Reset search
Rilana WengerRilana Wenger
SatelliteEdit route
traveled in 35 countries Read more
  • Rilana WengerGuatemala
    1
    Day 24

    You better BELIZE it!

    March 1 in Belize ⋅ 🌬 26 °C

    So jtz hei mir no chli Ferie vo dä Ferie gmacht 🥰 Ab ufds Inseli uf Caye Caulker... Imne blaugäube Bungalow hei mir üs i quartiert u si de gli ga touche - wüu für genau das si mir dahäre cho 🥰 Dävu het de no müesse dr Bart abrasoere ds Toucherbrüue sitzt 😅🙈
    Näbst em Touche, hets üs hie oh gfaue es isch öppis los es het paar Bars gueti Resti u paar Shops 😊 Am morge si mir jtz aube früeh uf si ga touche u nähr hei mir no chli chillet - lobster vom grill cevive u cubalibre zum sunset! ds isch es Läbä 😅
    Leider geit oh das irgendwenn dpre u mir stöh vor dr Abreis 😵‍💫😭
    Aber wi seitmä so schön nach dr Reis isch vor dr Reis - u ds wüsse mir genau es isch nid zletschd mau gsi u mir gö sicher scho gligli ume! Drum bis gli uf üsem Reiseblog ;) schön ds dir geng drbi sit we mir chli ume reisele 😘    Read more

  • Rilana WengerGuatemala
    Day 19

    Flores Tikal - Adios Guatemala

    February 25 in Guatemala ⋅ ☀️ 31 °C

    Nach öppe 3. 5stung Fahrt si mir de acho zFlores. Ds isch ä Stadt wo dr Stadtchärn ufere Insle het.. Uf dr Isla de Flores 🌸
    Mir hei es Airbnb uf dr Insle.. Hie ischs dütlech Touristischer aus dr Räst vo Guatemala. Es isch haut nach vo Mexiko u het die Mayaruinene - Tikal. Aber üs hets oh hie uf ahiib gfaue 😍
    Wo mir si acho hei mir nüm viu gmacht ufne Rooftopbar ga dr Sunneungergang gniesse u öppis znachtässe 😊 Am nächste Morge hei mir ä pc gsuecht u dFöteli mau ufne stick kopiert chli gschoppet u si de nähr äbä oh richtig Tikal gfahre. Dert acho hei üs afä gad mau d Nasebäre begrüesst 🥰 so schön 🥰 di ersti Nacht hei mir im Tikal inn buechet di hei no ä pool u ä schöne Garte u dert hei mir chli chillet bevor mir de früeh iz Näst si wüu mir am 4i hei müesse Parat si für dsunrisetour!
    Am 4i am Morge si mir auso los gstapft zu eim vo dene höche Tämple si dert ufe gchraxlet (by the way - es si nume Stägä gsi) u hei am Jungu bim erwache zueglost...
    ✨🎶La Musica del selva 🎶✨
    oh hie ischs sehr magisch gsi mit dene tämple wo us dä Böim use rage däm näbeli überem waud u au di Stimme vo dä Tier 🥰 es töne nid aui glich schön... Zb dr Brüllaffe tönt wi dmutation vo Kingkong höchstpersönlech... u drbi isch so es chliises härzigs vichli 😅
    Mir si de no chli di Ruinene ga aluege hei mega viu Papgeie u Affe u angeri vögu gseh - u de si mir zrügg u hei Hotel gwächslet... Mir si chli spät dran gsi mit bueche drum hei mir für di zwöiti Nacht rächt ä tüüri ungerkunft müesse näh... Eig hei mir ds nid so kuhl gfunde hei aber nähr gseit eh zur Feier vo üsere verlobig chöi mir üs ds ja leiste - heinis aber nähr nid witr drum ta. Mir si de umso begeistereter gsi wo mir si acho u iz Bungalow hei chönne 😅😍 siehe video!

