Europa Roadtrip

Agustus - November 2017

Petualangan 113-sehari oleh Dadaste Baca selengkapnya

49footprint
21negara
113hari
264foto
0video
13,2kkilometer
2,2kkilometer

Ikuti Kalender Bagikan Daftar bucket

Pelancong Europa Roadtrip
- Tampilkan perjalanan
- Tambahkan ke daftar bucketHapus dari daftar bucket
- Bagikan
- 3 Agu 2017 11.44
- ☀️ 27 °C
- Ketinggian: 667 mi
- Swiss Canton de Berne Köniz Oberwangehubel 46.91889, 7.3509846°55’8” N 7°21’4” E
Hari 1
1. Tag
3 Agustus 2017, Swiss ⋅ ☀️ 27 °C
Nach Gipfeli u adiä-wou simr gen Norden. Üses erstä Ziu isch Münchä. Nach erster Verwirrig bir Campingplatzsuechi simr i Kontakt cho mitem dütschä Vouk u prompt globt wordä fr üsi Oldschool-Navigation. #gratisMünchächartä
Schlussändlech heimr am Wörthsee ufem Camping übernachtet. Dr See het am Aabä u am Morgä frnä wiukommeni Abchüelig gsorget u d Wiudgäns frne idyllische Sunneungergang (u am Morgä frnes vrschissnigs Badeinseli).
Gschlafä heimr übrigens nid im Alj, sondern z dritt imnä zwöier-Wurfzäut, mir si z' spontan gsi fr dä Camping...
Morn geits witr uf Münchä.Baca selengkapnya
Lihat terjemahan
0 suka
Pelancong Europa Roadtrip
- Tampilkan perjalanan
- Tambahkan ke daftar bucketHapus dari daftar bucket
- Bagikan
- 4 Agu 2017
- ⛅ 26 °C
- Ketinggian: 522 mi
- Jerman Bavaria München, Landeshauptstadt Lehel 48.13826, 11.5845148°8’18” N 11°35’4” E
Hari 2
München
4 Agustus 2017, Jerman ⋅ ⛅ 26 °C
Hüt simr gah d' Stadt Münchä aaluegä. Nacherä Besichtigung vom Rathus-Turm us, simr när unger im Rathus-Chäuer gah Käsespätzle ässä.
Am spätä Nami simr los ufne witere Camping wo ca. uf hauber Strecki zwüsche Münchä u Prag ligt. Wägem Stou u dr Zit heimr üs ner umentschide u si schlussendlech z' Landshut ufeme Camping glandet. Hüt hets sogar ä Platz fre Alj gha u so heimr z' erstä Mau im Alj pfuuset.
Morn geits witr gen Prag.Baca selengkapnya
Lihat terjemahan
0 suka
Pelancong Europa Roadtrip
- Tampilkan perjalanan
- Tambahkan ke daftar bucketHapus dari daftar bucket
- Bagikan
- 6 Agu 2017 18.51
- ☁️ 20 °C
- Ketinggian: 288 mi
- Republik Ceko Hlavní město Praha Praha 11 Hrnčíře Čechy 50.01195, 14.5123750°0’43” N 14°30’45” E
Hari 4
Prag
6 Agustus 2017, Republik Ceko ⋅ ☁️ 20 °C
Wo mir nach paar Stung z Prag si acho, het d' Campingsuechi aagfange. Mir si ca. 1h über Stock u Stei greiset, hei z' Chinatown vo Prag bsüechlet u si de schlussändlech ufeme Camping aacho. Camping Prager heisster u d' Nachbarä si Papageiä u Kakadus. Am Aabä simr no chle ufem Camping gsi u ner gah pfuuse.
