Hiroshima

Tag 2 in Hiroshima het ufem Plan gha uf d Insle Miyajima gah. Für das hani zersch mitem Zug und nacher no mitere Fähre müesse fahre und bin so nach ca. 1h denn uf de Insle gsi. Zum Glück hends d Wättergötter wiedermal guet mit mir gmeint und ich ha s schönste Wätter gha ☀️

Gad als Ersts bini zum Itsukushima Schrein wo s bekannte Torii Tor im Wasser usse staht. Es isch amel no spannend all die Sache live zgseh, woni scho oft online und uf Bilder gseh ha 😊 Trotz de vielne Touriste hets wägem Wasser glich e sehr entspannti Stimmig deht gha. Nachdem i denn au no de Schrein sälber aglueged ha bini uf zum nöchschte Ort.

Mis Ändziel isch de Mount Misen gsi und für das hani zersch dur de Momijidani Park müesse. Uf de ganze Insle hets frei läbendi Reh 🦌 (wo sehr hungrig sind und anschienend au Tickets oder Souvenirs wennd ässe) und e grösseri Gruppe isch amel im Momijidani Park. Die sind aber sehr fuul gsi und hends eifach gnosse, im Schatte umezligge. Aso bini denn wiiter dur de Wald zu de Bähnli-Station. Ufem Wäg het mer en andere Tourist no gseit, dasses sich würkli lohnt uf de Mount Misen ufe, es seg aber scho asträngend.. das tönt ja guet 😅

Mitem Bähnli 🚠 bini denn bis uf Shishiiwa Station, was 430müM isch. Vo deht us hani müesse laufe zum ufd Spitze vom Mount Misen cho, wo 535müM isch. S schöne Wätter het halt de "Nachteil", dasses au sehr warm gsi isch und die viele Stäge duruf hend mi ziemli is Schwitze bracht 🥵 Aber dobe acho het sich de Ufwand eimal meh glohnt gha für die schön Ussicht. Han mi denn chli erholt deht obe, bevor i denn wiiter bin.

Durab hani denn e anderi Richtig gno und bin zum Daishoin Tempel gloffe. Es het ziemli viel Lüt gha, wo de Wäg duruf gloffe sind und ich bin aso sehr froh gsi, han ich für uffe vorher en grosse Teil vom steile Wäg mitem Bähnli erledigt gha 😅 De Abewäg isch doch au relativ lang gange, aber schön dur de Wald und näb chlinere Wasserfäll verbi. Und woni denn bim Daishoin Tempel acho bi, hani zersch mal e chli verspöteti Zmittagspause welle ilegge. Es het deht gad am Iigang denn au es Resti gha, wo ich natürli vorher scho ussegsuecht han: Rokaku Tea House. Sie hend nume eis Menü amel im Agebot, aber es isch es sehr feins Curry gsi. D Bsitzerin und de Choch hend denn au eso Freud dra gha, dass ich sie über s App HappyCow gfunde ha und extra drum deht ane cho bi, dass sie mir no en Tofu-Erdbeer Dessert gschänkt hend 😊

Eso guet gstärcht hani denn de Daishoin Tempel agluegt und es het eso viel härzigi und lustigi Jizō Statue gha 😄 Und au susch isches e schöni Tempel-Alag gsi. Zum Abschluss bini denn ufem Wäg zrug zu de Fähre no dur d Omotesando Shopping Strass wos jenstes a Souvenir und Ässe gha het. Denn hanis gad no uf die nögscht Fähre gschafft und mitem Zug, wo voll mit Schüeler gsi isch, zrug uf Hiroshima.
_____________________________

For day 2 in Hiroshima the plan was to go to Miyajima island. For this I had to take the train and then a ferry and after around 1 hour I arrived on the island. Luckily the weather gods were on my side once again and it was the most beautiful weather ☀️

I immediately went to the Itsukushima Shrine which has a famous Torii Gate out in the water. It is always interesting for me to see places live that I've seen so often online or in pictures 😊 Despite the many tourists it still was a very relaxing atmosphere mainly due to the water. After I explored the shrine itself too I went to the next spot.

My final goal was Mount Misen and for this I first had to go through Momijidani Park. On the whole island there are free deer 🦌 (that are very hungry and apparently like to eat tickets and souvenirs too) and a bigger group is usually in Momijidani Park. They were a bit tired and simply enjoyed laying in the shade. So I went ahead to get to the ropeway station. On the way there another tourist told me that it was really worth going up to Mount Misen, but it was tough.. that sounds promising 😅

With the ropeway 🚠 I got to Shishiiwa Station which is 430 metres above sea level. From there I had to walk to the top of Mount Misen which is at 535 metres above sea level. The nice weather has the "downside" that it is pretty hot and the many stairs uphill made me sweat quite a bit 🥵 But once I arrived at the top it was worth the great view. I relaxed a bit at the top before going to the next stop.

Downhill I took a different route and went to the Daishoin Temple. There were a lot of people walking uphill and I was really glad that I did one part of the steep way up with the ropeway 😅 It still took me quite a while to get down but it was a very nice way through the forrest and along smaller waterfalls. When I got to the Daishoin Temple my first mission was to do a late lunch break. Right at the entrance of the temple was a restaurant which I of course looked up beforehand: Rokaku Tea House. They only serve one main course and it was a delicious curry. The owner and the chef were so happy to hear that I specifically came to their restaurant because I found them on the app HappyCow, that they gave me a free tofu-strawberry dessert 😊

With all the strength from the good food I went to explore the Daishoin temple and there were a lot of cute and funny Jizō statues 😄 And it was overall a very nice temple. At the end I walked strolled through the Omotesamdo shopping street back to the ferry where they had a lot of souvenirs and food. I made it just in time on the next ferry and got the train, which was full due to a lot of students, back to Hiroshima.Read more