    Leider hei mir üs jtz adene letschde Täg no öppis igfange 🙄 auso mir geits scho ume veiechli - aber Dävu isch uschlüssig ober lieber im Bett ligt oder vorem WC chnöilet... 🙈🤮 Aber lieber hüt aus Morn... Morn geits nämlech mitemne shuttle bus witr uf Belize... Öppe 8h 😬
    I gniesse jtz dä letschd Abe mitemne Gallo u am Blick über disla Flores 😍🥰

    Ja u jtz müesse mir üs leider scho verabschide vo däm wunder- wunderschöne Guatemala! Üs hets dr Ermu ine gno! Di Vulkän ds stoubig trochene bis härä zu tief grüenem Urwaud... Es het üs wüürklech überau gfaue es isch ke einzige Ort drby wo mir sägä ,,naja,, ... DLüt so unverbruucht fründlech, authentisch u gwundrig! Ohni spanisch wärs schwirig worde 😅 Es isch eifach meega meega mega schön gsi u het soooo fest gfägt!

    ✨~ Guatemala - "adiós" es solo una palabra, porque en mi corazón siempre estarás. Muchas gracias por todo! Nos veremos otra vez ~✨    Read more

    See translation
  • Rilana WengerGuatemala
    Day 16

    ✨Rio Dulce ✨

    February 22 in Guatemala ⋅ ⛅ 19 °C

    Hola Guapos =)
    Mir si sooooo amne schöne Fläckli Ärde glandet... 🥰 Am äuä berüemtischte Fluss vom Land hei mir es Bungalow... Dr Rio Dulce fliesst id Karibik. Mir hei üs entschide paar Tag hie zblibe u vo hie us Livingston ga zluege (ds isch di einzegi Garifuna Gmeinschaft vo Guatemala), ä jungelwalk zmache, ä Strandtag i lege u eifach dämagisch Ort chli zgniesse... Oh hie chli zbädele u zhängemättele u kanu zfahre 👙🩲
    Vorwärts chunntmä nume mitere Lancha... 🛶Es het unändlech viu Vögu - Pelikane Geier u gabz viu wo mir nid wüsse wi si heisse... Eine het ganz ä länge haus mit somne S dein 🤷 u woni ganz dumm gfagt ha: Du Dävu werum hei äch die so ä komisch gformte Haus? " seit er so" eh ds isch dänk es Siffon ds si nid zum schnabu us stinke" - 😅😂 aha ja klar! Drum si ds jtz dSiffon vögu 🤷
    Ufaufäu würde mir gärn no paar Tag blibe hie aber mir gö jtz witr dziit glich chli im Äcke haut 🙄 aber dr nächst Stopp wird oh wunderbar da bini sicher 🥰✨    Read more

    See translation
  • Rilana WengerGuatemala
    11
    Day 11

    Biotopo del Quetzal

    February 17 in Guatemala ⋅ ☀️ 33 °C

    So da si mir jtz mits im Dschungu imne Glas zimmer - siehe Video... Es wird chli ä churze Itrag wüus oh nume ä stopp over isch gsi 😊 acho tour del nocturno schlafe tour des aves zmörglee u witr 😊 es isch chaut gsi i däm Biotop 😳 aber schiins heig dr Quetzal drum nid gärn warm...
    Dr Quetzal hei mir leider nid gseh aber viu angeri interessanti Tierleni 😳 so jtz gö mir i a Rio Dulce no chli meh i Urwaud 🥰🌳🌴    Read more