Hüt simr dr ganz Tag Prag gah erkundschaftä. Mir hei ungloublech schöni Geböide u interessanti Lüt gseh. Gässä heimr ä Härdöpfuchips-Spiess und e Trdelník (ds isch sones Teiggebäck wo chle usgseht wienes Vanillecornet). Sehr guet gsi! Gah aaluege simr d' Prager Burg u speter no dr riesig Spiuzügladä. Dert heimr z' wäutgröschtä Puzzle gseh mit 40'320 Teili!
D' Nacht isch sehr chaut gsi...
Morn geits witr ufnä längi Reis nach Warschou.Baca selengkapnya
Lihat terjemahan
0 suka
Pelancong Europa Roadtrip
- Tampilkan perjalanan
- Tambahkan ke daftar bucketHapus dari daftar bucket
- Bagikan
- 7 Agu 2017 23.42
- 🌙 13 °C
- Ketinggian: 87 mi
- Polandia Województwo Wielkopolskie Poznań Ławica Poznań-Ławica Airport 52.41301, 16.8283652°24’47” N 16°49’42” E
Hari 5
Poznań
7 Agustus 2017, Polandia ⋅ 🌙 13 °C
Hüt het dr Tag früeh gstartet. Mir si am 7i ufgstange u am 9i losgfahre vo Prag richtig Warschou.
Ungerwägs heimr gmerkt, dass mir nid so schnäu vorwärts chömä wiemer dänkt hei.. Mir hei üs verfahre, hei Landstrasse statt Schnäustrasse verwütscht, si ar Outobahnbousteu mehrmaus begägnet u schlussendlech isch d' Zit üsä Hänker worde.
Bi au denä Umwägä hei mir abr ganz schöni Plätzli entdeckt, womr mitem Navi nid hättä gseh. D' Umgäbig vo Tschechie u Polä isch sehr schön, mir hei immer widr gstuunet ab schönä Gärtä, blitzblankä Huusdecher (z' Polä), schönä Wäuder u Wisä u tollä Boutä.
Nach etlächä Stung heimr fang d' Heufti vor Strecki erreicht u hei z' Poznań ä Camping afah sueche. Leider isch niene, wo ä Camping hätt söuä si, einä gsi. Chliises Gedicht dadrzue: "Nach langem hin und här, ob Luxus oder Bär, hei mir üs entschide im Sichere gah z' lige." U so vrbringemer die 5. Nacht im Hotel u dr Alj ufem Hotelparkplatz.
Dr Dave het üs 3 no es Notfauznacht kochet, ir Militärgamelle u ufem Notchocher im Hotäuzimmr, Pasta Napoli.Baca selengkapnya
Lihat terjemahan
0 suka
Pelancong Europa Roadtrip
- Tampilkan perjalanan
- Tambahkan ke daftar bucketHapus dari daftar bucket
- Bagikan
- 8 Agu 2017 22.53
- ⛅ 19 °C
- Ketinggian: 109 mi
- Polandia Województwo Mazowieckie Warszawa Czyste 52.21302, 20.9638852°12’47” N 20°57’50” E
Hari 6
Warschau
8 Agustus 2017, Polandia ⋅ ⛅ 19 °C
Am 9i simr z Poznań richtig Warschou gstartet. Dr Wäg isch 1 längi Outobahn gsi u so simr mega guet vorwärts cho. Ungerwägs heimr no tanket, äs Gipfeli u äs Energy Drink zmörgelet u si du schlussändlech dank dr Offline-Map difig u praktisch ohni Problem ufem Camping z Warschou acho. Nachem Check-in simr grad los it Stadt.
