Wältreis

Nach ere 7h Busfahrt, vielne lebändige aber au tote Lahmas und 2 unnötig ineffiziente Passkontrolle simmer denn in Calafate am Busbahnhof ahcho. Uf de Suechi nach eme Transport id Stadt hemmer ih wiiter Ferni en Taxistand gseh wommer denn go ahfräge sind. Sin Tarif sind 800 argentinischi Pesos gsi. Das sibd Offiziell ca. 4.50chf.
Jetzt en chliine Ihschuub. De Dollar wird offiziell zu 180 arg. Pesos ghandlet.
Jetzt ischs aber so dass d Argentinier pro Monet nur e begränzti Ahzahl Dollar zu dem Kurs beziehe derfed (ca $200). Drum gits ufem Schwarzmärt no de Dollar Blue. Das isch eigentli nüt anders wie de normali Dollar, eifach dass er zuneme viel höchere Kurs ghandlet wird (pro $ ca. 350 arg. Pesos), also bechunnt mer ufem Schwarzmärt knapp dopplet so viel. Das isch natürli voll miis. Will mer das gwüsst hend hemmer in Chile bereits $1400 bezoge zum da ufem Schwarzmärt tüschle.
Gemäss eusem Busfahrer chammer de Dollar Blue aber nur in Buenos Aires tüschle. Glaubed so Blödsinn nie!
So jetzt het de Taxifahrer de Dollar nur für 300pesos welle wächsle. Will er aber eusi erst Kontaktperson gsi isch, hemmer en $ 100er bi ihm gwächslet und er het eus grad nochli d Stadt erklärt. Er het eus au direkt es Restaurant gseit wo mer meh werded chönne wächsle zuneme bessere Kurs. Die hend im obere Stock vom Restaurant sogar es chlises Büro gha. Dete bini mit Trainerhose wie en Assi de Dollar für 338pesos go wächsle. Schomal en guete Kurs.
Per Zuefall hemmer denn bineme chinesische Restaurant ah de Schiibe cjli ahgschlage gseh, dass de Dollar Blue zu 340oesos ghandlet wird. Also isch das natürlich euse nexti Stop gsi 😀
So jetzt zum Calafate selber: Türer als Chile, geils Fleisch, weniger windig und meeega argentinische Akzent überall. S Casino isch im Blackjack voll schlächt, d Landschafte sind aber easy schön und s Wasser im See isch arschchalt, D Streunerhünd händ eus aber gern. D Toure zum Perito Moreno Gletscher sind rächt beliebt. Morn meh dezue 😘Leggi altro