    See translation
  • Rilana WengerGuatemala
    Day 9

    Landquin - Semuc Champey 😍

    February 15 in Guatemala ⋅ ⛅ 22 °C

    Uhuuu zämä 🥰 sooo i gloub es weiss scho fasch jede was uf däm Bärg no isch passiert - i ha ä Atrag übercho 😍😍😍💍💍 u natürlech hani JA gseit - ufnes Läbä vou Abetür Site a Site!
    Mir hei dä Tag gnosse si fein ga ässe u de nähr oh witr... Dä schön Lago verlah u richtig Näbuwaud, über Nebaj bis Landquin... Ufem Wäg dert härä hei mir no es aut bekannts Problem gha - siehe Bilder- Jtz si mir im Urwaud acho 🌳🌴🌳
    Mir hei üs füre erst Tag ä Tour buechet wo mir nume mitere Cherze bewaffnet dürne Höli si mitem Wasser bis zum Haus... U nähr tubet ufem River Champey vo dert übere Mirador (widrmau NUME Stägä 🙄) zu dene wunderschöne pools 😍 mir si de vo pool zu pool gume schwümme touche rutschbähndele - mits im Rägäwaud 😍😍 am nächste Tag hei mir es Tuktuk gno nomau i Nationalpark - am Morge wüu denn hets no nid so viu Lüt... Mir hei blödelet im Wasser u mit dr Ungerwassrrkamera Föteli gmacht u hei du de dr Tag ir Hängematte mot paar Mojitos la usklinge 🥂
    Jtz si mir ufem Wäg iz Biotopo del Quetzales... Dr Quetzal isch dr Nationalvogu vo Guatemala u für dmänä gseht bruchts öppe soviu Glück wi im Lotto zgwinne - sägä di Iheimisch 😊 jtz hoffe mir ufne 6er im Lotto u löse de uf im nächste Bitrag 🦜    Read more

    See translation
  • Rilana WengerGuatemala
    Day 6

    Lago di Atitlan

    February 12 in Guatemala ⋅ ☀️ 20 °C

    Woooow so schön isch dä See uf 1500müm - ibettet zwüsche de viune Vulkän u umgäh vo verschidnige Dörfli...mir beobachte Gschäftigs Tribe idä doch änge Strasse wo mir mit üsem Mietouto i eim vo dene Dörfli si acho 🥰 San Pedro isch bekannt für sini Backpacker szene. Mir hei erwartet dses de ender chli überloffe wird si - aber eig ischs bis jtz niene zGuatemala überloffe gsi... DTraditione wärde hie gläbt es isch ursprünglech u het sehr viu Charm.
    Guet mir si eifach chli ga ume spaziere u de gli i sundowner 🥰 es isch wük mega chillig hie mit chli live musig schöner ussicht u mit viu liebi zum Detail dekoriert u igrichtet 😍
    Am erste Tag si mir de mitere lancha (bootli) zum Houptort gfahre chli ga schnöigge u hei no ä tuktuk fahrt gmacht 🥰 vo dene hets drum de hie oh ungloublech viu 😅 Am nächste Tag si mir uf Chichicastenango a grösst Märit vo Latinamerika - ungloublech di vile Farbe Grüch u Grüüsch 😍🥰 es isch genau so wimä sich das vorsteut dFroue i ihrne schöne Trachte u dManne mit Boots u Cowboyhuet 🤠
    U jtz hüt si mir am Morge frpeh uf u si ufd Indiannose gloffe (es het widrmau ungloublech viu Stägätritte gha 🙄 u natürlech nid aui glich höch👌) Aber mir sägä euch dä Sunneufgang het für aues entschädiget - soooosoooosooo wunderschön 😍 u nähr isch no öppis angers passiert aber vo däm verzeu mir euch de im nächste Bitrag 😉 viu vergnüege bim Biudli luege 😘    Read more

    See translation
  • Rilana WengerGuatemala
    2
    1
    Day 1

    Hola Guatemala - Antigua

    February 7 in Guatemala ⋅ 🌙 11 °C

    Hola Guatemala
    So jtz si mir nach dere doch ender länge areis z Antigua acho - afä mau so richtig grederet jtz Bett gheit. Drfür hei mir jtz ke Jetlag. Am nächste Tag uf es Kaffi am pool u nähr afä ga zmörgele 😊 überau heisi so schöni Innehöf - oh i üsem Hotel, vom pool gseht mä eine vo dene Vulkän...
    Es gfaut nis sehr hie - überau tönts buenos dias - bienvenidos!
    Dr Abe löh mir ire Bar mit Lagerfür la usklinge... Ds Abetür cha los ga 😍    Read more

    See translation
  • Rilana WengerMitem Glücksmobil dr Balkan ab
    2
    Day 89

    Last but not least - PELEPONNES

    July 28, 2023, Ionian Sea ⋅ ☀️ 31 °C

    Last but not least... PELEPONNES!