D' Stadt isch sehr interessant, viu grösser u imposanter aus mirs üs hei vorgsteut. U d' Autstadt isch bezoubernd mit dä vilä farbigä u autä Boutä, dä huufä Chiuchä u dä charmantä Sitägässli.
Morn geits witer gen Vilnius.Baca selengkapnya
Lihat terjemahan
0 suka
Pelancong Europa Roadtrip
- Tampilkan perjalanan
- Tambahkan ke daftar bucketHapus dari daftar bucket
- Bagikan
- 9 Agu 2017 20.06
- ⛅ 22 °C
- Ketinggian: 117 mi
- Lithuania Vilnius Senamiestis University of Vilnius 54.67991, 25.2863654°40’48” N 25°17’11” E
Hari 7
Vilnius
9 Agustus 2017, Lithuania ⋅ ⛅ 22 °C
Am Morgä isches losgangä gen Vilnius. Mir si am 10i gstartet u ca. am 5i ufem Camping aacho. D' Fahrt isch ohni Problem gange, da dr Dave o dismau d' Offline-Map het abeglade. Schono gäbig!
Wo mir über dr Gränzä si gsi, heimr gstuunet: atemberoubendi Natur mit wunderschönä Wisä, Wäuder u Seeä. Zudäm heimr gmerkt, dass hüfig d' Hüser amnä See bouä si, so het praktisch jedä äs eigets Hüsli miteme eigetä See u viu eigetem Land!
Nachdäm mir dr Alj ufem Camping hei abgsteut simr ufe Bös u ab it Stadt. Mir si rächt erchlüpft, wie schlächt zwäg und unspektakulär die Stadt z' si schiint u umso überraschter simr gsi, wo mir d' Autstadt hei entdeckt. Sie isch bezoubernd, mit ihrnä härzigä Höf, Sitägassä, Kafis u Bars. U d' Lüt si sehr sympathisch. Nach chliinä Schwirigkeite mitem Self-Checkout imnä Ladä (völlig unbekannts System fr üs Schwizer) simr när ines tolls Restaurant, Lokys heissts (sehr empfählenswärt!) u hei Litauische Food gnossä. D' Dana het Biber psteut u mir hei aui drvo probiert. D' Källnerin het sogar dütsch gret, u no besser: sie het äs Ustuschjahr ir Lerbermatt gmacht.
Morn geits witr nach Riga.Baca selengkapnya
Lihat terjemahan
0 suka
Pelancong Europa Roadtrip
- Tampilkan perjalanan
- Tambahkan ke daftar bucketHapus dari daftar bucket
- Bagikan
- 10 Agu 2017 22.34
- 🌙 15 °C
- Ketinggian: 6 mi
- Latvia Rīga Andrejsala Ķīpsala 56.95556, 24.0776456°57’20” N 24°4’40” E
Hari 8
Riga
10 Agustus 2017, Latvia ⋅ 🌙 15 °C
Hüt simr vo Vilnius nach Riga gfahre. Aues isch tiptop gange u mir hei dr Camping schnäu gfunge.
Riga, dert muesch hiigah. D' Stadt isch grösser aus erwartet (die grösti Stadt vo dä 3 baltische Houptstädt) und ihres Flair mit dä autä Hüser, chliinä u schönä Restaurants u Pärkli mit Fluss isch einzigartig.
Was ufgfaue isch, isch dass ah viunä Eggä u i viunä Sitegassä Musig mit ungerschidlechschte Instrument gmacht wird. Sigs Klavier, Cello odr Xylophon, d' Lüt in Riga schiinä musikalisch z' si. Vorauem Ching heimr gseh spilä.
Morn geits witr uf Tallinn.

