt verschobe worde. So simmer in Gnuss vome wortwörtlich atemberaubende Füürwerk cho (aaschinend sgröscht vo Europa, wunderschön mit Musig untermalt). Zum das verarbeite simmer denn no go Glacé esse und ine hübschi Gartebeiz :)

So: Uf di 11i simmer hüt e FreeWalkingTour durch sJüdische Viertel go mache. De sympathischi Füerer het vill spannends über 2. Weltchrieg, Holocaust und jüdischi Konfessione verzellt. Mitem Bus simmer denn uf Buda übere und hend eus de Palast, dSt Mathias Chile und dFischerbastei aagluegt.
Ime typisch ungarische SelfService Resti hemmer Znacht gesse und sind nachher ine mega hübschi Chellerbar wo riichtig gueti Drinks gha het! Zum de letscht Abig zFüft usklinge lah hemmer eus nachher no id "urban Gartebeiz" vo gester gsetzt.

Mo: hüt morge sind dSimone und dAnna E hei :| ich bin dRumbachsynagoge go aaluege und di andere di grossi. Nachher simmer is Kafi, denn ine Ruinebar und schlussendlich ufem Streetfoodmarket go Goulash im Brot esse.
Für de Abig hemmer eusTickets fürs Orgelkonzert ide Basilika kauft, was mega beiidruckend gsii isch.
Zum Znacht tüemer dihei choche und chille, morn gahts denn uf de Zug.

Di: Uf em Forestier sin Tipp hemmer eus am Bahnhof Túros Táska gholt (Süessgebäck mit Quark) und sind in Zug iigstiege. Ab gahts, 8h Richtig Pole 🔥 Czytaj więcej