    Hallihallo auersiits 😍
    Auso üses chline Paradis vom letschde mau hei mir de nach 5!!! Täg oh verlah u si a Athen verby richtig Peleponnes gfahre... Irgendo zwüsche Athen u Korinth hei mir übernachtet u am nächste morge früeh ga dä Kanal aluege! Ja auso ds isch äuä veiechli ä chönnicheib gsi - dä wo das verwürklechet het! U Mir müesse säge es isch würklech idrücklech!!

    Vo Korinth si mir uf Nema ga Wii probiere 🍷eigendlech wär dr Plan gsi ds mir de uf däm Wyguet übernachte aber auso es isch üs eifach zwarm gsi u mir hei ume ad Küste wöue wos schön lüftlet 😊 Temperature si sowieso zur useforderig worde... Am morge si mir geng früeh uf hei öppis gmacht u am Nami wi totiflöige ume gläge u eifach am Wasser nah... Gachlafe hei mir scho lang nüm dinne u geng ide Hängematte (was dr Blick ufe Stärnehimmu vereifacht;))

    Dür ds dses düre Tag über 40C isch worde hei mir haut oh dUsduur zum ä kuuhle Platz finde nüm so gha... Isch eifach zwarm im Outo u dr Platz MUESS am schatte si.... Drum hei mir ds heissischte Weekend ufemne Camping uf dr Mani verbracht... Si dert no anes lokals Food & drinkfestival u hei de no zwöi Zuger lehre kenne (liebe Gruess a Nina u Nico a dere Stell ;))

    Vo Gythio us hei mir de nomau zwöi nächt probiert z,, wiudele,, aber es isch geng no zwarm gsi drum si mir zfunikunda no ufne camping mit chauter duuschi u diräktem Meeraschluss... Oh hie hei mir üs wunderbar chönne vertörle u hei eig Tagelang chli gschnorchlet 🤿

    Vo Funikunda us (i finde dä Name zvil 😅😂) si mir de no a üse letschd stopp... Chli ufgregt u mit vorfreud u glich probiert nid zviu Erwartige zha si mir de dert i dä Piniewaud am Meer gfahre 😍 u es het au üsi Erwartige übertroffe hie ischs eifach herrlech... Mir hei üses camp ufgsteut u hei gwiudelet bis zum abwinke... Au Tag mit dä Velo ga wasser hole zur Quelle i minimarkt bim Dörfli ga es Espressofreddo ha u viu bädelet gsünnelet gspiut u d sunneunger gäng pflegt 😍 Di beste Lammcottlettli vo ever hei mir gässe u si hie blibe hange bis mir de ufd Fähre hei müsse zPatras...

    Jtz ischs düre ds Abetüür... 3Mönet hei mir soo viu gseh u soo viu erläbt mir si unändlech dankbar für di Ziit u drfür ds aues soo guet isch gloffe mir si eifach happy 🥰🥰

    U zum Schluss laht sich la sägä... Mir hei uf üsere Reis zwar ke Pinguin gfunde aber a däm Strand mit Piniewaud hei mir üs doch müesse entscheide ob mir wei dr Sunne zueluege wisi geit ga schlafe oder ob mir am Schiudchrot wei zueluege winer Eier leit... U Mir finde ä Schiudchrot chunnt ganz nach ane Pinguin härä 😉🐢🐧Wär ja oh komisch a dere Steu vor Wäut ä Pinguin zgseh - aber ä Schiudchrot ds chas gä aber ds brucht chli Glück u mir si haut Glückspiuze i üsem Glücksmobiu! 🥰 Cheers!!    Read more

    See translation
  • Rilana WengerMitem Glücksmobil dr Balkan ab
    22
    Day 70

    Kalimera Ελλάδα 🇬🇷

    July 9, 2023 in Greece ⋅ ☀️ 30 °C

    Uhuuuu auersiits 😉😅
    Mir hei vo Albanie ä Fahritag igleit richtig Thessaloniki... Mir si dert am Meer ufeme Parkplatz gstande drei Nächt... Es het ä Strandduschi gha - für üs optimau, mir hei ä Seifä wo umwäutfründlech isch u chöi auso ohni Problem dert dusche 😉 Da dr Chüeuschrank usgstige isch isch ds hie gad super zum la flicke!