Ah, und bi Trouigä ir Chiuche chasch cho u gah widä wosch...Baca selengkapnya
Lihat terjemahan
0 suka
Pelancong Europa Roadtrip
- Tampilkan perjalanan
- Tambahkan ke daftar bucketHapus dari daftar bucket
- Bagikan
- 11 Agu 2017 23.15
- ⛅ 15 °C
- Ketinggian: 14 mi
- Estonia Harjumaa Alliku küla Lehmja 59.33698, 24.584559°20’13” N 24°35’4” E
Hari 9
Tallinn
11 Agustus 2017, Estonia ⋅ ⛅ 15 °C
Hüt simr uf Tallinn greist. Nachdäm mir ufem Camping acho si, simr mitem Alj ab it Stadt.
Ungerwägs fr it Stadt heimr Bekanntschaft gmacht mit 3 Alj-würdige Outos (Limusinä sis gsi). Die ganzi längi Strass heimr änang geng widr ungerhaute, bis sich üsi Wägä trennt hei. #AdiosAmigosDiLimos
Ir Stadt simr widerum d' Autstadt gah aaluege. Oh hie isch widr ä Charme ume gsi, mit au denä tollä Hüser, Chiuchenä, Restaurants u Lüt.
Nachdem mir chle si umegspaziert heimr es Restaurant gsuecht u si schlussendlech im "Hortus" glandet. Hie isstmä im mittuauterlichä Elfäland u nachdem mir vomne fründleche Elf bedient si wordä, heimr die userläseni Choscht gspisä. Sehr empfählenswärt das Beizli!Baca selengkapnya
Lihat terjemahan
Pelancong Hallo zäme, hei öii brichte si ja mega intressant. Fröie mi scho druf dr nächscht bricht z'läse! Wünsche öich witer vieu spannendi u cooli erläbnis, gueti begägnige u immer gueti fahrt mit ali🚐😉! Liebi grüessli trix
12/08/17Balas
Pelancong merci gottä! mir mäudä üs 😊
13/08/17Balas
0 suka
Pelancong Europa Roadtrip
- Tampilkan perjalanan
- Tambahkan ke daftar bucketHapus dari daftar bucket
- Bagikan
- 12 Agu 2017 20.03
- 🌧 18 °C
- Ketinggian: 45 mi
- Finlandia Uusimaa Järvenpää Vanhakylä 60.45524, 25.0588260°27’19” N 25°3’32” E
Hari 10
Fähre Tallinn - Helsinki, Järvenpää
12 Agustus 2017, Finlandia ⋅ 🌧 18 °C
Nachdäm mir usgschlafe hei, simr ab a Hafä vo Tallinn. Vo dert uus heimr d' Fährä nach Helsinki gno.
Z' Helsinki aacho, simr dr Camping gah sueche u hei üs iigrichtet. Nachdäm mir üses Vorzäut gspannet hei, Tisch ufboue u d' Steffi het aafah Wöschä, hets liecht afah blitzä überem See. Ufzmau hets pressiert! Ds Gwitter isch nöcher u nöcher cho, dr Sturm isch cho z' blasä u d' Rägätropfä si uf üs abäprasslet. Im auerletschtä Momänt heimr no d' Zäutstange chönnä a Bodä legä u d' Türenä vom Alj zuetue. Mir hei üs vorem Alj chlii zämägrüppelet u z' Vorzäut ganz nöch abegspannet. Da ds frd Steffi doch grad z' viu Action unger praktisch freiem Himmu isch gsi, heimrs du schlussendlech irgendwie doch no gschafft i Alj inäzcho u hei de z' Gwitter im Trochenä usgharret.
Morn göhmr dr ganz Tag gah Helsinki aaluege.Baca selengkapnya
Lihat terjemahan
0 suka
Pelancong Europa Roadtrip
- Tampilkan perjalanan
- Tambahkan ke daftar bucketHapus dari daftar bucket
- Bagikan
- 13 Agu 2017 20.37
- ☀️ 16 °C
- Ketinggian: 3 mi
- Finlandia Uusimaa Helsinki Kluuvi Havis Amanda 60.16785, 24.9529660°10’4” N 24°57’11” E
Hari 11
Helsinki
13 Agustus 2017, Finlandia ⋅ ☀️ 16 °C
Nach däm stürmischä Wätter die Nacht, heimr am Morgä müesse afah ufruumä.
Nachdäm ds erledigt isch gsi, hetsech o d' Sunnä mau widr zeigt u so simr mitem Alj uf Helsinki inä.
Ir Stadt simr ines Parking u wüumr ja no geng nassi Wösch hei gha, vom Wöschä, heimr die prompt im Parkhuus übere Alj ghänkt (speter heimr gmerkt, dass ds nüt bringt...).
Mir si i Monki (Chleiderladä), ines Mumins-Kafi (d' Mumins si vorauem ar Dana iri Chinderheldä) u si gah d' Luther-Kathedralä aaluege. Die isch sehr imposant gsi, het i ihrem Wiss miter Sunnä um d' Wett gschunä u het üs mit ihrne türkisblau-goldige Kuppä lah stuunä. I ihrem Innerä hets ä riiiiiiesegi Orgelä gha, wo mir aui gärn hättä ghört.
Speter simr no witr dür d' Stadt gloffä u si no zure witere Chiuche.
Dr Aabä heimr ufm Camping vrbracht, hei für üsi Wösch, wo ir Iisteuhaue äbä nid trochä isch wordä, ä Wöschhänki bbouä, drzue Tortellini kochet u ner gmüetlech ah dä letschtä warmä Sunnästrahlä ggässä.
Morn geits witr i Nordä vo Finnland, geng nöcher as Nordkap.Baca selengkapnya
Lihat terjemahan
Pelancong Hello dir roadtriper, wo stecket dir afe so! Irgendwo im finnische moor inmitte vo hordewiis stächmugge? Wünsfhe gueti fahrt gäge ds nordkap, häbet sorg liebs grüessli
16/08/17Balas
Pelancong ja zimlech so gsehts us😂 merci!
17/08/17Balas
1 suka

Muat lebih banyak