    Obwou mir ja ds Flüchtlingthema oh scho verfougt hei, isch üs nid bewusst gsi uf was mir ds Thessaloniki träffe u si de oh chli erchlüpft... Es het viu - würklech viu Flüchtlinge... Zum teu eifach mit ihrem wenige hab u guet ufem Dach vomne rostige Outo, meistens begleitet vo 2-3 chliichind... Irgendwie het üs ds chli beeländet ☹️ si hei nod mau um Gäud gfragt sondern eifach um dRäste ufem Täuer u ds isch üs sehr igfahre... Drum si mir irgendwie oh froh gsi wo de dr chüeuschrank vom Glücksmobiu isch gflickt gsi u mir hei chönne wiitr fahre... - es ischnis bewusst ds ds Eländ mitem wäg fahre nid beändet isch...

    Mir si richtig Meteora gfahre - die schwebenden Klöster ga luege 🥰 Mir si ufe Camping hei gwöschet putzt u Fuchur ume mau a Strom ghänkt - ds hetr drum zwüschine gärn 😅😉 u de hei mir mit ebikes ds wunderschöne Fläckli Ärde erkundet 😍 di Klöster uf dene Feuse si sehr idrücklech!

    Jtz hei mir nachem Chüeuschrank znächste Problem... Ds Gas isch usgange 🥴 Aber lut Campinglade, Reisefüehrer u Internet sött ds ja jtz eifach zlöse si... NOPE isches nid! - Aber üses Moto: us jedem Problem chame ä Lösig mache 😅 u mir hei dProblem gärn vorem Mittag glöst!
    Sit 2022 dörfe aber dGrieche dGasfläsche nüm füue... U irgendwie äuä oh ke nöi verchoufe... Di nötige Adapter hätte mir ja i zwöifacher usfüehrig! Mir si auso vo Pontius z Pilatus gschickt worde:,, mir chöi nid häufe aber dr nächst cha sicher! "... Ufaufäu hei mir ke Gas übercho weder vorem Mittag no nachem Mittag... Da hesch ä widr funktionierende Chüeuschrank aber ke Gas 🤷‍♀️ isch nid so schlimm wüu mir gö jtz eh ga islandhoppe u löh Fuchur ufem Festland... U de hätte mir ds Gas ja sowieso abgsteut...

    Auso ab ufd Insle!
    Vo Volos ab uf Skopelo 🙈 ds Griechischetröimli mit wiisehüser blaue Türe u no bleuerem Meer 😍 Am erste Tag si mir widr mit ebikes ume gradlet - dür dhöger u ume abe az Meer 😍😍 am zwöite Tag de nähr ä Quat 🤩🤩 ja ds het ja de oh riichtig gfägt!!! Chli offroad u dräck!
    U gshoppet hei mir ja ungloublech viu - ömu Dävu er het so gseit: i bi no nie irgendwo gsi wosi sooo viu schöni Chleider hei 😅

    U de wiitr uf Skiathos - hie hei mir imne 5Stärne Hotel residiert ä Buggie gmietet u si jede Strand ga luege wo di Insle het 😍 u gloub au Abe grillets mit Salat 😍 u no ei zwöi Drinks mit Alex ar Hotelbar 💪 Es isch wunderbar gsi - Ferie vo dä Ferie!

    Mit chli amne schlächte Gwüsse wüu mir üse Fuchur solang allei hei glah si mir de nachere Wuche zrugg az Festland... Dr Glücksdrache hetsnis aber nid übu gno u isch uf ahib agsprunge.... Üse Plan isch jtz ufe Peleponnes u ungerwägs irgendwie a Gas ds cho... Uf Google maps hani de am Meer ä Platz gfunde wo mir als zwüsche stopp hei wöue näh... Ja jtz si mir vorgester hie acho u es isch eifach es Pradis... dr Peleponnese cha warte mir bliibe no chli hie!

    Ds Dörfli isch i Velo entfärnig u dert heisi de oh ändlech ghufe mitem Gas u de nähr di Gasfläsche u dVelo glade unis ume zu Fuchur gsteut!!

    Mir hei es Camp i grichtet diräkt am Meer - perfekti sunsets inklusive!

    Ds nächste Date hei mir nächst Donnsti ds Nema ufemne Wiiguet - öb ds üs guet het düecht verzeue mir im nächsze Bitrag 😉    Read more

    See translation
  • Rilana WengerMitem Glücksmobil dr Balkan ab
    Day 61

    Albanie zum 3te 😍

    June 30, 2023 in Greece ⋅ ⛅ 21 °C

    Uiuiuii 🙈🙈 jtz gits veiechli viu zverzeue u ufzhole 🤪

    Auso Mir si zLin ufemne härzige Camping gsi si ga velöle u ga wandere... Di Wanderig isch wi geng eifach asträngender gsi ais erwartet u für mi Gschmack hets eifach zviu Schlange... U de nähr dür höchs Gras loufe finde mir beidi semi prikelnd 😳 u we mä de nähr no so ä Hornnattere gseht u ä ca 2m Schlange zwüsche üs düre schlänglet de vergeits eim eigendlech gad ganz mit dere Wandererei.... Mir si zum Glück bisslos zu Fuchur cho 😅

    Am nächste Tag si mir de vo Lin uf Ohrid gfahre 🤩 Ds isch so ä richtig kuuhli Stadt mit viune Bars u Beizli u guet zum shoppe 👍 u de aues am See nah ume uf Albanie uf Korca...
    Mir si ga znacht ässe u am Tag druf hei mir chli ds Tribe dert uf üs la würke... Scho zKaffi choufe isch eifach angers aus daheim 🥰

    Vo Korca hei mir dPanoramastrass gfahre vom Oste rochtig zäntrum uf Permet... Wüu aber ds Wätter jtz nüm. So mitgspiut het u mir in Permet nid hei chönne ga es Canyoning mache hei mir beschlosse nä düre zzieh u gad uf Vlora az Meer zfahre....

    Die Albanischiküste - Karibik vo Europa - eig aui wo mir hei lehre kenne hei gad kes guets Haar glah a dere Küste - verboue, zuepflasteret, unsympatischi Lüt heisi gseit... Drum si mir jtz sehr gspannt gsi was üs da erwartet... Vlora het ds irgendwie chli bestätiget nid das mit dä Lüt aber es isch eifach nid so üses die Stadt u tuusig ligistüu... Aber zWasser isch glasklar sooo schöön u es loift ume mau chli öppos ds isch oh schön - Aber mir hei gswit mir fahre jtz eifach dere Küste nah abe u wes nis längt gö mir de uf Griecheland... Nach Vlora richtig Süde si mir kn Livadh Beach glandet ufme Camping ir nöchst grössere Stadt hei mir Rollere gmietet u hei mit dene die Riviera erkundet u mir müesse sägä es isch wük sehr sehr schön...!!! Au das wo isch gseit worde stimmt i üsne Ouge nid... Mä muess sich di schöne Egge chli ga sueche aber si si da u dLüt si sehr sehr fründlech u zuvorkommend! U ja es isch die europäischi Karibik Mir si ömu 4Nächt blibe!

    Di letschdi Stagion wär Kasmil gsi aber dert si mir ke Stung blibe... Ds isch äuä das wome unger Massetourismus versteit 😳
    Mir hei dFlucht ergriffe u si iz Landesinnere zum Blue eye - dert es schöns Plätzli gfunde amne Bach ungeremne Boum 😍😍😍 u oh zblue eye isch schön gsi... Chli weniher idrücklech aus erwartet aber auso schön!!

    Albanie du wunderschöns ruuchs wiuds chaotischs romantischs Land - Merci für dini Gastfründschaft merci für au di Abetür wo mir hei dörfe erläbä! Mir si verliebt i ds Land i di Lüt - es het gfägt!!! 🇦🇱

    Jtz chunnt ds nächste Kapitu - Kali mera Griechenland!!! 🇬🇷    Read more

    See translation

Join us:

FindPenguins for iOSFindPenguins for Android

  • 2024© FindPenguins
  • Home
  • About us
  • Blog
  • Group Tracking
  • Press
  • Terms
  • Privacy Policy & Cookies
  • Support
  • Legal notice
  • English